Blog Archives
“በዲሞክራሲያዊ ተቋማት ግንባታ ላይ መስራት እፈልጋለሁ” ወ/ት ብርቱካን ሚደቅሳ
ከሰባት ዓመታት የአሜሪካ የስደት ህይወት በኋላ ከትናንት በስቲያ ሐሙስ ወደ አገራቸው የተመለሱት የህግ ባለሙያዋና ፖለቲከኛዋ ወ/ት ብርቱካን ሚደቅሳ፤ የተጀመረውን አገራዊ ለውጥ ለማስቀጠል ሁሉም የድርሻውን ማበርከት እንዳለበት ጠቁመው፤ በዲሞክራሲያዊ ተቋማት ግንባታ ላይ ለመሥራት እንደሚሹ ተናግረዋል፡፡ ለሁለት ጊዜያት ያህል በፖለቲካ አመለካከታቸው ምክንያት ለእስር የተዳረጉት ወ/ት ብርቱካን፤ በስደት ከሚኖሩበት አሜሪካን ወደ ኢትዮጵያ የተመለሱት በሃገሪቱ የተጀመረው ፖለቲካዊ ለውጥ አነሳስቷቸው እንደሆነ ተናግረዋል፡፡ “በተለያየ ደረጃ በሙያዬ በህግ እውቀት ወገኖቼን ለማገልገል ሙከራ ሣደርግ ነበር” ያሉት ወ/ት ብርቱካን፤ “አሁን በሃገሪቷ የመጣው ለውጥና ሃገሪቷ ባለችበት ሁኔታ ይህን ፍላጐቴን ለማሳካት እድሎች እንዳሉ ስለተመለከትኩኝ፣ የአቅሜን በሙያዬ፣ በልምዴ፣ በእውቀቴ ለማድረግና ለማዋጣት ነው የመጣሁት” ብለዋል፡፡ “እኔ ማተኮር የምፈልገው በዲሞክራሲያዊ ተቋማት ግንባታ ላይ ነው” ያሉት ወ/ት ብርቱካን፤ “የትኛው ተቋም ላይ እንደምሳተፍ በቀጣይ የምወስነው ይሆናል” ብለዋል፡፡ “በአሜሪካን ሃገር ከጠ/ሚር ዶ/ር ዐቢይ አህመድ ጋር በተገናኘንበት ወቅት ለለውጥ ተነሣሽነት ያላቸው መሆኑን ተረድቻለሁ፤ ለዚህም ነው ወደ ሀገር ቤት ተመልሼ፣ በዲሞክራሲ ተቋማት ግንባታ ላይ ለመሳተፍ የወሰንኩት” ይላሉ፡፡ የህግ ባለሙያዋ፣
በሶማሌ ክልል የ2 መቶ ሰዎች የጅምላ መቃብር ተገኘ
የ200 ሰዎች የጅምላ መቃብር በሶማሌና በኦሮሚያ ክልል አዋሣኝ አካባቢ መገኘቱን የገለፀው የፌደራል ፖሊስ፤ በጅምላ ተቀብረው የተገኙትን አስከሬኖቹ ማንነት ለመለየት እያደረገ ምርመራ እያደረገ መሆኑም አስታውቋል፡፡ ፖሊስ የጅምላ መቃብሩን ያገኘው በአሁን ወቅት በእስር ላይ የሚገኙት የቀድሞ የሶማሌ ክልል ፕሬዚዳንት አብዲ መሐመድ ኡመር ላይ ተጨማሪ ምርመራዎች በሚያከናወንበት ወቅት መሆኑን ጠቁሟል፡፡ በሰዎች ግድያና ኢ-ሠብአዊ ድርጊቶች በመፈፀም ተጠርጥረው በእስር ላይ የሚገኙት አቶ አብዲ መሐመድ፤ በሥልጣን ላይ በቆዩባቸው ላለፉት 13 አመታት በክልሉ በርካታ ኢ-ሠብአዊ ተግባራት በዜጐች ላይ መፈፀማቸውን ዓለምአቀፍ የሰብአዊ መብት ተቋማት በተለያዩ ጊዜያት ባወጧቸው ሪፖርቶች መጠቆማቸው ይታወሳል፡፡ አሁን ፖሊስ አግኝቸዋለሁ ያለው የጅምላ መቃብር አቶ አብዲና አስተዳደራቸው ከሚወቀሱባቸው የሰብአዊ መብት ጥሰት ጋር ስለመያያዙ ተጣርቶ ውጤቱ ለፍ/ቤት እንደሚቀርብ ታውቋል፡፡ በግድያ፣ በአስገድዶ መድፈርና ዜጐችን በተለያየ ዘዴ ማሰቃየትና ቶርች መፈፀም ወንጀል ተጠርጥረው ጉዳያቸው እየተጣራ የሚገኘው የቀድሞ የክልሉ ፕሬዚዳንት፤ ከትናንት በስቲያ ፍ/ቤት ቀርበው ተጨማሪ የአሥራ አራት ቀን ቀጠሮ ተሰጥቶባቸዋል፡፡
የቀድሞ የኢትዮጵያ ህዝብ ጦር ሰራዊት ማኅበር ተቋቋመ
“መንግሥት ይጠቀምብን፤ ሃገራችንን ማገልገል እንፈልጋለን” የቀድሞ የኢትዮጵያ የጦር ሰራዊት አባላት፤ ሃገር አቀፍ ማኅበር መመስረቱን አስታወቁ፡፡ ባለፈው እሁድ በርካታ የቀድሞ የጦር ሰራዊት አባላትና አመራሮች በአዲስ አበባ ተሰብስበው ስለማኅበሩ ምስረታ ምክክር አድርገዋል ተብሏል። በዚህ ማኅበር የቀድሞ ምድር ጦር፣ አየር ኃይልና ባህር ኃይል አባላት መካተታቸውን የጠቆሙት የማኅበሩ ምስረታ አስተባባሪ መቶ አለቃ ሰለሞን አደመ፤ በቀጣይ ማኅበሩ አድማሱን በማስፋት በየቦታው በተለያየ ሁኔታ ላይ የሚገኙ የጦሩን አባላት ያሰባስባል ብለዋል፡፡ ማኅበሩ በዋናነት የሰራዊቱ አባላት የጋር ጥቅማቸውን የሚያስጠብቁበት፣ እርስ በእርስ የሚረዳዱበት እንዲሁም መንግስት ሙያዊ እገዛቸውን በፈለገ ወቅት ለሃገራቸው የሚያገለግሉበት እንደሚሆን መቶ አለቃ ሰለሞን ለአዲስ አድማስ አስረድተዋል፡፡ በማኅበሩ ምስረታ ላይ ተጋብዘው የተገኙት የቀድሞ የኢትዮጵያ ጦር ሰራዊት አዛዥ ጀነራል ካሳዬ ጨመዳ በበኩላቸው፤ መንግስት የቀድሞ ሰራዊት አባላትን እውቀትና አቅም ሊጠቀምበት ይገባል ብለዋል፡፡
“በፍትህ ስርዓቱ ላይ የተሸረሸረውን የህዝቡን አመኔታ ለመመለስ እሰራለሁ”
በአገሪቱ የፍትህ ነፃነትን ለማረጋገጥ እንደሚታገሉና ህዝቡ በፍትህ ስርዓቱ ላይ እምነት እንዲያድርበት እንደሚሰሩ አዲሷ የመጀመሪያዋ የጠቅላይ ፍ/ቤት ሴት ፕሬዚዳንት ወ/ሮ መአዛ አሸናፊ ገለፁ፡፡ ታዋቂዋ የሴቶች መብት ተሟጋችና የሰብአዊ መብት ጠበቃዋ ወ/ሮ መአዛ አሸናፊ ከሹመታቸው በኋላ ለቢቢሲ በሰጡት ቃለ ምልልስ፤ “ይህ አሁን ለእኔ የተሰጠኝ ክብርና ልዩ እድል ለአገሬ አዲስ ምዕራፍ ነው” ብለዋል፡፡ የፍትህ ነፃነት እንዲከበር ለማድረግ እተጋለሁ ያሉት አዲሷ የጠቅላይ ፍ/ቤት ፕሬዚዳንት፤ ለዚህ እንቅስቃሴዬም ከመንግስቴ ሙሉ ድጋፍ እንደማገኝ አምናለሁ” ብለዋል፡፡ ቀደም ባሉት ዓመታት በአገራችን የህግ ስርዓቱ የመንግስት የመ;; ኃይል ሆኖ ሲያገለግል መቆየቱን የጠቀሱት ፕሬዚዳንቷ፤ ይህም ህዝቡ በፍትህ ስርዓቱ ላይ ያለው እምነት እንዲሸረሸር አድርጐታል ብለዋል፡፡“በተሰጠኝ ሹመት በጣም ደስተኛ ነኝ፡፡ ሴት ልጅ መድረስ የምትችለው እዚህ ጋ ነው ተብሎ የተከለለው ድንበር ተሰብሯል” ያሉት ወ/ሮ መአዛ፤ አሁን “ሴት ልጆቼ መሆን የሚፈልጉትንና የሚመኙትን ለመሆን ይችላሉ፤ ይህ ለአገሬ አዲስ ምዕራፍ ነው” ሲሉ ተናግረዋል፡፡ “ዜጐች ፍትህ እንዲያገኙ አበክሬ እሰራለሁ” ያሉት የ55 ዓመቷ የጠቅላይ ፍ/ቤት ፕሬዚዳንት፤ “በፍ/ቤቶች ላይ የተሸረሸረው የህዝብ
ጠ/ሚኒስትሩ የዘንድሮ የመንግሥት ዋነኛ ትኩረቶችን አስታወቁ
መንግሥት በያዝነው ዓመት የሀገሪቱን የፖለቲካ ምህዳር ለማስፋትና የህግ የበላይነትን ለማረጋገጥ ትኩረት አድርጎ የሚሰራባቸውን ዋና ዋና እቅዶች ጠ/ሚኒስትር ዶ/ር ዐቢይ አህመድ አስታወቁ፡፡ በሀገሪቱ ሰላምና ፀጥታን፣ ፍትህና ሁሉም ኢትዮጵያዊ የሚሻውን ዲሞክራሲ ለማስፈን መንግስታቸው ተከታታይ መዋቅራዊና ተቋማዊ ማሻሻያዎችን በዘንድሮ ዓመት እንደሚያከናውን ጠ/ሚኒስትሩ ሰሞኑን በፍራንክፈርት ከኢትዮጵያውያን ጋር ባደረጉት ውይይት ላይ አብራርተዋል፡፡ ፍትህና ዲሞክራሲን ሊያሳልጡ የሚችሉ ተቋማትን በመገንባት ላይ እንገኛለን ያሉት ጠ/ሚኒስትሩ፤ በተጓዳኝም ተቋማቱን በገለልተኝነት የሚመሩ ባለሙያዎችን የመምረጥ፣ የማሰልጠንና የመመደብ ስራዎች ተጀምሯል ብለዋል፡፡ ምርጫ ቦርድን ነፃ፣ ገለልተኛና ተአማኒ ለማድረግ የህግና የመዋቅር ማሻሻያ በመሰራት ላይ መሆኑን የጠቆሙት ዶ/ር ዐቢይ፤ የፀጥታና የደህንነት ተቋማት በሰለጠነ መንገድ የዜጎችን መብትና ክብር ጠብቀው ስራቸውን እንዲሰሩ ጠንካራ ሪፎርም በመካሄድ ላይ መሆኑንም አስረድተዋል፡፡ መከላከያውን የማዘመንና የማጠናከር ስራ እየተሰራ መሆኑንም ጠ/ሚኒስትሩ ጠቁመዋል፡፡ የፍትህ ተቋማት በገለልተኝነት የሚሰሩና ለዜጎች መብት ብቻ የቆሙ ለማድረግ፣ ዳኞች በህግ ልዕልናና በህሊናቸው ብቻ የሚዳኙ እንዲሆኑ ማድረግም የዚህ ዓመት ዋነኛ ትኩረት ነው ብለዋል። በቅርብ ጊዜያት ውስጥ በፍትህ ዘርፉ ላይ ተከታታይ የሪፎርም እርምጃዎች
ሰማያዊ ፓርቲ የአገሪቱን ወቅታዊ ሁኔታ ለዲፕሎማቶች አብራራ
የፖለቲካ ፕሮግራሙንና ህገ ደንቡን እንደሚያሻሽል ጠቁሟል በጠ/ሚኒስትር ዶ/ር ዐቢይ አህመድ የተጀመሩ የፖለቲካ ለውጦች አበረታች መሆናቸውን መቀመጫቸውን አዲስ አበባ ላደረጉ የተለያዩ አገራት ዲፕሎማቶች ማብራራቱን የገለጸው ሰማያዊ ፓርቲ፤ ከለውጡ ጋር አብሮ ለመጓዝ የፖለቲካ ፕሮግራሙንና ህገ ደንቡን እንደሚያሻሽል ጠቁሟል፡፡ ዶ/ር ዐቢይ ወደ ስልጣን ከመጡ በኋላ በሀገሪቱ አያሌ አበረታች የፖለቲካ ለውጦች መካሄዳቸውን ያብራራው ፓርቲው፤ በተለይ የፖለቲካ እስረኞች መፈታታቸው፣ ትጥቅ አንስተው ሲታገሉ የነበሩ ተቃዋሚ ኃይሎች ያለ ምንም ቅድመ ሁኔታ ወደ ሃገር ቤት መመለሳቸው፣ በመላው አለም የሚገኙ ኢትዮጵያውያንና ትውልደ ኢትዮጵያውያን ዘንድ አንድነትና ህብረት መፈጠሩ እንዲሁም ለ20 ዓመታት በኢትዮጵያና ኤርትራ መካከል የዘለቀው ግጭት ተወግዶ፣ እርቅ መፈፀሙ፣ ትልቁ የለውጡ ስኬት መሆኑን ለዲፕሎማቶቹ አስረድቷል፡፡ የመንግስት የልማት ድርጅቶችን ወደ ግል ለማዛወር መወሰኑ፣ የሃይማኖት አባቶች እንዲታረቁ መደረጉ፣ ሴቶች ወደ ከፍተኛ ስልጣን መምጣታቸው እንዲሁም የፀረ ሽብር ህጉን ጨምሮ አፋኝ ህጎችን ለማሻሻል ሥራ መጀመሩም የለውጡ ትሩፋት መሆኑን ፓርቲው አብራርቷል፡፡ የዶ/ር ዐቢይ አመራር በፈታኝ ሁኔታዎች ውስጥ ሆኖ የሀገሪቱን የለውጥ ጉዞ እየመራ እንደሚገኝ የገለፀው ፓርቲው፤
ትግራይን ከአማራ ክልል የሚያገናኘው የአላማጣ መንገድ ተዘግቶ ሰንብቷል
ከ250 በላይ የተሽከርካሪዎች ፍሰት ተገትቷል የትግራይ ክልልን ከአማራ ክልል የሚያገናኘው የአላማጣ ቆቦ መንገድ ተዘግቶ በመሰንበቱ የትራንስፖርት ፍሰት የተገታ ሲሆን ተሽከርካሪዎች መጉላላታቸው ምንጮች ለአዲስ አድማስ ጠቁመዋል፡፡ መንገዱ ካለፈው ሰኞ ጥቅምት 19 ቀን 2011 ጀምሮ እስከ ትናንት ድረስ ያልተከፈተ ሲሆን ከትግራይ ክልል ወደ አማራ ክልል ለመግባት የተንቀሳቀሱ ከ250 በላይ የህዝብና የደረቅ ጭነት ተሽከርካሪዎች ቆመው መሰንበታቸው ታውቋል፡፡ መንገዱ በዋናነት ከቆቦ ከተማ ወጣ ብሎ ሰቀላ ወንዝ አካባቢ የሚገኝ ነው ያሉት ምንጮች፤ የመዘጋቱ ምክንያትም በአካባቢው ከተከሰተው ተቃውሞና ግጭት ጋር ተያይዞ የሰው ህይወት በመጥፋቱ እንደሆነ ገልፀዋል፡፡ “የትግራይ ልዩ ሃይል ሊያጠቃን ይችላል” በሚል ስጋት ነው መንገዱ የተዘጋው ብለዋል - ምንጮች፡፡ መንገዱን ለማስከፈት ከአካባቢው ወጣቶችና ነዋሪዎች ጋር ውይይት በማድረግ ላይ መሆኑን የሰሜን ወሎ ዞን ፖሊስ መምሪያ ትናንት ለቢቢሲ የገለፀ ሲሆን፤ ከውይይቱ በኋላ መንገዱ በአፋጣኝ ተከፍቶ አገልግሎት መስጠት እንደሚጀምር አስታውቋል፡፡
የዓለም ባንክ ከፍተኛውን የብድር ድጋፍ ለኢትዮጵያ ፈቀደ
የዓለም ባንክ ከፍተኛ የሚባለውን የ1.2 ቢሊዮን ዶላር ብድርና እርዳታ ለኢትዮጵያ የፈቀደ ሲሆን ገንዘቡ በሀገሪቱ በተጀመረው ለውጥ ውስጥ የኢኮኖሚ እድገቱን ለማፋጠን በቀጥታ የሚውል ነው ተብሏል፡፡ የኢትዮጵያ መንግስት በሁለንተናዊ የለውጥ እንቅስቃሴ ውስጥ እንደሚገኝ መገንዘቡን የገለፀው የአለም ባንክ፣ ከኤርትራ ጋር ሰላም መፍጠሩን፣ የፖለቲካ ምህዳሩን ለማስፋት አበረታች እርምጃዎች መውሰዱንና በአካባቢው ሰላምን መሰረት ያደረገ ጠንካራ የዲፕሎማሲ ተግባር በማከናወን ላይ መሆኑን እንዲሁም በመንግስት ተይዘው የነበሩ የልማት ተቋማትን ወደ ግል ዘርፍ ለማዛወር እንቅስቃሴ መጀመሩን ከግምት ውስጥ በማስገባት ከፍተኛውን ብድርና እርዳታ ለኢትዮጵያ ለመስጠት መወሰኑን አስታውቋል፡፡ በብድርና እርዳታ መልክ የሚሰጠው ገንዘብ በዋናነት ሶስት ጉዳዮችን ለማስፈፀም እንደሚያግዝ የጠቆሙት የአለም ባንክ የፕሮጀክት ቡድን መሪዋ ናታሊያ ሚዮሌንኮ፤ ገንዘቡ በዋናነት ለልማት የሚመደበውን በጀት ለመደጎም፣ የኢንቨስትመንት ግንኙነትንና ተጠያቂነትን ለማስፈን ለሚደረገው ጥረት በቀጥታ ይውላል ብለዋል፡፡ በተጨማሪም ጥራት ያለው አገልግሎት ለመስጠትና የሀገሪቱን የውጭ ምንዛሬ እጥረት ለመቅረፍም እርዳታና ብድሩ ያግዛል ተብሏል፡፡ የዓለም ባንክ ለኢትዮጵያ ከፈቀደው 1.2 ቢሊዮን ዶላር ውስጥ ግማሹ (600 ሚሊዮን ዶላር ያህሉ) በእርዳታ የሚሰጥ መሆኑም
“ራይድ” የታክሲ አገልግሎት ድርጅት በደል እየደረሰብኝ ነው ሲል አማረረ
ሃይብሪድ ዲዛይንስ (ራይድ) የታክሲ አገልግሎት ድርጅት፤ ሕጋዊና ዓለምአቀፍ የጥራት ደረጃ ያለው አገልግሎት እየሰጠሁ ቢሆንም የአዲስ አበባ ትራንስፖርት ቢሮ ሕገ-ወጥ ናችሁ በሚል በደል እያደረሰብኝ ነው ሲል አማረረ፡፡ ድርጅቱ ትናንት በሸራተን አዲስ ሆቴል ለጋዜጠኞች በሰጠው መግለጫ፤ “የትራንስፖርት መጥሪያ ቴክኖሎጂ አገልግሎት ለመስጠት ሕጋዊ ፈቃድ ያለን ብንሆንም የአዲስ አበባ ትራንስፖርት ቢሮ አብረውን ለኅብረተሰቡ አገልግሎት እየሰጡ ያሉትን ከ900 በላይ ኮድ 3 የኪራይ መኪኖች ሕገ-ወጥ ናችሁ እያለ በሞተር እያሳደደ፣ በብጣሽ ወረቀት እየከሰሰና መኪኖችን እያሰረ ነው” ብሏል። “ሕጋዊ ፈቃድ ያላቸውና ግብር እየከፈሉ በግልጽ አገልግሎት እየሰጡ ያሉትን ኮድ 3 የኪራይ መኪኖች ሕገ -ወጥ ናቸው በማለት ለ10ሩም ክፍለ ከተሞች ደብዳቤ መጻፉና በሚዲያ ማስነገሩ ትክክል አይደለም” ያለው ድርጅቱ፤ “በዚህ አገልግሎት አሰጣጥ ክልከላ ላይ ጥቅማቸው የተነካ ቡድኖች ከጀርባው ያሉ ይመስለናል” ብሏል፡፡ “እኛ ሕጋዊ ፈቃድ ያለን በቴክኖሎጂ አገልግሎት በመስጠት በአዲስ አበባ ከተማ የሚታየውን የትራንስፖርት ችግር ለማቃለል፣ ኮድ 3 መኪኖች ካላቸው ወጣቶች ጋር እየሠራን ነው” ያለችው የሃይብሪድ ዲዛይንስ ዋና ሥራ አስኪያጅ ሳምራዊት ፍቅሩ፤
የሰላም- ዘውዷ- ሣህለ ወርቅ
“ሰላምና ኢትዮጵያ አንድና ያው እስኪኾኑ መሥራት ይገባናል”ከትናንት በስቲያ ስልጣናቸውን በፈቃዳቸው በለቀቁት የቀድሞው የአገሪቱ ፕሬዚዳንት ዶ/ር ሙላቱ ተሾመ ምትክ አምባሳደር ሳህለወርቅ ዘውዴ የመጀመሪያዋ የአገሪቱ ሴት ርዕሰ ብሔር ሆነው ተሾመዋል፡፡ ይሄ ደግሞ ኢትዮጵያ የመጀመሪያዋን ሴት ፕሬዚዳንት በመሾም በምስራቅ አፍሪካ ፈር ቀዳጅ ያደርጋታል፡፡ በአዲስ አበባ ከተማ ተወልደው ያደጉት አምባሳደር ሳህለወርቅ ዘውዴ፤ የመጀመሪያና ሁለተኛ ደረጃ ትምህርታቸውን በሊሴ ገብረማሪያም የተከታተሉ ሲሆን፤ በ17 ዓመት ዕድሜያቸው ነፃ የትምህርት ዕድል አግኝተው ወደ ፈረንሳይ በማቅናት፣ በዩኒቨርሲቲ ኦፍ ሞንቸፔለየር፣ በተፈጥሮ ሳይንስ የመጀመሪያ ዲግሪያቸውን አግኝተዋል፡፡ በአገራችን ታሪክ ለመጀመሪያ ጊዜ በአምባሳደርነት ከተሾሙት ዮዲት እምሩ ቀጥሎ የአምባሳደርነት ሹመት ያገኙት ሳህለወርቅ ዘውዴ፤ ለመጀመሪያ ጊዜ የተመደቡትም በሴኔጋል ሲሆን፤ የአምባሳደርነት ስልጣናቸው ማሊን፣ ኬፕቨርዲን፣ ጊኒቢሳዎን፣ ጋምቢያንና ጊኒን የሚያቃጠልል ነበር፡፡ ከዚያም በጅቡቲ፣ ቱኒዚያ፣ ሞሮኮና ፈንሳይ የኢትዮጵያ አምባሳደር ሆነው አገልግለዋል፡፡ ከአምባሳደርነታቸው በተጨማሪም በምስራቅ አፍሪካ የልማት በይነ መንግስታት (ኢጋድ) የኢትዮጵያ ቋሚ መልዕክተኛ፣ በዩኔስኮ የኢትዮጵያ ተወካይ፣ በአፍሪካ ኢኮኖሚክ ኮሚሽንና በአፍሪካ ህብረት የኢትዮጵያ ተወካይ፣ በውጪ ጉዳይ ሚኒስትር የአፍሪካ ጉዳዮች ዳይሬክተር፣ በተባበሩት መንግስታት
“የሶማሌ ክልልን ከኢትዮጵያ መገንጠል የማይታሰብ ነው” – የክልሉ ፕሬዚዳንት
የሶማሌ ህዝብ ከኢትዮጵያውያን ወንድሞቹ ጋር በሰላም ለመኖር የሚፈልግ ህዝብ በመሆኑ ከኢትዮጵያ የመገንጠል ጉዳይ የማይታሰብ ነው ሲሉ አዲሱ የሶማሌ ክልል ፕሬዚዳንት አቶ ሙስጠፋ ኦማር አስገነዘቡ፡፡ “ሰሞኑን ከኦጋዴን ብሔራዊ ነፃነት ግንባር (ኦብነግ) ጋር በአስመራ በተፈፀመ ስምምነት የሶማሌ ህዝብ የራስን ዕድል በራስ የመወሰን መብቱን ተጠቅሞ፣ ህዝበ ውሳኔ እንዲያደርግ ከስምምነት ላይ ተደርሷል” በሚል በተለያዩ መገናኛ ብዙኃን የቀረበው ዘገባ ሃሰተኛ መረጃ መሆኑን የገለጹት አቶ ሙስጠፋ፤ “በስምምነቱ ወቅት ስለ ህዝበ ውሳኔም ሆነ ስለ መገንጠል ጉዳይ ለውይይት አልቀረበም፤ ስምምነትም አልተፈረመበትም” ብለዋል፡፡ አስመራ ላይ በተደረገው ስምምነት ኦብነግ እንደ ሌሎቹ ትጥቅ ይዘው ሲንቀሳቀሱ እንደነበሩ ተቃዋሚዎች የትጥቅ ትግሉን አቁሞ በሰላማዊ መንገድ፣ በሃገር ውስጥ ገብቶ እንዲንቀሳቀስ ነው የተስማማው ያሉት የክልሉ ፕሬዚዳንት፤የህዝበ ውሳኔና የመገንጠል ጉዳይ ፈፅሞ አለመነሳቱን አስታውቀዋል፡፡ በምስራቅ ኢትዮጵያ በኩል ያለው ሉአላዊነት የሚጠበቀው በሶማሌ ህዝብ ፍቃድና ፍላጎት ብቻ መሆኑን ያስገነዘቡት ፕሬዚዳንቱ፤ በቅርቡ በጅግጅጋ ተፈጥሮ የነበረውን ግጭትና ግድያ ከቀድሞ የክልሉ ፕሬዚዳንት አብዲ መሃመድ ጀርባ ሆነው ያነሳሱ ኮንትሮባንዲስቶች አሁንም አካባቢውን ለመረበሽ ፍላጎት እንዳላቸው
ለማንነት ጥያቄዎች መንግስት አፋጣኝ ምላሽ እንዲሰጥ ሰማያዊ ፓርቲ ጠየቀ
“በመብት ጠያቂዎች ላይ የሚፈፀም ግድያ አለመቆሙ አሳሳቢ ነው”በራያ እና በወልቃይት ለዜጎች ሞትና እንግልት ምክንያት የሆኑ የማንነት ጥያቄዎች በፌደራል መንግስት አፋጣኝ ምላሽ እንዲሰጣቸው የጠየቀው ሰማያዊ ፓርቲ፤ መብታቸውን በተለያየ አግባብ በሚጠይቁ ዜጎች ላይ የሚፈፀመው ግድያ አሁንም አለመቆሙ አሳሳቢ ነው ብሏል፡፡ ፓርቲው በወቅታዊ ጉዳዮች ላይ በሰጠው ጋዜጣዊ መግለጫው፤ በአገሪቱ የተለያዩ አካባቢዎች ዜጎች የአስተዳደርና የማንነት ጥያቄ በሚያነሱበት ወቅት በመንግስት የፀጥታ ኃይሎች የሚወሰደው የኃይል እርምጃ የዜጎችን ሰብአዊ መብት የሚጥስ በመሆኑ ከእንግዲህ መደገም እንደሌለበት አሳስቧል፡፡ በየአካባቢው ለሚነሱ የአስተዳደርና የማንነት ጥያቄዎች፣ በምክክርና በውይይት፣ የህዝብን ፍላጎት መሰረት አድርጎ፣ በመንግስት በኩል አፋጣኝ ምላሽ እንዲሰጥም ጠይቋል - ፓርቲው፡፡ጥያቄ አንግበው አደባባይ በወጡ ዜጎች ላይ የኃይል እርምጃ እንዲወሰድ ትዕዛዝ የሰጡና ነፍስ ያጠፉ የፀጥታ ኃይሎች በህግ እንዲጠየቁና ጉዳት ለደረሰባቸው ቤተሰቦች ተገቢው ካሣ በአስቸኳይ እንዲሰጣቸው የጠየቀው ሰማያዊ ፓርቲ፤ “በሀገሪቱ እየተደረገ ያለውን ለውጥ የምደግፈው በየትኛውም መልኩ ዜጎችን በእኩልነት የሚያይና ሰብአዊ መብቶችን የሚያከብር ስርአት እስከሰፈነ ድረስ ብቻ ነው” ብሏል፡፡ “የትኛውንም የህዝብ ጥያቄ በኃይል ማፈን አይቻልም” ያለው
ነገ በአማራ ክልል ከተሞች ሰላማዊ ሰልፎች ይካሄዳሉ
የፌደራል መንግስት ተፈጥሮአዊና ሰው ሰራሽ ጉዳት እያጋጠማቸው ላሉት የጣና ኃይቅና የላሊበላ አብያተ ክርስቲያናት ትኩረት እንዲሰጥ እንዲሁም የማንነት ጥያቄ በሚያነሱ ዜጎች ላይ የሚደርስ የኃይል እርምጃ እንዲቆም የሚጠይቅ ሰላማዊ ሰልፍ በጎንደር፣ በደብረ ታቦር፣ በባህር ዳር፣ በወልዲያና በሌሎች የአማራ ከተሞች ይካሄዳል ተብሏል፡፡ የጎንደሩ ሰላማዊ ሰልፍ “በአማራ ወጣቶች ማህበር በጎንደር” አስተባባሪነት እንደሚካሄድ የማህበሩ ሊቀመንበር ወጣት ይሁኔ ዳኛው ለአዲስ አድማስ የገለፀ ሲሆን ሰልፉን አስመልክቶም ከከተማ አስተዳደሩ ከንቲባ ጽ/ቤትና ከፀጥታ ቢሮ ኃላፊዎች ጋር ምክክር ተደርጎ፣ እውቅና መገኘቱን ጠቁሟል፡፡ በእንቦጭ አረም የተወረረው የጣና ኃይቅ አስቸኳይ እልባት እንዲያገኝ፣ በላዩ ላይ በተሰራው መጠለያ ምክንያት አደጋ የተጋረጠበት የቅዱስ ላሊበላ አብያተ ክርስቲያናት በአስቸኳይ ይጠገን ዘንድ የፌደራል መንግስት ትኩረት እንዲሰጠው በሰላማዊ ሰልፉ እንጠይቃለን ያለው ወጣት ይሁኔ፤ በራያ፣ በወልቃይትና በሌሎች አካባቢዎች የአማራ ማንነት ጥያቄን ያነሱ ዜጎች ምላሽ እንዲሰጣቸውም የምንጠይቅበት ይሆናል ብሏል፡፡ ሰላማዊ ሰልፉን ፍፁም ሰላማዊ ለማድረግ ከከተማ አስተዳደሩ ጋር ሰፊ ውይይት መደረጉንም አስታውቋል፡፡ ደብረ ታቦር የሚካሄደውን ሰላማዊ ሰልፍ ከሚያስተባብሩ ወጣቶች አንዱ የሆነው ወጣት
የአእላፋት ድምፅ ኅብረቱ የአስተዳደር ለውጥ አቋሙን ለቅዱስ ሲኖዶሱ አስረዳ
• ሁለንተናዊ ለውጥ ያመጣል የተባለ መሪ ዕቅድ እንዲተገበር ተወስኗል• ኅብረቱ በትግበራው ለመሳተፍና እስከ ግንቦት ለውጡ እንዲታይ ጠይቋል ለኢትዮጵያ ኦርቶዶክስ ተዋሕዶ ቤተ ክርስቲያን የመዋቅርና የአሠራር ችግሮች ኹነኛ መፍትሔ በመስጠት ሁለንተናዊ ለውጥ ለማምጣት እየተንቀሳቀሰ የሚገኘውና በአምባሳደር ካሳ ከበደ የሚመራው የአእላፋት ድምፅ የካህናትና ምእመናን ኅብረት፣ በቅዱስ ሲኖዶስ ምልዓተ ጉባኤ ፊት ቀርቦ የአስተዳደር ለውጥ አቋሙን አስረዳ፤ ቅዱስ ሲኖዶሱም በጥያቄዎቹ ላይ መክሮ ምላሽ እንደሚሰጥ ለኅብረቱ ተወካዮች አስታውቋል፡፡ የብዙ ሺሕ ካህናት፣ የሰንበት ት/ቤት ወጣቶች፣ መንፈሳውያን ማኅበራት፣ የአገር ሽማግሌዎችና ታዋቂ ምእመናን ተወካዮች የኾኑና በአምባሳደር ካሳ ከበደ የሚመሩ 9 የኅብረቱ ልኡካን፣ ትናንት፣ ቤተ ክርስቲያኒቱ በመሪ ዕቅድ በመመራትና የምእመናንን ከፍተኛ ተሳትፎ በማረጋገጥ ማምጣት ስላለባት አስተዳደራዊ ለውጥ ያላቸውን አቋም በመካሔድ ላይ በሚገኘው የቅዱስ ሲኖዶስ ምልዓተ ጉባኤ ስብሰባ ላይ ማስረዳታቸውን ምክትል ሰብሳቢው አርክቴክት ዮሐንስ መኰንን ለአዲስ አድማስ ገልጸዋል፡፡ “ለቤተ ክርስቲያን አስተዳደራዊ ለውጥ የካህናትንና የምእመናንን አቤቱታ ስለማቅረብ” በሚል ርእስ በንባብ በተሰማው ጽሑፍ፣ ለቤተ ክርስቲያኒቱ ችግሮች በጥናት የተደገፈ አስቸኳይ እርምት አለመስጠት፣ ተግባራዊ እንዲኾኑ
“ለውጡን እየመራን ያለነው በህይወታችን ተወራርደን ነው” – ጠ/ሚ ዐቢይ አህመድ
· በወንጀል የተጠረጠሩ ባለሥልጣናት በመጪው ሣምንት ይፋ ይሆናሉ · ህግን ማስከበር፤ ጡንቻን ከማሳየት ጋር አንድ አድርጎ ማየት ተገቢ አይገለም · የታጠቀና የተቆጣ ወታደርን ስሜት አብርዶ መመለስ ትልቅ ፈተና ነበር ጠ/ሚኒስትር ዶ/ር ዐቢይ አህመድ ከትናንት በስቲያ፣ በህዝብ ተወካዮች ምክር ቤት ተገኝተው ከምክር ቤቱ አባላት ለቀረቡላቸው ጥያቄዎች ማብራሪያና ምላሽ ሰጥተዋል፡፡ የኢፌዴሪ ፕሬዚዳንት ዶ/ር ሙላቱ ተሾመ፣ መስከረም 28 ቀን 2011 ዓ.ም በተካሄደው የምክር ቤቱ የመክፈቻ ሥነ ስርዓት ላይ ባደረጉት ንግግር ላይ ተመስርቶ ከምክር ቤቱ ለተነሱ ጥያቄዎች ማብራሪያና ምላሽ የሰጡት ጠ/ሚኒስትር ዶ/ር ዐቢይ አህመድ፤የምክር ቤቱ አባላት የተጀመረውን የለውጥ ሂደት ለማስቀጠል ከፍተኛ ስራ ይጠበቅባቸዋል ብለዋል፡፡ አሁን አገሪቱ ያለችበት ሁኔታ ከፍተኛ ጥንቃቄና እርጋታን የሚፈልግና የሁሉንም ተሳትፎ የሚጠይቅ ወቅት መሆኑን ጠ/ሚኒስትሩ ተናግረዋል፡፡ የሥርዓት አልበኝነት ዳፋ በተለያዩ አካባቢዎች ሁከት በመቀስቀስ የዘር ማጥፋት በፈፀሙ ወንጀለኞች ላይ የተወሰደ አስተማሪ እርምጃ ካለ እንዲገለፅና ህዝብ በተሰበሰበበት አደባባይ ላይ ቦንብ በማፈንዳት በሰዎች ላይ ኢ-ሰብአዊ ድርጊት የፈፀሙ ወንጀለኞች ጉዳይ ተጣርቶ ለህዝብ ይፋ ማድረግ ያልተቻለበት
በአዲስ አበባ አመራር ላይ አሲረዋል ተብለው የታሰሩት ጠበቃ ያለምንም ቅድመ ሁኔታ እንዲፈቱ አምነስቲ አሳሰበ
“አዲስ አበባ በልጆቿ መመራት አለባት” በሚል በአሁኑ የከተማዋ አመራር ላይ አሲረዋል ተብለው የታሰሩት የህግ ጠበቃና የሰብአዊ መብት ተከራካሪው አቶ ሄኖክ አክሊሉ፤ ያለ ምንም ቅድመ ሁኔታ ከእስር እንዲለቀቁ አምነስቲ ኢንተርናሽናል አሳሰበ፡፡ ጠበቃ ሄኖክ አክሊሉ እና ሌላው ታሳሪ አቶ ሚካኤል መላኩ መታሰር፤ አሁንም በሀገሪቱ መሰረታዊ የሰብአዊ መብቶች ተሟልተው እየተከበሩ እንዳልሆነ ጉልህ ማሳያ ነው ብሏል የሰብአዊ መብት ተቋሙ፡፡ “እስሩ መንግስት የጀመረውን የፖለቲካ ምህዳር ማስፋት እንቅስቃሴን በእጅጉ የሚጎዳ ነው” ያለው አምነስቲ፤ “ፖሊስ የመብት ተሟጋቾችን ከማሰር ይልቅ መብታቸውን ሙሉ ለሙሉ የሚጠቀሙበትን አስቻይ ሁኔታ መፍጠር ይገባዋል” ብሏል፡፡ በሀገሪቱ ሃሳብን የመግለፅና የመደራጀት መብት ተሟልቶ እንዲከበር መንግስት ያለውን ቀናኢነት ሁለቱን ግለሰቦች ያለምንም ቅድመ ሁኔታ ከእስር በመፍታት ማሳየት አለበት ብሏል - አምነስቲ ኢንተርናሽናል፡፡ ለበርካታ የሽብር ተከሳሾች በነፃ ጭምር ጥብቅና በመቆም የሚታወቁት የህግ ባለሙያና ጠበቃ ሄኖክ አክሊሉ፤ “አዲስ አበባ በልጆቿ ብቻ ነው መመራት ያለባት” ሲሉ አሲረዋል በሚል ተጠርጥረው መታሰራቸውን ፖሊስ ለፍ/ቤት አስታውቋል፡፡ ረቡዕ እለት በፖሊስ ተይዘው የታሰሩት ተጠርጣሪው፤ ሐሙስ ፍ/ቤት
የጠ/ሚኒስትሩ ለሴቶች ትኩረት የሰጠ ሹመት አለማቀፍ አድናቆት አትርፏል
የካቢኔያቸውን እኩሌታ በሴቶች በማዋቀር፣ በሴቶች የለውጥ ኃይልነት እምነት ያሳደሩት ጠቅላይ ሚኒስትር ዶ/ር ዐቢይ አህመድ፣ የፆታ እኩልነትን በሚያረጋግጠው አዲስ የሴቶች ሹመታቸው አለማቀፍ ተቋማት አድናቆት የተቸራቸው ሲሆን ብዙዎቹ የዓለም መገናኛ ብዙኃንም ለጉዳዩ ትኩረት ሰጥተው ዘግበውታል፡፡ ጠቅላይ ሚኒስትሩ ሴቶችን ለከፍተኛው የፖለቲካ ስልጣን በማብቃት ረገድ ከአፍሪካ ሃገራት መሪዎች ቀዳሚነቱን በመያዝ ፈርቀዳጅነታቸውን አስመስክረዋል ተብሏል፡፡ የመከላከያ ሚኒስትር እና በስሩ የደህንነትና የፀጥታ ኃይሎችን የያዘውን የሰላም ሚኒስትር በሴቶች እንዲመሩ ማድረጋቸውን በአድናቆት የዘገበው አሶሴትድ ፕሬስ፤ ይህም መሰረታዊ ለውጥ በማምጣት፣ ሀገሪቱን በአፍሪካ ጠቃሚና ስትራቴጂያዊ ሃገር ለማድረግ ያግዛታል ብሏል፡፡ ጠቅላይ ሚኒስትሩ እነዚህን መሰረታዊ ለውጦች በራሳቸው ቀና አድርጓቸዋል ፖለቲካዊ ውሳኔ ማምጣታቸውን ዘገባው ጠቁሞ ይህ የለውጥ እርምጃቸውና አቅጣጫቸው በአመራር ዘመናቸው ተወዳጅነትና ታዋቂነትን ካተረፉት የደቡብ አፍሪካው ኔልሰን ማንዴላ፣ የአሜሪካው ባራክ ኦባማ እና የሩሲያው ሚኻኤል ጎርቫቾቭ ጋር እንዲመሳሰሉና እንዲነፃፀሩ አድርጓቸዋል ብሏል፡፡ በአሁኑ ወቅት ሴቶችን ወደ ፖለቲካ ስልጣን በማምጣት ሩዋንዳ እና ኢትዮጵያ በአፍሪካ ቀዳሚዎቹ ሲሆኑ ሩዋንዳ ከፓርላማ አባሏ ከ60 በመቶ በላይ ሴቶች ሲሆኑ ኢትዮጵያ ዋናው የመንግስት
ቀዳማዊ አፄ ኃይለሥላሴ በአፍሪካ ህብረት ሃውልት ሊቆምላቸው ነው
ለአፍሪካ ሃገራት ነፃነትና ለአፍሪካ ህብረት ምስረታ፣ ከፍተኛ አስተዋፅኦ ካበረከቱት የአፍሪካ መሪዎች በቀዳሚነት የሚጠቀሱት ግርማዊ ቀዳማዊ አፄ ኃይለ ሥላሴ፤ በአፍሪካ ህብረት ግቢ ውስጥ የመታሰቢያ ሃውልት ሊቆምላቸው መሆኑ ተገለጸ፡፡ በቻይና መንግስት ሙሉ ወጪ ተገንብቶ ለአፍሪካ ህብረት የተበረከተው አዲስ ህንጻ በተመረቀበት ወቅት የአፍሪካ አንድነትን ከመሰረቱት አፍሪካውያን መሪዎች መካከል የጋናው መሪ የመታሰቢያ ሃውልት ቢቆምም፣ የቀዳማዊ ኃይለሥላሴ ሃውልት ግን መዘንጋቱ ብዙዎችን ማሳዘኑ የሚታወስ ሲሆን ጉዳዩ በኢትዮጵያ መንግስት ደረጃ ተነስቶ ለውይይት የቀረበበት ጊዜ የለም፡፡ ለቀዳማዊ አፄ ኃይለሥላሴ የመታሰቢያ ሃውልት በሚቆምበት ሁኔታ ላይ በአፍሪካ ህብረት የኢትዮጵያ ተወካይ ከሆኑት አምባሳደር ወይንሸት ታደሰ ጋር ምክክር ማድረጉን የገለፀው ህብረቱ፤ከኢትዮጵያ መንግስት በኩል አዎንታዊ ምላሽ መገኘቱን አስታውቋል፡፡ በህብረቱ ቅጥር ግቢ ውስጥ የንጉሱን ሃውልት የማቆም ስራም እስከ ቀጣዩ የፈረንጆች 2019 ዓ.ም መጀመሪያ ድረስ ይጠናቀቃል ተብሏል፡፡ ለቀዳማዊ አፄ ኃይለ ሥላሴ መታሰቢያ የሚቆመው ይህ ሃውልት፤ንጉሡ ለአፍሪካ ሃገራት ነፃነትና ለአፍሪካ አንድነት ድርጅት ምስረታ ላበረከቱት ወደር የለሽ አስተዋፅኦ፣ እውቅና ለመስጠት መሆኑ ተጠቁሟል፡፡ ኢትዮጵያ ለአፍሪካ ህብረት ምስረታ የጎላ
ቤተ ክርስቲያንን ከፖለቲካ ጣልቃ ገብነት የሚከላከል አካል እንዲቋቋም ተጠየቀ
ቤተ ክርስቲያንን ከፖለቲካ ኃይሎች ጣልቃ ገብነት የሚከላከል አካል በቀጣይ የቅዱስ ሲኖዶስ ምልዕተ ጉባኤ እንዲሰየም እንዲሁም የቤተ ክርስቲያኒቱ የአማኞች ቁጥር የቀነሰበትን ምክንያት የሚመረምርና መፍትሄ የሚያስቀምጥ ራሱን የቻለ አካል እንዲቋቋም የሰሜን አሜሪካ የኢ/ኦ/ተ ቤተ ክርስቲያን ማህበረ ካህናት ጠየቁ፡፡ ማህበረ ካህናቱ “ከተዋሃደው ቅዱስ ሲኖዶስ ምልዕተ ጉባኤ ምን እንጠብቅ?” በሚል ባወጡት የአቋም መግለጫ፤ ሁለቱ ሲኖዶሶች ከተዋኃዱ በኋላ የሚደረገው ምልዕተ ጉባኤ፤ ለቤተ ክርስቲያኒቱ መሰረታዊ ችግሮች መፍትሄ ሊበጅ የሚገባውን ጉዳይ አመላክተዋል፡፡ “ታላቅና ገናና ስም የነበራት ቤተ ክርስቲያናችን፤ የአማኞች ቁጥር ከጊዜ ወደ ጊዜ እያሽቆለቆለ፣ ተደማጭነቷ እየቀነሰ፣ ልዕልናዋ እየተደፈረ፣ ክብሯ እየተሸረሸረ መጥቷል” ያሉት ማህበረ ካህናቱ፤ “የሰው ኃይል፣ የገንዘብ አቅምና የእውቀት ችግር የሌለባት ቤተ ክርስቲያን፤ እንደ ተራ ተቋም፣ ለቁጥር በሚያዳግት ችግሮች ተተብትባ ልትቀጥል አይገባትም” ብለዋል፡፡ ይህን ለማረቅም የተዋኃደው ቅዱስ ሲኖዶስ ከምንግዜውም በላይ ከፍተኛ ኃላፊነት እንዳለበትና በመሰረታዊ የቤተ ክርስቲያኒቱ ችግሮች ላይ አተኩሮ ሊወያይ እንደሚገባ አመልክተዋል፡፡ ከዚህ በፊት የነበረው የቅዱስ ሲኖዶስ ምልዐተ ጉባኤ በተለያየ ጊዜ ታላላቅ ውሳኔዎችን ያሳልፍ የነበረ ቢሆንም ውሳኔዎቹ
“የአዲስ አበባ ወጣቶች እስር ህጋዊ መሰረት የሌለው ነው” – የህግ ባለሙያዎች
“ያለአግባብ የታሰሩና የተቀጡ ካሉ፣ ለለውጡ እንደከፈሉት ዋጋ ሊያዩት ይገባል” - ጠ/ሚኒስትር ዐቢይ ለአንድ ወር ያህል በጦላይ ወታደራዊ ማሰልጠኛ ታስረው ሲሰለጥኑ ነበር የተባሉ 1ሺ174 የአዲስ አበባ ወጣቶች፤ ከትላንት በስቲያ ከእስር የተለቀቁ ሲሆን የወጣቶቹ እስርም ሆነ የግዳጅ ስልጠና ህጋዊ መሰረት የሌለው ነው ሲሉ የህግ ባለሙያዎች ተችተዋል፡፡ ወጣቶቹ በጦላይ ወታደራዊ ማሰልጠኛ በቆዩባቸው ጊዜያት በህገ መንግስት፣ በሰላም አስፈላጊነት፣ እራስን ከወንጀል ስለ ማራቅና ተያያዥ ስልጠናዎች ወስደው ማጠናቀቃቸው የተገለፀ ሲሆን ከማሰልጠኛው ሲወጡም፤ “ሰላም ለሁላችንም ስለሆነች እንጠብቃለን” የሚል ቲ-ሸርት ለብሰው ታይተዋል፡፡ የወጣቶቹ እስርና ስልጠና የህግ አግባብነት ያለው መሆኑን የተጠየቁ የህግ ባለሙያዎች በሰጡት አስተያየት፤ የመንግስት ድርጊት የሀገሪቱን ህገ መንግስትም ሆነ የወንጀለኛ መቅጫ ህጉን የተፃረረ ነው ብለዋል፡፡ መንግስት በወንጀል የጠረጠረውን ግለሰብ፣ በ48 ሰዓት ውስጥ ለፍ/ቤት የማቅረብና በማስረጃ ከስሶ የማስቀጣት መብት እንጂ ሰዎች በኃይል ሰብስቦ፣ ወታደራዊ ማሰልጠኛ ውስጥ በማስገባት የግዳጅ ስልጠና የመስጠት ህጋዊ መብት እንደሌለው ባለሙያዎቹ ገልጸዋል፡፡ መንግስት ለዚህ የህግ ጥሰት ወጣቶቹንና የኢትዮጵያን ህዝብ ይቅርታ መጠየቅ እንዳለበትና ወጣቶቹ ላባከኑት ጊዜና
የቀድሞው የሶማሌ ክልል ፕ/ት ከእስር ለማምለጥ ሞክረዋል ተባለ
በእስር ላይ የሚገኙት የቀድሞው የሶማሌ ክልል ፕሬዚዳንት አብዲ ሞሃመድ ኡመር (አብዲ ኢሌ)፤ የታሰሩበትን ክፍል መስኮት በመስበርና ከጥበቃ ጋር በመተናነቅ የማምለጥ ሙከራ አድርገው ነበር ሲል ፖሊስ ትናንት ለፌደራሉ ከፍተኛ ፍርድ ቤት የተናገረ ሲሆን ግለሰቡ ግን ድርጊቱን አለመፈጸማቸውን ለችሎቱ መግለጻቸውን አዲስ ስታንዳርድ ዘግቧል፡፡አብዲ ሞሃመድ ኡመር፤ በምርመራ ወቅት ተገቢ ያልሆነ አያያዝ እንደነበረባቸውና የአእምሮ ጤና ችግር ካለበት አንድ ታሳሪ ጋር በአንዲት ጠባብ ክፍል ውስጥ ታስረው እንደነበር ለችሎቱ አቤቱታቸውን ማሰማታቸውን ተከትሎ ፖሊስ በሰጠው ምላሽ፣ ግለሰቡ የጤና ችግር እንዳለባቸው በመግለጻቸው ለቢሮ በሚያገለግል ክፍል ውስጥ ታስረው እንደነበርና የማምለጥ ሙከራ ካደረጉ በኋላ ግን፣ ወደ መደበኛ የእስረኞች ክፍል ተዛውረው ለብቻቸው እንዲታሰሩ ተደርጓል ማለቱን ዘገባው አመልክቷል፡፡
ጠ/ሚኒስትሩ አዳዲስ የካቢኔ አባላትን ያሾማሉ ተብሎ ይጠበቃል
· ሚኒስቴር መሥሪያ ቤቶች ይጣመራሉ፤የካቢኔ አባላት ከ28 ወደ 20 ዝቅ ይላሉ· ሰላምና የህግ የበላይነት እንዲሰፍን የሚሰራ “የሰላም ሚኒስቴር” ሊቋቋም ነውየጠቅላይ ሚኒስትሩ የካቢኔ አባላት ቁጥር ከ28 ወደ 20 ዝቅ የሚደረግ ሲሆን በርካታ ሚኒስቴር መሥሪያ ቤቶች ይጣመራሉ ተብሏል፡፡ አዲስ “የሰላም ሚኒስቴር” መስሪያ ቤትም ይቋቋማል፡፡ የፌደራል መንግስት አስፈፃሚ አካላትን ስልጣንና ተግባር ለመወሰን አዲስ ረቂቅ አዋጅ መዘጋጀቱን የጠቆሙት የጠቅላይ ሚኒስትሩ ጽ/ቤት ኃላፊ አቶ ፍፁም አረጋ፤ ስድስት ያህል ሚኒስቴር መስሪያ ቤቶች ይዋሃዳሉ ብለዋል፡፡ በረቂቅ አዋጁ መሰረት፤የንግድ ሚኒስቴር እና የኢንዱስትሪ ሚኒስቴር ተዋህደው፣ የንግድና ኢንዱስትሪ ሚኒስቴር እንዲሆን፤ የሳይንስና ቴክኖሎጂ ሚኒስቴር እና የመገናኛ ኢንፎርሜሽን ቴክኖሎጂ ሚኒስቴር ተዋህደው፣ የኢኖቬሽንና የቴክኖሎጂ ሚኒስቴር እንዲሆኑ ተወስኗል፡፡ በተጨማሪም የከተማ ልማት ሚኒስቴር እና የኮንስትራክሽን ሚኒስቴር ተዋህደው የከተማ ልማትና ኮንስትራክሽን ሚኒስቴር እንዲሆን የተወሰነ ሲሆን በየሚኒስቴር መስሪያ ቤቱ ስር ያሉ ተጠሪ ተቋማትም በተመሳሳይ ሁኔታ እንዲዋሃዱ ይደረጋል ተብሏል፡፡በሀገር ውስጥ ሰላምና የህግ የበላይነት እንዲሰፍን፣ በህዝቡ ፈቃድ ላይ የተመሰረተ አንድ የፖለቲካ ማህበረሰብ በጋራ መገንባት ላይ ትኩረት ሰጥቶ የሚሰራ “የሰላም
መንግሥት በጦር ሰራዊቱ ውስጥ ያለውን ችግር በጥልቀት ሊፈትሽ ይገባል ተባለ
የሠራዊት አባላቱ ጠ/ሚኒስትሩንና ህዝቡን ይቅርታ ጠይቀዋባለፈው ረቡዕ መስከረም 30 ቀን 2011 ዓ.ም ተሲያት ላይ፣ 240 የመከላከያ ሰራዊት አባላት፣ ከእነ ሙሉ ትጥቃቸው ወደ ብሔራዊ ቤተ-መንግስት ያመሩት ለግዳጅ አልነበረም። ይልቁንም ከጠ/ሚኒስትር ዐቢይ አህመድ ጋር ለመወያየት ፈልገው ነው፡፡ የሰራዊት አባላቱ ያልተለመደ አመጣጥ እንግዳ የሆነባቸው የቤተ መንግስት ጸጥታና ደህንነት ሃላፊዎች፤ ከሁሉ አስቀድመው አባላቱን ትጥቅ እንዳስፈቷቸው ምንጮች ጠቁመዋል፡፡ ከዚያ በኋላ ነው ቤተ መንግስት እንዲገቡ የተፈቀደላቸው ተብሏል፡፡ ጠ/ሚኒስትር ዐቢይ አህመድ፣ የዚያኑ ዕለት ምሽት ለኢቴቪ በሰጡት መግለጫ፤ ነገሩን ቀላል አድርገው ነው የገለጹት፡፡ በወታደሮቹ ቤተ መንግስት መከሰት የደነገጡ ወይም የተበሳጩ አይመስሉም፡፡ እንደውም ከሰራዊቱ አባላት ወደ ቤተ መንግስት መግባት ጋር ተያይዞ፣ በፌስቡክ ላይ በተሰራጩ የ”መፈንቅለ መንግስት ሙከራ” እየተደረገ ነው ዓይነት አሸባሪ የፈጠራ ወሬዎች ሳይደነግጡ አልቀሩም፡፡ ለዚያም ሳይሆን አይቀርም ራሳቸው ለቲቪ መግለጫውን የሰጡት። “የውሸት ዘመቻ ተቀብለን ካስተናገድን ያው መበላላት ነው” ያሉት ጠ/ሚኒስትሩ፤ ”በሃይማኖት፣ በዘር፣ በሥልጣን---ክፉ ሰዎች እንዲህ እየፈጠሩ ነው የሚያሰራጩት--” በማለት ህብረተሰቡ፣ ከፌስቡክ ዘመቻ ራሱን እንዲያቅብ መክረዋል፡፡ ጠ/ሚኒስትሩ ነገሩን ቀለል
የፀረ ሽብር ህግ “ያስፈልጋል አያስፈልግም?”
በጠቅላይ አቃቤ ህግ ሥር የተቋቋመው የፍትህ እና ህግ ማሻሻያ ም/ቤት ኮሚቴ ሰሞኑን በአዋጁ ላይ ያደረገውን ጥናት ውጤት ለውይይት አቅርቧል፡፡ ከፖለቲካ ፓርቲዎች፣ የሲቪክ ተቋማትና የማህበረሰብ ኮሚቴዎች በፀረ ሽብር ህጉ ላይ የተወያዩ ሲሆን “የፀረ ሽብር ህግ ለኢትዮጵያ ያስፈልጋል አያስፈልግም” በሚለው ላይ ሰፊ ክርክርና ውይይት ተካሂዷል፡፡ አብዛኛው አስተያየት ሰጪ አገሪቱ ከምትገኝበት ጂኦ ፖለቲካዊ ሁኔታ አንፃር፣ የፀረ ሽብር ህግ ያስፈልጋታል የሚለውን ሃሳብ ያንፀባረቀ ሲሆን ላለፉት 8 ዓመታት የተተገበረው የፀረ ሽብር ህግ ግን ለፖለቲካዊ ማጥቂያ ውሏል በሚል ክፉኛ ተተችቷል፡፡ የፍትህና የህግ ማሻሻያ ም/ቤት አባሉ፣ ጠበቃና የህግ አማካሪ አቶ አመሃ መኮንን ባቀረቡት ጥናት ላይም፤ በተለይ የተለየ አመለካከትና ሃሳብ ያላቸው፣ የያዙት ሃሳብ ለመንግስት ስጋት ነው ተብለው የሚገመቱ ፖለቲከኞችና ጋዜጠኞች የነበረው የፀረ ሽብር ህግ እንደማጥቂያ መሳሪያ አገልግሏል ብሏል፡፡ በርካቶችም በዚህ ህግ ምክንያት ለሰብአዊ ጉስቁልና እና ጉዳት እንዲሁም ለህሊናዊና ሞራላዊ ጉዳት መዳረጋቸውን በጥናቱ ተጠቁሟል፡፡ ለኢትዮጵያ “የፀረ ሽብር ህግ ያስፈልጋል አያስፈልግም” በሚለው ጉዳይ ላይ በተደረገው ውይይት እንደቀድሞ ኢትዮጵያውያን ዜጎችን ኢላማ
የፖለቲካ ድርጅቶች በጋራ የሚመክሩበት መድረክ እንዲመቻች ተጠየቀ
“ፖለቲከኞች ከሃገር ሽማግሌዎች መማር አለባቸው” - ሰማያዊ ፓርቲበቅርቡ ከውጭ የተመለሱና ነባር የፖለቲካ ድርጅቶች፣ ከገዥው ፓርቲ ጋር በጋራ በሀገሪቱ የወደፊት አቅጣጫዎችና የህግ የበላይነት ጉዳይ ላይ የሚመክሩበትን መድረክ፤ መንግስት ኃላፊነት ወስዶ እንዲያመቻች ሰማያዊ ፓርቲ ጠየቀ፡፡ ፓርቲው ትናንት በሰጠው መግለጫ፤ በሀገሪቱ የሚታዩ የህግ አለመከበርና የዜጎች እንግልት እንዲገታ እንዲሁም የፖለቲካ ፓርቲዎች በሀገሪቱ ሁኔታ ላይ የጋራ አቋም ይዘው እንዲንቀሳቀሱ የሚያስችል ውይይት ማካሄድ ያስፈልጋል ብሏል። ይህን የውይይት መድረክም የሀገርን ሰላምና መረጋጋትን የማስጠበቅ ኃላፊነት ያለበት የሀገሪቱ መንግስት እንዲያዘጋጅ ፓርቲው በመግለጫው ጠይቋል፡፡ ይህ መድረክ ቢዘጋጅ “ትጥቅ ፍታ አልፈታም የሚል ውዝግብን በማስቀረት በሀገሪቱ ጉዳይ የጋራ ግንዛቤ ለመያዝም አጋዥ እንደሚሆን ሰማያዊ ጠቁሟል፡፡ “የሀገርና ህዝብን ሰላምና መረጋጋት ከማስፈን አንፃር፤ የፓርቲ ርዕዮተ ዓለም ልዩነቶች ሊገድቡን አይገባም” በሚል መርህ ፓርቲው ባወጣው የአቋም መግለጫው፤ “ይሄ የኔ ሀገር ነው፤ ያ ያንተ ነው መባባሉ ቀርቶ፣ የጋራ ሃገራችንን ወደ መገንባት ሂደት መግባት አለብን” ብሏል፡፡ “ፖለቲከኞች ከጋሞ ሃገር ሽማግሌዎች መማር አለባቸው” ያለው ፓርቲው ለፀብ መነሻ የሚሆኑ አጀንዳዎችን በመተው፣
ሲኤምሲ አጠቃላይ ሆስፒታል ነፃ የጡት ካንሰር ምርመራ ሊያደርግ ነው
ከጊዜ ወደ ጊዜ እየተስፋፋ የመጣውና የበርካታ ዜጎችን ሕይወት እየቀጠፈ ያለውን የካንሰር ሕመም ለመከላከል ጤናማ የአኗኗር ዘይቤን መከተል ተገቢ ነው ያለው ሲኤምሲ አጠቃላይ ሆስፒታል በኅብረተሰቡ ዘንድ ስለ በሽታው ግንዛቤ መፍጠር እየሰራ መሆኑን ገልጿል፡፡ ከተመሰረተ 18 ዓመታትን ያስቀጠረው ሆስፒታሉ፣ የጡት ካንሰርን አደገኛነት ለማስገንዘብ እየሰራ ከመሆኑም በላይ ከጥቅምት 5-17 ቀን 2011 በዘመናዊ መሳሪያ (Mamography) በመታገዝ ዕድሜአቸው ከ40 ዓመት በላይ ለሆኑ ሴቶች ነፃ የጡት ካንሰር ቅድመ ምርመራ እንደሚያደርግ አስታውቋል፡፡ የጡት ካንሰር፣ መደበኛ የጡት ሴሎች ከቁጥጥር ውጭ በመሆን መልኩ በሚበዙበትና ጤናማ አካልን በሚወርሩበት ጊዜ የሚፈጠር ሲሆን፣ በበለፀጉት አገሮች ከ8 ሴቶች አንዷ በጡት ካንሰር የተያዘች እንደሆና ሴቶች በካንሰር የመያዝ ዕድላቸው 150 እጥፍ እንደሆነ ሆስፒታሉ ገልጿል። የጡት ካንሰር ምልክቶች፤ በጡት ላይ እብጠት ወይም ዕጢ፣ የጡት መጠን መጨመር ወይም መቀነስ፣ የጡት ቆዳ መሰርጎድ፣ መቁሰል፣ የጡት ላይ ህመም ሲሆኑ፣ በጡት ላይ የሚታዩ ምልክቶች ሁሉ የካንሰር ምልክቶች ናቸው ማለት እንደማይቻል ተነግሯል፡፡ ማንኛዋም ከ40 ዓመት በላይ የሆናት ሴት በዓመት አንድ ጊዜና
የፖለቲካ ድርጅቶች ምዝገባ አዋጅን ለማሻሻል ህገ መንግስታዊ ማሻሻያ ያስፈልጋል
የምርጫ ህጉን በተመለከተ የማሻሻያ ሃሳቦችን ያቀረበው ከፓርቲዎች የተውጣጣው የምርጫ ጉዳዮች ማሻሻያ ሃሳቦች አቅራቢ ኮሚቴ፤ የፖለቲካ ድርጅቶች ምዝገባ አዋጅን ለማሻሻል ህገ መንግስታዊ ማሻሻያ ያስፈልጋል አለ፡፡ ኮሚቴው በፖለቲካ ድርጅቶች ምዝገባ አዋጅ እና በፓርቲዎች የስነ ምግባር አዋጅ ላይ ሲያካሂድ የነበረውን ማሻሻያ አጠናቆ ለፓርቲዎች ውይይት ዝግጁ ማድረጉን የኮሚቴው ፀሐፊ አቶ ዋሲሁን ተስፋዬ ለአዲስ አድማስ ገልፀዋል፡፡ በቅርቡ ወደ ሀገር ውስጥ የተመለሱ የፖለቲካ ድርጅቶች አብዛኛው አመራሮቻቸው ከዜግነት ጉዳይ ጋር በተያያዘ ምዝገባ ማከናወን እንዳልቻሉ ባለፈው ሳምንት ለአዲስ አድማስ መግለፃቸው የሚታወስ ሲሆን የፓርቲዎች ምዝገባ አዋጅ ማሻሻያ ሀሳብ አቅራቢ ኮሚቴውም፤ በጉዳዩ ላይ ውይይት ማድረጉ ተገልጿል፡፡ በጉዳዩ ላይ ለውይይት የሚቀርቡ የተለያዩ አማራጮች መቅረባቸውን የጠቆሙት አቶ ዋሲሁን፤ ኢትዮጵያዊ ባልሆኑ ግለሰቦች የተቋቋሙ የፖለቲካ ፓርቲዎች እንዴት ይስተናገዱ የሚለው ራሱን ችሎ ህገ መንግስታዊ ማሻሻያ እንደሚያስፈልገው በጥናት ታግዞ በቀረበው የማሻሻያ ሃሳብ መመላከቱን አስረድተዋል፡፡ በቀጣይ ለፖለቲካ ድርጅቶች ውይይት በሚቀርበው የፓርቲዎች የስነ ምግባር አዋጅ ላይም ከዚህ ቀደም የፓርቲዎችን ነፃነት የሚገድቡ የተለያዩ አንቀፆች መሻሻላቸውን እንዲሁም በውጭ ሀገር የሚኖሩ
የተሻሻለው የበጎ አድራጎቶች ማህበራት አዋጅ፤ የድርጅቶችን ነፃነት የሚያስጠብቅ ነው ተባለ
ገንዘብ ከማንኛውም ህጋዊ ምንጭ እንዲያሰባስቡ ይፈቅዳልማህበራትና የበጎ አድራጎት ድርጅቶች፤ ከየትኛውም ህጋዊ ምንጭ ገንዘብ መሰብሰብ የሚያስችላቸው አዲስ ረቂቅ አዋጅ የተዘጋጀ ሲሆን አዋጁ የድርጅቶችን ነፃነት የሚያስጠብቅ ነው ተብሏል፡፡በጠቅላይ አቃቤ ህግ ስር የተቋቋመው የፍትህና የህግ ማሻሻያ ምክር ቤት፤ በ2001 ዓ.ም የወጣውና ለበርካታ ማህበራትና የበጎ አድራጎት ድርጅቶች መዳከም ምክንያት ሆኗል በሚል ሰፊ ትችት ሲቀርብበት የነበረውን አዋጅ አሻሽሎ እንዳጠናቀቀ ታውቋል፡፡ አዲስ በተዘጋጀው ረቂቅ ላይ መንግስታዊ ያልሆኑ ድርጅቶች (ማህበራትና የበጎ አድራጎት ድርጅቶች) በፈለጉት ጉዳይ ላይ የመስራትና የመንቀሳቀስ መብታቸው ያለምንም ገደብ መጠበቁ ተጠቁሟል፡፡ ከዚህ ቀደም መንግስታዊ ያልሆኑ ድርጅቶች ከውጪ የሚያገኙት ገንዘብ ከ10 በመቶ መብለጥ እንደሌለበትና በዋናነት ገቢያቸው ከሀገር ውስጥ እንዲሆነ የሚያስገድደው አንቀፅም ሙሉ ለሙሉ ተሻሽሎ ድርጅቶች ከየትኛውም ህጋዊ ምንጭ ገንዘብ ማሰባሰብ እንዲችሉ ይፈቅዳል ተብሏል፡፡ ይህን አዋጅ አስመልክቶም ከትናንት በስቲያ ከባለድርሻ አካላት ጋር ውይይት ተደርጓል፡፡ አዲሱ የተሻሻለው ህግ፤ በሀገሪቱ የተጀመረውን የዲሞክራሲያዊ ስርአት ግንባታን ተቋማዊ ለማድረግ በእጅጉ ይረዳል ሲሉ የህግ ባለሙያዎች ተናግረዋል፡፡
የኤርትራ መንግሥት የፖለቲካ እስረኞችን እንዲፈታ ተጠየቀ
የኢትዮጵያና የኤርትራ እርቅን ተከትሎ ፖለቲካዊና ዲፕሎማሲያዊ ማሻሻያ እያደረገች ነው የተባለችው ኤርትራ፤ የፖለቲካ እስረኞችን እንድትፈታ ሂውማን ራይትስ ዎች ጠይቋል፡፡ የሁለቱ ሀገራት ግንኙነት ዳግም ከተጀመረ በኋላ የኤርትራ መንግሥት በተለይ በዲፕሎማሲው ረገድ ከፍተኛ ማሻሻያ ማድረጉን፣ የህገ መንግስት ረቂቅ ማዘጋጀት መጀመሩን፣ በሃሳብ ልዩነትና በፖለቲካ አመለካከት የተሰደዱ ኤርትራውያን ወደ ሀገራቸው እንዲመለሱ ጥሪ ማቅረቡን የገለፀው የሰብአዊ መብት ተሟጋች ድርጅቱ፤ ከእነዚህ ማሻሻያዎች ጎን ለጎን የፖለቲካ እስረኞችን መፍታት አለበት ብሏል፡፡ በ2001 (እኤአ) 21 ከፍተኛ የመንግሥት ባለስልጣናትና ጋዜጠኞች በግፍ መታሰራቸውንና በእስር ላይ የተለያዩ ኢ - ሰብአዊ ተግባር እየተፈፀመባቸው መሆኑን የጠቆመው ድርጅቱ፤ እነዚህን ጨምሮ በመቶዎች የሚቆጠሩ እስረኞች በአስቸኳይ እንዲፈቱ ጠይቋል፡፡ የሀገሪቱ መንግስት በህግ የበላይነትና በእስረኞች ጉዳይ ማሻሻያ ያደርጋል ተብሎ ሲጠበቅ በቅርቡ ግልፅ ባልሆነ ምክንያት የሀገሪቱን የገንዘብ ሚኒስትር ዘብጥያ መወርወሩ “ተገቢነት የጎደለው ኢ-ፍትሃዊ ድርጊት” ነው ሂውማን ራይትስ ዎች ሲል በፅኑ ኮንኗል፡፡የኤርትራ መንግስትና የኢትዮጵያ መንግስት፤ የተባበሩት መንግስታት በኤርትራ ላይ የጣለውን ማዕቀብ እንዲያነሳ መጠየቃቸው የሚታወቅ ሲሆን ሂውማን ራይትስ ዎች በበኩሉ፤ የመንግስታቱ ድርጅት የሃገሪቱን
ወደ ሃገር ቤት የተመለሱ የፖለቲካ ድርጅቶች በምርጫ ቦርድ አልተመዘገቡም ተባለ
“ከዜግነት ጋር የተያያዘው ህግ እንቅፋት ሆኖብናል”በመንግስት ጥሪ ተደርጎላቸው ከውጭ አገራት ወደ ሃገር ቤት የተመለሱ በርካታ የፖለቲካ ድርጅቶች እስካሁን በኢትዮጵያ ምርጫ ቦርድ ተመዝግበው ህጋዊነትን ያላገኙ ሲሆን የፖለቲካ ድርጅቶቹ እንዲመዘገቡ ምርጫ ቦርድ ጥሪ አቅርቧል፡፡ የኢትዮጵያ ምርጫ ቦርድ የኮሚኒኬሽን ጉዳዮች ዳይሬክተር አቶ ተስፋለም አባይ ለአዲስ አድማስ በሰጡት ማብራሪያ፤ ቦርዱ ቀደም ሲል ለፖለቲካ ድርጅቶቹ ጥሪ በማድረግ፣ በአመዘጋገብ ስርአቱና ሂደቱ ላይ ገለፃ መስጠቱንና እንዲመዘገቡም ማስታወቁን ጠቁመው፤ እስካሁን ከ“አፋር ህዝብ ፓርቲ” በስተቀር ወደ ጽ/ቤቱ ቀርቦ አቅርቢ እውቅና ለማግኘት ያመለከተ ፓርቲ የለም ብለዋል፡፡ የሀገሪቱ ህግ፤ “ማንኛውም የፖለቲካ ድርጅት በሃገር ውስጥ ህጋዊ ሆኖ ነው መንቀሳቀስ አለበት” ይላል ያሉት አቶ ተስፋለም፤ ድርጅቶቹ ወደ ምዝገባ ስርአቱ እንዲገቡ ቦርዱ የተለያዩ ጥረቶችን እያደረገ መሆኑን ገልፀዋል፡፡ በአሁኑ ወቅት ምርጫ ቦርድ በህጋዊነት የመዘገባቸው 22 ሀገር አቀፍና 40 ክልላዊ፣ በድምሩ 62 ፓርቲዎች መሆናቸውንም ዳይሬክተሩ ጠቁመው፡፡ ቦርዱም በሀገሪቱ የፖለቲካ ፓርቲነት የሚያውቃቸው እነዚህኑ ድርጅቶች ብቻ ነው ብለዋል - አቶ ተስፋለም፡፡ ወደ ሀገር ቤት የተመለሱ የፖለቲካ ድርጅቶች፣ ወደ
ለቤኒሻንጉል ተፈናቃዮች መንገድ በመዘጋቱ እርዳታ ማቅረብ አልተቻለም
· “ከፍተኛ የሰብአዊ መብት ጥሰት እየተፈፀመ ነው” · ግጭቱ ከቁጥጥር ውጭ እንዳይሆን ተሰግቷል እየተፈፀመ ነው”በቤኒሻንጉል ጉሙዝ የተደራጁ ታጣቂዎች በሰነዘሩት ጥቃት ከ60 በላይ ዜጎች መገደላቸውን ተከትሎ፣ በተከሰተ ግጭት በ100 ሺዎች የሚቆጠሩ የኦሮሞና አማራ ተወላጆች የተፈናቀሉ ሲሆን የኢትዮጵያ ሰብአዊ መብት ኮሚሽን ሰሞኑን በሰጠው መግለጫ፤ በክልሉ ከፍተኛ መፈናቀልና የሰብአዊ መብት ጥሰት እየተፈፀመ መሆኑን ጠቁሞ፤ መንግስት አፋጣኝ እርምጃ ካልወሰደ ሁኔታው ከቁጥጥር ውጪ ሊሆን እንደሚችል አስጠንቅቋል፡፡ በአካባቢው ግጭቱና የሰብአዊ መብት ጥሰቱ መቀጠሉንም ኮሚሽኑ አስታውቋል። በሌላ በኩል፤ በቤኒሻንጉል ጉሙዝ ክልል መንገድ በመቆረጡና በታጣቂዎች በመዘጋጋቱ ምክንያት ተፈናቅለው ለሚገኙ ከ82 ሺህ በላይ ዜጎች ተገቢውን ሰብአዊ ድጋፍ ማቅረብ አለመቻሉን የክልሉ መንግስት ለአዲስ አድማስ አስታውቋል፡፡ በአሁኑ ወቅት ያሱ እና ሊጃንፎ በተባሉት የክልሉ ሁለት ወረዳዎች፣ አንፃራዊ መረጋጋት በመስፈኑ የተወሰኑ ተፈናቃዮች ወደ ቀያቸው እየተመለሱ መሆኑን የተናገሩት የክልሉ መንግስት ኮሚኒኬሽን ኃላፊ አቶ ዘላለም ያደታ፤ በአንፃሩ አጋሎሜቲ በተባለው ወረዳ ትንኮሳዎችና ግጭቶች አሁንም አልፎ አልፎ እየተከሰቱ ነው ብለዋል፡፡መረጋጋት ባለባቸው አካባቢዎች የበለጠ የማረጋጋት ስራ እየተሰራ መሆኑን
አዲሱ የምርጫ ህግ ማሻሻያ ምን ይላል?
· ምርጫ ቦርድ፤ በገዥው ፓርቲና በተቃዋሚዎች እኩል ውክልና ይመራል· ቅሬታዎችን የሚያስተናግድ የምርጫ ፍ/ቤት ይቋቋማል· በአዲሱ ህግ፤ ጠ/ሚኒስትሩ የምርጫ ቦርድ ሰብሳቢን የመምረጥ ስልጣን የላቸውምየኢትዮጵያ ብሔራዊ ምርጫ ቦርድ ከገዥው ፓርቲና ከተቃዋሚ ፓርቲዎች በእኩል መጠን በተውጣጡ አባላት እንደሚመራ አዲሱ የምርጫ ህግ ሪፎርም ሰነድ አመልክቷል፡፡ በምርጫ ውጤት ቅሬታ የሚያቀርቡ ተወዳዳሪዎችን ለመዳኘትም በምርጫ ቦርድ ጊዜያዊ “የምርጫ ፍ/ቤት” ይቋቋማል ተብሏል፡፡ የሀገሪቱን የምርጫ ስርአት ለመቀየር የግድ ህገ መንግስቱ መሻሻል እንደሚገባውም ይኸው ለፖለቲካ ፓርቲዎች ውይይት የቀረበው የምርጫ ህግ ሪፎርም ይጠቁማል፡፡ባለፉት 27 ዓመታት በሀገሪቱ በተደረጉት 5 ብሔራዊ ምርጫዎች ላይ በህገ መንግስቱ ተደንግጎ ያገለገለው የአብላጫ ምርጫ ስርአት፣ ህገ መንግስቱ ተሻሽሎ በቅይጥ ትይዩ አሊያም በተመጣጣኝ ውክልና የምርጫ ስርአት መተካት እንዳለበት ረቂቅ ሰነዱ ያመለክታል፡፡ ምርጫን በበላይነት የሚያስፈፅመው ብሔራዊ ምርጫ ቦርድም ቀደም ሲል ዘጠኝ አባላት የነበሩት ሲሆን በአዲሱ ማሻሻያ ቁጥራቸው ወደ 15 ከፍ ብሏል፡፡ ጠቅላይ ሚኒስትሩ የቦርዱን ሰብሳቢና ምክትል ሰብሳቢ መርጦ ለሹመት ያቀርባል የሚለውን የቀድሞ ህግ በማሻሻል የቦርዱ ሰብሳቢና ምክትል ሰብሳቢ ከቦርዱ አባላት
ዶ/ር ዐቢይ አህመድ በ176 ድምፅ ተመረጡ
“በዶ/ር ዐቢይ አመራር አለምን ያስደነቀ ለውጥ መጥቷል” - ዶ/ር ደብረፅዮን ገ/ሚካኤል በሐዋሳ ከተማ ላለፉት ሦስት ቀናት ጉባኤውን ሲያካሂድ የቆየው ኢህአዴግ፤ ዶ/ር ዐቢይ አህመድንና አቶ ደመቀ መኮንንን በሊቀ መንበርነትና በም/ሊቀመንበርነታቸው እንዲቀጥሉ የመረጠ ሲሆን ኢህአዴግ የርዕዮተ ዓለም ለውጥ አለማድረጉ ታውቋል፡፡ በጉባኤው በዋናነት ባለፉት 6 ወራት በዶ/ር ዐቢይ አህመድ አመራርነት የመጡ ፖለቲካዊ ለውጦች የውይይት አጀንዳ እንደነበሩ የጠቆሙት የስብሰባው ተሳታፊዎች፤ ጠ/ሚኒስትሩ የሰጧቸው አመራሮች ውጤታማና ስኬታማ ነበሩ በሚል መገምገሙን ጠቁመዋል፡፡ የህውሓት ሊቀ መንበር ዶ/ር ደብረፅዮን ገ/ሚካኤል በጉባኤው ላይ በሰጡት አስተያየት፤ በጠ/ሚ ዶ/ር ዐቢይ አህመድ አመራርነት ባለፉት 6 ወራት በሀገሪቱ የመጣው አዎንታዊ ፖለቲካዊ ለውጥ እውቅና ሊሰጠው ይገባል ብለዋል፡፡ “ባለፉት ስድስት ወራት የተመዘገቡት አለምን ያስደነቁ ለውጦች ዶ/ር ዐቢይ እንደ መንግሥት መሪ የራሱን ፈጠራ፣ ድፍረት፣ ጥበብና ሁለንተናዊ የአመራር ብቃት ተጠቅሞ ያመጣው ለውጥ ነው፣ ለዚህም ተገቢውን እውቅናና ክብር መስጠት ያስፈልጋል” ማለታቸውን አንድ በስብሰባው የተሳተፉ ከፍተኛ ባለስልጣን ተናግረዋል፡፡ በጉባኤው ሌላው ትኩረት የተሰጠው ጉዳይ የዲሞክራሲ ስርዓት ግንባታና የህግ የበላይነት ጉዳይ ሲሆን
የሰኔ 16ቱ የቦንብ ጥቃት ጠ/ሚኒስትሩን ለመግደል ያለመ ነበር ተባለ
- “ጥቃቱን ያቀነባበረችው ግለሰብ ነዋሪነቷ በኬንያ ነው” - ዐቃቤ ሕግ - ኦነግ ጉዳዩ አይመለከተኝም ብሏል ሰኔ 16 ቀን 2010 ዓ.ም በአዲስ አበባ መስቀል አደባባይ ለጠቅላይ ሚኒስትር ዶ/ር ዐቢይ አህመድ በተጠራው የድጋፍና የምስጋና ህዝባዊ ሰልፍ ላይ የተፈፀመው የቦንብ ጥቃት ጠ/ሚኒስትሩን ለመግደል ያለመ መሆኑን ዐቃቤ ሕግ የገለፀ ሲሆን ጥቃቱን ያቀነባበረችው ግለሰብ ነዋሪነቷ በኬንያ መሆኑን ለፍ/ቤት ተናግሯል፡፡ ትናንት አርብ ዐቃቤ ሕግ በአምስት ተጠርጣሪዎች ላይ የሽብርተኝነት ክስ የመሠረተ ሲሆን፤ ተከሳሾቹም አቶ ጌቱ ግርማ፣ አቶ ብርሃኑ ጃፋር፣ አቶ ጥላሁን ጌታቸው፣ አቶ ባህሩ ቶሎሳና አቶ ደሣለኝ ተስፋዬ ናቸው፡፡“ተከሳሾቹ ጥቃቱን ለመፈፀም ያነሳሳቸው የአገሪቱ መንግስት መመራት ያለበት ቀድሞ በተመሠረተው የኦሮሞ ነፃነት ግንባር (ኦነግ) ነው” የሚል አላማ ይዘው መሆኑን ዐቃቤ ሕግ አስረድቷል፡፡ ዶ/ር ዐቢይ በኦሮሞ ህዝብ ዘንድ ተቀባይነት የላቸውም በማለት ተከሳሾቹ ለድርጊቱ መነሳሳታቸውን የጠቆመው ዐቃቤ ሕግ፤ ጠ/ሚኒስትሩ የኦሮሞ ህዝብን ፍላጐት አያስፈፅሙም የሚል እምነት ሰንቀው ለጥቃቱ መንቀሳቀሳቸውን ከምርመራ ግኝቱ ማረጋገጡን አሰታውቋል፡፡ የቦንብ ጥቃቱን ያቀነባበረችውም ነዋሪነቷ በኬንያ ናይሮቢ የሆነች ገነት ታምሩ
የለውጥ ሂደቱ ከስሜት የፀዳ እንዲሆን የፖለቲካ ድርጅቶች ጠየቁ
በሃገሪቱ የሚካሄደው ፖለቲካዊ ለውጥ ከስሜት የፀዳ እንዲሆን አርበኞች ግንቦት 7 እና ኦነግ የጠየቁ ሲሆን፤ ዜጐች የለውጥ ኃይሉን ተግባር ለማደናቀፍ ከሚደረጉ እንቅስቃሴዎች እንዲታቀቡ አሳሰቡ፡፡ የሁለቱ ድርጅቶች አመራሮች ከአሜሪካ ድምፅ ጋር ባደረጉት ቆይታ፤ ዜጐች ሕገወጥ በሆኑ ሰልፎች ከመሳተፍ፣ ግጭት ቀስቃሽ የሆኑ መፈክሮችን ከማሰማትና የለውጥ ሂደቱን ከሚያደናቅፉ እንቅስቃሴዎች መታቀብ አለባቸው ብለዋል፡፡ የኦነግ ሊቀ መንበር አቶ ዳውድ ኢብሣ፤ “ሰላማዊ እንቅስቃሴ ለማድረግ ወስነን የመጣን እንደመሆኑ አባሎቻችንና ደጋፊዎቻችን በትዕግስት እንዲንቀሳቀሱ እንመክራለን፤ እየመከርንም ነው” ብለዋል፡፡ መንግስት የህዝብን ሠላም የመጠበቅ ግዴታ እንዳለበት ያስታወሱት ሊቀመንበሩ፤ በሃገሪቱ የተለያዩ አካባቢዎች ለሚፈጠሩ አለመረጋጋቶች መንግስት መፍትሄ ለማበጀት የሚያደርገውን ጥረት እንደግፋለን ብለዋል፡፡ አባሎቻችንና ደጋፊዎቻችን ግጭት ቀስቃሽ ከሆኑ መፈክሮችና ሰልፎች እንዲታቀቡ እየመከርን ነው ያሉት የአርበኞች ግንቦት 7 የህዝብ ግንኙነት አቶ አበበ ቦጋለ በበኩላቸው፤ በቅርቡ በአዲስ አበባ በተደረገ ድንገተኛ ሠልፍ ላይ የተሰሙ “የኦሮሞ መንግስት ከአዲስ አበባ ይውጣ”፣ “ከንቲባ ታከለ ኡማ ከስልጣን ይልቀቁ”፣ “ዶ/ር ዐቢይ አህመድ ከስልጣን ይውረዱ” የሚሉ መፈክሮች የትኛውንም የፖለቲካ ድርጅት የማይወክሉ፣ ተገቢነት የሌላቸው መፈክሮች
የፖለቲካ ፓርቲዎች መብዛት ለግጭትና መከፋፈል ምክንያት እየሆነ ነው ተባለ
በቅርቡ ወደ ሃገር ቤት የተመለሰውን “አርበኞች ግንቦት 7” ጨምሮ 11 የፖለቲካ ድርጅቶች “የአማራ ህዝብ ጥያቄዎችና የፖለቲካ ፓርቲዎች ሚና” በሚል ርዕስ በባህር ዳር በተዘጋጀ የውይይት መድረክ ላይ የተሳተፉ ሲሆን በመድረኩ ጥናት፤ ያቀረቡ ምሁራን፤ የፖለቲካ ፓርቲዎች መብዛት ለግጭትና መከፋፈል ምክንያት እየሆነ ነው ብለዋል፡፡ በዚህ የውይይት መድረክ ላይ ሠማያዊ፣ ኢዴፓ፣ መኢአድ፣ አብን ጨምሮ በአማራ ክልል የሚንቀሳቀሱ የፖለቲካ ድርጅቶች የተሳተፉ ሲሆን፤ በምሁራን ጥናታዊ ጽሁፍ ቀርቦ ውይይት ተደርጐበታል፡፡ የአዲስ አበባ ዩኒቨርሲቲ መምህር ዶ/ር ዳዊት መኮንንና አቶ ኢያሱ በካፋ ባቀረቡት ጥናታዊ ጽሁፍ፤ የፖለቲካ ፓርቲዎች ለሠላማዊ የስልጣን ሽግግር ሚናቸውን ሊወጡ የሚችሉባቸውን አቅጣጫዎች ጠቁመዋል፡፡ በመድረኩ ላይ የተሳተፉት የፖለቲካ ድርጅቶች ተወካዮች ስለ ውይይቱ ለአዲስ አድማስ እንዳብራሩት፤ “በሃገሪቱ የፖለቲካ ፓርቲዎች መብዛት ለግጭትና መከፋፈል ምክንያት እየሆነ ነው፡፡ ተመሳሳይ ሃሳብ ያላቸው ፓርቲዎች ወደ አንድነት መምጣት አለባቸው” የሚል ሃሳብ ከጥናት አቅራቢዎቹ ተሰንዝሯል፡፡ በፖለቲካ ውድድር ውስጥም ፓርቲዎች ጥላቻና ሃይልን በማስወገድ ሰላማዊና ዴሞክራሲያዊ አካሄዶችንና አማራጮችን ሊያዳብሩ እንደሚገባ ለማስገንዘብም የተለያዩ ሃገራት ተሞክሮ በማሳያነት መቅረቡንም የውይይቱ ተሳታፊዎች
ወደ ኢትዮጵያ የሚገቡ የኤርትራውያን ስደተኞች ቁጥር ጨምሯል ተባለ
