አቶ በረከት ስምዖን እና አቶ ታደሰ ካሳ በተከሰሱበት የመንግስት እና የህዝብን ሀብት መመዝበር ወንጀል ላይ ለመከራከር ጠበቃ አቁመዋል

አቶ በረከት ስምዖን እና አቶ ታደሰ ካሳ በተከሰሱበት የመንግስት እና የህዝብን ሀብት መመዝበር ወንጀል ላይ ለመከራከር ጠበቃ አቁመዋል፡፡

በጥረት ኮርፖሬት የሃብት ምዝበራ ላይ የተጠረጠሩት አቶ በረከት ስምኦንና የአቶ ታደሳ ካሳ የ14 ቀናት የምርመራ ጊዜ ተጠየቀባቸው ; እነ አቶ በረከት ስምኦን በዛሬው ችሎት ከጠበቃ ጋር ነው የቀረቡት፡፡ የተጠየቀው ተጨማሪ ቀን ተደጋጋሚ መሆኑ ተገቢነት የለውም ሲሉ ተቃውመዋል።

ተጠርጣሪዎቹ ከቤተሰቦቻቸው እንክብካቤ የራቁ በመሆናቸውና ካላቸው የጤና ችግር አኳያ የዋስ መብቶቻቸው እንዲከበርላቸውም በጠበቆቻቸው በኩል ጠይቀዋል፡፡

ይሁን እንጂ ጥያቄዎቹ ከዚህ ቀደም በመጀመሪያው የችሎት ቀጠሮ ጊዜ የተከለከሉ በመሆኑ ጥያቄው በድጋሚ ሊነሳ አይገባም ሲል የምርመራ ቡድኑ ምላሽ ሰጥቷል።
ተጨማሪ ምርመራ የተጠየቀበት ምክንያት የዳሽን ቢራ ፋብሪካ የኦዲት ምርመራ ላይ እየተወሰደ ያለው ጊዜ ከስራ አኳያ እጅግ በጣም አጭር ነው መጨረስ አልተቻለም የሚል ምክንያት ቀርቧል፡፡

በተጨማሪም የጥረት ኮርፖሬት የአክስዮን ሽያጭ ላይ ሸያጩ ሲከናወን የነበሩ ግለሰቦች ቃለ መጠይቅ ለመስጠት ፍቃደኛ ስለሆኑ እነሱን ለማካተት በሚል ነው የምርመራ ቡድኑ ተጨማሪ 14 ቀናትን የጠየቀው።

እነ አቶ በረከትም በተጠየቀው የተጨማሪ ቀናት መጨመር ለችሎቱ ቅሬታቸውን አቅርበዋል።

የባህርዳርና የአካባቢዋ ከፍተኛ ፍርድ ቤትም በተጠየቀው የምርመራ ጊዜ ላይ ለመወሰን ለነገ መጋቢት 3 ፣2011 8 ሰአት ላይ ቀጠሮ ሰጥቷል።


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE