ድንበር ጥሰው በመግባት የተከሰሱ የ43 ኤርትራውያንን ክስ እንዲቋረጥ መደረጉን የትግራይ ክልል ፍትህ ቢሮ አስታወቀ፡፡

የትግራይ ክልል የ43 ኤርትራውያንን ክስ ማቋረጡን አስታወቀ

በኢትዮጵያና በኤርትራ መካከል የተጀመረውን የሰላም ሂደት ለማጠናከር የ43 ኤርትራውያንን ክስ እንዲቋረጥ መደረጉን የትግራይ ክልል ፍትህ ቢሮ አስታወቀ፡፡ የቢሮው ኃላፊ አቶ አማኑኤል አሰፋ እንደገለጹት ሁለቱ ሀገራት የሰላምና የወዳጅነት ስምምነት ከመፈራረማቸው በፊት የተያዙ መሆናቸውን ገልጸዋል፡፡ ይህንንም ተከትሎ ህጋዊ ባልሆነ መንገድ ወደ ትግራይ ክልል በመግባታቸው ጉዳያቸው በህግ ተይዞ እንደነበረ አቶ አማኑኤል ጠቅሰዋል፡፡

አሁን ላይ ክሱ ሊቋረጥ የቻለው ሁለቱ ሀገራት ወደ አዲስ የሰላም ምዕራፍ በመግባታቸው መሆኑን ያነሱት አቶ አማኑኤል ግንኙነቱንም ወደ ተሻለ ምዕራፍ ለማድረስ ታስቦ መሆኑን ተናግረዋል፡፡አቶ አማኑኤል ከኤርትራ በኩል በተመሳሳይ ወንጀል ተጠርጥረው ጉዳያቸው በህግ በመታየት ላይ የነበረ የ33 ኢትዮጵያውያን ክስ መሰረዙንም ገልጸዋል፡፡ከኤፍ.ቢ.ሲ የተገኘ መረጃ እንደሚያስረዳው በወንጀለኛ መቅጫ ህግና በኢምግሬሽን አዋጅ ድንበር ጥሶ ወደ አንድ ሀገር መግባት ወንጀል ሆኖ መደንገጉን የጠቆሙት አቶ አማኔኤል ህጉን የተላለፈ ግለሰብ ተጠያቂ እንደሚሆንም አስታውሰዋል፡፡


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE