ኢትዮጵያውያን የሕክምና ባለሞያዎችና የጤና ሥርዓቱ

DW : በኢትዮጵያ የተለያዩ ሥፍራዎች ካለፉት ሦስት እና አራት ወራት አንስቶ በዋናነት እጩ ሐኪሞች (ኢንተርን የሚባሉት) በአደባባይ ሰልፍም በአዳራሽም ተደጋጋሚ ጥያቄዎችን አሰምተዋል። የሕክምና አገልግሎት አሰጣጡ ያለበት ኹኔታ፤ የሥራ ዋስትና፣ ደሞዝን ጨምሮ የጥቅማጥቅም ጉዳይ እንዲሁም የጤና ስርዓቱን የሚመለከቱ ጥያቄዎች አንስተዋል። ጤና ጥበቃ ሚንሥቴር መልስ ያለውን ተናግሯል፤ ባለሞያዎቹንም ጠርቶ አነጋግሯል። ይኹንና የሕክምና ባለሞያዎቹ ጥያቄዎቻቸው በአግባቡ አለመመለሳቸውን እየገለጡ ነው። ጥያቄዎቹ የሕክምና አገልግሎት ጥራት፣ ለሞያ ሥነ-ምግባር መገዛት የሚሉ ሌሎች ተያያዥ ጉዳዮችንም አስከትለዋል።

የዓለም ጤና ድርጅት (WHO) አንድ ሀገር ካሏት ሐኪሞች ቢያንስ አንድ ሐኪም ለአንድ ሺህ ሰዎች መዳረስ አለበት ሲል ይመክራል። ኢትዮጵያ ያሏት አጠቃላይ ሐኪሞች ብዛት እና የሕዝብ ቊጥሩ ሲሰላ የዓለም ጤና ድርጅቱ ዝቅተኛው ካለው መሥፈርት እጅግ በርቀት የሚገኝ ነው። ይህም በኢትዮጵያ የሕክምና ባለሞያዎች በከፍተኛ ኹኔታ እጥረት እንዳለ አመላካች ነው።

WHO erklärt Schweinegrippe zur Pandemie (AP)

እንደ ጎርጎሪዮስ አቆጣጠር በ2001 ሚያዝያ ወር ላይ የአፍሪቃ ኅብረት ሃገራት ያጸደቁት የአቡጃው ስምምነት አባል ሃገራቱ ከዓመታዊ በጀታቸው ለጤናው ዘርፍ 15 በመቶ እንዲያውሉ ይጠይቃል። ኢትዮጵያ ይኽን ስምምነት ከፈረሙ ሃገራት አንዷ ናት። ኾኖም ለጤናው ዘርፍ ከዓመታዊ በጀቷ ከአምስት በመቶ ያልዘለለ አለመመደቧ በሕክምናው ዘርፍ ለሚነሱ የጥራት ጉድለቶች መሠረታዊ ሰበብ ተደርጎ ይጠቀሳል።

በዛሬው ውይይት፦ እጩ ሐኪሞች በዋናነት ያነሱትን ጥያቄ መንደርደሪያ በማድረግ በአጠቃላይ የኢትዮጵያ የጤና ሥርዓት ላይ የተነሱ ጥያቄዎች፣ ተግዳሮታቸውን እና መፍትኄዎቻቸውን ለመዳሰስ ተሞክሯል።

ሙሉ ውይይቱን ታች ካለው የድምጽ ማዕቀፍ ውስጥ ማድመጥ ይቻላል። 


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE