አዴፓ፣ አብን እና የአምስቱ ፖለቲካ ፓርቲዎች በጋራ ለመሥራት ስምምነት ላይ ደረሱ ተባለ

የአማራን ሕዝብ ማዕከል አድርገው የሚንቀሳቀሱ የፖለቲካ ፓርቲዎች በጋራ ለመሥራት ስምምነት ላይ ደረሱ፡፡

አዴፓ፣ አብን እና የአምስቱ ፖለቲካ ፓርቲዎችን ጥምረት የያዘው የአማራ ድርጅት የስምምነቱ አካል ሆነዋል፡፡

Image may contain: one or more people, people sitting, table, child and indoor

የአማራ ሕዝብ መሠረታዊ ጥያቄዎች እና ጥቅሞች ምላሽ እንዲያገኙም ፓርቲዎቹ በጋራ ለመሥራት ስምምነት ላይ ደርሰዋል፡፡

 (አብመድ) በአማራ ምሁራን መማክርት ጉባዔ አዘጋጅነት በአማራ ክልል እና በአገራዊ ወቅታዊ ጉዳዮች ዙሪያ ውይይት በአዲስ አበባ ተካሂዷል፡፡

በውይይት መድረኩ በምርጫ ቦርድ ተመዝግበው የአማራን ሕዝብ አማክለው የሚቀሳቀሱት አዴፓ፣ አብን እና የአምስቱ የፖለቲካ ፓርቲዎች ጥምረት የአማራ ድርጅት ከፍተኛ መሪዎች፣ ታዋቂ ግለሰቦች፣ የሀገር ሽማግሌዎች እና የሃይማኖት አባቶች ተሳትፈውበታል፡፡

ፓርቲዎቹ ከውይይታቸው በኋላ የአማራን ሕዝብ መሠረታዊ ጥያቄዎች እና ጥቅሞች ምላሽ እንዲያገኙም በጋራ ለመሥራት ስምምነት ላይ ደርሰዋል፡፡ በአማራ ክልል ብሎም በሀገሪቱ ሠላም፣ አንድነት እና ዴሞክራሲ እንዲሰፍንና የሕግ የበላይነት እንዲከበርም በተባበረ ክንድ ለመሥራት ተስማምተዋል፡፡
የአማራ ሕዝብ ኢኮኖሚያዊና ማኅበራዊ ጥቅሞች እንዲረጋገጡ፤ ከክልሉ ውጭ የሚኖሩ የአማራ ተወላጆች የሚደርስባቸውን ግፍ እና በደል ለማስቆም እና መብትና ጥቅማቸዉ ለማስከበር ፓርቲዎቹ በጋራ ለመሥራት ስምምነት ላይ ደርሰዋል፡፡

ሰሞኑን በአንዳንድ የኦሮሚያ እና ሐረሪ ክልሎች እንዲሁም በድሬዳዋ ከተማ አስተዳደር የተለያዩ አካባቢዎች በንጹሐን ዜጎች ላይ በደረሰዉ የሞት፣ የአካል ጉዳት እና የንብረት ዉድመት የተሰማቸዉን ጥልቅ ሐዘን ፓርቲዎቹ ገልጸው ለተጎጅ ቤተሰቦችም መጽናናትን ተመኝተዋል፡፡ የወንጀሉ ተሳታፊዎችም በሕግ እንዲጠየቁና ለተጎጅዎችም ድጋፍ እንዲደረግላቸዉ ጥሪ አቅርበዋል፡፡


► መረጃ ፎረም - JOIN US