ላለፉት 20 ዓመታት በኢትዮጵያና በኤርትራ መካከል ዝግ ሆኖ የቆየው ድንበር መስከረም 1 ቀን 2011 ዓ.ም መከፈቱን ተከትሎ በሁለት ሳምንት ጊዜ ውስጥ ከ15 ሺህ በላይ ኤርትራውያን ወደ ኢትዮጵያ ድንበር አቋርጠው መግባታቸውን የተባበሩት መንግሥታት የሰብአዊ ድጋፍ ማስተባበሪያ አስታውቋል፡፡ የኢትዮጵያ ጠ/ሚኒሰትር ዶ/ር ዐቢይ አህመድና የኤርትራው ፕሬዚዳንት ኢሣያስ አፈወርቂ የኢትዮጵያን ዘመን መለወጫ ምክንያት በማድረግ በቡሬና በዛላምበሳ ዝግ የነበረውን ድንበር ማስከፈታቸውን ተከትሎ፣ የሰዎች ዝውውር ከፍተኛ መሆኑን ተቋሙ አስታውቋል፡፡ አብዛኞቹ ወደ ኢትዮጵያ እየመጡ ያሉት ኤርትራውያን ኑሮአቸውን በኢትዮጵያ ለማድረግ መሆኑን የጠቆመው የተቋሙ ሪፖርት፤ ቀሪዎቹም በኢትዮጵያ የሚገኙ ዘመዶቻቸውን ለመጠየቅ በማሰብ መምጣታቸውን አመልክቷል፡፡ ለንግድ የሚመላለሱ ኤርትራውያን ነጋዴዎች ቁጥርም ቀላል እንዳልሆነ ሪፖርቱ አስታውቋል፡፡የሁለቱ ሃገራት ድንበር ከተከፈተ በኋላ ቀድሞ የኤርትራን መንግስት ጭቆና ሽሽት በድብቅ ይመጡ የነበሩ ኤርትራውያን አሁን በይፋ ወደ ኢትዮጵያ መምጣት መጀመራቸውን የጠቆመው ተቋሙ፤ በየቀኑ 500 ያህል ስደተኞች ከኤርትራ ወደ ኢትዮጵያ እየገቡ ነው ብሏል፡፡ በዚህም በአሁኑ ወቅት በኢትዮጵያ የሚገኙ ኤርትራውያን ጥገኝነት ፈላጊዎች ቁጥር ወደ 175 ሺህ ከፍ ማለቱን ሪፖርቱ ጠቁሟል፡፡
የኢህአፓ አመራሮች ዛሬ አዲስ አበባ ይገባሉ «ለህዝብ መብት መሞት አኩሪ ታሪክ ነው»
ከተመሠረተ ከአራት አሰርት ዓመት በላይ ያስቆጠረው የኢትዮጵያ ህዝባዊ አብዮታዊ ፓርቲ (ኢህአፓ) አመራሮች ዛሬ መስከረም 12 ቀን 2011 ዓ.ም አዲስ አበባ እንደሚገቡ የአቀባበል ስነ ስርዓት አዘጋጆቹ ለአዲስ አድማስ አስታውቀዋል፡፡ ባለፉት 46 ዓመታት በሃገር ውስጥ እና በውጪ ሃገር በሚገኙ አባላቱ አማካኝነት በኢትዮጵያ ዴሞክራሲያዊ ሥርዓት እንዲሰፍን ሲታገል መቆየቱን የገለፀው ኢህአፓ፣ አሁን የተፈጠረውን ምቹ የፖለቲካ ሁኔታ በመጠቀም፣ አመራሮቹ ወደ ሃገር ቤት ለመመለስ መወሰናቸውን አስታውቋል። “በአሁኑ ጊዜ በሃገራችን እየታየ ያለው የለውጥ ብልጭታ፣ ለዘመናት ስታገልለት የቆየሁለት አቋሜ ውጤት ነው” ያለው ኢህአፓ፤ ይህን የለውጥ ሂደት ለመደገፍና የተጀመረውን የሰላም የዴሞክራሲና የአንድነት ጭላንጭል እንዳይደበዝዝ፣ የድርሻቸውን ሊወጡ፣ አመራሮቹ ዛሬ አዲስ አበባ እንደሚገቡ አስታውቋል፡፡ ኢህአፓ በዋናነት የሚታገልላቸው አላማዎችም፤ የአዲሱ ትውልድ ጥያቄዎች ምላሽ እንዲያገኙ በማድረግ፣ የተሻለች ኢትዮጵያን መገንባና ነው ብሏል ለህዝብ መብት መሞት አኩሪ ታሪክ መሆኑን በተግባር ማሳየት ጠቁሟል፡፡ ዛሬ ለረጅም ዓመታት በስደት ከኖሩበት ወደ ሃገር ቤት ከሚመለሱ ከፍተኛ አመራሮቹ መካከል ዶ/ር ሙሉጌታ ስዩም፣ አቶ መሐመድ ጀሚል፣ ሊቀመንበሩ አቶ መርሻ ዮሴፍና ኢ/ር
“ኢትዮጵያን እንገነባለን፣ አፍሪካን እንገነባለን ማንም ኃይል አያስቆመንም” ጠ/ሚ ዶ/ር ዐቢይ አህመድ
ከተመሠረተ ከአራት አሰርት ዓመት በላይ ያስቆጠረው የኢትዮጵያ ህዝባዊ አብዮታዊ ፓርቲ (ኢህአፓ) አመራሮች ዛሬ መስከረም 12 ቀን 2011 ዓ.ም አዲስ አበባ እንደሚገቡ የአቀባበል ስነ ስርዓት አዘጋጆቹ ለአዲስ አድማስ አስታውቀዋል፡፡ ባለፉት 46 ዓመታት በሃገር ውስጥ እና በውጪ ሃገር በሚገኙ አባላቱ አማካኝነት በኢትዮጵያ ዴሞክራሲያዊ ሥርዓት እንዲሰፍን ሲታገል መቆየቱን የገለፀው ኢህአፓ፣ አሁን የተፈጠረውን ምቹ የፖለቲካ ሁኔታ በመጠቀም፣ አመራሮቹ ወደ ሃገር ቤት ለመመለስ መወሰናቸውን አስታውቋል። “በአሁኑ ጊዜ በሃገራችን እየታየ ያለው የለውጥ ብልጭታ፣ ለዘመናት ስታገልለት የቆየሁለት አቋሜ ውጤት ነው” ያለው ኢህአፓ፤ ይህን የለውጥ ሂደት ለመደገፍና የተጀመረውን የሰላም የዴሞክራሲና የአንድነት ጭላንጭል እንዳይደበዝዝ፣ የድርሻቸውን ሊወጡ፣ አመራሮቹ ዛሬ አዲስ አበባ እንደሚገቡ አስታውቋል፡፡ ኢህአፓ በዋናነት የሚታገልላቸው አላማዎችም፤ የአዲሱ ትውልድ ጥያቄዎች ምላሽ እንዲያገኙ በማድረግ፣ የተሻለች ኢትዮጵያን መገንባና ነው ብሏል ለህዝብ መብት መሞት አኩሪ ታሪክ መሆኑን በተግባር ማሳየት ጠቁሟል፡፡ ዛሬ ለረጅም ዓመታት በስደት ከኖሩበት ወደ ሃገር ቤት ከሚመለሱ ከፍተኛ አመራሮቹ መካከል ዶ/ር ሙሉጌታ ስዩም፣ አቶ መሐመድ ጀሚል፣ ሊቀመንበሩ አቶ መርሻ ዮሴፍና ኢ/ር
በሁለት ወራት ውስጥ በግጭትና ዘር ተኮር ጥቃት የ215 ዜጐች ህይወት ጠፍቷል
በሁለት ወራት ጊዜ ውስጥ በግጭና ብሔር ተኮር ጥቃቶች፤ በተለያዩ የሃገሪቱ አካባቢዎች የ215 ዜጐች ህይወት በአሰቃቂ ሁኔታ ማለፉን የሰብአዊ መብቶች ጉባኤ ከትናንት በስቲያ ያወጣው ሪፖርት አመልክቷል፡፡ በሃገሪቱ የተለያዩ አካባቢዎች እየተከሰቱ ያሉ ብሔር ተኮር ግጭቶችና በቡድን የተደራጁ ኃይሎች እየፈፀሟቸው ያሉትን ከባድ ጥቃቶች መንግስት በአስቸኳይ ሊያስቆም እንደሚገባ ሰመጉ አሳስቧል። በተለያዩ አካባቢዎች ግድያዎች፣ ዘርን መሠረት ያደረጉ ጥቃቶችና ግጭቶች፣ የመንጋ ፍትህና ሥርዓት አልበኝነት እየተንሰራፋ መሆኑን የጠቆመው የሰመጉ ሪፖርት፤ በአደባባይ የሚፈፀሙ ወንጀሎችም በባህሪያቸው ዘግናኝ ናቸው ብሏል፡፡ ካለፈው ሐምሌ አጋማሽ ጀምሮ በተለያዩ የሃገሪቱ አካባቢዎች 215 ያህል ዜጐች በግጭትና በጥቃት መሞታቸውን ያስታወቀው ሪፖርቱ፤ እነዚህ ግጭቶችና ጥቃቶች በከፍተኛ መስዋዕትነት የተገኘውን የዴሞክራሲ ጭላንጭል ያጨልም ስር የሰደዱ ችግሮች እየተገዳደሩት ይገኛሉ ብሏል፡፡ በግጭት በቃትና በመንጋ ፍትህ ሰዎች በአሰቃቂ ሁኔታ ከተገደሉባቸው አካባቢዎች መካከልም፤- በደቡብ ክልል ፔፒ ከተማ 5 ሰዎች፣ በኦሮሚያ ክልል ባሌ-ጐባ 10 ሰዎች፣ በደቡብ ክልል የም ወረዳ 6 ሰዎች፣ እንዲሁም ዳውሮ ዞንሪ ተርጫ ከተማ 5 ሰዎች፣ በሻሸመኔ 4 ሰው፣ በድሬዳዋ 15 ሰዎች፣
የኢትዮ-ኤርትራን ስምምነት ተከትሎ የንግድ እንቅስቃሴ ተጠናክሯል
- ሲሚንቶ ወደ ኤርትራ፤ አልባሳት ወደ ኢትዮጵያ … - ኤርትራ በድንበር አካባቢ የሰዓት እላፊ ገደብ ጥላለች በኢትዮጵያ እና በኤርትራ መካከል ባለፈው ሳምንት ሚኖረውን ግንኙነት የሚደነግግ ባለ 7 አንቀጽ ስምምነት፣ የሁለቱ ሃገራት መሪዎች የተፈራረሙ ሲሆን፤ በሳዑዲ አረቢያ ጂዳ የተደረገውን ስምምነት ተከትሎ፣ በሁለቱ ሃገራት ድንበር ከወዲሁ የንግድ እንቅስቃሴ መጧጧፉ ታውቋል፡፡ ፖለቲካዊ፣ ኢኮኖሚያዊ፣ ማኅበራዊ፣ የፀጥታና ደህንነት ጉዳዮችን ታሳቢ ያደረገ ነው የተባለው ስምምነት፤ በሁለቱ ሃገራት መካከል የጋራ የኢኮኖሚ ትስስር እንዲፈጠር የሚያግዝ እንደሚሆን ተገልጿል፡፡ ሁለቱ ሃገራት በጋራ የኢኮኖሚ ዞን ለመመስረት፣ የንግድ እንቅስቃሴውም ነፃ እንዲሆን የተስማሙ ሲሆን ስምምነቱን ተከትሎም፣ በድንበር አካባቢ ከሰሞኑ የንግድ እንቅስቃሴ ተጠናክሮ መታየቱን ኤርትሪያን ፕሬስ ዘግቧል፡፡ የኢትዮጵያ ሲሚንቶ የኤርትራን ገበያ ማጥለቅለቁን፣ በአንፃሩ የኤርትራ የአልባሳት ምርት ደግሞ ወደ ኢትዮጵያ እየገባ መሆኑን ዘገባው አመልክቷል፡፡ ይህ በዚህ እንዳለ፣ የኤርትራ መንግስት፤ ለደህንነት ሲል ድንበር ማቋረጥ የሚቻለው ከጠዋቱ 12 ሠዓት እስከ ምሽቱ 12 ሠዓት ብቻ እንዲሆን የሰዓት እላፊ ገደብ መደንገጉን ኤርትሪያን ፕሬስ ዘግቧል፡፡ የሁለቱ ሃገራትን ነፃነት፣ ሉአላዊነትና የድንበር
ለቀጣዩ ብሔራዊ ምርጫ ሁሉን አሳታፊ ቅድመ ዝግጅት እንዲጀመር ተጠየቀ
በመጪው ዓመት 2012 ለሚደረገው ብሔራዊ ምርጫ አጋዥ የሆኑ ተቋማትን የመመስረትና ብሔራዊ መግባባትን ለመፍጠር የሚያስችል አስቸኳይ ድርድር ከፖለቲካ ድርጅቶች ጋር እንዲጀመር በፕ/ር በየነ ጴጥሮስ የሚመራው “የኢትዮጵያ ሶሻል ዴሞክራቲክ ፓርቲ” ጠየቀ፡፡ ፓርቲው በወቅታዊ መግለጫው፤ የተጀመረው ለውጥ ህዝቡ የሚፈልገውን መቋጫ እንዲያገኝ፣ በቀጣዩ ምርጫ ዙሪያ ከወዲሁ ድርድር መጀመር አለበት ብሏል፡፡ “በምርጫ ጉዳይ ለሚደረገው ድርድር ጊዜ ሊሰጠው አይገባም” ያለው ፓርቲው፤ “በገዥው ፓርቲ እየተደረገ ያለው የለውጥ እንቅስቃሴ ጊዜያዊ ማስታገሻ ከመሆን የዘለለ አይደለም፤ ሁሉን አሳታፊና ብሔራዊ መግባባትን የሚፈጥር ሥርዓት በምርጫ መመስረት ያስፈልጋል” ብሏል።በሃገሪቱ መሠረታዊ በሆኑ ፖለቲካዊ ጉዳዮች ላይ እጅግ የተራራቁ ሃሳቦችን የሚያራምዱ ኃይሎችን የሃሳብ ልዩነቶቻቸውን ለማቀራረብና ብሔራዊ መግባባትን ለመፍጠር የሚያስችሉ ውይይቶች መካሄድ አለባቸው ብሏል - ፓርቲው። በሃገሪቱ መሠረታዊ ፖለቲካዊ ጉዳዮች ላይ ድርድሮች ተካሂደው ብሔራዊ መግባባት ላይ መድረስ እንደሚያስፈልግ ያስታወቀው ኢሶዴፓ፤ የተጀመረውን የለውጥ ሂደትም በገዥው ፓርቲ አመራርነት ብቻ ማሳካት አይቻልም ብሏል። ለዚህም የሃገሪቱን ፖለቲካዊ ለውጥ ወደፊት ሊያሸጋግር የሚችል የብሔራዊ አንድነት መንግስት በአስቸኳይ ተመስርቶ፣ የለውጡን ሂደት መምራት አለበት ሲል
በግጭት ምክንያት በተፈናቀሉ ሰዎች ብዛት ኢትዮጵያ ከዓለም የመሪነት ደረጃን ይዛለች
በሃገር ውስጥ ተፈናቃዮች ቁጥር ኢትዮጵያ ከዓለም በአንደኛ ደረጃ ላይ መቀመጧን የተባበሩት መንግስታት የሰብአዊ ድጋፍ ማስተባበሪያ ጽ/ቤት ሪፖርት አመልክቷል፡፡ሰሞኑን ይፋ በሆነው በዚህ ሪፖርት በ2018 እ.ኤ.አ. ግማሽ ዓመት በእርስ በርስ ግጭት ምክንያት ከ1.4 ሚሊዮን በላይ ዜጐች ከቀያቸው መፈናቀላቸውን፣ ይህም በዓለም ሃገራት ያልተለመደ መሆኑን ጠቁሟል - ሪፖርቱ፡፡ ዜጐች የተፈናቀሉባቸው ግጭቶችም በደቡብና በኦሮሚያ ድንበር አዋሳኝ፣ በኦሮሚያና በሶማሌ ክልል አዋሳኝ፣ በቤኒሻንጉልና በአማራ ክልል እንዲሁም በደቡብ ክልል የወረዳ ለወረዳ ግጭቶች መሆናቸው ተጠቅሷል፡፡ ለግጭቶቹ መበራከትና መስፋፋት በኢህአዴግ መካከል የተፈጠረው አለመግባባትና የመንግስቱን ድክመት በምክንያትነት የጠቀሰው ሪፖርቱ፤ ለተፈጠሩት ግጭቶችና መፈናቀሎች የመንግስትን ስልጣን የያዘው ኢህአዴግ ቀዳሚ ተጠያቂና ተወቃሽ መሆኑም ተጠቁሟል፡፡ የተፈናቃዮች ጉዳይ አስቸኳይ እልባት ካላገኘ የከፋ ሰብአዊ ቀውስ ሊፈጥር ይችላል ያለው ሪፖርቱ፤ በ6 ወር ጊዜ ውስጥ ብቻ በተፈጠረ ግጭት 1.4 ሚሊዮን ሰዎች ከቀዬአቸው የመፈናቀላቸውን ጉዳይ ዓለም አቀፍ መገናኛ ብዙሃን በቸልታ መመልከታቸው አግባብ አይደለም ሲልም ወቅሷል፡፡ በአሁን ወቅት ውስን የእርዳታ ድርጅቶችና መንግስት ለተፈናቃዮች እርዳታ ለማቅረብ ጥረት እያደረጉ ቢሆንም በቂ አለመሆኑን የመንግስታቱ
“ብአዴን” ስያሜውን ለመቀየር አራት አማራጮችን አቅርቧል
ላለፉት 27 ዓመታት የአማራ ክልልን ሲያስተዳድር የቆየው የብሔረ አማራ ዴሞክራሲያዊ ንቅናቄ (ብአዴን)፤ ስያሜውንና አርማውን እንደሚቀይር አስታወቀ፡፡ የአማራ ህዝብ ትግል የደረሰበትን ደረጃ መሠረት በማድረግ፣ አርማና ስያሜውን ለመቀየር መወሰኑን የገለፀው ብአዴን፤ አዲሱን መጠሪያውንና አርማውን ከሳምንት በኋላ በሚያካሂደው ጠቅላላ ጉባኤው ይፋ ያደርጋል ተብሏል፡፡ የድርጅቱን ቀጣይ ስያሜና አርማ በተመለከተም አማራጮችን አቅርቦ እስከ ወረዳ ባለው መዋቅሩ እያወያየበት መሆኑን ድርጅቱ አስታውቋል፡፡ ለድርጅቱ መጠሪያነት አራት አማራጮችን ለውይይት ማቅረቡም ታውቋል፡፡ለውይይት የቀረቡት አማራጮችም፤ “የአማራ ህዝቦች ዴሞክራሲያዊ ፓርቲ” (አህዴፓ)፣ “የአማራ ክልል ህዝቦች ዴሞክራሲያዊ አንድነት ፓርቲ” (አህዴፓ)፣ “የአማራ ህዝቦች ዴሞክራሲያዊ ድርጅት” (አህዴድ)ና “የአማራ ህዝቦች ዴሞክራሲያዊ ንቅናቄ” (አህዴን) የሚሉ ናቸው፡፡ የአርማ አማራጮችም ተዘጋጅተው ለንቅናቄው አባላት ውይይት ይቀርባሉ ተብሏል፡፡ በተመሳሳይ፤ የኦሮሞ ህዝብ ዴሞክራሲያዊ ድርጅት (ኦህዴድ) ስያሜውን፣ አርማውንና ድርጅታዊ መዝሙሩን ለመቀየር እንዳቀደና ይህም ከመስከረም 8 እስከ 10 በጅማ ከተማ በሚካሄደው የድርጅቱ ጠቅላላ ጉባኤ ላይ ውሣኔ እንደሚያገኝ ተገልጿል፡፡
“ኢትዮጵያ መላውን ዓለም ያስደመመ ለውጥ ላይ ነች” አርበኞች ግንቦት 7
ኢትዮጵያ መላውን ዓለም ያስደመመ ፖለቲካዊ ለውጥ እያደረገች መሆኑን ሰሞኑን አመራሮቹ ወደ አገር ውስጥ የገቡት “አርበኞች ግንቦት 7” ባወጣው የአቋም መግለጫው አስታወቀ፡፡ የንቅናቄው አመራሮች ወደ ሃገር ቤት ከገቡ በኋላ ባወጣው በዚህ የመጀመሪያው የአቋም መግለጫው፤ ዛሬ በኢትዮጵያ በመካሄድ ላይ ያለው የለውጥ እንቅስቃሴና የለውጡ ሂደት ቀጥተኛ ባለቤት መላው የኢትዮጵያ ህዝብ ነው ብሏል፡፡ “በሃገሪቱ የተካሄደው ለውጥም የኢትዮጵያ ሰላምና መረጋጋት የናፈቀውን መላውን የዓለመ ህዝብ ያስደመመ ነው” ብሏል - ንቅናቄው፡፡ ባለፉት ሁለትና ሦስት ወራት ውስጥ ለውጡን በመደገፍ፣ ለውጡን ወደፊት ለማራመድ የሚፈልጉ የሰብአዊ መብት ታጋዮች፣ ታዋቂ ሰዎች፣ የፖለቲካ ድርጅቶችና የሃይማኖት አባቶች ለብዙ ዓመታት በስደት ከኖሩባቸው ሃገሮች ወደ ሃገራቸው መመለሳቸውን ያስታወሰው የንቅናቄው መግለጫ፤ ለተመለሱት ሁሉ እኩል ክብር እንዲሰጥ ጠይቋል፡፡ በዜግነት ላይ የተመሰረተ ፖለቲካን አራምዳለሁ ያለው አርበኞች ግንቦት 7፤ “ለወደፊት የምንገነባው ዴሞክራሲያዊ ሥርዓት ከሚፈልጋቸው ቅድመ ሁኔታዎች አንዱና ትልቁ የፖለቲካ አካሄዳቸው ከማይገጥመንና በሃሳብ ከምንለያያቸው ግለሰቦችና ድርጅቶች ጋር ተከባብሮና ተቻችሎ መኖር መቻል ነው” ሲል አስገንዝቧል፡፡ህዝቡ ለአርበኞች ግንቦት 7 ንቅናቄ፣ በመከባበርና በፍቅር
በአርማና ባንዲራ ጉዳይ ለሚፈጠር ውዝግብ መንግስት አፋጣኝ እርምጃ እንዲወስድ ተጠየቀ
በመላ ሃገሪቱ ከአርማና ባንዲራ ጋር በተያይዞ እየተፈጠሩ ያሉ ውዝግቦች ዘላቂ ሕጋዊ መፍትሄ እንደሚያሻቸው የገለፁት ሰማያዊ ፓርቲና ኦፌኮ፤ ሁኔታዎች ከቁጥጥር ውጭ ወጥተው ወደ ሁከትና ብጥብጥ ከማምራታቸው በፊት መንግስት አፋጣኝ የእርምት እርምጃ እንዲወስድ አሳስበዋል። ከአርማና ሠንደቅ አላማ ጋር ተያይዞ የሚፈጠሩ ሁከቶችን ለማስቆም የሃይማኖት አባቶችና፣ አባገዳዎች፣በየአካባቢው ወጣቶችን የማረጋጋት ስራ እንዲሰሩም ፓርቲዎቹ በጋራ በሰጡት ጋዜጣዊ መግለጫ ጠይቀዋል፡፡ “የለውጡን ሂደት መደገፍና አገሪቱን እንደ አገር የማስቀጠል ጉዳይ ቅድሚያ ሊሰጠው ሲገባ፤ በየአካባቢው የሚታዩ ግጭቶችና ሥርአት አልበኝነት አሳሳቢ ደረጃ ደርሷል” ያሉት ፓርቲዎቹ፤ “በተለይ ሰሞኑን በአዲስ አበባ ከባንዲራ ጋር በተያያዘ የተፈጠረው ውዝግብ ከምንም በላይ አሳሳቢ ነው፤ አስቸኳይ እልባት ያስፈልገዋል” ብለዋል፡፡ ሁሉም አካል የሌላውን ባከበረ መልኩ የየራሱን አርማ መያዝ እንደሚችል የተረጋገጠ ሁኔታ መፈጠሩን የጠቀሱት ፓርቲዎቹ፤ በዚህ ሰበብ የሚፈጠሩ ግጭቶችን በፅኑ እናወግዛለን ብለዋል፡፡ በሃገሪቱ በአሁን ወቅት እየታየ ያለው ፖለቲካዊ ለውጥ ተስፋ ሰጪ መሆኑን የጠቆሙት «ሰማያዊ» እና «ኦፌኮ»፤ ሁሉም የፖለቲካ ቡድን ይህን ተስፋ ወደተሻለ ለውጥ የማሸጋገር ኃላፊነት አለበት ብለዋል፡፡ ወደ ሃገር ውስጥ
የጠ/ሚ ዶ/ር ዐቢይ አህመድ ፖለቲካዊ ማሻሻያዎችን የአሜሪካ መንግስት አደነቀ
ጠቅላይ ሚኒስትር ዶ/ር ዐቢይ አህመድ፤ የኢትዮጵያ የፖለቲካ ሁኔታን ለመቀየር የወሰዷቸውን እርምጃዎችና ለውጡን ለማምጣት የሄዱበትን ርቀት የአሜሪካ መንግስት አደነቀ፡፡ የአሜሪካ የውጭ ጉዳይ መስሪያ ቤት የአፍሪካ ጉዳዮች ረዳት ኃላፊ ቲቦር ናጋይ፤ በዶ/ር ዐቢይ አህመድ አመራር በኢትዮጵያ እየተካሄዱ ያሉ ፖለቲካዊ ማሻሻያዎች አድናቆት የሚቸራቸው ናቸው ብለዋል፡፡ ዶ/ር ዐቢይ አህመድ ወደ ስልጣን ከመጡበት ጊዜ ጀምሮ የሃገሪቱ የፖለቲካ ምህዳር እንዲሰፋ የሚያደርጉ እርምጃዎችን እየወሰዱ መሆኑን የጠቆሙት ቲቦር ናጋይ፤ በዚህም ለበርካታ ችግሮች መፍትሄ ማምጣት ተችሏል ብለዋል፡፡ በሃገሪቱ የተጠራቀሙ ፖለቲካዊ ችግሮችም እልባት እያገኙ መሆኑን መረዳታቸውን የጠቆሙት ኃላፊው ፤ ለመጣው ለውጥም የጠቅላይ ሚኒስትር ዶ/ር ዐቢይ አህመድ የአመራር ሚና አድናቆት የሚቸረው ነው ብለዋል፡፡ መንግስታቸውም በጠቅላይ ሚኒስትሩ እየተደረጉ ያሉ ለውጦችን በአድናቆት እንደሚመለከተው ጠቁመው፤ ለዘላቂነቱም ድጋፍ ይቸረዋል ሲሉ ተናግረዋል፡፡ በኢትዮጵና በኤርትራ መካከል ላለፉት 20 ዓመታት የዘለቁ ችግሮን በሰላም ለመፍታት ጠቅላይ ሚኒስትሩ ያከናወኑት የዲፕሎማሲ ሥራ የሚደነቅና ያልተለመደ መሆኑን የጠቀሱት ኃላፊው፤ በቀጣይ አፋኝ የሚባሉ አዋጆችን በማሻሻል የፖለቲካ ምህዳሩን የሚያሰፋ ተጨማሪ እርምጃዎች እንዲወስዱም ጠይቀዋል፡፡
በህዳሴ ግድብ ግንባታ ምዝበራ የፈፀሙ ለፍርድ እንዲቀርቡ ተጠየቀ
ከህዳሴ ግድብ ፕሮጀክት አፈፃፀም ጋር ተያይዞ “ስለተፈፀመው ከፍተኛ ዘረፋ” ለህዝብ ማብራሪያ እንዲሰጥ የጠየቀው የአማራ ብሔራዊ ንቅናቄ (አብን)፤ በዘረፋውና ምዝበራው የተሳተፉ የመንግስት ኃላፊዎች በአስቸኳይ ለህግ እንዲቀርቡ ጠይቋል፡፡ ለሃገሪቱ ማህበረ-ኢኮኖሚያዊ ልማት ዘርፍ ብዙ ፋይዳ ይኖረዋል ተብሎ ሲጠበቅ የነበረው የታላቁ ህዳሴ ግድብ ፕሮጀክት ለተደራጀ ዘረፋ ተጋልጦ እንደነበር ከቀረቡ ዘገባዎች መረዳት መቻሉን የጠቆመው አብን፤ መንግስት የፕሮጀክቱ ባለቤት ለሆነው የኢትዮጵያ ህዝብ ዝርዝር መረጃ መስጠት እንዳለበት ገልጿል፡፡ በግድቡ ግንባታ ወቅት መጓተትን የፈጠሩ፣ በህዝብ ሃብትና ገንዘብ ምዝበራ የተሳተፉ እንዲሁም ምዝበራው ሲፈፀም ማስቆም ሲገባቸው ያላስቆሙ የመንግስት ከፍተኛ ኃላፊዎች ተጠያቂ እንዲደረጉ ንቅናቄው ጠይቋል፡፡ በቀጣይም ግልፅ የፋይናንስ ሥርዓት ተዘርግቶ፣ ግንባታው በአስቸኳይ እንዲጠናቀቅ መደረግ አለበት ብሏል አብን ባወጣው መግለጫው፡፡ የግድቡን የኤሌክትሮ ሜካኒካል ግንባታ ኮንትራት የወሰደው ሜቴክ፤ ስራውን በአግባቡ ባለማከናወኑ “ለኪሳራ ተዳርጌያለሁ” ያለው የሲቪል ግንባታ ኮንትራክተሩ ሳሊኒ መንግስትን 3.5 ቢሊዮን ብር እና 338 ሚሊዮን ዩሮ መጠየቁ ይታወቃል፡፡
ኢትዮጵያ፣ ኤርትራና ሶማሊያ በጋራ ለመስራት ተስማሙ
መቐለ በምጽዋ አገልግሎት መጀመሯ “የአዲስ ዓመት ገጸበረከት ነው” - ጠ/ሚኒስትር ዐቢይ ሰሞኑን በአስመራ ተገናኝተው በቀጠናዊ ጉዳዮች ላይ የመከሩት የኢትዮጵያ፣ የኤርትራና የሶማሊያ መሪዎች፤ በአካባቢው የፀጥታ ጉዳይ ላይ በጋራ ለመስራት መስማማታቸውን የሶማሊያው ፕሬዚዳንት አስታውቀዋል፡፡ ፕሬዚደንት ሙሐመድ ፎርማጆ ስለ ውይይታቸው በትዊተር ገፃቸው ባሰፈሩት ማስታወሻ፤ሶስቱን ሃገራት በኢኮኖሚ ለማስተሳሰርና በፀጥታ ጉዳይም በጋራ ለመስራት ታሪካዊ ስምምነት ተፈርሟል ብለዋል፡፡ የኤርትራ መንግስት በበኩሉ፤ኢትዮጵያ የአሰብ ወደብን በሙሉ አቅሙ ለመጠቀም እንዲያስችላት በሚል ከወደቡ እስከ ቡሬ ከተማ የሚደርስ የ71 ኪሎ ሜትር ዘመናዊ አስፓልት መንገድ መገንባት መጀመሩን አስታውቋል፡፡ መንገዱ በአንድ ጊዜ አራት ተሽከርካሪዎችን ማስተናገድ የሚያስችል ዘመናዊ አስፓልት መሆኑን የጠቆመው የኤርትራ መንግስት፤ይህም የሁለቱ ሃገራትን የኢኮኖሚ ትስስር ወደተሻለ ደረጃ ያሻግራል ብሏል፡፡ ጠ/ሚ ዶ/ር ዐቢይ አህመድ ሰሞኑን ለሁለተኛ ጊዜ በኤርትራ ባደረጉት ጉብኝትም “መቐለ” የተሰኘችው የኢትዮጵያ ንግድ መርከብ፣ ከ20 ዓመት በኋላ ለመጀመርያ ጊዜ ከምፅዋ ወደብ የኤርትራን የወጪ ንግድ እቃ በመጫን፣ ወደ ቻይና ያደረገችውን ጉዞ አስጀምረዋል፡፡ መርከቧ በምጽዋ አገልግሎት መስጠት መጀመሯ በእጅጉ ያስደሰታቸው ጠ/ሚኒስትር ዶ/ር ዐቢይ፤ ለመላው
“አዲሲቷን ኢትዮጵያ ለመገንባት ብሔራዊ እርቅና መግባባት ያስፈልጋል”
ሰሞኑን ከ15 ዓመታት የውጭ አገር ስደት በኋላ ወደ ሃገራቸው የተመለሱት የሰብአዊ መብት ተሟጋቹና የኢትዮጵያዊነት አቀንቃኙ አቶ ኦባንግ ሜቶ፤ አዲሲቷን ኢትዮጵያ ለመገንባት ብሔራዊ እርቅና መተማመን ያስፈልጋል አሉ፡፡ አቶ ኦባንግ ከአዲስ አድማስ ጋር ባደረጉት ቆይታ፤ ወደ ሃገር ቤት የተመለሱት በዋናነት የጀመሩትን የኢትዮጵያዊነት አጀንዳ የበለጠ ለማጠናከር መሆኑን ተናግረዋል፡፡ “ላለፉት 27 ዓመታት ከገባንበት መከፋፈል፣ መጠፋፋትና የጨለማ ጊዜ እየወጣን ነው” ያሉት አቶ ኦባንግ፤አሁን የሚታየው ለውጥ የብዙዎች ደም ፈሶ፣ በርካቶች ለአካል ጉዳትና፣ ለስደት ተዳርገው ያመጡት እንደመሆኑ፣ ሁሉም ሰው ለውጡ እንዳይቀለበስ ሊጠብቀው ይገባዋል” ብለዋል፡፡ “ሰው መሆናችን ብቻ በቂ ነው፤ ደማችን አንድ ነው” ያሉት የሰብአዊ መብት ተሟጋቹ፤ በዘር መከፋፈል ቀርቶ በኢትዮጵያዊነት ጥላ ስር መሰባሰብ እንደሚያስፈልግ ተናግረዋል፡፡ “ከገባንበት የጐጠኝነት ፖለቲካ ወጥተን ወደተሻለው አገራዊ አንድነት አስተሳሰብ መሻገር አለብን” ብለዋል፡፡ የኢትዮጵያ ጉዳይ ይመለከተኛል የሚሉ ወገኖች በሙሉ በጠረጴዛ ዙሪያ ተቀምጠው፣ “ቀጣይዋ ኢትዮጵያ ምን ትምሰል? ምን አይነት ኢትዮጵያን ነው ለአዲሱ ትውልድ የምናሻግረው?” በሚለው ጉዳይ ላይ ሰፊ ውይይት ማድረግና መወሰንም እንደሚገባ አሳስበዋል - አቶ
ለግንቦት 7 አመራሮች አቀባበል ከተማዋ ደምቃለች
ነገ ፕ/ር ብርሃኑ ነጋን ጨምሮ 250 አመራሮች ይገባሉ ነገ ማለዳ አዲስ አበባ ለሚገቡት የ”አርበኞች ግንቦት 7” ንቅናቄ አመራሮች፤ በሚሊዮን የሚቆጠሩ የመዲናዋ ነዋሪዎች ደማቅ አቀባበል ያደርጉላቸዋል ተብሎ የሚጠበቅ ሲሆን መዲናዋ ለዚሁ የአቀባበል ሥነ ሥርዓት፣በባንዲራና በፖስተሮች ደምቃለች፡፡ ለአመራሮቹ የሚደረገው አቀባበል ከጠዋቱ 12፡30 እስከ ቀኑ 9 ሰዓት በተለያዩ መርሃ ግብሮች እንደሚፈፀምም ታውቋል፡፡ የንቅናቄው አመራሮች ከሚኖሩባቸው የተለያዩ የአሜሪካና አውሮፓ ሃገራት በተለያዩ በረራዎች ከጠዋቱ 12፡30 ጀምሮ ቦሌ ዓለም አቀፍ አውሮፕላን ማረፊያ እንደሚደርሱ ለአዲስ አድማስ የጠቆሙት የአቀባበል ኮሚቴው አስተባባሪ አቶ ብርሃኑ ተ/ያሬድ፤ ሁሉም አመራሮች ከገቡ በኋላ ዋናው የአቀባበልና የዕርቅ ማብሰሪያ ሥነ ሥርዓት ወደ ሚካሄድበት አዲስ አበባ ስታዲየም እንደሚያመሩ አስታውቀዋል፡፡ በነገው ዕለት በመላው ዓለም የሚገኙ የንቅናቄው አመራሮች ተጠናቀው ወደ ሃገር ቤት እንደሚገቡ ያመለከቱት አስተባባሪው፤ ንቅናቄውም ቀደም ሲል ሲያራምድ የነበረውን በትጥቅ የታገዘ ሁለገብ ትግል ፈትሾ፣ በሃገር ውስጥ በሠላማዊ መንገድ ለመታገል የሚያስችለውን ስትራቴጂ ነድፏል ብለዋል፡፡ በቅርቡም ንቅናቄው በአዲስ መልክ ተደራጅቶ ለምርጫ ውድድር እንደሚቀርብ የጠቆሙት አቶ ብርሃኑ፤ ወደ ሃገር ቤት
የፀረ ሽብር አዋጁ እየተሻሻለ ነው ተባለ
- ተቃዋሚዎች ስድስት አንቀፆች እንዲሠረዙ ጠይቀዋል - ጠ/ሚ ዶ/ር አብይ የመድረክ አመራሮችን ሊያነጋግሩ ነው ለበርካታ ፖለቲከኞችና ጋዜጠኞች እስር ምክንያት የሆነው የፀረ ሽብር አዋጅ እንደሚሻሻል መንግስት ያስታወቀ ሲሆን ተቃዋሚዎች ስድስት አንቀፆች ከአዋጁ ላይ ሙሉ ለሙሉ እንዲሠረዙ ጠይቀዋል፡፡ የፀረ ሽብር አዋጁ ማሻሻያ በህግ ባለሙያዎች እየተሠራ መሆኑን የገለፀው መንግስት፤ ሊካተቱ የሚችሉ አዳዲስ አንቀፆችም ይኖራሉ ተብሏል። ተቃዋሚ ፓርቲዎችም አምስት አንቀፆች እንዲጨመሩ፣ ስድስት ነባር አንቀፆች እንዲሠረዙና አራት አንቀፆች ማሻሻያ እንዲደረግባቸው የጠየቁ ሲሆን ኢህአዴግም በአብዛኛው መስማማቱ ታውቋል፡፡ ይሠረዛሉ ተብለው ከሚጠበቁት አንቀፆች መካከል አንቀፅ 14 ላይ የተደነገገው “ተጠርጣሪዎች አሻራ በግዳጅ መስጠት” የሚለውን ጨምሮ የግለሠቦችን ስልክና ማናቸውንም የግንኙነት አውታር የመጥለፍ ስልጣን ለደህንነት ሃይሉ የሚሠጠው አንቀፅ ይገኝበታል፡፡ በፀረ ሽብር አዋጁ ይሻሻላሉ ተብለው ከሚጠበቁት አንቀፆች መካከልም የቅጣት አወሣሠን ጉዳይ ይገኝበታል፡፡ ገዥው ፓርቲና ተቃዋሚዎች ባደረጉት ድርድር ላይ በአዋጁ ከእድሜ ልክ እስከ ሞት የተደነገገው የቅጣት ደረጃ ተሻሽሎ፣ “አንድ በእስር የሚፈረድበት ሰው ከ10 ዓመት በማይበልጥ እስራት ብቻ እንዲቀጣ” የሚለው ሃሣብ ጎልቶ መውጣቱ ታውቋል፡፡በአዋጁ
አፍሪካውያን ያለ ቪዛ ወደ ኢትዮጵያ እንዲገቡ ሊፈቀድ ነው
ሁሉም አፍሪካውያን ያለ ቪዛ ወደ ኢትዮጵያ የሚገቡበት እድል ሊመቻች እንደሚችል ጠቅላይ ሚኒስትር ዶ/ር አብይ አህመድ ገለፁ፡፡ጠቅላይ ሚኒስትሩ ባለፈው ሰሞን በኢትዮጵያ የ2 ቀናት ይፋዊ ጉብኝት ካደረጉት የሩዋንዳው ፕሬዚዳንት ፖል ካጋሜ ጋር በነበራቸው ውይይት፣ ሩዋንዳ ሁሉም አፍሪካውያን ያለ ቪዛ ወደ ሃገሯ እንዲገቡ ያስተላለፈችውን ውሣኔ አድንቀው፣ ኢትዮጵያም በቅርቡ የሩዋንዳን በጎ ተሞክሮ ትከተላለች ብለዋል፡፡ የአፍሪካ መዲና ወደ ሆነችው አዲስ አበባ፣ አፍሪካውያን ያለ ቪዛ እንዲገቡ ማድረግ ወሳኝ ጉዳይ ነው ያሉት ጠቅላይ ሚኒስትሩ፤ የሃገሪቱን የቱሪስት ፍሠት የሚጨምር ከመሆኑም በላይ ለኢኮኖሚዋም ከፍተኛ አስተዋፅኦ ይኖረዋል ብለዋል፡፡ ጠቅላይ ሚኒስትሩ ሁሉም አፍሪካውያን ወደ ኢትዮጵያ ሲገቡ ቪዛ እንዳይጠየቁ ሊደረግ እንደሚችል ከመጠቆማቸው ውጭ እንዴትና መቼ ተግባራዊ ይደረጋል በሚለው ላይ ያሉት ነገር የለም፡፡
ህገወጥ በሚል ቤት ለፈረሰባቸው መፍትሄ እንዲሠጣቸው የጠ/ሚ ፅ/ቤት አስተዳደሩን አሣሠበ
ሠኞ ከንቲባው ቅሬታ አቅራቢዎችን ያነጋግራሉ በከተማዋ በሁለት አመት ውስጥ 36 ሺህ ህገወጥ ቤቶች ፈርሠዋል በአዲስ አበባ ንፋስ ስልክ ላፍቶ ክ/ከተማ ሃና ማርያም አካባቢ ከሁለት አመት በፊት “ህገ ወጥ ናችሁ” በሚል ቤት ለፈረሠባቸው ነዋሪዎች የአዲስ አበባ አስተዳደር መፍትሄ እንዲሠጥ የጠቅላይ ሚኒስትር ፅ/ቤት አሣሠበ፡፡በክፍለ ከተማው ወረዳ 1 እና ወረዳ 11 ውስጥ በሚገኙ ቀርሳ ኮንቶማ፣ ማንጎ በሚባሉ አካባቢዎች ቤታቸው በሃይል የፈረሠባቸው ዜጎች፤ ላለፈው አንድ አመት ተኩል ለአስተዳደሩ አቤቱታቸውን ሲያቀርቡ ቢቆዩም ምላሽ ባለማግኘታቸው፣ በሠላማዊ ሠልፍና በደብዳቤ ከሠሞኑ ለጠቅላይ ሚኒስትሩ ፅ/ቤት ጥያቄ ማቅረባቸው ታውቋል፡፡የጠቅላይ ሚኒስትር ፅ/ቤት ሃላፊ ወ/ሮ ደሚቱ ሃምቢ፤ የቅሬታ አቅራቢዎቹን ተወካዮች ከትናንት በስቲያ በፅ/ቤታቸው ያጋገሩ ሲሆን እስካሁን መፍትሄ ሳያገኙ መንገላታታቸው ተገቢ አለመሆኑንና አስቸኳይ መፍትሄ እንደሚያስፈልጋቸው ጠቁመው፤ ለዚህም ከንቲባው ከነገ በስቲያ ሠኞ ግንቦት 27 ቀን 2010 ዓ.ም አቤቱታ አቅራቢዎቹን ሰብስበው እንዲያነጋግሩ ቀጠሮ ማስያዛቸውን እንደነገሯቸው ተወካዮቹ ለአዲስ አድማስ አስረድተዋል፡፡ የአዲስ አበባ አስተዳደር ከሁለት አመት በፊት በከተማዋ የሚገኙ 36 ሺህ ህገ ወጥ ቤቶችን ማፍረሡን በመግለፅ፤ ለዚህ
ጠ/ሚኒስትሩ በሰ.አሜሪካ የስፖርት ፌስቲቫል ላይ እንዳይገኙ ተወሠነ
ከአንድ ወር በኋላ በሰሜን አሜሪካ ዳላስ ቴክሳስ፣ ለ35ኛ ጊዜ በሚካሄደው በአሜሪካ የሚገኙ ኢትዮጵያውያን የስፖርት ፌስቲቫል ላይ ጠቅላይ ሚኒስትር ዶ/ር አብይ አህመድ ለመገኘት ያቀረቡት ጥያቄ ተቀባይነት አላገኘም ተባለ፡፡ጠቅላይ ሚኒስትሩ ከሣምንት በፊት ለስፖርት ፌስቲቫል አዘጋጁ ፌዴሬሽን፤ “በፕሮግራማችሁ ላይ ከኢትዮጵያውያን ጋር ልገናኝ” የሚል ደብዳቤ መፃፋቸው የታወቀ ሲሆን ፌዴሬሽኑም ይገኙ አይገኙ የሚለውን የወሠነው በአባላቱ ድምፅ ነው ተብሏል፡፡ 14 የፌዴሬሽኑ ስራ አስፈፃሚ ኮሚቴ አባላት “ዶ/ር አብይ መገኘት የለባቸውም” የሚል ድምፅ ሲሠጡ፣ “11 ደግሞ ይገኙ” ብለዋል፡፡ 8 ድምፀ ተአቅቦ ማድረጋቸው ታውቋል፡፡ ፌዴሬሽኑ በድረ ገፁ በሠጠው መግለጫ፤ “አብዛኛው አመራር አይገኙ የሚል ውሣኔ ያሣለፉት እንዳይገኙ ከመፈለግ ሣይሆን ጥያቄው የቀረበበት ጊዜ አጭር በመሆኑ፣ ሁኔታዎች አገናዝቦ ለመወሰን አመቺ ባለመሆኑ ነው” ብሏል። ጠቅላይ ሚኒስትር ዶ/ር አብይ አህመድ፤ በቀጣይ በሚደረገው ተመሣሣይ የስፖርት ፌስቲቫል ላይ የመገኘት እድል እንዲሰጣቸው መመቻቸቱንና ጥያቄያቸው ለቀጣይ መሸጋገሩንም ፌደሬሽኑ አስታውቋል፡፡ ጠቅላይ ሚኒስትር ዶ/ር አብይ አህመድ፣ በሠሜን አሜሪካና ካናዳ የሚኖሩ ኢትዮጵያውያንና ትውልደ ኢትዮጵያውያን በሚሰባሰቡበት የስፖርት መድረክ ላይ ልገኝ ብለው የጠየቁ
በሃገሪቱ 1.5 ሚሊዮን ዜጎች ለጎርፍና ተያያዥ አደጋዎች ተጋልጠዋል ተባለ
የመሬት መንሸራተት አስጊ ሆኗል በተለያዩ የሃገሪቱ አካባቢዎች እየጣለ ባለው መደበኛ እና ከመደበኛ በላይ በሆነ ዝናብ ምክንያት በተፈጠረ የመሬት መንሸራተት 39 ሰዎች መሞታቸው የታወቀ ሲሆን በቀጣዩ ክረምት 1.5 ሚሊዮን ዜጎች ለጎርፍ አደጋ ተጋልጠዋል ተባለ፡፡ ከሠሞኑ በደቡብ ክልል በስልጤ ዞን፣ ከባድና ተከታታይ ዝናብ መጣሉን ተከትሎ በተፈጠረ የመሬት መንሸራተት 7 ሰዎች፣ በደቡብ ክልል ጋሞ ጎፋ በተመሣሣይ አደጋ ዘጠኝ ሰዎች እንዲሁም በደቡብ ክልል በሲዳማና በአርሲ ዞን አዋሳኝ አካባቢ የ23 ሰዎች ህይወት ማለፉን፣ ከፌደራል የአደጋ መከላከልና ስጋት አመራር ኮሚሽን ያገኘነው መረጃ ያመለክታል፡፡ ይህ ሁኔታ በቀጣይ ምን መልክ ይኖረዋል በሚለው ጉዳይ ለአዲስ አድማስ መረጃ የሰጡት የኮሚሽኑ ኮሚሽነር አቶ ምትኩ ካሣ፤ በሃገሪቱ በአሁኑ ወቅት የመሬት መንሸራተት አንዱ የአደጋ ዘርፍ እየሆነ ነው ብለዋል፡፡ ችግሩም አሣሣቢ ደረጃ መድረሡን የጠቆሙት ኮሚሽነሩ፤ የሰዎች ህይወትም እየቀጠፈ ነው ብለዋል፡፡ ለመሬት መንሸራተት አስጊ እየሆነ መምጣት በአካባቢ ጥበቃ ጉድለት ደን መራቆት መከሠቱ፣ ሠዎች ተዳፋታማ አካባቢዎች መስፈር መጀመራቸው እንዲሁም የአፈር አይነት ምክንያት መሆናቸውን አቶ ምትኩ ለአዲስ
“በትግራይ የፖለቲካ እስረኞች አልተፈቱም” – አረና
ከ50 በላይ አመራሮቹና አባላቱ በትግራይ ክልል በተለያዩ ማረሚያ ቤቶች ታስረው እንደሚገኙ የገለፀው አረና ትግራይ ለዲሞክራሲና ሉአላዊነት (አረና) ፓርቲ፤ የክልሉ መንግስት እስካሁን ዋነኛ የፖለቲካ ሰዎችን ከእስር አለመልቀቁን አስታወቀ፡፡ በቅርቡ ከ2 ሺህ በላይ እስረኞች በክልሉ መለቀቃቸውን ያስታወሡት የፓርቲው ም/ሊቀመንበር አቶ ጎይቶም ፀጋዬ፤ ከተለቀቁት መካከል አንድም ፖለቲከኛ አለመኖሩን ለአዲስ አድማስ አስታውቀዋል፡፡ከ50 በላይ የሚሆኑ በፓርቲው ውስጥ ሠፊ ተሣትፎ የሚያደርጉ አባላትና አመራሮች በተለያየ ሰበብ በእስር ላይ እንደሚገኙ የገለፁት አቶ ጎይቶም፤ ፓርቲያቸው ታሣሪዎች እንዲፈቱ በተደጋጋሚ ቢጠይቅም ቀና ምላሽ አለማግኘቱን ጠቁመዋል፡፡ ከፓርቲው አባላት በተጨማሪም መሠረቱን ኤርትራ አድርጎ፣ የኢትዮጵያን መንግስት በመቃወም ከሚንቀሳቀሰው የትግራይ ህዝብ ዲሞክራሲያዊ እንቅስቃሴ ጋር ግንኙነት አላችሁ ተብለው የታሠሩ በሺዎች የሚቆጠሩ ግለሰቦች ከእስር አለመፈታታቸውን አቶ ጎይቶም አስታውቀዋል፡፡
ፖለቲካችን ወደ አዲስ ምዕራፍ
- “ኢትዮጵያ እንዲህ ይቅር ባይ መሪ ያስፈልጋታል” - ፖለቲከኛ አብርሃ ደስታ- “የኢትዮጵያ ትንሣኤ መቅረብ ምልክት ነው” - ጋዜጠኛ ነቢዩ ሲራክ- “ይህቺ ሃገር ሊያልፍላት ይሆን እንዴ?” - ጋዜጠኛ በፍቃዱ ሃይሉ ከእስር የተፈቱት የአርበኞች ግንቦት 7 ዋና ፀሃፊ አቶ አንዳርጋቸው ፅጌ እና ጠቅላይ ሚኒስትር ዶ/ር አብይ አህመድ ተገናኝተው መወያየታቸው ብዙዎችን ያስደሰተ ሲሆን የአውሮፖ ህብረትና የእንግሊዝ መንግስት የሚበረታታ እርምጃ ነው፤ እንደግፈዋለን ብለዋል፡፡ ማክሰኞ ግንቦት 21 ቀን 2010. ዓ.ም ከ4 ዓመት እስር በኋላ በይቅርታ ተፈትተው ቤተሠቦቻቸውን የተቀላቀሉት አቶ አንዳርጋቸው ፅጌ፤ በብሔራዊ ቤተ መንግስት ከጠቅላይ ሚኒስትር ዶ/ር አብይ አህመድ ጋር ውይይት ማድረጋቸው ታውቋል፡፡በውይይታቸውም የተለያዩ ፖለቲካዊና ሃገራዊ ጉዳዮች መነሣታቸውን በጥቅሉ የገለፁት አቶ አንዳርጋቸውም የተወያዩባቸውን ዝርዝር ጉዳዮች ከመግለጽ ተቆጥበዋል፡፡ጠቅላይ ሚኒስትር ዶ/ር አብይ አህመድና አቶ አንዳርጋቸው ፅጌ በብሄራዊ ቤተ መንግስት የተነሱትና በጠ/ሚኒስትሩ ፅ/ቤት ድረገፅ የወጣው ፎቶ ግራፍ በማህበራዊ ሚዲያዎች ከተሠራጨ በኋላ በርካቶች የተሠማቸው ደስታ ገልፀዋል፡፡የአምቦ ዩኒቨርሲቲ መምህሩና የመብት አራማጁ ስዩም ተሾመ በፌስ ቡክ ላይ ባሰፈረው አስተያየት፤ የቂም በቀልና
መንግስት የሶማሌ ክልል ልዩ ሃይልን እንዲበትን ተጠየቀ
በኦሮሚያና በሶማሌ ክልሎች ውስጥ የሠብአዊ መብት ጥሰቶችን እየፈፀመ ነው ያለውን የሶማሌ ልዩ የፖሊስ ኃይል፣ መንግስት በአስቸኳይ እንዲበትን የሠብአዊ መብት ተሟጋች ተቋም አምነስቲ ኢንተርናሽናል ጠየቀ፡፡ አምነስቲ ትናንትና ባወጣው መግለጫው፤ የሶማሌ ልዩ የፖሊስ ኃይል፣ ተደጋጋሚ የሠብአዊ መብት ጥሠትና ግድያዎችን እየፈፀመ መሆኑን ጠቅሶ፤ ከሠሞኑም በክልሉ 48 ቤቶችን በማቃጠል፣ ነዋሪዎች ቀዬአቸውን ጥለው እንዲሠደዱ አድርጓል ብሏል፡፡ መንግስት ይህን ልዩ የፖሊስ ኃይል፣ በአስቸኳይ በመበተን፣ ለአለማቀፍ የሰብአዊ መብቶች አጠባበቅ ተገዥ የሆነ መደበኛ የፖሊስ ሃይል እንዲደራጅ ጠይቋል፡፡ “ከዚህ በኋላ የሶማሌ ልዩ ሃይል አባላት እንዳሻቸው በህዝብ ላይ ግፍ እንዲፈፅሙ መፈቀድ የለበትም” ያለው ተቋሙ፤ “መንግስት ይሄ ጥቃት በአስቸኳይ እንዲያበቃ ማድረግ አለበት” ብሏል፡፡ በአከባቢው ላለው ግጭት ዘላቂ መፍትሄ ለመስጠትም ልዩ ሃይሉን በማፍረስ፣ የክልሎችን ድንበር በተገቢው ሁኔታ ማካለል ያስፈልጋል ብሏል- አምነስቲ፡፡
ቤታቸው የፈረሰባቸው አስር ሺህ አባወራዎች ለጠ/ሚሩ አቤቱታ አቀረቡ
ህገ ወጥ ግንባታ ነው በሚል ከሁለት አመት በፊት በአዲስ አበባ ቤታቸው የፈረሠባቸው አስር ሺህ ያህል አባ ወራዎች፤ ለጠቅላይ ሚኒስትር ዶ/ር አብይ አህመድ አቤቱታቸውን በደብዳቤ አቀረቡ፡፡ ለጠቅላይ ሚኒስትሩ ፅ/ቤት ገቢ በተደረገው የአቤቱታ ደብዳቤ ላይ፤ አባወራዎቹ ከ1998 ዓ.ም ጀምሮ በንፋስ ስልክ ላፍቶ ክ/ከተማ፣ ማንጎ ጨፌ ግራር በተባለ አከባቢ በተለያየ አግባብ መኖሪያ ቤት ሠርተው መኖር መጀመራቸው ተገልጿል፡፡ በወቅቱ ነዋሪዎቹ ያለ ማስጠንቀቂያ በቡልዶዘር ቤታቸው በጅምላ እንዲፈርስ ተደርጎ ጎዳና ላይ መበተናቸውን የሚጠቅሰው ደብዳቤው፤ በኋላም በአካባቢው በነበረው የቤቶቻቸው ፍርስራሽ ላይ በላስቲክና በሸራ ድንኳን ወጥረው መኖር እንደጀመሩ ደብዳቤው ይጠቁማል፡፡ ይሁን እንጂ ሠሞኑን (ከግንቦት 1 እስከ ግንቦት 3) ወደ ፕላስቲክ መኖሪያ ቤቶቻቸው እንዳይገቡ ተከልክለው ሜዳ ላይ መውደቃቸውን፤ ልጆቻችውም ከትምህርት ገበታቸው መፈናቀላቸውን አቤቱታ አቅራቢዎቹ ገልፀዋል፡፡ህብረተሠቡ መብቱን ሲጠይቅ በዱላ እየተደበደበ ይታሠራል የሚሉት አቤቱታ አቅራቢዎቹ፤ የውጭ ሃገር ስደተኞችን ተቀብላ በክብር የምታኖር ሃገራችን፣ እንዴት ለኛ ለዜጎቿ ቦታ ታጣለች ሲሉም ጠይቀዋል፡፡ በ2005 ዓ.ም ገንዘብ አዋጥተን፣ መንገድ፣ መብራትና ሌሎች መሠረተ ልማቶችን በክፍለ ከተማ አስተዳደሩ
የገቢዎችና ጉምሩክ ባለሥልጣን ዳይሬክተርን ጨምሮ በርካታ ባለሥልጣናትና ባለሃብት ከእስር ይፈታሉ
የግል ኩባንያዎች የሙስና ክስም ተቋርጧል ከአምስት አመት በፊት በከፍተኛ የሙስና ወንጀል ተጠርጥረው ታስረው የነበሩት የገቢዎችና ጉምሩክ ዋና ዳይሬክተር አቶ መላኩ ፈንታ፣ ምክትላቸው አቶ ገብረዋህድ ገ/ጊዮርጊስና ባለቤታቸው ኮ/ል ሃይማኖት ተስፋዬን ጨምሮ በርካታ ባለስልጣናትና ባለሃብቶች ክሳቸው ተቋረጠ፡፡ጠቅላይ አቃቤ ህግ ክሱን ያቋረጠው የግንቦት 20ን በአል ምክንያት በማድረግ መሆኑን አስታውቋል፡፡ ክሣቸው ከተቋረጠላቸውም መካከልም አቶ መላኩ ፋንታ፣ አቶ ገብረዋህድ ገ/ጊዮርጊስ እንዲሁም አብረዋቸው ታስረው የነበሩት የነፃ ትሬዲንግ ባለቤት አቶ ነጋ ገ/እግዚአብሄር፣ የኬኬ ኩባንያ ባለቤት አቶ ከተማ ከበደ፣ የኢንተርኮንቲኔንታል ሆቴል ባለቤት አቶ ስማቸው ከበደ እንዲሁም ባለሃብቱ አቶ ጌቱ ገለቴና፣ አቶ ገብረስላሴ ገብሬ መሆናቸው ታውቋል፡፡ በቅርቡ ክስ ተመስርቶባቸው የነበሩት የኢሊሊ ሆቴል ባለቤት አቶ ገምሹ በየነም ክሳቸው ተቋርጧል፡፡ ከባለስልጣናትም የኢንዱስትሪ ሚ/ር ዴኤታ የነበሩ አቶ አለማየሁ ጉጆ፣ አቶ ዋሲሁን አባተ፣ አቶ አክሎክ ደምሴ፣ አቶ ዛይድ ወ/ገብርኤል (የቀድሞ የመንገዶች ባለስልጣን ዳይሬክተር)፣ አቶ መስፍን ወርቅነህ፣ ወ/ሮ ሰኙን ጎበና፣ አቶ ጌታቸው ነገሪ፣ አቶ ነጋ መንግስቱና አቶ ሙሣ መሃመድ ክሳቸው ተቋርጧል ተብሏል፡፡ በተጨማሪም ጂኤች
በአማራና ኦሮሚያ፣ ከ2ሺ በላይ ተጠርጣሪዎች ታስረዋል
የአስቸኳይ ጊዜ አዋጅ መውጣቱን ተከትሎ፣ በአማራና ኦሮሚያ ክልሎች ከተቃውሞ ጋር በተያያዘ ወንጀል ፈጽመዋል የተባሉ ከ2ሺ በላይ ተጠርጣሪዎች በፖሊስ ቁጥጥር ሥር መዋላቸውን ኮማንድ ፖስት፣ ለአዲስ አድማስ በላከው መግለጫ አስታውቋል፡፡ በኦሮሚያ የተለያዩ አካባቢዎች 1600 የሚደርሱ ተጠርጣሪዎች በቁጥጥር ስር የዋሉ ሲሆን በአማራ ክልል፣ ጎንደር 93 ሰዎች በገዛ ፍቃዳቸው እጃቸውን ለፖሊስ ሰጥተዋል ብሏል - ኮማንድ ፖስቱ፡፡ በሰበታ ከተማ በተለያዩ ኢንቨስትመንቶች ላይ ለደረሰው ቃጠሎና ውድመት እጃቸው አለበት የተባሉ 1 ሺ ተጠርጣሪዎች በቁጥጥር ሥር መዋላቸውን ባለፈው ሳምንት ፖሊስ ማስታወቁ አይዘነጋም፡፡ ሰሞኑን በኦሮሚያ ክልል በሻሸመኔ ከተማ ብቻ 450፣ በአካባቢው ባሉ ወረዳዎች 670 ተጠርጣሪዎች መያዛቸውን የገለጸው ኮማንድ ፖስቱ፤ በቄለም ወለጋ ዞን 110 ሰዎች በቁጥጥር ሥር ውለዋል ብሏል። በኦሮሚያ ከተዘረፉት 513 የተለያዩ የጦር መሳሪያዎች 384 ያህሉ መመለሳቸውን አመልክቷል፡፡ ሌሎች በግጭቱ ወቅት የተዘረፉ የመንግስትና የግለሰብ ንብረቶችም በስፋት እየተመለሱ ነው ብሏል - ኮማንድ ፖስቱ፡፡ በአማራ ክልል በጎንደር ከተማና አካባቢው “ሸፍተው” ጫካ የገቡና ከአሸባሪዎች ጋር ግንኙነት ከነበራቸው መካከል 93 ሰዎች እጃቸውን የሰጡ
ህዋዌ፤ ለመሰረት በጎ አድራጎት ድርጅት ድጋፍ አደረገ
በቴሌኮም ማስፋፋትና በኔትወርክ ዝርጋታ ስራ የተሰማራው ህዋዌ፤ ባለፈው ሳምንት ቅዳሜ ለ‹‹መሰረት በጎ አድራጎት›› ድርጅት የትምህርት መሳሪያ ድጋፍ አደረገ፡፡ ድርጅቱ 4500 ደብተሮችን፣ 1500 እርሳሶችን፣ 1500 እስክርቢቶዎችንና ላጲሶችን ለግሷል፡፡ በርክክብ ስነስርዓቱ ላይ ንግግር ያደረጉት የድርጅቱ መስራችና ዳይሬክተር ወ/ሮ መሰረት አዛገ ህዋዌ ስላደረገላቸው ድጋፍ አመስግነው፣ ድጋፉ ‹‹አንድ እሽግ ለአንድ ልጅ›› በሚል የሚያካሂዱትን የትምህርት ቁሳቁሶች አቅም ለሌላቸው የማከፋፈል ፕሮጄክት፣ በእጅጉ እንደሚያግዛቸው ተናግረዋል፡፡ በዕለቱ ከህዋዌ ያገኙት ድጋፍ በገንዘብ ሲተመን ከ50 ሺህ ብር በላይ እንደሆነ የገለፁት ወ/ሮ መሰረት፤ ድጋፉ ሌሎችም ድርጅቶች ማህበራዊ ሀላፊነታቸውን እንዲወጡ መነቃቃትን ይፈጥራል ብለዋል፡፡ከድጋፉ ጎን ለጎን መሰረት በጎ አድራጎት ድርጅት የተመሰረተበትን አምስተኛ ዓመት ያከበረ ሲሆን በአምስት አመት ጉዞው ያከናወናቸውን፣ ያሳካቸውንና ያለፋቸውን ፈተናዎች በዘጋቢ ፊልም ለታዳሚዎቹ አቅርቧል፡፡ የህዋዌ ተወካዮችም ድጋፋቸውን እንደሚቀጥሉ በዕለቱ ቃል ገብተዋል፡፡ በመሰረት በጎ አድራጎት ድርጅት ጽ/ቤት በተካሄደው በዚህ ፕሮግራም ላይ ድርጅቱ አምባሳደር አርቲስት ሩታ መንግስተአብና አርቲስት ግሩም ኤርሚያስ እንዲሁም ጥሪ የተደረገላቸው እንግዶች ተገኝተዋል።
‹‹የአስቸኳይ ጊዜ አዋጁ በቱሪዝም ላይ ከፍተኛ ጉዳት እያደረሰ ነው›› – አስጎብኚ ድርጅቶች
የአስቸኳይ ጊዜ አዋጅ መታወጁን ተከትሎ የውጭ አገር ቱሪስቶች ወደ ኢትዮጵያ የመጓዝ ፍላጎታቸው በእጅጉ መቀነሱን የገለፁ አስጎብኚ ድርጅቶች፤ ለችግሩ መላ ካልተገኘ አዋጁ በቱሪዝም ኢንዱስትሪ ላይ ከፍተኛ ጉዳት እንደሚያደርስ ተናገሩ፡፡ ‹‹አገር የማስጎብኘት ሥራ እንደ ማኑፋክቸሪንግ አይደለም፤ አንድ ፋብሪካ ቢቃጠል ወይም ሌላ ጉዳት ቢደርስበት በዓይን ይታያል። የቱር ኦፕሬሽን ሥራ፣ አገልግሎት ስለሆነ ጉዳት ሲደርስበት በዓይን አይታይም፡፡ አሁን በአገሪቱ በተፈጠረው ችግር ሳቢያ ዘርፉ ጉዳት ደርሶበታል›› ብለዋል፤ የኢትዮጵያ አስጎብኚ ድርጅቶች ማኅበር ፕሬዚዳንት፤ አቶ ያዕቆብ መላኩ፡፡አስጎብኚ ድርጅቶች ከመስከረም ጀምሮ እስከ ታህሳስ፣ ጥርና የካቲት ያሏቸውን ገበያዎች ሸጠው እንደጨረሱና ደንበኞችም ክፍያ መፈጸማቸውን ጠቅሰው፣ ለሆቴሎችና ለሌላ አገልግሎት አቅራቢያዎችም ክፍያ መፈፀማቸውን ይገልፃሉ። ሆኖም በተፈጠረው ችግር ምክንያት ቱሪስቶች ወደ አገራችን ለመምጣት ፍላጎት አላሳዩም ያሉት ፕሬዚዳንቱ፤ አንዳንድ ቱሪስቶች የከፈሉት እንዲመለስላቸው እየጠየቁ መሆኑን ተናግረዋል፡፡ የተለያዩ የጉዞ አማካሪዎችና ኤምባሲዎች የሚያሰራጩት ወደ ክልከላ ያደገ ማስጠንቀቂያ፣ ለጉብኝት ፕሮግራሞች መሰረዝ ዋነኛ ምክንያት እንደሆኑ የጠቀሱት አቶ ያዕቆብ፣ ‹‹አንዴ ፕሮግራም አድርጌአለሁ፤ ሄጄ ያለውን ነገር አያለሁ›› ብለው የሚመጡ ጥቂት ቱሪስቶች ቢኖሩም
ከፕሬዚዳንቱ ፅ/ቤት የተሰጠ ማስተባበያ
“የሰመጉን ሪፖርት አንቀበልም አላልንም” ባለፈው ጥቅምት 5 ቀን 2009 ዓ.ም ታትሞ በወጣው አዲስ አድማስ ጋዜጣ ላይ ከሰብአዊ መብቶች ጉባኤ (ሰመጉ) ዋና ዳይሬክተር አቶ ብፅአተ ተረፈ ጋር በተደረገው ቃለ ምልልስ፤ ‹‹ከፕሬዚዳንቱ ፅ/ቤት ሁለተኛ ሪፖርታችሁን ወደ ፅ/ቤታችን እንዳትልኩ ተብለናል›› ሲሉ የተናገሩት የፕሬዚዳንቱን ፅ/ቤት ስም የሚያጠፋና ፈፅሞ ያልተባለ ነገር ነው፤ አንድም ቀን ሪፖርታችሁን አንቀበልም ብለናቸው አናውቅም፤ ልንልም የምንችልበት ምክንያት የለንም፡፡ የፕሬዚንዳንቱ ፅ/ቤት ሁሉንም የሃገሪቱን ዜጎችና ተቋማት በእኩልነት የሚያገለግል ተቋም ነው፡፡ አቶ አለምነህ ረጋሳ የፕሬዚዳንቱ የፅ/ቤት የፕሮቶኮልና ኮሚኒኬሽን ተጠባባቂ ዳይሬክተር፡፡
የህትመት ኢንዱስትሪው በከፍተኛ አደጋ ውስጥ ነው ተባለ
ለሚዲያዎች መስፋፋትና እድገት ማነቆ ሆኗልበሃገሪቱ ያለው የህትመት ኢንዱስትሪ በከፍተኛ አደጋ ውስጥ መሆኑን አንድ ጥናት ያረጋገጠ ሲሆን ለሚዲያዎች መስፋፋትና እድገትም ማነቆ እየፈጠረ ነው ተብሏል፡፡ የኢትዮጵያ አሳታሚዎች አታሚዎች ማህበር ከትናንት በስቲያ በሸራተን አዲስ ሆቴል ባዘጋጀው የግማሽ ቀን ወርክሾፕ ላይ በኢትዮጵያ ደራሲያን ማህበር የቀድሞው ፕሬዚዳንት በአቶ ጌታቸው በለጠ የቀረበ ጥናት እንዳመለከተው፤መንግስት ለህትመት ኢንዱስትሪው ምንም አይነት ድጋፍ ስለማያደርግ ዘርፉ ከማደግ ይልቅ እየቀጨጨ ነው፡፡ በጥናቱ ላይ ተሳታፊ ከነበሩ የኢንዱስትሪ አንቀሳቃሾች በተሰባሰበ መጠይቅ፣ለህትመት ኢንዱስትሪው የሚደረግ የመንግስት ድጋፍ 0 % መሆኑ ተመላክቷል፡፡ መንግስት በሁለቱም የእድገትና ትራንስፎርሜሽን እቅዶቹ ኢንዱስትሪውን በተመለከተ ያስቀመጠው እቅድ፣ ጉዳዩን የበለጠ አሳሳቢ ያደርገዋል ብለዋል - ጥናት አቅራቢው፡፡ የህትመት ኢንዱስትሪው ትልቁ ተግዳሮት፣ ተደራራቢ ታክስ እንደሆነም ተጠቅሷል፡፡ በንጉሡ፣ በደርግና በአሁኑ መንግስት በህትመት ኢንዱስትሪው ላይ የታዩ ለውጦች በጥናቱ የተዳሰሱ ሲሆን በንጉሡ ዘመን የተሻለ የህትመት ኢንዱስትሪ መስፋፋት ታይቶ ነበር ተብሏል፡፡ በተለይ እንደ ማክሚላን ቡክስ፣ ኦክስፎርድ የመሳሰሉ የውጭ ትላልቅ የህትመት ኩባንያዎች በኢንዱስትሪው ተሳታፊ የነበሩ መሆናቸው መልካም አጋጣሚ እንደነበር በጥናቱ ተጠቁሟል።
ለ3 የግል ቴሌቪዥንና ለ3 የኤፍኤም ሬዲዮ ፈቃድ ተሰጠ
የኢትዮጵያ ብሮድካስት ባለሥልጣን ለሁለት “ሴት ቶፕ ቦክስ” አምራቾች፣ ለሦስት የግል ቴሌቪዥንና ለሦስት የኤፍ ኤም ሬዲዮ ብሮድካስተር ድርጅቶች ፈቃድ ሰጠ፡፡ ባለፈው ረቡዕ በሸራተን አዲስ በተከናወነው የፊርማ ሥነ-ሥርዓት፣ “ሴት ቶፕ ቦክስ” ለማምረት ከባለሥልጣኑ ዋና ዳይሬክተር ከአቶ ዘርዓይ አስገዶም ጋር የተፈራረሙት ጣና ኮሙኒኬሽን ኃ.የተ. የግ.ማ እና ብረታ ብረት ኢንጂነሪንግ ኮርፖሬሽን ሃይቴክ ኢንጂነሪንግ ኢንዱስትሪ ናቸው፡፡ የግል የቴሌቪዥን ብሮድካስት ፈቃድ የተሰጣቸው ሦስት ድርጅቶች፡- ፋና ብሮድካስት ኮርፖሬሽን፣ ዋልታ ኢንፎርሜሽን ማዕከልና አርኪ ብሮድካስቲንግ ሰርቪስ ኃ.ተ. የግ.ማ ናቸው፡፡ የግል ኤፍ ኤም ሬዲዮ ጣቢያ ብሮድካስቲንግ ፈቃድ የተሰጣቸው ሦስት ድርጅቶች ደግሞ ኤዲስቴለር ትሬዲንግ ኃ.የተ.የግ.ማ (አሐዱ 94.3)፣ አርኪ ብሮድካስቲንግ ሰርቪስና ዋን ላቭ ብሮድካስቲንግ ሰርቪስ ኃ.የተ. የግ.ማ (ሉሲ 107.8) ኤፍ ኤም ሬዲዮ ጣቢያዎች ናቸው፡፡ በዕለቱ የተሰጠው ሦስት የኤፍ ኤም ሬዲዮ ጣቢያ ፈቃድ፣ አሁን በአዲስ አበባና አካባቢያዋ አገልግሎት እየሰጡ ያሉትን ሰባት ጣቢያዎች ጋር ቁጥር ወደ 10 እንደሚያደርሰው ታውቋል፡፡ “ሴት ቶፕ ቦክስ” ማለት አሁን ያለው አናሎግ የቴሌቪዥን ስርጭት ወደ ዲጂታል ሲቀየር ስርጭቱን መቀበል የሚያስችል
“በእርቀ ሰላም በአቋራጭ ስልጣን ለመያዝ የተደረገው ጥረት ከሽፏል”
የአስቸኳይ ጊዜ አዋጁ መተግበሩን ተከትሎ፣ ህገ መንግስታዊ ስርአቱን በኃይል ለመናድ የተደረገው ጥረትና መንግስት ተገዶ ወደ እርቀ ሰላም እንዲገባ በማድረግ፣ በአቋራጭ ስልጣን ለመያዝ የተደረገው ጥረት መክሸፉን ጠቅላይ አቃቤ ህግ ጌታቸው አምባዬ አስታወቁ፡፡ አዋጁ ያስፈለገበትን ምክንያትና እስካሁን ያለውን አፈፃፀም ለአገር ውስጥ ጋዜጠኞች ከትናንት በስቲያ በስፋት ያብራሩት ጠቅላይ አቃቤ ህጉ፤ አዋጁ ተግባራዊ ከተደረገ በኋላ በአገሪቱ ላይ መረጋጋት እየተፈጠረ፣ የሰዎች ደህንነትና ቁሳዊ ሀብቶች ከውድመት እየተጠበቁ ነው ብለዋል፡፡ በተቃውሞ ወቅት በጦር መሳሪያ የታጀቡ ትንንሽ ቡድኖች ራሳቸውን በማደራጀት፣ ከፀጥታ ኃይሉ ጋር ፊት ለፊት ፍልሚያ የጀመሩበት ሁኔታ እንደነበር ያስታወሱት አቶ ጌታቸው፤ ሀገሪቱ የበለጠ አደጋ ላይ እንዳትወድቅ በማሰብ፣ የአስቸኳይ ጊዜ አዋጁ መታወጁ ሀገሪቱ የተጋረጠባትን ስጋት እየቀለበሰ ነው ብለዋል፡፡ በኢሬቻ በአል ላይ የተፈጠረውን ግጭትና የህይወት መጥፋት ተከትሎ ከበአሉ የተበተነው ኃይል፣ በአዲስ አበባ ዙሪያ ባሉ ከተሞች ሰፍሮ እንደነበር የገለፁት ጠቅላይ አቃቤ ህጉ፤ የተለያዩ ቡድኖችን በማደራጀት ሃዋሳን፣ አዳማንና አዲስ አበባን ወደ መሳሰሉ ትላልቅ ከተሞች እንዲገቡ ጥረት ሲደረግ ነበር ብለዋል፡፡ በዚህም ሳቢያ
የኢንተርኔት መቋረጥ ዲቪ የሚሞሉትንም አስቸግሯል
ኢትዮ ቴሌኮም “ከደንበኞቼ ቅሬታ አልደረሰኝም” ብሏል በአዲስ አበባ ሳሪስ አካባቢ የኢንተርኔት ካፌ ከፍቶ መስራት ከጀመረ 7 ዓመታት ያስቆጠረው ስሙ እንዳይጠቀስ የጠየቀ ወጣት፤ በየዓመቱ በዚህ ወቅት የአሜሪካን ዲቪ ሎተሪ በማስሞላት ዳጎስ ያለ ገቢ ያገኝ እንደነበር ይናገራል፡፡ ዘንድሮ ግን በከተማዋ የኢንተርኔት አገልግሎት መቋረጡን ተከትሎ፣ የተለመደውን አገልግሎት ለደንበኞቼ መስጠት እንዳልቻለ ይገልፃል፡፡ በአማራጭነት የዋይ ፋይ አገልግሎት መስጫ ቢኖረውም በአግባቡ የሚሰራ ባለመሆኑ፣ እንኳን ዲቪ ለማስሞላት ይቅርና የኢንተርኔት አገልግሎት በቅጡ ለመስጠት አዳግቶኛል ብሏል፡፡የኢንተርኔት አገልግሎት በመስጠት ብቻ በቀን በአማካይ ከ300-500 ብር ገቢ ያገኝ እንደነበር የሚናገረው የኢንተርኔት ካፌ ባለቤት፤ የኢንተርኔት መቋረጥ የሥራ ዘርፉን እንዳስቀየረው ይናገራል። “የኮምፒውተር ፅሁፍ፣ መጠረዝና፣ የፎቶ ኮፒ ስራዎችን ብቻ ለመስራት ተገድጄአለሁ” ብሏል። በየአመቱ ጥሩ ገቢ ያስገኝለት የነበረው ዲቪ የማስሞላት ስራም በኢንተርኔት መቋረጥ ሳቢያ መስተጓጎሉን ገልጿል፡፡ የዲቪ አመልካቾች በኢንተርኔት መቋረጥ የገጠማቸውን ችግር በተመለከተ ለአሜሪካ ኤምባሲ ላቀረብነው ጥያቄ፤ ችግሩ ከዲቪ ማመልከቻ ድረ ገፁ ሳይሆን ከኢንተርኔት መንቀራፈፍና መቆራረጥ ጋር የተያያዘ ነው ብሏል፡፡“አመልካቾች የ2018 የአሜሪካ ዲቪ ሎተሪ ማመልከቻን በኢንተርኔት
1 ሺህ ኢትዮጵያውያን ስደተኞች ከየመን እስር ቤት አመለጡ
- የወህኒ ቤቱ ጠባቂዎች እስረኞቹ እንዲያመልጡ ትብብር አድርገውላችዋል በህገ ወጥ መንገድ ድንበር ጥሰው ገብተዋል በሚል በደቡባዊ የመን በሚገኝ እስር ቤት ውስጥ ታስረው የነበሩ 1 ሺህ ህገወጥ ኢትዮጵያውያን ስደተኞች ባለፈው ረቡዕ ሌሊት አምልጠው መጥፋታቸውን አንድ የአገሪቱ የደህንነት ሃላፊ ማስታወቃቸውን አጃንስ ፍራንስ ፕሬስ ዘግቧል፡፡በህገወጥ መንገድ ወደ የመን ገብተዋል በሚል ሻባዋ በተባለቺው የአገሪቱ ግዛት ውስጥ ታስረው ከነበሩትና ወደ አገራቸው ሊመለሱ ከተዘጋጁት 1 ሺህ 400 ያህል ኢትዮጵያውያን ስደተኞች መካከል አንድ ሺህ የሚሆኑት ባለፈው ረቡዕ ሌሊት እስር ቤቱን ሰብረው በመውጣት መጥፋታቸውን ዘገባው ገልጧል፡፡የእስር ቤቱ ጠባቂዎች ስደተኞቹ እንዲያመልጡ ትብብር እንዳደረጉላቸው ተረጋግጧል ያለው ዘገባው፤ ስደተኞቹ በተቀናበረ መንገድ ካመለጡ በኋላም በተዘጋጀላቸው መኪና በቡድን በቡድን እየሆኑ በአቅራቢያ ወደሚገኙት ማሪብ እና ባይዳ የተሰኙ ግዛቶች መሄዳቸውን አስታውቋል፡፡ የየመን መንግስት ባለፈው ወር ብቻ በህገ ወጥ መንገድ ድንበር ጥሰው ገብተዋል በሚል ከ220 በላይ አፍሪካውያን ስደተኞችን በቁጥጥር ስር በማዋል ወደ አገራቸው እንደመለሰ ያስታወሰው ዘገባው፤ከእነዚህም መካከል አብዛኞቹ ኢትዮጵያውያን እንደነበሩ ጠቁሟል፡፡
‹‹በጌዴኦ የደረሰው ችግር የብሔር ግጭት አይደለም››
(ወ/ሮ ሂክማ ኬይረዲን፤ የደቡብ ክልል መንግሥት ኮሙኒኬሽን ጽ/ቤት ኃላፊ) የችግሩ ምክንያት በዲላ የንግዱ ማኅበረሰብና የጌዴኦ ዞን ሕብረት ሥራ ዩኒየን መካከል የቦታ ይገባኛል ክርክር ነበር፡፡ ባለፉት ጊዜያት ፍ/ቤቱ አክራክሮ ውሳኔም አስተሳልፎ ወደ አፈፃፀም ሂደት ሊገባ ነበር፡፡ በዚህ ሂደት ውስጥ ቦታው ለዩኒየኑ ይገባል በሚል የተወሰኑ አካላት ማኅበረሰቡን አነሳስተው በንግዱ ማኅበረሰብ ላይ ጉዳት ደርሷል። የፍ/ቤቱን ውሳኔ መነሻ አድርጎ ነው ግጭቱ የተከሰተው፡፡ ከግጭቱ ጋር በተያያዘ የሰው ሕይወት ጠፍቷል፣ ንብረትም ወድሟል፡፡ 23 ሰዎች ሞተዋል፤ ቤት ንብረት የተቃጠለባቸውና የወደመባቸው አሉ፤ ጉዳቱ ሰፊ ነው፡፡ በዚሁ ሂደት መካከል ችግሩ ሲከሰት ደንግጦ ከቤቱ የወጣ፤ ቤትንብረቱ ሲቃጠል ከቤቱ የወጣ ሰው አለ፡፡ አንዳንድ ሰዎች የብሔር ግጭት ነው ይላሉ፡፡ ግን አይደለም፡፡ ጉዳቱ የደረሰው ከአካባቢው ብሔረሰብ ውጭ ብቻ አይደለም፡፡ ከአካባቢው ተወላጅ ሕይወቱ ያለፈ አለ፡፡ ስለዚህ ከሁሉም ኢትዮጵያዊ ብለን ነው መውሰድ የሚቻለው፡፡ የንግዱ ማኅበረሰብ ውስጥም የአካባቢው ተወላጆች አሉ፡፡ ንብረታቸው የወደመው የሁሉም ነው፡፡ ስለዚህ ግጭቱ የተወሰነ ብሔረሰብ ላይ በፍፁም ያነጣጠረ አይደለም፡፡ ለተጠቂዎቹ ቀድሞ የደረሰላቸውና ሕይወታቸውን
ነገ የኢ/ር ኃይሉ ሻወል መታሰቢያ ይደረጋል
የቀብር ስነ ስርአታቸው ባለፈው ማክሰኞ በአዲስ አበባ ቅድስት ሥላሴ ካቴድራል ለተፈፀመው አንጋፋው ፖለቲከኛ ኢ/ር ኃይሉ ሻወል በመኢአድ ፅ/ቤት በነገው እለት የመታሰቢያ ዝግጅት ይደረጋል። በመታሰቢያ ዝግጅቱ ላይ የፓርቲ አመራሮች፣ የዩኒቨርሲቲ ምሁራን፣ ፖለቲከኞችን ጨምሮ የስራ አጋሮቻቸውና ቤተሰቦቻቸው እንደሚገኙ ከመኢአድ ፅ/ቤት ያገኘነው መረጃ አመልክቷል። ነገ እሁድ ከ8 ሰዓት ጀምሮ በሚካሄደው የመታሰቢያ ስነ ስርአት ላይ ኢ/ር ኃይሉ ሻወል፤ በተለይ በሰላማዊ የፖለቲካ ትግል ባበረከቱት አስተዋፅኦ ላይ ሶስት ምሁራን ፅሁፍ አቅርበው ውይይት ይደረጋል ብለዋል፤ የፓርቲው ዋና ፀሐፊ አቶ አደና ጥላሁን፡፡ በፕሮግራሙ ላይ የተለያዩ የስነ ፅሁፍ ፕሮግራሞችም እንደሚካተቱና ከ200 በላይ ጥሪ የተደረገላቸው እንግዶች እንደሚገኙ ታውቋል፡፡
የአስቸኳይ ጊዜ አዋጁን ማስፈፀሚያ ደንብ ወጣ
- የሰዓት እላፊ ተግባራዊ የሚሆንባቸው ቦታዎች አሁንም ይፋ አልተደረጉም- በሁከቱና ብጥብጡ ተሳታፊ የሆኑ ሰዎችን በአንድ ማዕከል በማሰባሰብ እንደጥፋታቸው መጠን እርምጃ የመውሰድ ሥራ ይሰራል - በስራ ማቆምና በቤት ውስጥ መቀመጥ አድማዎች ላይ ተሳታፊ መሆን በአስቸኳይ ጊዜ አዋጁ ያስቀጣል- በኢንተርኔት ስራ ላይ የተሰማሩ ሰዎች፣ በአፍራሽ ተግባር ላይ ተሰማርተው የቆዩ በመሆኑ ገድቦ ማቆየቱ ተገቢ ነውየሰዓት እላፊ ተግባራዊ የሚሆንባቸው ቦታዎች አሁንም ይፋ አልተደረጉም በሁከቱና ብጥብጡ ተሳታፊ የሆኑ ሰዎችን በአንድ ማዕከል በማሰባሰብ እንደጥፋታቸው መጠን እርምጃ የመውሰድ ሥራ ይሰራል በስራ ማቆምና በቤት ውስጥ መቀመጥ አድማዎች ላይ ተሳታፊ መሆን በአስቸኳይ ጊዜ አዋጁ ያስቀጣል በኢንተርኔት ስራ ላይ የተሰማሩ ሰዎች፣ በአፍራሽ ተግባር ላይ ተሰማርተው የቆዩ በመሆኑ ገድቦ ማቆየቱ ተገቢ ነው በኦሮሚያና በአማራ ክልሎች የተነሳውን ተቃውሞና አመፅ ተከትሎ መስከረም 28 ቀን 2009 ዓ.ም የወጣውን የአስቸኳይ ጊዜ አዋጅ ተግባራዊ ለማድረግ የሚያስችል የማስፈፀሚያ ደንብ የሚኒስትሮች ምክር ቤት በትላንትናው ዕለት ማውጣቱ ተገለፀ፡፡ ጠቅላይ ዐቃቤ ህግ አቶ ጌታቸው አምባዬ ትናንት ለጋዜጠኞች በሰጡት ጋዜጣዊ መግለጫ
የግል ማተሚያ ቤቶች በአስቸኳይ ጊዜ አዋጁ ሳቢያ ጋዜጣ አናትምም አሉ
መንግስት ድርጊቱ ከአዋጁ መንፈስ ጋር አይገናኝም ብሏልየአስቸኳይ ጊዜ አዋጁን ምክንያት በማድረግ የግል ማተሚያ ቤቶች፤ ጋዜጣና መፅሄት አናትምም በማለታቸው ህትመታቸው መስተጓጎሉን የ “ኢትዮ ምህዳር” ጋዜጣ እና “የሀበሻ ወግ” መፅሄት አሳታሚዎች ለአዲስ አድማስ ገለፁ፡፡ ስለ አስቸኳይ ጊዜ አዋጁ በአጠቃላይ አቃቤ ህግ ማብራሪያ በሰጠበት ወቅት ሃይማኖት ከሃይማኖት፣ ብሄርን ከብሄር የሚያጋጩና አመፅና ግጭት ቀስቃሽ የሆኑ ፅሁፎችን ማተም፣ ማሳተምና ማሰራጨት ሊከለከል ይችላል መባሉን መነሻ በማድረግ የግል ማተሚያ ቤቶች በተለይ ፖለቲካ ነክ ፅሁፎች ያሉባቸውን ጋዜጦች አናትምም ማለታቸውን አሳታሚዎቹ ተናግረዋል፡፡ ዘወትር ቅዳሜ ታትሞ የሚወጣው ሳምንታዊው “የኢትዮ ምህዳር ጋዜጣ ባለቤት አቶ ጌታቸው ወርቁ፤ ቀድሞ ጋዜጣው ይታተምበት የነበረውን ማተሚያ ቤት ጨምሮ ከ3 በላይ ማተሚያ ቤቶች አዋጁ እንዳስፈራቸው በመግለፅ፣ ለማተም ፍቃደኛ እንዳልሆኑላቸው አስረድቷል፡፡ አዋጁ ገና ዝርዝሩ ወጥቶ እንዳልፀደቀና ጋዜጣቸው በህጋዊ መንገድ ተመዝግቦ የሚሰራ ሚዲያ መሆኑን በመግለፅ ማተሚያ ቤቶቹን ለማግባባት ሞክረው እንደነበር የጠቆሙት አቶ ጌታቸው፤ ማተሚያ ቤቶቹ ግን ፍቃደኛ ሊሆኑ እንዳልቻሉ ገልፀዋል፡፡ ማተሚያ ቤቶቹ ጋዜጣውን አናትምም ማለታቸውን ተከትሎ ጉዳዩ ይመለከታቸዋል ወዳሏቸው
አሜሪካና ካናዳ የአስቸኳይ ጊዜ አዋጁ አሳስቧቸዋል
“ነፃና ትችት ያዘሉ ድምፆችን ማፈንና ማሰር በራስ ላይ ውድቀትን መጋበዝ ነው” በቅርቡ በኦሮሚያና በአማራ ክልሎች የተቀሰቀሰውን ተቃውሞና አመፅ ተከትሎ መንግስት ያወጣው የአስቸኳይ ጊዜ አዋጅ በእጅጉ እንዳሳሰባትና አዋጁ በዚህ ሁኔታ ተፈፃሚ የሚሆን ከሆነ ለተቀሰቀሰው የፖለቲካ ቀውስ ምላሽ ለመስጠት እንደማያስችል የአሜሪካ ውጭ ጉዳይ ሚኒስቴር ቃል አቀባይ አስታወቁ፡፡ ቃል አቀባዩ ጆን ኪርቢ ከትናንት በስቲያ በሰጡት ጋዜጣዊ መግለጫ ላይ እንዳስታወቁት፤ የኢትዮጵያ መንግስት መስከረም 28 ቀን 2009 ዓ.ም ያወጀው የአስቸኳይ ጊዜ አዋጅ፣ የዜጎችን ሰብአዊ መብቶች የማይጥስ መሆኑ መረጋገጥ ይኖርበታል፡፡ የአስቸኳይ ጊዜ አዋጁ ዜጎችን ያለ ፍርድ ቤት ትዕዛዝ ማሰርና የኢንተርኔት አገልግሎትን መዝጋት ጨምሮ ሃሳብን የመግለፅ ነፃነትን መገደብ፣ ህዝባዊ ስብሰባን መከልከል፣ የሰዓት እላፊ ገደብን መጣል እንዲሁም የመናገር መብትን መገደብ የመሳሰሉ ተፅዕኖዎች ሊኖሩት እንደሚችሉ የቃል አቀባዩ መግለጫ ያመለክታል፡፡ የተቃውሞ ሰልፈኞቹና የሌሎች ኢትዮጵያውያንን ተገቢ የሆኑ ብሶቶች ማዳመጥና ምላሽ መስጠት ተገቢ ነው ያለው መግለጫው፤ መንግስት የዜጎቹን መብት እንዲያከብር፣ ህገ-መንግስቱ ያረጋገጠውን ሃሳብን በነፃነት የመግለፅና የመደራጀት መብት እንዲያረጋግጥ እንዲሁም መብታቸውን በሰላማዊ መንገድ
ኢ/ር ኃይሉ ሻውል በ80 ዓመታቸው አረፉ
የመላው ኢትዮጵያ አንድነት ድርጅት (መኢአድ) መስራችና ፕሬዚዳንት እንዲሁም በ97 ምርጫ የቅንጅት ሊቀመንበር የነበሩት አንጋፋው ፖለቲከኛ ኢ/ር ሃይሉ ሻወል በ80 አመታቸው ትናንት ከዚህ ዓለም በሞት ተለይተዋል አስክሬናቸው ዛሬ አዲስ አበባ የሚገባ ሲሆን፡፡ የቀብር ስነስርዓታቸው መቼ እንደሚፈፀም አልተወሰነም ተብሏል፡፡ ኢ/ር ሀይሉ ሻወል በ1997 ምርጫ ማግስት በተከሰተው የፖለቲካ ቀውስ ታስረው ከተፈቱ በኋላ የጀርባና የእግር ህመምን ጨምሮ በተለያዩ ህመሞች ሲሰቃዩ እንደነበር ያስታወቀው ፓርቲያቸው፤ በተለይ ላለፉት ሁለት ዓመታት ህመማቸው ፀንቶ በታይላንድ ህክምና ሲከታተሉ ቆይተው ትናንት እዚያው ታይላንድ አርፈዋል ብሏል፡፡ ኢንጀነር ኃይሉ በ1984 ዓ.ም የመላው አማራ አንድነት ድርጅትን (መአዕድ) ከፕሮፌሰር አስራት ወ/የስ ጋር በመሆን ከመሰረቱ በኋላ በምክትል ፕሬዝዳንትነት ለ10 ዓመት መርተውታል፡፡ መአዕድ ወደ መላው ኢትዮጵያ አንድነት ድርጅት በ1995 (መኢአድ) ከተቀየረ በኋላ እስከ 2005 ዓ.ም ለ10 ዓመታት በፕሬዚዳንትነት ማገልገላቸው ይታወቃል። በ1997 አራት ድርጅቶች ቅንጅት ለአንድነትና ለዲሞክራሲ የተሠኘውን ስብስብ ሲፈጥሩ ኢ/ር ሃይሉ ሊቀ መንበር በመሆን ከምርጫ ጋር ተያይዞ ለተለያዩ አለማቀፍ መገናኛ ብዙሃን በሚሠጧቸው መግለጫዎች የሚታወቁ ሲሆን ከታሰሩት የቅንጅት
ተቃውሞ – ግጭት – እልቂት- ውድመት – ቀውስ
የሟቾች ቁጥር እያሻቀበ ነው- ትላንት በአርሲ - ኦጄ፣ ከ30 በላይ ሰዎች ሞተዋል በኢሬቻ በዓል ላይ በደረሰው እልቂት በተቀሰቀሰው ቁጣ ምክንያት ሳምንቱን በተለያዩ የኦሮሚያ አካባቢዎች ከፍተኛ ተቃውሞና ግጭት ተከስቶ የበርካቶች ህይወት ጠፍቷል፡፡ በትላንትናው ዕለት በአርሲ ነገሌና አርሲአጄ አካባቢ፣ በተከሰተ ግጭት ከ30 በላይ ሰዎች መሞታቸውን ምንጮች ጠቁመዋል፡፡ “በክልሉ በዚህ ሳምንት የሞቱ ሰዎችን በተመለከተ የሚደርሱን መረጃዎች አስደንጋጭና እርስ በእርስ የማይጣጣሙ ናቸው” ያለው የኦሮሞ ፌደራል ኮንግረስ (ኦፌኮ)፤ የበለጠ ማጣራት “አስፈላጊ ሆኖ ስላገኘነው ቁጥሩን ከመግለፅ እንታቀባለን” ብሏል፡፡ በኦሮምያ የተለያዩ አካባቢዎች በተነሳው ግጭት የሞቱ ሰዎችን አስመልክቶ ከክልሉ መንግስት የኮሚኒኬሽን ጉዳዮች ምክትል ኃላፊ አቶ ወርቁ ጫላ ያገኘነው መረጃ፤ ከሰኞ ጀምሮ በተለያዩ ወረዳዎች በተፈጠሩ ሁከቶች የፀጥታ አካላትን ጨምሮ የዜጎች ህይወት መጥፋቱን ቢገልፅም የሟቾች ቁጥርን ይፋ ከማድረግ ተቆጥቧል፡፡ የቢሾፍቱ እልቂት የቀሰቀሰው ቁጣ፤ በምዕራብ ጎጂ፣ በምዕራብ ሸዋ፣ በሆሮጉድሩ፣ ጊምቢ፣ በጅማ፣ በቦረና ያቤሎ፣ በቡሌ ሆራ፣ በምስራቅ ሀረርጌ፣ በአምቦ፣ ወሊሶ፣ በዝዋይ፣ በአርሲ -ነገሌና አርሲአጄ እንዲሁም በኦሮሚያ ክልል ፊንፊኔ ዙሪያ ልዩ ዞን ውስጥ
በተቃውሞ በቢሊዮን ብር የሚገመት ንብረት ወድሟል
“ለደህንነታችን ዋስትና የሚሰጠን አካል የለም” ባለሀብቶች- “ቢሻን ጋሪ ሎጅ” ላይ በደረሰው ዘረፋና ቃጠሎ ፖሊስ ጥቃቱ እንዳይደርስ ከመከላከል ተቆጥቧል- ፖሊስ ጣቢያዎች፣ ፍርድ ቤቶች፣ ማዘጋጃ ቤቶችና የመንግስት ተቋማት ወድመዋልበኢሬቻ በዓል አከባበር ወቅት የተከሰተውን የበርካቶች ህልፈተ ህይወት ተከትሎ በኦሮሚያ ክልል የተለያዩ አካባቢዎች በተቀሰቀሰው ተቃውሞና አመፅ እያደረሰ ያለው የንብረት ውድመት ከመንግስት ጥበቃና ቁጥጥር ውጪ እየሆነ ነው፡፡ ባለፈው ሳምንት በክልሉ የተለያዩ ስፍራዎች በተቀሰቀሰው ተቃውሞና አመፅ በቢሊዮን ብሮች የሚቆጠር ንብረት ወድሟል ተብሏል፡፡ ሰሞኑን በቡራዩ፣ በሰበታ፣ በአዋሽ መልካሳ፣ በአርሲ ነገሌ፣ በአለምገና እና ሌሎች የኦሮሚያ ክልሎች በተቀሰቀሰው ተቃውሞ፣ በሚሊዮኖች በሚቆጠር ገንዘብ የተቋቋሙ ፋብሪካዎች፣ የህዝብና የጭነት ማመላለሻ መኪኖች፣ የመንግስት ተቋማት፣ ፖሊስ ጣቢያዎችና የአበባ እርሻዎች ሙሉ በሙሉ ወድመዋል፡፡ በላንጋኖ አካባቢ በ100ሺ ካሬ ሜትር ቦታ ላይ በተገነባው ቢሻን ጋሪ ሎጅ ባለፈው እሮብ በደረሰበት ዘረፋና ቃጠሎ ሙሉ በሙሉ ለማጥፋትም ሆነ ንብረቱን ከአደጋ ለመከላከል የተደረገ ሙከራ አለመኖሩ ተስፋ እንዳስቆረጣቸው የድርጅቱ ባለቤት አቶ ዑመር ባገርሽ ትናንት ለጋዜጠኞች በሰጡት መግለጫ ላይ ተናግረዋል፡፡ ሎጁ ላለፉት 17
የጀርመን መራሄ መንግስት ማክሰኞ አዲስ አበባ ይገባሉ
የጀርመን መራሄ መንግስት አንጌላ መርኬል ማክሰኞ አዲስ አበባን እንደሚጎበኙና ከጠቅላይ ሚኒስትር ሃይለማርያም ደሳለኝ ጋር ከስደት ጋር በተያያዙ ጉዳዮች ላይ ይመክራሉ ተብሎ እንደሚጠበቅ አጃንስ ፍራንስ ፕሬስ የፊታችን ዘግቧል፡፡ከሶስት የአፍሪካ አገራት መሪዎች ጋር በስደትና ሽብርተኝነትን በመታገል ላይ ያተኮሩ ውይይቶችን ለማድረግ ያቀዱት መርኬል፤ ነገ ወደ ማሊ እንደሚያቀኑና ከዚያም በኒጀርና በኢትዮጵያ ጉብኝታቸውን እንደሚቀጥሉ የጠቆመው ዘገባው፤ በአዲስ አበባ ቆይታቸው የአፍሪካ ህብረት ዋና ጽህፈት ቤትን ይጎበኛሉ ተብሎ ይጠበቃል፡፡አንጌላ መርኬል በአፍሪካ አገራት ለቀናት የዘለቀ ጉብኝት ሲያደርጉ ከአምስት አመታት ወዲህ የአሁኑ የመጀመሪያው እንደሚሆን ዘገባው ጠቁሟል፡፡
“ኤክሰል አሬንጁስ” እና “ማርች ማንጎጁስ” ለጤና ጎጂ መሆናቸው ተገለጸ
ፓሲፊክ ኢንዱስትሪዎች ኃ.የተ.ማ የሚያመርታቸው “ኤክሰል አሬንጅ ጁስ”ና “ማርች ማንጎ ጁስ” ለጤና ጎጂ መሆናቸውን የኢትዮጵያ የምግብ የመድኃኒትና የጤና ክብካቤ አስተዳደርና ቁጥጥር ባለሥልጣን አስታወቀ፡፡ ባለሥልጣኑ ሰሞኑን ለዝግጅት ክፍላችን ለድርጅታችን በላከው ደብዳቤ፣ ከኅብረተሰቡ በደረሰው ጥቆማ መሠረት፤ ምርቶቹ ላይ በተደረገ የላቦራቶሪ ፍተሻ ለጤና ተስማሚ አለመሆናቸው በመረጋገጡ፣ ለኅብረተሰቡ ጤና ጎጂ መሆናቸውን ጠቁሞ፣ ድርጅቱ ከዚህ በፊትም በተመሳሳይ ችግር ምርቱ ገበያ ላይ እንደይውል መደረጉንና ከገበያም እንዲሰበሰብ መደረጉን፣ አሁንም ተመሳሳይ ችግር እየፈጠረ መሆኑን አመልክቷል፡፡ አምራች ድርጅቱ ከባለሥልጣን መ/ቤቱ ምንም ዓይነት የብቃት ማረጋገጫ ያልተሰጠው በመሆኑ ምርቱ ተመርምሮ የሀገሪቱን የምግብ ደህንነትና የጥራት መስፈርት የማያሟላ፣ እንዲሁም ለጤና ጎጂና አደገኛ መሆኑን በማረጋገጥ እነዚህን ምርቶች ማንኛውም ሰው እንዳይጠቀም አበክሮ አሳስቧል፡፡ ባለሥልጣን መ/ቤቱ በአዋጅ በተሰጠው ሥልጣንና ኃላፊነት መሠረት፤ እነዚህን የተከለከሉ ምርቶች ሲሸጥ፣ ሲያጓጉዝ፣ ሲያከፋፍል የተገኘ ማንኛውም ግለሰብም ሆነ ድርጅት ላይ እርምጃ እንደሚወስድና አጥፊዎቹን በሕግ የሚጠይቅ መሆኑን አስታውቋል፡፡ ኅብረተሰቡ ይህን መሰል ሕገ-ወጥ ተግባራትና ማንኛውም ሕገ ወጥ የምግብ፣ የመድኃኒትና የጤና አገልግሎቶች ሲያጋጥሙት፣ በአካባቢው ላለ የሕግና የጤና
በሦስት ዘርፎች መጻሕፍት ተወዳድረው ሊሸለሙ ነው
ኖርዝ ኢስት ኢንቨስትመንት ከአዲስ አበባ ዩኒቨርስቲና ከብሔራዊ ቤተ መዛግብትና ቤተ መጻሕፍት ኤጀንሲ ጋር በመተባበር በየዓመቱ የሚካሄድ ‹‹ሆሄ የኢትዮጵያ የሥነ ጽሁፍ ሽልማት›› ፕሮግራም ማዘጋጀቱን አስታወቀ፡፡የሽልማት ዝግጅቱ ዓላማ በሀገራችን የንባብ ባህል እንዲጎለብት ማስቻል፣ በየዓመቱ የሚታተሙ መጽሐፍትን እንዲተዋወቁና የተሻሉት ደግሞ በተሸላሚነት እውቅና እንዲያገኙ እንዲሁም በልጆች ንባብ ላይ የተለየ ትኩረት በማድረግ ድጋፍ መስጠት ነው፡፡ የፈጠራ ፅሁፍ ስራዎቻቸውን ላበረከቱ ደራሲያንና ጸሐፍት እውቅና ከመስጠት ባለፈ የንባብ ባህል እንዲስፋፋ፣ በተፃፉ መፅሃፍት ላይ ህብረተሰቡ እንዲወያይባቸው ሁኔታዎችን የሚያመቻቹ የንባብ ክበባት እንዲፈጠሩ እንዲሁም በየጊዜው የሚታተሙ መፅሀፍት ላይ ሂስና ትንታኔ በመስጠት ለመላው ህብረተሰብ የንባብ ትሩፋቶችን በማጋራት ለሚሰሩ ሀያሲያን የሽልማት ፕሮግራሙ እውቅና የሚሰጥ ይሆናል፡፡ “ሆሄ የስነፅሁፍ ሽልማት” ፕሮግራም በዋነኛነት ሶስት የውድድር ዘርፎች የሚኖሩት ሲሆን እነዚህም የረጅም ልብ ወለድ መጻህፍት፣ የስነ ግጥም መድበሎችና የልጆች መጻህፍት ናቸው። ተወዳዳሪ መፃህፍት በዳኞች ኮሚቴ አማካይነት በተዘጋጀላቸው መስፈርቶች መሰረት የሚመዘኑ ሲሆን ውድድሩ በዳኞች ኮሚቴ ከሚሰጠው ውጤት በተጨማሪ በአንባቢያን ነፃ የስልክ መልእክትና በድረ ገፅ ኦን ላይን ከአንባቢያን የሚሰጠው ድምፅ
በጎንደር ዩኒቨርሲቲ የመምህራን ውይይት በተቃውሞ ተቋረጠ
የትምህርት መጀመሪያ ቀን እስካሁን አልታወቀም ከሌሎች ዩኒቨርሲቲዎች ዘግይቶ ከትላንት በስቲያ የተጀመረውና ለ5 ቀናት እንደሚካሄድ የተጠበቀው የጎንደር ዩኒቨርስቲ የመምህራን ውይይት፤ ትላንት ሐሙስ ጠዋት በተቃውሞ የተቋረጠ ሲሆን ከሰዓት በኋላ በዩኒቨርሲቲው የውስጥ ጉዳይ መምህራኑ ውይይት አድርገዋል፡፡ በጎንደር ዩኒቨርሲቲ ቀደም ሲል ከመስከረም 9 ጀምሮ ይካሄዳል ተብሎ የነበረው ውይይት፤ መምህራኑ በውይይቱ ሥፍራ ሳይገኙ በመቅረታቸው አለመካሄዱ የሚታወስ ሲሆን በድጋሚ በዩኒቨርሲቲው በወጣ ማስታወቂያ መሰረት ውይይቱ ከመስከረም 19 እስከ መስከረም 24 እንደሚካሄድ ተገልፆ ነበር፡፡ ሁሙስ እለት የቀድሞ የትምህርት ሚኒስትርና የዩኒቨርሲቲው የቦርድ ሰብሳቢ ዶ/ር ስንታየሁ ወ/ሚካኤል፤ “የሰላማዊ መማር ማስተማር ሂደት” በሚል ርዕስ ለውይይት መነሻ የሚሆን ፅሁፍ ያቀረቡ ሲሆን፤ የመድረክ መሪውን የመነሻ ፅሁፍ ተከትሎ መምህራን በሶስት አዳራሽ ተከፋፍለው በቡድን ውይይት እንዲያደርጉ ቢሞከርም፣ በሁለቱ አዳራሾች የነበሩ መምህራን ራሳቸውን ከንግግር በማቀባቸው ውይይቱ ተበትኗል፡፡ በሌላኛው አዳራሽ ከነበሩ መምህራን አንደኛው ድንገት ተነስቶ፤ ‹‹ሰው እየተገደለ፣ ንብረት እየተቃጠለ ምን እንድንል ነው የምትፈልጉት?›› የሚል ዱብ ዕዳ ጥያቄ የቀረበ ሲሆን የመድረኩ መሪ ንግግሩን ውይይቱ መበተኑ የዩኒቨርሲቲው መምህራን ለአዲስ
የጋዜጦች የማተሚያ ቤት ችግር እስከ መስከረም 30 ይዘልቃል
ሳምንታዊ የግል ጋዜጦች ከማተሚያ ቤት ችግር ጋር በተያያዘ ከሚወጡበት መደበኛ ቀናቸው እስከ 5 ቀን ዘግይተው እየወጡ ሲሆን ብርሃንና ሰላም ማተሚያ ቤት፤ የጋዜጦችን ዘግይቶ የመውጣት ችግር ለመፍታት ጥረት በማድረግ ላይ ነኝ ብሏል። ችግሩን ለመፍታት የጋዜጣ አሳታሚዎች እስከ መስከረም 30 ቀን 2009 ዓ.ም እንዲታገሱትም ጠይቋል-ማተሚያ ቤቱ፡፡ “አዲስ አድማስ” ን ጨምሮ ቅዳሜ ለአንባቢያን መድረስ የነበረባቸው ጋዜጦች እሁድ መውጣት የጀመሩ ሲሆን የእሁድ ሳምንታዊ ጋዜጦች እስከ 4 እና 5 ቀናት እየዘገዩ እንደሚወጡ የገለፁት አሳታሚዎች፤ መዘግየቱ ከማስታወቂያ ደንበኞቻቸው ጋር ቅራኔ ውስጥ እየከተታቸው መሆኑን ጠቁመው ለአንባቢያን በጊዜና በሰአቱ መድረስ ያለባቸው መረጃዎችም እየዘገዩ መቸገራቸውን ተናግረዋል፡፡የብርሃንና ሰላም ማተሚያ ቤት ስራ አስኪያጅ አቶ ተካ አባዲ፤ ጋዜጦች ለምን በዕለታቸው እንደማይወጡ ከአዲስ አድማስ ለቀረበላቸው ጥያቄ ሲመልሱ፤ ‹‹ማተሚያ ቤቱ በ22 ሚሊዮን ብር የገዛውና በሰአት እስከ 20 ሺህ ኮፒ ጋዜጦች የማተም አቅም ያለው ዘመናዊ ማሽን የቴክኒክ እክል ስለገጠመው ነው›› ብለዋል፡፡ ችግሩን በአጭር ጊዜ ለመፍታት ድርጅቱ ጥረት እያደረገ መሆኑን የገለጹት አቶ ተካ፤ ማሽኑ ወደ ሀገር
በሳምንቱ በኦሮሚያ 4 ወጣቶች መገደላቸውን ኦፌኮ አስታወቀ
ባለፈው ሳምንት በተለያዩ የኦሮሚያ ወረዳዎች የ4 ሰዎች ህይወት በፀጥታ ኃይሎች ማለፉን ኦፌኮ ገለፀ፡፡ በነቀምት ላይ አንድ ወጣት መገደሉንና በምዕራብ መንዲ ወረዳ በመስቀል ደመራ ላይ የ15 ዓመት ታዳጊ መገደሉን የገለፀው ኦፌኮ፣ ነጆ በምትባል ከተማም አንድ ሰው ተገድሎ 5 ሰዎች በጥይት እንደቆሰሉ ጠቁሟል፡፡ በምዕራብ አርሲ አጄ፣ አንድ ሰው መሞቱን የተናገሩት የኦፌኮ ም/ሊቀ መንበር አቶ ሙላቱ ገመቹ፤ የማስፈራራትና ማዋከብ ዘመቻም ተጠናክሮ ቀጥሏል ብለዋል፡፡ የኦህዴድ ሊቀ መንበር ሆነው የተመረጡት አቶ ለማ መገርሳ፤ ከህዝብ ጎን እንደሚቆሙና ሰላም እንደሚፈጥሩ ቃል መግባታቸውን የጠቀሱት አቶ ሙላቱ፤ ይህ በተባለ ማግስትም በሰው ህይወትና አካል ላይ እየደረሰ ያለው ጉዳት ካልቆሙ አሳሳቢ ነው ብለዋል፡፡ ከክልሉ አስተዳደር በጉዳዩ ላይ ተጨማሪ መረጃ ለማግኘት ያደረግነው ሙከራ አልተሳካም፡፡
ከፍተኛ የብአዴን አመራሮች አቡነ አብርሃምን አነጋገሩ
በባህርዳር ከተማ መስቀል አደባባይ በተካሄደው የደመራ በዓል ላይ ባደረጉት ንግግር ከፍተኛ ተቀባይነትን ያገኙትና የሰሞኑ አገራዊ የመወያያ አጀንዳ የሆኑት የባህርዳር ምዕራብ ጎጃም አዊና መተከል አህጉረ ስብከት ሊቀጳጳስና የቅዱስ ሲኖዶስ አባል አቡነ አብርሃምን የብአዴን ከፍተኛ አመራሮች ከትናንት በስቲያ አነጋገሯቸው፡፡ ከውስጥ አዋቂ ምንጮች ባገኘነው መረጃ መሰረት፤ የብአዴን ከፍተኛ አመራር ከሆኑት የመንግስት ባለስልጣናት መካከል የፌደራል አርብቶ አደር ጉዳዮች ሚኒስትር አቶ ካሳ ተክለብርሃንና በእስራኤል የኢትዮጵያ አምባሳደር ህላዊ ዮሴፍ ናቸው፤ ጳጳሱን ያነጋገሩዋቸው፡፡ የንግግራቸው አጀንዳም በወቅታዊ አገራዊ ጉዳይና መደረግ በሚገባቸው ጉዳዮች ዙሪያ እንደሆነም ምንጮች ጠቁመዋል፡፡ በባለስልጣናቱና በአቡነ አብርሃም መካከል የተካሄደውን ውይይት ዝርዝር መረጃ ለማግኘት ባንችልም፣ ባለስልጣናቱ በወቅታዊ አገራዊ ጉዳይ ላይ መንግስት ምን ማድረግ እንደሚገባው አባታዊ ምክራቸውን እንዲሰጡ አቡነ አብርሃምን መጠየቃቸውን ለማወቅ ተችሏል፡፡ በባህርዳር ከተማ መስቀል አደባባይ ላይ በተከናወነው የደመራ በአል ላይ ለምዕምኑ ንግግር ያደረጉት አቡነ አብርሃም፤ ‹‹የምናገረው ፖለቲካ አይደለም፤ እንደዛ ነው የሚል እንደፈለገ ይተርጉመው፡፡ ሁልጊዜም ቢሆን ችግር የሚፈጠረው በመሪ እንጂ በተመሪ አይደለም፤ የህዝቡ ጥያቄ መመለስ አለበት፡፡ ወታደሩ
የምሁራኑ ውይይት በባህርዳርና በጎንደር ዩኒቨርስቲዎች እክል ገጠመው
በዲላ ዩኒቨርስቲ ‹‹የህሊና ፀሎት›› ጥያቄ ተቀባይነት አላገኘም በአገሪቱ የተለያዩ ዩኒቨርስቲዎች መንግስት ከመምህራን ጋር እያካሄደ ያለው ውይይቶች በተቃውሞና በውዝግብ የታጀቡ ሆነዋል፡፡ በጎንደርና በባህርዳር ውይይቱ በወጣው መርሃ ግብር መሰረት አለመካሄዱን ምንጮች ጠቁመዋል፡፡መስከረም 4 በተጀመረው የመቀሌ ዩኒቨርስቲ የመምህራን ውይይት ለ2 ቀናት ብቻ ብቻ የተሳተፉ አንድ መምህር፤ እንደገለፁልን፤ መምህራኑ ተቀምጦ ከማዳመጥ ባለፈ ጥያቄም ሆነ አስተያየት በቀጥታ ማቅረብ አትችሉም መባላቸውን ተከትሎ ቅሬታዎች ተፈጥረው ነበር፡፡ በትግራይ ክልል ም/ርዕሠ መስተዳደር ዶ/ር አዲስአለም ባሌማ አጋፋሪነት በተመራው ውይይት ጥያቄ ማቅረብ የሚቻለው በየኮሌጆቹ ተወካዮች በኩል እንጂ መምህራን በቀጥታ ማቅረብ ተከልክለው ነበር። የሚሉት መምህሩ፤ ጥያቄዎች ለኮሌጅ መሪዎች ከተሰጡ በኋላ ተጨምቆ ለመድረክ ይቀርብ ነበር ብለዋል፡፡ በዩኒቨርስቲው ስብሰባው ላይ ተሳታፊ የነበሩ አንዳንድ ያነጋገርናቸው መምህራንም በቀሪ መቆጣጠሪያ መዝገብ ላይ እየፈረሙ ወጣ ገባ ከማለት በስተቀር ውይይቱን በአግባቡ እንዳልተከታተሉ ለአዲስ አድማስ ገልፀዋል፡፡ በጠቅላይ ሚኒስትሩ የማህበራዊ ጉዳይ አማካሪና የዲላ ዩኒቨርስቲ የቦርድ ሊቀመንበር ወ/ሮ ሙፈርያት ካሚል ሰብሳቢነት ከመስከረም 5 ጀምሮ እስከ ትናንት በተካሄደው ስብሰባ ላይ እንደ አዲስ አበባ
‹‹ማልታ ጊነስ›› የ‹‹ስኬት ቦርድ›› ውድድር አካሄደ
ማልታ ጊነስ በአይነቱ ልዩ የሆነ የስኬት ቦርድ ውድድር ሰሞኑን በአዲስ ስኬት መዝናኛ ውስጥ አካሄደ፡፡ በ15 ተወዳዳሪዎች መካከል የተካሄደው የስኬት ቦርድ ውድድር፤ በአገራችን አምብዛም ያልተለመደውን የስኬት ስፖርት በስፋት እንዲለመድና ብቃት ያላቸው ተወዳዳሪዎችን ለማፍራት የበኩሉን እገዛ እንደሚያደርግ ተገልጿል። ከአልኮል ነፃ በሆነው የማልታ ጊነስ ምርት ታጅቦ በተካሄደው በዚህ ውድድር ላይ ከ1-3 የወጡ ተወዳዳሪዎች የማልታ ጊነስ ምርት አምራች በሆነው ዲያጆ ኢትዮጵያ የተዘጋጀላቸውን ሽልማቶች ተቀብለዋል፡፡ ውድድሩ በራሳቸው የሚታማመኑና ብቃት ያላቸው የስኬት ቦርድ ስፖርተኞችን ለማፍራት እንደሚያስችል የማልታ ጊነስ ብራንድ ማናጀር አቶ አቤል አናጋው በውድድሩ ወቅት ተናግረዋል፡፡ በዚሁ የስኬት ቦርድ ስፖርት ውድድር ወቅትም ዲያጆ ኢትዮጵያ ለአዲስ ስኬት ፓርክ የ50ሺህ ብር ድጋፍ አድርጓል፡፡
ተቃዋሚዎች፤ የባለስልጣናት ለውጥ የህዝብ ጥያቄን አይመልስም አሉ
‹‹የህዝቡ ጥያቄ የስርአትና የፖሊሲ ለውጥ ነው›› በተሃድሶ ግምገማ ላይ ከሚገኙት አራቱ የኢህአዴግ ድርጅቶች ኦህዴድ ሊቀመናብርቱን ሰሞኑን ከሃላፊነት ያነሰ ሲሆን ተቃዋሚ ፓርቲዎች በየትኛውም ደረጃ የሚደረጉ የአመራር ለውጦች ለህዝብ መሰረታዊ ጥያቄ ምላሽ አይሆኑም ብለዋል፡፡ህዝብ የጠየቀው የስርዓትና የፖሊሲ ለውጥ እንጂ የግለሰቦች መቀያየርን አይደለም፤ ይላሉ ተቃዋሚዎች፡፡የኢትዮጵያውያን ዲሞክራሲያዊ ፓርቲ (ኢዴፓ) ፕሬዚዳንት ዶ/ር ጫኔ ከበደ፤ የገዥውን ፓርቲ ተሃድሶ ብቻ ሳይሆን ሁሉም አስተሳሰቦች የተካተቱበት የፖሊሲ ለውጦች ነው የጠየቅነው ብለው፡፡ አሁን ባለው ፖሊሲ ላይ ግለሰቦችን መለዋወጥ ተሃድሶ እንደማይሆን ተናግረዋል፡፡ ‹‹የህዝቡ ጥያቄም የአመራሮች መለዋወጥ›› አይደለም ያሉት ዶ/ር ጫኔ፤ ተሃድሶው በዚህ መልኩ ከቀጠለ ምንም ለውጥ አያመጣም፤ የህዝቡንም ጥያቄ በዚህ መንገድ መመለስ አይቻልም ብለዋል፡፡ በኦሮሚያ የኦህዴድ አመራሮች መቀያየራቸው ሌሎቹ ድርጅቶችም ከዚህ የተለየ አጀንዳ እንደሌላቸው ያሳያል፡፡ ያሉት ፕሬዚዳንቱ፤ በኢዴፓ እምነት ይህ አካሄድ የበለጠ የህዝበን ጥያቄ የማፈኛ መንገድ ነው ብለዋል፡፡ አዴፓ አሁንም ብቸኛው መፍትሄ የብሄራዊ እርቅ መድረክ ማዘጋጀት ነው የሚል አቋም እንዳለውም ዶ/ር ጫኔ ተናግረዋል፡፡ በመጀመሪያም ቢሆን ህዝብ የአመራር ለውጥ አልጠየቀም ያሉት የሠማያዊ
በጎንደርና በባህርዳር የቤት ውስጥ አድማ ሲደረግ ሰንብቷል
በአማራ ክልል በተለይ በጎንደርና በባህርዳር ከተሞችና በአካባቢያቸው ባሉ ወረዳዎች ሠሞኑን ከቤት ያለመውጣት አድማ ሲደረግ መሠንበቱን የጠቆመው መኢአድ፤ በሌላ በኩል ወጣቶች በፀጥታ ሃይሎች እየተለቀሙ መታሠራቸው አስታውቋል፡፡ የፓርቲው ዋና ፀሃፊ አቶ ኪዳነ በጎንደር ከሠኞ መስከረም 9 ቀን ጀምሮ እስከ ትናንት ድረስ አንድም የንግድ ተቋም ሳይከፈት የቤት ውስጥ አድማ ሲደረግ መሰንበቱንና በደብረታቦር ማክሰኞ አድማው የተደረገ ቢሆንም በሃይል ህዝቡ ወደ ስራ እንዲገባ ተደርጓል ብለዋል፡፡ ቁጥራቸው በውል ያልታወቁ ነዋሪዎችም ደብረታቦር መታሰራቸውን አስታውቀዋል፡፡ ጋይንት፣ ንፋስ መውጫ፣ ሊቦ ኮምኮምና አዲስ ዘመን በተባሉ የጎንደር ከተሞችም እስከ ትናንት ድረስ የስራ ማቆም አድማ አድርገዋል ተብሏል፡፡ ባህርዳር እስከ ሃሙስ እለት የንግድ መደብሮች ዝግ ቢሆኑም የመንግስት መስሪያ ቤቶችና የትራንስፖርት አገልግሎት አልተቋረጡም ብለዋል ዋና ፀሃፊው፡፡ በወገራና ኮሶዬ በተባሉ ወረዳዎች ሠሞኑን የፀጥታ ሃይሎች ከአካባቢው ነዋሪዎች ጋር መጋጨታቸውን መኢአድ አስታውቋል፡፡ በሌላ በኩል፤ በባህርዳርና በወልቂጤ ዩኒቨርስቲዎች በተደረጉ የመምህራን ስብሰባዎች ለመንግስት ሃላፊዎች ጠንካራ ጥያቄዎች እንደቀረበላቸው መኢአድ አረጋግጫለሁ ብሏል፡፡ በኮንሶ አካባቢ የተከሰተው ቀውስ አለመረጋጋቱን የጠቆመው መኢአድ፤ በአካባቢው ሰዎች
የኢሬቻ በአል ከፖለቲካ ነፃ እንዲሆን ኦፌኮ አሳሰበ
የኩሽ ህዝቦች በተለይም አሮሞዎች ፈጣሪያቸውን በሚያመሠግኑበት ሃይማኖታዊና ባህላዊ የኢሬቻ ስነስርአት ላይ ማናቸውም የፖለቲካ ሃይሎች ከዋዜማው ጀምሮ ጣልቃ ከመግባት እንዲቆጠቡ የኦሮም ፌደራሊስት ኮንግረስ (ኦፌኮ) አሣሠበ፡፡መስከረም 22 የሚከበረው የኢሬቻ በአል የራሱ ሃይማኖታዊ ባህልና የአከባበር ስርአት እንዳለው በመግለጫው የጠቀሰው ኦፌኮ፤ የተለያዩ አካላት በዋዜማው ‹‹የኢሬቻ ታላቁ ሩጫ›› እና ሌሎች ከባህሉ ጋር የማይገናኙ ፕሮግራሞችን ለማካሄድ ማቀዳቸው ተቀባይነት የለውም ብሏል፡፡ በአሉ የምስጋና ቀን በመሆኑ በመልከ መውረጃ መንገዶች ላይ የኪነት ቡድን አደራጅቶ ማስጨፈር፣ የፖለቲካ ንግግር ማድረግ የመሣሰሉትን ፓርቲው እንደሚቃወም አስታውቋል፡፡ በአሉ ከፖለቲካም ሆነ ባህሉን ከሚፃረር ማንኛውም ድርጊት ነፃ እንዲሆንና የህዝብ በአልነቱ እንዲከበር አሳስቧል ኦፌኮ፡፡
ወጋገን ኮሌጅ ዛሬ ተማሪዎቹን ያስመርቃል
ወጋገን ኮሌጅ ላለፉት ሁለት ዓመታት በአካውንቲንግ፣ በፊልምና በቴአትር ጥበባት ያሰለጠናቸውን 120 ተማሪዎች ዛሬ ቦሌ አሮሚያ ታወር ላይ በሚገኘው ሰራዊት ሲኒማ አዳራሽ ከጠዋቱ 3፡00 ሰዓት ጀምሮ ያስመርቃል፡፡ ኮሌጁ ከተቋቋመበት ከ1986 ዓ.ም ጀምሮ ተማሪዎችን ሲያሰለጥን የነበረ ሲሆን ዘንድሮ ለ21ኛ ጊዜ የሚያስመርቅ መሆኑን የኮሌጁ ሬጅስትራር ኦፊሰር ወ/ሪት ሀመልማል በላይ አሞኘ ለአዲ አድማስ ገልፀዋል፡፡ ወጋገን ኮሌጅ በ2008 የበጀት ዓመት የትምህርት ዘመን በአዲስ አበባ ከተማ አስተዳደር ስር ከሚገኙ 66 ያህል የግል ኮሌጆች መካከል የሰልጣኞቹን የብቃት መረጋገጫ ውጤት 81 በመቶ በማምጣት ለ2009 ዓ.ም የእውቅና ፈቃዳቸውን ካደሱ 12 ኮሌጆች የመጀመሪያው ሆኖ ማለፉንም ወ/ሪት ሀመልማል ጨምረው ገልፀዋል፡፡ ኮሌጁ ዛሬ በሚያስመርቃቸው ሰልጣኞች የምረቃ በዓል ላይ የዩኒቨርስቲ ምሁራን፣ ታዋቂ የኪነ- ጥበብ ባለሞያዎች የተመራቂ ቤተሰቦችና የኮሌጁ ማህበረሰቦች እንደሚታደሙም ለማወቅ ተችሏል፡፡
ሠማያዊ ፓርቲ ያቀደው ጠቅላላ ጉባኤ በምርጫ ቦርድ መደናቀፉን ገለፀ
አስቸኳይ ጠቅላላ ጉባኤውን በነገው እለት በመኢአድ ፅ/ቤት ግቢ ሊያከናውን ቀጠሮ ይዞ የነበረው ሠማያዊ ፓርቲ፤ ከህግ አግባብ ውጪ በምርጫ ቦርድ ጉባኤውን እንዳያካሂድ መከልከሉን አስታወቀ፡፡ ፓርቲው ለአዲስ አድማስ በላከው መግለጫ፤ በዛሬው ዕለት አስቸኳይ ጠቅላላ ጉባኤ በማድረግ የነበረበትን የውስጥ ፓርቲ ችግር ለመፍታት አቅዶ እንደነበር ጠቅሶ፤ የብሔራዊ ምርጫ ቦርድ ፅ/ቤት፤ ‹‹በፓርቲው ላይ የሚጣሩ ጉዳዮች በመኖራቸው የጉባኤው ቀን እንዲራዘም›› በሚል የማሳሰቢያ ደብዳቤ መላኩን አመልክቷል፡፡ የምርጫ ቦርድ ሃላፊነት ተወካይ በመላክ ሂደቱን መታዘብ እንጂ የጉባዔ ቀን መወሠን አለመሆኑን የጠቀሰው ፓርቲው፤ ጉባኤው በዚህ ምክንያት ከመደናቀፉ ባሻገር ለጉባኤው ፓርቲው ያወጣቸው ወጪዎች ለኪሣራ እንደዳረገው አስታውቋል፡፡ ለደረሰው ኪሣራም ፓርቲው ምርጫ ቦርድን በህግ እንደሚጠይቅ አስታውቆ፤ የፓርቲው ሊቀ መንበር አቶ ይልቃል ጌትነትና ሌሎች አካላት ጉባኤውን ከማደናቀፍ ተግባር እንዲቆጠቡ አሳስቧል፡፡ ጉባኤውንም በቅርቡ በድጋሚ እንደሚጠራም የፓርቲው ኦዲትና ምርመራ ኮሚሽን በላከው መግለጫ አመልክቷል፡፡በጉዳዩ ላይ ማብራሪያ እንዲሠጡን የጠየቅናቸው የኢትዮጵያ ብሄራዊ ምርጫ ቦርድ የፅ/ቤት ሃላፊ አቶ ወንድሙ ጎላ፤ ‹‹የፓርቲውን ጠቅላላ ጉባኤ ለማሠናከል አይደለም፤ የፓርቲው ፕሬዚዳንት አቶ ይልቃል ጌትነት
የኮንሶ ቀውስ
“ጥያቄያችን በኦሮሚያ ክልል እስከመጠቃለል ይዘልቃል” አቶ ገመቹ ገንፌ፤ - የኮንሶ ኮሚቴ አባል“ጥያቄው የህዝብ ሳይሆን የጥቂቶች ነው” - የክልሉ መንግስት ከኮንሶ የዞንነት ጥያቄ ጋር በተያያዘ በተፈጠረ ግጭት የበርካቶች ህይወት ጠፍቶና በሺህ የሚቆጠሩ ቤቶች ተቃጥለው ዜጎች የተፈናቀሉሲሆን የኮንሶ ህዝብ ኮሚቴ፤ ጥያቄያችን ወደ ኦሮሚያ ክልል እስከመጠቃለል ይዘልቃል ብለዋል፡፡ በአካባቢው እስከ ትናንት ድረስ ግጭቶች መቀጠላቸውንና የታጠቁ የመንግስት ኃይሎች የተኩስ ልውውጥ ሲያደርጉ እንደነበር የኮንሶ ኮሚቴ አባል አቶ ገመቹ ገንፌ ለአዲስ አድማስ የገለፁ ሲሆን በሰሞኑ ግጭት ቁጥራቸው በውል ያልታወቁ በርካታ ሰዎች መገደላቸውንና አስክሬናቸው እስከ ትናንት ድረስ ለቤተሰብ እንዳልተሰጠ ተገናግረዋል። የደቡብ ክልል መንግስት ኮሚኒኬሽን ቢሮ ኃላፊ ወ/ሮ ሂክማ አይረዲን በበኩላቸው፤ ግጭቱን ያስነሱትና በህይወትና በንብረት ላይ ጉዳት እንዲደርስ ያደረጉት የኮሚቴው አባላት ናቸው ይላሉ፡፡ “የፀጥታ ኃይሉ ጥፋቱ ከደረሰ በኋላ ነው ህዝቡን ለመታደግ ወደ አካባቢው የገባው፤ በአሁን ወቅት ግን በኮንሶ ምንም ግጭት የለም፤ ሰላማዊ ነው”፤ ብለዋል ኃላፊዋ፡፡ የኮሚቴው አባል አቶ ገመቹ፤ ጥያቄያችን በፌደሬሽን ምክር ቤት ተቀባይነት ካላገኘ በሪፈረንደም ወደ ኦሮሚያ
የአገሪቱ ምሁራን የት ገቡ? ፍርሃት?…አድርባይነት?… ከሃላፊነት መሸሽ??
