የኢትዮጵያ ኤሌክትሪክ አገልግሎት የታሪፍ ጭማሬ ማሻሻያ ሊያደርግ ነው

የኢትዮጵያ ኤሌክትሪክ አገልግሎት የታሪፍ ጭማሬ ማሻሻያ ሊያደርግ ነው

የኢትዮጵያ ኤሌክትሪክ አገልግሎት በኃይል አጠቃቀም ላይ የታሪፍ ጭማሬ የዋጋ ማሻሻያ ሊያደርግ መሆኑን የኢትዮጵያ ኤሌክትሪክ አገልግሎት አስታወቀ፡፡

ጥራት ያለው አገልግሎት ለመስጠትና አገልግሎቱን ለማስፋት የሚያስችል የፋይናንስ አቅም ለማሳደግ የታሪፍ ማሻሻያው ማስፈለጉን አገልግሎቱ ገልጿል፡፡

አዲስ የሚተገበረው ተመን ለአራት ዓመታት የሚያገለግል ሲሆን የጭማሬውን ተግባራዊነት በደንበኞች ላይ የሚደርሰውን ጫና በሚቀንስ መልኩ በአራት ተከታታይ የትግበራ ምዕራፍ ይከናወናል ተብሏል፡፡

የዋጋ ማሻሻያው ለመኖሪያ ቤት ደንበኞች እንደ ኃይል አጠቃቀማቸው በ7 እርከኖች የተከፋፈለ መሆኑን የኢትዮጵያ ኤሌክትሪክ አገልግሎት አስታውቋል፡፡

በመጀመሪያው እርከን እስከ 50 ኪሎ ዋት ለሚጠቀሙ ደንበኞች ላለፉት 12 ዓመታት ሲያገለግል የነበረው ዋጋ በ0.2730 ሳንቲም በኪሎ ዋት ባለበት እንዲቀጥል ተወስኗል፡፡

እስከ 100 ኪሎ ዋት ለሚጠቀሙ የመኖሪያ ቤት ደንበኞች ወደ 0.4591 ሳንቲም በኪሎ ዋት ከፍ እንዲል ተደርጓል፡፡

እስከ 200 ኪሎ ዋት ለሚጠቀሙት ደንበኞች ደግሞ 0.7807 ሳንቲም በኪሎ ዌት ከፍ ብሏል፡፡

የዋጋ ማሻሻያው ከታህሳስ 2011 ጀምሮ ተግባራዊ እንደሚደረግም የኢትዮጵያ ኤሌክትሪክ አገልግሎት አመልክቷል፡፡

 


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE