የቴሌኮም ዘርፉ ነጻ ይውጣ! *** Black Lion *** የኢትዮጵያ መንግሥት ኢኮኖሚያዊ ዓላማ ያለው በሚመስል ሰበብ የቴሌኮም ዘርፉን ለነጻ ገበያ ውድድር ክፍት አላደረገውም። በመንግሥት ይዞታ ሥር ያለው ብቸኛው የቴሌኮም አገልግሎት አቅራቢ ድርጅት – ኢትዮ ቴሌኮም – አገሪቱን በተቋቋመለት የሕግ አግባብ መሠረት “…ዓለም ዐቀፍ ደረጃውን የጠበቀ የኢንፎርሜሽን ቴክኖሎጂ አገልግሎትን መስጠትና ማዳረስ” አልተቻለውም። በዚህ ምክንያት አገራችን ከ95 በመቶ በላይ ለሚሆኑት ዜጎቿ ኢንተርኔትን ማዳረስ አልቻለችም። በተንቀሳቃሽ ስልክ ተዳራሽነት፣ በቴሌቪዥን ስርጭት እና ሌሎችም አገልግሎቶች ከጎረቤት አገሮች አንጻር እንኳን ዕኩል መጓዝ አልቻለችም። ይህ ለምን ሆነ ብሎ መጠየቅ ያስፈልጋል። ከዚሁ እጅግ ውስን ከሆነችው የኢንተርኔት ተዳራሽነት ላይም አፈናው ከፍ ያለ ሆኗል። የኢትዮጵያ መንግሥት የተቺዎቹን የዜና ድረገጽ በማገድ በአፍሪካ ፈር ቀዳጁ ነው። ኢትዮጵያ ይህንን ማድረግ የሚያስችላት ቁሳቁስ በውድ ዋጋ መሸመቷም እንደ ‹ፍሪደም ሐውስ› ባሉ ድርጅቶች ተጋልጧል። በተለያዩ ጋዜጠኞች እና ፖለቲከኞች ላይ የሚመሠረቱ ክሶች የተንቀሳቃሽ ስልክ ንግግራቸው ለዓመታት እንደተጠለፈ የሚያስረዳ ነው። ይህ የሚያሳየው፣ የኢትዮጵያ መንግሥት የቴሌኮም መረቡን ተጠቅሞ ዜጎቹን ለመሰለል ወይም ከመረጃ ለመገደብ ያለውን ቁርጠኝነት ያክል፣ ዜጎቹ የቴክኖሎጂው ትሩፋት ተቋዳሽ እንዲሆኑ ፈቃደኝነቱ እንደሌለው ነው። የቴሌኮም ተዳራሽነት የዓለምን፣ በተለይ ደግሞ የድሃ አፍሪካውያንን ሕይወት በተለያየ መንገድ እየቀየረ ነው። በግብርና፣ በጤና፣ በትምህርት እና በመዝናኛ መስኮች ሁሉ የቴሌኮም ተወዳዳሪነትን በፈቀዱ አገራት በተለይም በኬንያ፣ በናይጄሪያ፣ ደቡብ አፍሪካ እንዲሁም ጋና በመሳሰሉት አገራት እየተመዘገበ ያለው እመርታ ኢትዮጵያ ውስጥ ሊታይ ያልቻለው ዘርፉ የመወዳደር ብቃታቸው አነስተኛ በሆኑ ሰዎች