ብፁዕ አቡነ መርቆርዮስ ወደ መንበራቸው እንዲመለሱ ከስምምነት ተደረሰ።

መረጃ ዶት ኮም ፦ ኢትዮጵያ የሚገኘው እና አሜሪካ በሚገኘው ቅዱስ ሲኖዶስ መካከል የተጀመረው እርቀ ሰላም ታላቅ ውሳኔ አስተላለፈ::በአዲስ አበባው እና በውጭ ሃገር ያለው ሲኖዶስ ከብዙ ልፋት እና ሽምግልና በኋላ እርቀሰላሙ ተፈጽሟል:: በዚህም መሰረት በውጭ ሃገር ያለው ሲኖዶስ እና በሃገር ቤት ያለው ሲኖዶስ አንድ እንዲሆኑ ተወስኗል::

በዚህም መሰረት ፓትርያሪክ አቡነ መርቆሪዮስ ወደ መንበራቸው የሚመለሱ እንዲመለሱ ከስምምነት ተደርሷል:: አቡነ ማቲያስም እንዲሁ የቢሮ ሥራዎችን እንዲያከናውኑና በፕትርክናቸው የሚቀጥሉ ሲሆን ዋናው መንበር ላይ አቡነ መርቆሪዮስ እንዲቀመጡ መወሰኑንና እርቀሰላሙም ተፈጽሟል::

ከኢትዮጵያ የመጡት አባቶችም ሆኑ በውጭ ያሉት አባቶች ስብሰባ በሌሎች ጉዳዮች ላይ ይቀጥላል:: የፊታችን ቅዳሜ ከጠዋቱ በ10 ሰዓት ላይም ዶ/ር አብይ አህመድ ፓትርያርክ አቡነ መርቆርዮስን እና ሌሎች አባቶችን በዋሽንግተን ዲሲ እንደሚያነጋግሩ የመረጃ ዶት ኮም ዘጋቢዎች አስታውቀዋል ።

 


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE