ኢትዮጵያና ሱዳን ወታደሮቻቸውን በጋራ ድንበር ለማስፈር ተስማሙ፡፡

ኢትዮጵያና ሱዳን ሕገ-ወጥ የሰዎችና የጦር መሣሪያ ዝውውርን ለመከላከል ወታደሮቻቸውን በጋራ ድንበር ለማስፈር ተስማሙ፡፡

የኢፌዴሪ መከላከያ ሠራዊት ጠቅላይ ኢታማዦር ሹም ጄኔራል ሰዓረ መኮንን እና የሱዳን አቻቻው ተቀዳሚ ሌትናል ጄኔራል ከማል አብዱል ማውሪፍ አልማሂ በተገኙበት የኢትዮጵያ እና ሱዳን የሀገር መከላከያ ተቋማት መካከል ለሁለት ቀናት ውይይት አካሂዷል፡፡

በውይይታቸውም በሁለቱ ሀገራት ድንበር የሚስተዋሉ ሕገ ወጥ የሰዎችና የጦር መሳሪያች ዝውውሮችን ለመግታት እና በድንበር አካባቢ የሚኖር የፀጥታ ችግርን ለማስቆም በጋራ ለመሥራት ተስማምተዋል።

ለዚህም በመከላከያ ዘርፍ የጋራ ሥራዎችን ለማቀላጠፍ የጋራ ወታደሮቻቸውን በጋራ ድንበር አካባቢዎች ለማስፈር የሚያስችላቸውን ስምምነት ተፈራርመዋል፡፡

Image may contain: one or more people and people sitting

ከሁለት ሳምንት በኋላ ደግሞ ከሁለቱ ሀገራት የሀገር መከላከያ አባላት የተውጣጡ ባለሙያዎች በገዳሪፍ ሱዳን በመገናኘት የስምምነቱን አፈፃፀም፣ የጋራ ኃይሎቹ የሚሰፍሩባቸውን ቦታዎችና ሌሎች ዝርዝር ጉዳዮች በተመለከተ ውይይት ያደርጋሉ፡፡

ከስብሰባው ጎን ለጎን ጠቅላይ ኢታማዦር ሹም ጄኔራል ሰዓረ መኮንን ከሱዳኑ ፕሬዚዳንት ኦማር ሀሰን አልበሽር ጋር መወያየታቸው ታውቋል፡፡

በሁለቱ ተቋማት በኩል የተደረገው ስምምነት በጋራ ድንበር ላይ ሰላምን ከማስፈን ባለፈ ሌሎች ሕገ ወጥ ተግባራትን ለመቆጣጠር እንደሚያስችል ፕሬዚዳንት አል በሽር ገልጸዋል።

ምንጭ፡- ኢ.ፕ.ድ


► መረጃ ፎረም - JOIN US
► MEREJA TV YOUTUBE CHANNEL - SUBSCRIBE