የሶማሌ ክልል ምክር ቤት የ12 ዓባላቱን ያለመከሰስ መብት አነሳ

የሶማሌ ክልል ምክር ቤት የ12 ዓባላቱን ያለመከሰስ መብት አነሳ

የሶማሌ ክልል ምክር ቤት የ12 አባላቱን ያለመከሰስ መብት አንስቷል።

የሶማሌ ክልል ምክር ቤት በዛሬው እለት ባካሄደው መደበኛ ስብሰባው ነው የምክር ቤት አባላቱን ያለመከሰስ መብት ያነሳው።

በዛሬው እለት ያለመከሰስ መብታቸው የተነሳው የምክር ቤት አባላትም ከዚህ ቀደም በክልሉ ከፍተኛ የመንግስት ሀላፊዎች እና የቢሮ ሀላፊዎች የነበሩ መሆናቸው እና በሀገር ውስጥ እና ከሀገር ውጭ የሚገኙ መሆናቸውም ተገልጿል።

ያመለከሰስ መብታቸው ከተነሳው የምክር ቤት አባላት ውስጥም፦

1. ወይዘሮ ሱአት መሃመድ፦ የቀድሞ የክልሉ ምክትል ርእሰ መስተዳደር

2. አቶ አህመድ አብዲ፦ የቀድሞ የክልሉ የፋይናንስ ቢሮ ሀላፊ እንዲሁም በክልሉ የተፈጠረውን የፀጥታ ችግር ተከትሎ ጊዜያዊ ምክትል ርእሰ መስተዳድር የነበሩ

3. ወይዘሮ ፈርሃን አብዲ፥ የቀድሞ የክልሉ የውሃ ልማት ቢሮ ሀላፊ እና የሶህዴፓ የማእከላዊ ጽህፈት ቤት ሀላፊ

4. ወይዘሮ መጅድ መሃመድ፦ የቀድሞ የክልሉ የሲቪል ሰርቪስ ቢሮ ሀላፊ

5. አቶ አብዲ መሃመድ፦ የቀድሞ የክልሉ የእንስሳትና አርብቶ አደር ጉዳዮች ቢሮ ሀላፊ

6. አቶ ኸበር አብዲ፦ የቀድሞ የክልሉ የንግድና ኢንዱስትሪ ቢሮ ሀላፊ እንዲሁም የሶህዴፓ የድርጅት ጉዳይ ሀላፊ የነበሩት ይገኙበታል።

ያመለከሰስ መብታቸው የተነሳው የምክር ቤት አባላትም ከዚህ ቀደም በሰብአዊ መብት ጥሰት፣ በክልሉ በተለይም ሀምሌ 28 2010 ዓ.ም በተከስቶ በነበረ የፀጥታ ችግር ተሳትፈዋል በሚል እና በሙስና ወንጀል የተጠረጠሩ መሆኑም ተነግሯል ሲል የዘገበው ኤፍ ቢሲ ነው።


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE