መስጂዶችን በሃይል በማፍረስ የሚመጣ ዘላቂ ሰላም የለም! . ☞ ኡስታዝ አቡበከር አሕመድ . በቡራዩ ከተማ በልዩ ስሙ አሸዋ ሜዳ ፍሪዶሮ “ፀበል ማዶ” ተብሎ በሚታወቀው አካባቢ ሙስሊሙ ሲገለገልበት የነበረው መስጂድ በታጠቁ የመንግስት ሃይሎች እንዲፈርስ መደረጉ ብሎም በንፁሃን የአካባቢው ሙስሊሞች ላይ የተወሰደው ኢ ሰብአዊ የሃይል እርምጃ ሃገራችን በአዲስ የለውጥ ጎዳና ላይ ገብታለች የሚለውን እሳቤ ጥላሸት የሚቀባና ሙስሊሙ ማህበረሰብ ይዞት የነበረውን የለውጥ ተስፋ የሚያጨልም ተግባር ነው፡፡ ዜጎች የፈለጉትን እምነት የመከተል፣እምነታቸውን የሚያራምዱበት ቤተ አምልኮ የመገንባት መብት ህገ መንግስቱ ቢደነግግም ሙስሊሙ ማህበረሰብ በአብዛኛው የሚገነባቸው መስጂዶች የጊዜ፣የአካል እና የህይወት መስዋትነቶችን እየተከፈለባቸው ነው፡፡ ሃገራችን በሰላም፣በእርቅ ፣በይቅርታ እና በመደማመጥ ላይ የተመሰረተ አንድነት ተፈጥሮ የሁሉም ማህበረሰብ ችግሮችን በመነጋገር እና በሰላማዊ መልኩ ለመፍታት ጥረት ይደረጋል በተባለበት በዚህ ወቅት ሙስሊሙ ማህበረሰብ የሃገሪቱ ግማሽ አካል ቢሆንም እስካሁን የሙስሊሙ ማህበረሰብን ቅሬታዎች ለመፍታት የሚደረግ ጥረት ካለመታየቱ በተጨማሪ በአሸዋ ሜዳ የተከሰተው የመስጂድ ማፍረስ እና ሙስሊሙ ላይ ጥቃት የመፈፀሙ ተግባር መንግስት ለዘላቂ ሰላም እና ሃገራዊ መግባባት ሙስሊሙን ያማከለ ስራ እየሰራ አለመሆኑን አመላካች ነው፡፡ በቀደሙት አመታት በረመዳን ወራት በሙስሊሙ ማህበረሰብ ላይ የተፈፀሙት ግፎች ቁስል ሳይደርቁ ዘንድሮም የዚህን መሰሉ ተግባር በመንግስት ሃይላት መፈፀም መቀጠሉ በፅኑ የምናወግዘው ነው፡፡ እንደ ሙስሊም ዜጋ በሰላማዊ መንገድ ለመንግስት ያቀረብናቸው የመብት ጥያቄዎች በአዲሱ አመራር ምላሽ ይሰጥባቸዋል እንዲሁም ከሃይማኖት ነፃነት ጋር በተያያዘም እምነት ላይ ያነጣጠሩ ጥቃቶች እና ኢ ህገመንግስታዊ እርምጃዎች ይቆማሉ የሚል ፅኑ እምነት ሙስሊሙ

‹‹ለታላቁ የረመዳን ወር እንኳን አላህ አደረሰን!!›› ‹‹ጾሙ መላው ሙስሊም ማህበረሰብ በሁሉም የህይወት ዘርፍ በረከት እና ትሩፋት የሚያገኝበት እንዲሆን አላህን እንማጸናለን!›› አርብ ግንቦት 10/2010 አዲስ አበባ/ኢትዮጵያ በመጀመሪያ አላህ (ሱወ) ለተከበረው ታላቅ ወር ረመዳን ስላደረሰን ምስጋናችንን እናቀርባለን፡፡ ረመዳን የሰማያት በር የሚከፈቱበት፣ የጀሐነም በር የሚዘጋበት እና ኢብሊስም የሚታሰርበት የተባረከ ወር ነው፡፡ ረመዳን መላውን የሰው ዘር ከጭለማ ወደብርሃን ለማስገባት ለተላኩት ታላቁ ነቢይ ሙሐመድ (ሰዐወ) መመሪያ የሆነው ቁርአን የወረደበት፣ ኡማውም ለሰዎች ከተገለጹ ህዝቦች መካከል የበላይነትን የተጎናጸፈበት ክብር መገለጫነቱ የሚጎላበት ታላቅ ወር ነው፡፡ ታላላቅ ድሎች የተገኙበት እና በሙስሊሙ ልብ ውስጥ ትልቅ ቦታ የሚሰጠው በጉጉት የሚጠበቅ ወርም ነው፡፡ ያለፉት ረመዳኖች ኢትዮጵያውያን ሙስሊሞች ለዲናቸው ያላቸውን ቀናኢነት ያሳዩባቸው፣ እንዲሁም ለዲን መስዋእትነት የመክፈልን ክብር ያገኙባቸው እንደነበሩ የቅርብ ጊዜ ትዝታችን ነው፡፡ ለዲናችን ክብር ብለን የምንከፍላቸው መስዋእትነቶች ሁሉ በዱንያም ሆነ በአኼራ የሚያስከብሩን እንደመሆናቸው መጠን ሕዝባችን በከፈለው መስዋእትነት ታላቅ ክብር ይሰማናል፡፡ ይህ መስዋእትነት አላህ ዘንድ ተቀባይነት አግኝቶ ሁላችንንም በጭንቁ ቀን ሐዘን ከማያገኛቸው ባርያዎቹ እንዲያደርገን አጥብቀን እንለምነዋለን፡፡ ወደፊትም ሕዝባችን ለዲኑ መስዋእትነት የመክፈልን አስፈላጊነት ተረድቶ ሁልጊዜም ሙሉ ዝግጁነቱን እንደጠበቀ ሲኖር ማየት ምኞታችን ነው፡፡ አዎን! ለዲናቸው ሲሉ ጊዜያቸውን ከመስጠት አንስቶ ሕይወታቸውን እስከመሰዋት ለደረሱ ሁሉ አላህ (ሱወ) ምንዳቸውን አብዝቶ እንዲከፍላቸው፣ ምህረት እንዲለግሳቸው፣ ለቤተሰቦቻቸውም የተሻለ ምትክን እንዲያደርግላቸው አጥብቀን እንለምነዋለን፡፡ ይህ ረመዳንም ትክክለኛ ክብራችንን የምናገኝበት፣ እንዲሁም ለአገራችን ሰላምና ብልጽግና ከማንም በላይ አስተዋጽኦ ለማበርከት የምናደርገውን ጥረት የበለጠ በመጨመር ለተሻለ እርምጃ

↪የምሽት ሚስጢራዊ መረጃ የዛሬ ዛቻ ነገ እስርን ይወልዳል! ______________________________ ↪ዱዓቶቻችንና ወንድሞቻችን በጥበቃና ደህንነት ክፍሉ ጫናና ዛቻ እየደረሰባቸው መሆኑ ተገለፀ። ሙጂብ አሚኖ ዘ ኢስላም ______________________________ ↪ከ1997 ምርጫ አንስቶ የኢትዮጵያን ፖለቲካ በንቃት እየተከታተሉ የሚገኙት የፖርቱጋል ሶሻሊስት ፓርቲና የአውሮፓ ሶሻሊስት ፓርቲ አባል፤ እንዲሁም የአውሮፓ ፓርላማና የፓርላማው የውጭ ጉዳዮች ኮሚቴ አባል አና ማሪያ ሮሳ ጎምሽ የዶ/ር አብይ አሕመድ መሾም “ለኢትዮጵያም ሆነ ለኦሮሞ ሕዝብ በጎውን ሊያመጣ፣ ጥቅማቸውን ሊያስጠብቅ የሚችል ነው” የሚል ሃሣብ በብዙዎች ዘንድ እየተንፀባረቀ መሆኑን ጠቅሰው በመግለፅ “ጠቅላይ ሚኒስትሩ ግልፅ መልዕክቶችን ማስተላለፋቸው ጥሩ ምልክት ነው፤ ነገር ግን እስኪ ተግባሩን እንጠብቅ” ብለው ነበር ከጠቅላያችን ጣፋጭ ንግግር በስተጓዳኝ ትግበራው ላይ ጥርጣሪያቸውን አስምረው በማስቀመጥ ንግግራቸውን ያደረጉት። ↪እኛም በግላችን ለኢትዮጲያ ህዝብ እፁብ ድንቅ የዲሞክራሲ መርህ ይዞልን አዲሱ ጠቅላያችን ከተፍ ቢል ምንኛ ጮቤ እንደምንረግጥ ይታወቃል። ከዚህም በዘለለ ደግሞ ላለፉት ስድስት አመታት ህዝበ ሙስሊሙ ከአወሊያ የተማረዎች ንቅናቄ ጋር ተያይዞ ያነሳቸው የፍትህና የነፃነት ጥያቄ ጋር ተያይዞ በርካታ መጓተቶች ዛሬ ድረስ ተጉዘው መተዋል። በርካቶች ታስ�ረዋል፣ ተገርፈዋል፣ ተሰውተዋል፣ ከአይን ብሌናችን በላይ የምንሳሳላቸው እህቶቻችን አላህ በጀነት ይካሳቸውና ተደፍረዋል…ወዘ ተረፈ እኩይ ተግባራቶች ተፈፅመውብናል። ↪የኢህአዴግ መንግስት እስረኞችን ለበርካታ አመታት ከሌሎች እስረኞች በተለየ ሁኔታ /ባገለለ መልኩ/ አስሮ ካሰቃየ ቡሃላ ቀስ በቀስ ነጣጥሎ የኮሚቴውን አባላት በዚህ በያዝነው አመት አጠናቆ ፈቷል። ሌሎች ከዚህ እንቅስቃሴ ጋር ተያይዞ በእስር ላይ የነበሩ ወንድሞችና እህቶች ደግሞ እስራቸውን ጨርሰው የተፈቱ አሉ። ጥቂት የማይባሉት ደግሞ