ለዶ/ር አብይ አህመድ የተበረከተው የሄሰን የሰላም ሽልማት አሰጣጥ ሥነ ሥርዓት ተከናወነ።

በሥነ ሥርዓቱ ላይ የሄሰን ፌደራዊ ግዛት ጠቅላይ ሚኒስትር የሄሰን ፓርላማ አባላት የጀርመን መንግሥት ባለሥልጣናት የተለያዩ ድርጅቶች ተወካዮች እና የኢትዮጵያ ዲፕሎማቶች ተገኝተዋል።

ጠቅላይ ሚኒስትር ዐቢይ የሰላም ሽልማቱ የተሰጣቸው በኢትዮጵያ እና በኤርትራ መካከል ሰላም ለማውረድ በመቻላቸው መሆኑን የጀርመን ድምጽ ራዲዮ ዘገባ ያመለክታል።

የሄሰን የሰላም ሽልማት የቦርድ ስራ አመራር እና የሄሰን ፓርላማ ፕሬዝዳንት ቦሪስ ራየን፥ “ጠቅላይ ሚኒስትር ዶክተር አብይ አህመድ ለአፍሪካ አህጉር ታላቅ ተስፋ ከተጣለባቸው መሪዎች አንዱ ናቸው” ሲሉ አመስግነዋቸዋል።

የሄሰን ፌደራዊ ግዛት ጠቅላይ ሚኒስትር ፎከር ቡፋየርም ጠቅላይ ሚኒስትር ዶክተር አብይ ለኢትዮጵያ እና ለኤርትራ ሰላም ካበረከቱት አስተዋጽኦ በተጨማሪ በአፍሪካ ቀንድ ግጭቶችን ለማስወገድ የሚያደርጉትን ጥረትም አድንቀዋል።

(ኤፍ.ቢ.ሲ)

Photo: DW Amharic