በጎንደር የጥምቀት በዓል ላይ ለታዳሚዎች የተዘጋጀ ርብራብ ተደርምሶ ከ100 በላይ ሰዎች ቀላልና ከባድ ጉዳት ደረሰባቸው

በአደጋው ሳቢያም በርብራብ እንጨቱ ላይ ተቀምጠው የነበሩ ከ100 በላይ ሰዎች ከባድና ቀላል ጉዳት ደርሶባቸዋል ነው ያሉት።

ከዚህ ባለፈም በአደጋው ሳቢያ ለህልፈት የተዳረጉ ሰዎች መኖራቸውንም ገልጸዋል።

በአደጋው ከተጎዱት መካከል የተወሰኑት ሕክምና ተደርጎላቸው ወደ ቤታቸው መመለሳቸውን ጠቅሰው፥ ቀሪዎቹ ሕክምና እየተደረገላቸው እንደሚገኝም አስረድተዋል።

ከታካሚዎቹ መካከል አምስቱ ከባድ ጉዳት ያጋጠማቸው ሲሆን፥ ቀላል ጉዳት ከደረሰባቸው መካከል ሁለት የውጭ ሀገር ዜጎችና ሁለት የፀጥታ ኃይሎች ይገኙበታል ብለዋል።

ለታዳሚዎች የተሰራው እንጨት ከአቅሙ በላይ ሰው መያዙ ለአደጋው መንስኤ ነው ማለታቸውን ከአማራ መገናኛ ብዙሃን ድርጅት ያገኘነው መረጃ ያመላክታል።

ከተፈጠረው አደጋ ውጭ ምንም ዓይነት የፀጥታ ችግር እንዳልነበረና ታቦታቱ በሠላም ወደ አድባራቱ መግባታቸውን ጠቅሰዋል።