ባለፈው ዓመት በኦሮሚያና በአማራ ክልሎች የተቀሰቀሱት ተቃውሞዎች ወደ ግጭትና የፖለቲካ ቀውስ ሲሻገሩ ነበር አዲስ አድማስ የመፍትሄ ሃሳቦችን ከተለያዩ ወገኖች ማሰባሰብ የጀመረችው፡፡ ባለፉት ጥቂት ወራት የሃይማኖት መሪዎችን ጨምሮ በተለያዩ የሙያ ዘርፎች ላይ የተሰማሩ የተለያዩ ዕውቅ ኢትዮጵያውያንን አነጋግረን ለፖለቲካ ቀውሱ መፍትሄ ነው የሚሏቸውን ሃሳቦች ስናስተናግድ ቆይተናል፡፡የአገሪቱ ምሁራንም በችግሮቹ ዙሪያ ሀሳባቸውን የመፍትሄ አቅጣጫ ይሰጡን ዘንድ ጥረት ብናደርግም ሳይሳካልን ቀርቷል፡፡ ከሶስት ምሁራን ውጭ አብዛኞቹ “ትንሽ ይቆየን፤ አሁን ይለፈን” በሚል ራሳቸውን አግልለዋል፡፡ ምሁራን በአገራቸው እንዲህ ያለ ፖለቲካ ቀውስ ተከስቶ፣ ለምን ራሳቸውን አገለሉ? ብዙዎች ፍርሃት ስላለባቸው ነው በሚለው ይስማማሉ፡፡ አገር በፖለቲካ ቀውስ ውስጥ ስትገባ፣ ምሁራን ቀዳሚ ሚና ሊኖራቸው እንደሚገባ የሚናገሩት ፕ/ር መስፍን ወ/ማሪያም፤ ምሁራኑ ከማንም በፊት ለህዝብ መቆም አለባቸው ይላሉ፡፡ ችግሩ ግን በፍርሃት ተቀፍድደዋል ባይ ናቸው፡፡ በየትኛውም አገር ለህዝብ መብቶች በመታገል ጉልህ ሚና የሚጫወቱት ምሁራን፣ የኪነ ጥበብ ባለሙያዎችና ሚዲያው እንደሆኑ የሚናገሩት ፕሮፌሰሩ፤ ሦስቱም ግን በፍርሃት ተሸብበዋል ይላሉ፡፡በአዲስ አበባ ዩኒቨርሲቲ የስነ ፅሁፍ መምህሩ ዶ/ር በድሉ ዋቅጅራም የፕሮፌሰሩን
የግል ት/ቤት መምህራን በስልጠናው አልተካፈሉም
የስልጠናው ዋነኛ አጀንዳ ፌደራሊዝም ነው በአገር አቀፍ ደረጃ ከመስከረም 4 ቀን 2009 ዓ.ም ጀምሮ ለአስር ቀናት ለመምህራን ሊሰጥ የታሰበው ስልጠና ውዝግብ አስነሳ፡፡ የግል ት/ቤት መምህራን ስልጠናው ከሙያቸው ጋር ፈፅሞ የማይገናኝ ከመሆኑም በላይ ለመንግስት ት/ቤቶች መምህራን የሚሰጠው የአበል ክፍያ የማይታሰብላቸው በመሆኑ ስልጠናውን አንካፈልም በማለት ጥለው ወጥተዋል ተብሏል፡፡ ሰሞኑን ተዘዋውረን ባየናቸው የግል አንደኛና ሁለተኛ ደረጃ ት/ቤቶች ውስጥ መምህራኑ ስልጠናውን ለመካፈል የማይፈልጉ መሆናቸውን በመግለፅ አቋርጠው ወጥተዋል፡፡ በባሸዋም አንደኛ ደረጃና የፕሪፓራቶሪ ት/ቤት ውስጥ ስልጠናውን ለመካፈል ተሰባስበው የነበሩ የአምስት የግል ት/ቤቶች መምህራን፤ ስልጠናውን ለመካፈል ፈቃደኛ ሳይሆኑ ቀርተው ተበትነዋል፡፡ ለመምህራኑ ስልጠናውን ለመስጠት በሥፍው ለተገኙት የመንግስት ተጠሪ፤ ስልጠናውን የሚካፈሉት ለመንግስት መምህራን የተሰጠው የአበል ክፍያ ለእነሱም ሲታሰብ መሆኑን በመግለፅ ስልጠናውን አንሣተፍም ብለዋል፡፡ የመንግስት ተጠሪዋ ስለጉዳዩ የሚያውቁት ነገር እንደሌለ በመግለፅ፤ የግል ት/ቤቶች መምህራን የአበል ክፍያውን ከየትምህርት ቤቶቻቸው ያገኛሉ ተብሎ መሆኑን ጠቁመዋል፡፡ “ስልጠናው ባይኖርም ሥራ ላይ መሆናችሁ አይቀርም ነበር፡፡ ስለዚህም አበል ሊከፈላችሁ አይገባም” መባላቸውን የሚናገሩት መምህራኑ፤ ከሥራችን ጋር ፈፅሞ የማይገናኝ
በሳምንቱ ከ11 ሺህ በላይ የደቡብ ሱዳን ስደተኞች ኢትዮጵያ ገብተዋል
ከ292 ሺህ በላይ የአገሪቱ ስደተኞች በኢትዮጵያ ይገኛሉ ባለፈው ሳምንት ብቻ ከ11 ሺህ በላይ የሚሆኑ ደቡብ ሱዳናውያን ስደተኞች በጋምቤላ ክልል በኩል ወደ ኢትዮጵያ እንደገቡ የተባበሩት መንግስታት ድርጅት የስደተኞች ኮሚሽን ትናንት ባወጣው መግለጫ አስታወቀ፡፡በአገሪቱ እየተባባሰ የመጣው ግጭትና ውጥረት በርካታ ዜጎች አገራቸውን ለቀው ወደ ጎረቤት አገራት እንዲሰደዱ እያስገደዳቸው ነው ያለው ኮሚሽኑ፤ ባለፈው ሳምንት በስደት ወደ ኢትዮጵያ የገቡት ከ11 ሺህ በላይ ደቡብ ሱዳናውያን በኢትዮጵያ የሚገኙ የአገሪቱ ስደተኞችን ቁጥር ከ292 ሺህ በላይ እንዳደረሱት አስታውቋል፡፡አብዛኞቹ ስደተኞች ናስር፣ ማባን፣ ማቲያንግና ማዩት በተባሉት የደቡብ ሱዳን አካባቢዎች የተጠናከረ ወታደራዊ እንቅስቃሴ በማየታቸውና አዲስ ግጭት ይከሰታል ብለው በመስጋት ስደትን የመረጡ ደቡብ ሱዳናውያን እንደሆኑም አስረድቷል፡፡ ባለፈው ሳምንት በጋምቤላ ክልል ድንበር አቋርጠው ወደ ኢትዮጵያ ከገቡት ደቡብ ሱዳናውያን ስደተኞች፤ አብዛኞቹ ሴቶችና ህጻናት ናቸው ያለው ኮሚሽኑ፣ ብዙዎቹም የኑዌር ጎሳ ተወላጆች እንደሆኑና 500 ያህሉ ስደተኞች ያለ ወላጅ ብቻቸውን ስደት የወጡ ህጻናት እንደሆኑ ገልጧል፡፡በደቡብ ሱዳን የእርስ በእርስ ግጭት ሳቢያ ወደ ጎረቤት አገራት የተሰደዱ የአገሪቱ ዜጎች ቁጥር ከአንድ
ኢትዮጵያዊው ኢኮኖሚስት የአይኤምኤፍ የአፍሪካ ዳይሬክተር ሆኑ
የአለማቀፉ የገንዘብ ተቋም አይኤምኤፍ ማኔጂንግ ዳይሬክተር ክርስቲያን ላጋርድ፣ ኢትዮጵያዊውን ኢኮኖሚስት አቶ አበበ አእምሮን የተቋሙ የአፍሪካ ክፍል ዳይሬክተር አድርገው መሾማቸውን ተቋሙ ከትናንት በስቲያ በድረ-ገጹ ባወጣው መግለጫ አስታወቀ፡፡ ላለፉት 22 አመታት በአለማቀፉ የገንዘብ ተቋም የሰሩት አቶ አበበ አእምሮ በተቋሙ፣ በነበራቸው ቆይታ፣ ሃላፊነታቸውን በአግባቡ መወጣታቸውን የገለጸው ተቋሙ፤ በተለያዩ የስራ መደቦች ላይ ባከናወኗቸው ውጤታማ ተግባራት የካበተ ልምድ እንዳላቸውም ጠቁሟል፡፡“አቶ አበበ በተቋሙ በነበራቸው ቆይታ አብዛኛውን ጊዜያቸውን ከአህጉሪቱ ፖሊሲ አውጪዎች ጋር በቅርበት ሲሰሩ እንደመቆየታቸው የአፍሪካን ፈተናዎች በተመለከተ ጥልቅ ግንዛቤ አላቸው፡፡ በአመራር፣ በማስተባበርና በሌሎች መስኮች ያላቸውን ብቃት በተግባር ማረጋገጣቸው ለዚህ የስራ ሃላፊነት እንዲመረጡ አድርጓቸዋል” ብለዋል የተቋሙ ማኔጂንግ ዳይሬክተር፤ ክርስቲያን ላጋርድ፡፡አቶ አበበ አእምሮ በተቋሙ ቆይታቸው፣ የአፍሪካ ክፍል የኡጋንዳ ከፍተኛ ተወካይና የደቡብ አፍሪካ ተልዕኮ ሃላፊ ሆነው ከመስራታቸው በተጨማሪ የአህጉሪቱ የኢኮኖሚ ትንበያን ጨምሮ በኮትዲቯር፣ ጋና፣ ኬንያ፣ ቡርኪናፋሶ፣ ጊኒ፣ ላይቤሪያና ሴራሊዮን በተለያዩ የስራ መደቦች ላይ ስኬታማ ስራ ማከናወናቸውንም ተቋሙ አስታውቋል፡፡በተቋሙ የስትራቴጂ፣ ፖሊሲና ግምገማ ክፍሎች በተለያዩ ሃላፊነቶች ላይ በነበራቸው የስራ ቆይታ የአመራር
ለዓመት በዘለቀ ተቃውሞ ከ1ሺ በላይ ሰዎች ህይወት ጠፍቷል
በተለያዩ ማረሚያ ቤቶች ቃጠሎ 40 ሰዎች ሞተዋልበኢህአዴግ የሚመራው መንግስት የዘንድሮውን ያህል ህዝባዊ ተቃውሞ ደርሶበት አያውቅም ይላሉ የፖለቲካ ተንታኞች በኦሮሚያ ክልል ባለፈው ህዳር ወር የአዲስ አበባ ማስተር ፕላንን በመቃወም የተነሳው ተቃውሞ ማስተር ፕላኑ መሰረዙን መንግስት ቢያስታውቅም ተቃውሞው ግን አልበረደም። በርካታ የመብት ጥያቄዎችን የሚያቀርቡ ወጣቶች የሚበዙባቸው የተቃውሞ ጎርፎች የኦሮምያ ጎዳናዎች አጥለቀለቁት፡፡ ከ10 ወራት በላይ በዘለቀው የኦሮሚያ ክልል ተቃውሞና ግጭት በብዙ መቶዎች የሚቆጠሩ ዜጎች ህይወት የቀጠፈ ሲሆን ብዙ ሺዎችም ለእስር እንደተዳረጉ የተለያዩ ሪፖርቶች ጠቁመዋል፡፡በአማራ ክልለ ህዝባዊ ተቃውሞዎቹ ከ3 ወር የማይበልጥ ዕድሜ ቢኖራቸውም በእጅጉ የተጠናከሩና በህይወትና ንብረት ላይ ከፍተኛ ጉዳት ያደረሱ ናቸው፡፡የመላው ኢትዮጵያ አንድነት ድርጅት (መኢአድ) ከሐምሌ 29 ቀን 2008 ዓ.ም ጀምሮ ያለውን መረጃ መዝግቦ መያዙን የገለፁት የፓርቲው ዋና ፀሐፊ አቶ አዳነ ጥላሁን፤ በአማራ ክልል ውስጥ እስከ ሐሙስ ድረስ 173 ሰዎች ሞተው፣ 130 መቁሰላቸውን ጠቁመዋል፡፡ በኦሮሚያ ክልል ሐምሌ 30 ተጠርቶ በነበረ የተቃውሞ ሰልፍ፤ በአንድ ቀን የሞቱትን 60 ሰዎች ጨምሮ ከነሐሴ 18 እስከ 27 ድረስ
“በኦሮሚያ የተጠራው የንግድ አድማ ተሳክቷል” – ኦፌኮ – “አድማው በህብረተሰቡ ተቀባይነት ባለማግኘቱ ከሽፏል” – መንግሥት
ከጳጉሜ 1 እስከ መስከረም 2 በኦሮሚያ በማህበራዊ የንግድ አድማ መጠራቱን ተከትሎ በተለያዩ የክልሉ አካባቢዎች ተግባራዊ መደረጉን የኦሮሞ ፌደራሊስት ኮንግረስ ያስታወቀ ሲሆን መንግስት በበኩሉ፤ የአድማ ጥሪው በህብረተሰቡ ተቀባይነት ባለማግኘቱ ከሽፏል ብሏል፡፡ የኦፌኮ ም/ሊቀመንበር አቶ ሙላቱ ገመቹ ለአዲስ አድማስ ጉዳዩን አስመልክቶ በሰጡት ማብራሪያ፤ “በሁሉም የኦሮሚያ አካባቢዎች የንግድም ሆነ የትራንስፖርት እንቅስቃሴ የለም፤ ሁሉም ነገር እንደታገደ ነው” ብለዋል፡፡ ሆቴል ቤቶች፣ የሸቀጣ ሸቀጥ መደብሮችና የገበያ ስፍራዎች ዝግ ሆነው መሰንበታቸውን ኦፌኮ አስታውቋል፡፡ በሌላ በኩል በነቀምትና ደምቢዶሎ ከተማ ውስጥ ባለፈው ሰኞና ማክሰኞ 4 ሰዎች በፀጥታ ኃይሎች መገደላቸው አቶ ሙላቱ ተናግረዋል፡፡ የመንግስት ኮሚኒኬሽን ጉዳዩች ጽ/ቤት የህዝብ ግንኙነት ኃላፊ አቶ መሃመድ ሠኢድ ስለጉዳዩ ከአዲስ አድማስ ተጠይቀው ሲመልሱ፤ በሁለቱ ክልሎች የተፈጠሩት ችግሮች ከህገ መንግስቱ ጋር የማይጣጣሙ እንደሆኑ ጠቁመው ሁከቱ በዜጎች ህይወትና ንብረት ላይ ጥፋት ማስከተሉን አስታውቀዋል፡፡ “ህዝቡ በቅንነት የሚያነሳቸው የልማትና የመልካም አስተዳደር ጥያቄዎችን ከህዝቡ ከራሱ ጋር ተመካክሮ ለመፍታት ያለውን ቁርጠኝነቱን መንግስት በመግለጫዎቹ አሳይቷል” ያሉት አቶ መሃመድ፤ ከዚህ በመነሳት የህብረተሰቡን አጀንዳ
ተመድ በተቃውሞው የታሰሩ በአፋጣኝ እንዲፈቱ ግፊት እንዲያደርግ 15 ተቋማት ጠየቁ
- የሞቱ ዜጎች ጉዳይ በገለልተኛ አካል ይጣራ፤ የመብት ጥሰቶችን የፈጸሙ በህግ ይጠየቁ ብለዋል የተባበሩት መንግስታት ድርጅት በቅርቡ በአማራና ኦሮምያ ክልሎች ከተቀሰቀሱ ተቃውሞዎች ጋር በተያያዘ የታሰሩ ዜጎችን ያለምንም ቅድመ ሁኔታ በአፋጣኝ እንዲፈታ በኢትዮጵያ መንግስት ላይ ግፊት እንዲያደርግ በሰብዓዊ መብቶች ዙሪያ የሚሰሩ 15 የተለያዩ ታዋቂ አለማቀፍ እና ብሄራዊ ተቋማት ጠየቁ፡፡ ተቋማቱ ለተባበሩት መንግስታት ድርጅት የሰብዓዊ መብቶች ምክር ቤት በላኩት የጋራ ደብዳቤ፣ ምክር ቤቱ በቀጣዩ ሳምንት በሚያካሂደው አመታዊ ጉባኤው በኢትዮጵያ እየተባባሰ የመጣውን የሰብዓዊ መብቶች ጥሰት ቀዳሚ አጀንዳው እንዲያደርግና ጉዳዩን በተመለከተ መግለጫ እንዲያወጣ ጠይቀዋል፡፡መንግስት ከተቃውሞው ጋር በተያያዘ የታሰሩ ጋዜጠኞች፣ የሰብዓዊ መብቶች ተከራካሪዎች፣ የተቃዋሚ ፓርቲዎች አመራሮችና አባላትና ተቃዋሚዎችን ያለምንም ቅድመ ሁኔ በአፋጣኝ እንዲፈታ እንዲሁም የጸጥታ ሃይሎች በሁለቱም ክልሎች ሆነ በሌሎች የአገሪቱ አካባቢዎች በተቃዋሚዎች ላይ ያልተመጣጠነና ተገቢ ያልሆነ የሃይል ጥቃት መፈጸማቸውን እንዲያስቆም ግፊት እንዲያደርግም ምክር ቤቱን ጠይቀዋል፡፡መንግስት ከተቃውሞው ጋር በተያያዘ የተገደሉና የሰባዓዊ መብቶች ጥሰቶች የደረሱባቸው ዜጎች ጉዳይ በአለማቀፍ ገለልተኛ ተቋማት እንዲጣራ እንዲፈቅድ፣ የመብት ጥሰቶችን የፈጸሙ አካላት
አባገዳዎች፤ መንግሥት እንዲያነጋግረን እንፈልጋለን አሉ
“ያለ ህግ አግባብ የታሰሩ ሰዎች በአስቸኳይ ይፈቱ”ከኦሮሚያ የተለያዩ አካባቢዎች የተሠባሠቡ አባገዳዎች በክልሉ ባለው ተቃውሞና ግጭት ሳቢያ የበርካታ ሰዎች ህይወት እየጠፋ መሆኑን በመግለፅ ችግሩን ለመቅረፍ ይቻል ዘንድ በውይይት መንግስት እንዲያነጋግራቸው ጠይቀዋል፡፡ከነሐሴ 23 ቀን ጀምሮ ለሦስት ቀናት በሶደሬ ሆቴልና ሪዞርት ከ2 ሺ በላይ የሀገር ሽማግሌዎችና ሴቶች ባካሄዱት የ3 ቀን ጠቅላላ ጉባኤ በክልሉ ባለው ተቃውሞና ግጭት ዙሪያ ከተወያዩ በኋላ ባለ 13 ነጥብ የአቋም መግለጫ አውጥተዋል፡፡ የፌዴራል መንግስት ጦር የሃገሪቱን ዳር ድንበር የመጠበቅ ስራውን ትቶ በክልሉ መስፈሩን የጠቆሙት አባገዳዎች፤ ጦሩ የህዝቡን ቋንቋ የማያወቅ በመሆኑ ከፍተኛ ችግር መፍጠሩን በመግለፅ በአስቸኳይ ከክልሉ እንዲወጣ ጠይቀዋል። ሰላማችንን ራሳችን እንጠብቃለን በማለት፡፡“የጦር ሰራዊቱ ኦሮሚኛ ቋንቋን ስለማያውቅ ከህብረተሰቡ ጋር በቅጡ እየተግባባ አይደለም፤ ክልሉን በአፋጣኝ ለቆ እንዲወጣ እንጠይቃለን” ብለዋል የቱለማ አባገዳ በየነ ሰንበቶ፡፡ አብዛኛው የኦሮሞ ማህበረሠብ አባገዳዎች ጋር እየቀረበ፣ የደረሰበትን በደል እየተናገረ መሆኑን የጠቀሱት አባገዳው፣ ግጭቶችን ተከትለው የኦሮሞ ልጆች ከፍተኛ ጉዳት እየደረሰባቸው መሆኑን ገልፀዋል፡፡ “በኦሮሞ ባህል እንኳን የሰው ልጅ የበሬ ደም እንኳ
በቂሊንጦ ማረሚያ ቤት ለደረሰው የህይወት መጥፋት መኢአድ መንግስትን ተጠያቂ አደረገ
የእርቅ መንግስት እንዲመሰረት ፓርቲው ጠይቋልባለፈው ሳምንት በቂሊንጦ ማረሚያ ቤት በተነሳው የእሳት ቃጠሎ ለደረሰው የህይወት መጥፋትና የንብረት ውድመት መንግስትን ተጠያቂ ያደረገው የመላው ኢትዮጵያውያን አንድነት ድርጅት (መኢአድ)፤ ጉዳዩ በገለልተኛ አካል እንዲጣራ ጠይቋል፡፡ ፓርቲው ሰሞኑን በፅ/ቤቱ ለጋዜጠኞች በሰጠው መግለጫ፤መንግስት በአደጋው 23 ታራሚዎች መሞታቸውን ቢናገርም ቁጥሩ ከተጠቀሰው በላይ ሊሆን እንደሚችል ጥርጣሬ አለኝ ብሏል፡፡ መንግስት ለታራሚዎች ህገ መንግስታዊ ከለላ በመስጠት ደህንነታቸውን መጠበቅ ሲገባው፤ ይህ ሳይፈፀም መሞታቸውም ሆነ ድርጊቱ ከተፈፀመ በኋላ ለታሳሪ ቤተሰቦች ግልፅና የማያሻማ ፈጣን መልስ በመስጠት ፈንታ በቤተሰብ ላይ ከፍተኛ ጭንቀትና አሳዛኝ መጉላላት እንዲደርስ መደረጉን በጥብቅ አወግዛለሁ ብሏል መኢአድ፡፡ በጉዳቱ በደረሰው የሰው ህይወት መጥፋት ማዘኑንም ፓርቲው አስታውቋል፡፡ ፓርቲው በመግለጫው፤ በማረሚያ ቤቱ የደረሰውን ጉዳት ጨምሮ በአማራና ኦሮሚያ ክልል የደረሡ ጉዳቶች በገለልተኛ ወገን እንዲጣራ፣ ለጠፋው ህይወት መንግስት በይፋ ይቅርታ እንዲጠይቅና የደም ካሣና የዜጎች ማቋቋሚያ ካሣ እንዲከፍል ጠይቋል፡፡ ጠቅላይ ሚኒስትር ሃይለማርያም ደሣለኝ ነሀሴ 24 የሠጡት መግለጫ ‹‹ጦርነት ከማወጅ የማይተናነስ አሳዛኝም አስደንጋጭም ተግባር ነው›› ያለው ፓርቲው፤ በአስቸኳይ ትዕዛዙ
ኢዴፓን ጨምሮ የ16 ፓርቲዎች ‹‹ጥምረት›› አስቸኳይ እርቅ ጠየቀ
በሃገሪቱ ያለው ውጥረት ይረግብ ዘንድ ብሄራዊ እርቅ እንዲፈጠር ኢዴፓን ጨምሮ 16 ተቃዋሚ ፓርቲዎች የተሠባሠቡበት ‹‹ጥምረት ለብሄራዊ መግባባትና አንድነት›› ሰሞኑን ጥሪ ያቀረበ ሲሆን መንግስት እርቁን ካልተቀበለ ሃገሪቱን ከፍተኛ ዋጋ ያስከፍላታል ብሏል፡፡ ኢህአዴግ አሁን በጀመረው መንገድ ግጭቶቹ ሊፈቱ እንደማይችሉ የጠቆመው ጥምረቱ፤ የሃይል እርምጃዎች ከቀጠሉ ሃገሪቱ ከኢህአዴግ ቁጥጥር ውጭ ልትሆን ስለምትችል በጊዜ የብሔራዊ እርቅ መድረክ ተፈጥሮ ሠላምና መግባባት እንዲሰፍን ጠይቋል፡፡ የተፈጠረውን የኢኮኖሚ፣ ፖለቲካዊና ማህበራዊ ቀውስ ለማረጋጋት ብሄራዊ እርቅ ወሳኝ ነው ያለው የፓርቲዎች ጥምረት፤ እርቁ ለዘመናት ስር እየስደደ የመጣውን የጥላቻ፣ የመናናቅ፣ ያለመተማመን፤ የቂም በቀልና የመገዳደል ስሜትን ለማስወገድ ወሳኝ ነው ብሏል፡፡ በዋናነት በተቃውሞዎች የተንፀባረቀው ‹‹የህወሃት የበላይነት የተረጋገጠበትና የታየበት አሰራር እንዲለወጥ›› የቀረበ ጥያቄ ነው ያለው ጥምረቱ፤ የአንድ ፓርቲ የበላይነት ሠፍኗል የሚለው አመለካከት እንዲቀረፍ ከተፈለገ፤ በጉዳይ ላይ የመድረክ ላይ ክርክር ውይይት ወሳኝ ነው ብሏል፡፡ የፖለቲካ እስረኞች ተፈተው ብሄራዊ እርቁ እንዲከናወን የጠየቀው ጥምረቱ፤ በእርቅ መድረኩ የተለያዩ ሃገራት መንግስታት፣ ታዋቂ አለማቀፍ ድርጅቶችና የዲፕሎማቲክ ተቋማት የታዛቢነት ድርሻ እንዲኖራቸው ጠይቋል፡፡
በአማራ ክልል በ1 ወር ውስጥ ከ80 ሰዎች በላይ ሞተዋል – መኢአድ
“በመተማ ከ1ሺህ በላይ ሰው ተፈናቅሏል” አረና ፓርቲ- ከሠኔ ወዲህ በአማራና በኦሮሚያ ከ500 በላይ ሰዎች ሞተዋል” የሰብአዊ መብት ተሟጋቾችበአማራ ክልል ከተፈጠረው ተቃውሞና ግጭት ጋር በተያያዘ በሁለት ሳምንት ውስጥ የ51 ሰዎች ህይወት ማለፉንና 63 ሰዎች በፅኑ መቁሠላቸውን የመላው ኢትዮጵያ አንድነት ድርጅት (መኢአድ) ያስታወቀ ሲሆን የክልሉ መንግስት በበኩሉ፤ በአሁን ሰዓት ህግ የማስከበር ስራ እየተሰራ መሆኑን ጠቁሞ በሰዎች ህይወት ላይ የደረሰው ጉዳት በኋላ ይገልጻል ብሏል፡፡ከነሐሴ 8 እስከ ረቡዕ ነሐሴ 25 ቀን 2008 ዓ.ም በጎንደርና በጎጃም ከተሞች የተካሄዱ ተቃውሞዎችን ተከትሎ በተከሰቱ ግጭቶች የ51 ሰዎች ህይወት ማለፉን የገለፀው መኢአድ፤ ከሐምሌ 29-ነሐሴ 1 በነበረው ተቃውሞ የ30 ሰዎች ህይወት ማለፉንና በድምሩ 81 ሰዎች መሞታቸውን አመልክቷል፡፡ የመኢአድ ዋና ፀሐፊ አቶ ኪዳነ ጥላሁን ለአዲስ አድማስ እንደገለፁት፤ የአማራ ክልል ከተሞች በሆኑት፤ ማጀቴ-ሠሜን ሸዋ 1 ሰው ሞቶ 2 ሠው ቆስሏል፣ ጎንደር 8 ሠው ሞቷል፣ ኮሶ በር (እንድባራ) 3 ሠው ሲሞት፣ 8 ሠው ቆስሏል፣ ዱርቤቴ 6 ሠው ሞቷል፣ ፍኖተ ሰላም 1 ሠው ሞቷል፣
“ጳጉሜን ለጤና” ነጻ የምርመራ አገልግሎት ሊጀመር ነው
ውዳሴ ዲያግኖስቲክ ሴንተር በየዓመቱ የሚያከናውነውና “ጳጉሜን ለጤና” የተሰኘው ነፃ የምርመራ አገልግሎት የፊታችን ማክሰኞ ይጀምራል፡፡ማዕከሉ ከትናንት በስቲያ በሸራተን አዲስ በሰጠው ጋዜጣዊ መግለጫና የፓናል ውይይት ላይ የማዕከሉ ማኔጂንግ ዳይሬክተር አቶ ዳዊት ኃይሉ እንደተናገሩት፤ ማዕከሉ ያለበትን ማህበራዊ ኃላፊነት ለመወጣት ላለፉት ሰባት ዓመታት የሲቲስካን፣ ኤምአርአይ እና ሌሎች የተለያዩ የምርመራ አገልግሎቶችን ገንዘብ ከፍለው መታከም ለማይችሉ ህሙማን ሲሰጥ ቆይቷል፡፡ ከአገሪቱ የተለያዩ ክልሎች እና ከአዲስ አበባ ከተማ የሚመጡና የሲቲስካንና የኤምአርአይ ምርመራዎች በሀኪሞቻቸው ታዞላቸው በገንዘብ ማጣት ምክንያት ምርመራውን ለማግኘት ያልቻሉ ህሙማን፤ ከጳጉሜ 1-5/ 2008 ዓ.ም ድረስ በማዕከሉ በሚሰጠው ነፃ የምርመራ አገልግሎት ተጠቃሚ ሊሆኑ ይችላሉ፡፡ ማዕከሉ ላለፉት ሰባት ዓመታት በየዓመቱ በሚሰጠው በዚህ ነፃ የምርመራ አገልግሎት፣ ከ15ሺህ በላይ ህሙማን ተጠቃሚ መሆናቸውን የገለፁት ማኔጂንግ ዳይሬክተሩ፤ በቀጣይም አገልግሎቱን በስፋት ለመስጠት ዕቅድ መያዛቸውን ተናግረዋል፡፡ በማዕከሉ ዓመቱን ሙሉ ገንዘብ ከፍለው አገልግሎቱን ማግኘት ለማይችሉ ወገኖች ከሚሰጠው ነፃ የምርመራ አገልግሎት በተጨማሪ “ጳጉሜን ለጤና” በሚል መሪ ቃል፣ በየዓመቱ በሚሰጠው ነፃ የምርመራ አገልግሎት ከ800-1000 ወገኖች ተጠቃሚ እንደሚሆኑም ገልጸዋል፡፡
የአመቱ የለዛ ሽልማት እጩዎች ይፋ ሆኑ
በየአመቱ የሚካሄደውና በለዛ የሬዲዮ ፕሮግራም ዋና አዘጋጅ ብርሀኑ ድጋፌ የሚዘጋጀው የዓመቱ ምርጥ የለዛ የኪነ-ጥበብ እጩዎች ይፋ ሆኑ፡፡ ዘንድሮ ለስድስተኛ ጊዜ በሚካሄደው በዚህ ሽልማት ላይ በሰባት ዘርፎች ማለትም በምርጥ ዋና ተዋናይ፣ በምርጥ ዋና ተዋናይት የአመቱ ምርጥ አዲስ ድምፃዊ፣ የዓመቱ ምርጥ የሙዚቃ ቪዲዮ፣ የአመቱ ምርጥ የሙዚቃ አልበም፣ የአመቱ ምርጥ ፊልምና የዓመቱ ምርጥ ነጠላ ዜማ የተመረጡ እጩዎች ይፋ ሆነዋል፡፡ በየአመቱ ምርጥ መሪ ተዋናይ አለምሰገድ ተስፋዬ በ‹‹እውነት ሀሰት›› ፊልም ደሞዝ ጎሽሜ በ‹‹ዩቶጵያ›› ፊልም፣ ፈለቀ የማር ውሃ አበበ በ‹‹ፍሬ›› ፊልም፣ ደረጀ ደመቀ በ‹‹አንድ ጀግና›› ፊልም፣ ሰለሞን ቦጋለ በ‹‹የፀሀይ መውጫ ልጆች›› ፊልም፣ ከሳሁን ፍስሀ (ማንዴላ) በ‹‹ሀ እና ለ›› ፊልም አማኑኤል ሀብታሙ በ‹‹መባ›› ፊልም፣ ሄኖክ ወንድሙ በ‹‹ፍቅር ተራ›› ፊልም፣ ታሪኩ ብርሀኑ (ባባ) በ‹‹ሀገርሽ ሀገሬ›› ፊልም እና አብርሀም በላይነህ በ‹‹ለኔካለሽ›› ፊልም እጩ ሆነዋል፡፡ የዓመቱ ምርጥ መሪ ተዋናይት የሽልማት ዘርፍ ደግሞ በ‹‹ወፌ ቆመች›› ፊልም ፍርያት የማነ፣ በ‹‹መባ›› ፊልም እድለ ወርቅ ጣሰው፣ ብርቱካን በፍቃዱ በ‹‹የፀሀይ መውጫ ልጆች›› ፊልም፣ ቃልኪዳን ጥበቡ
መንግሥት የኃይል እርምጃ አቁሞ ህዝብን ይቅርታ እንዲጠይቅ ሰመጉ አሳሰበ
በመንግሥት የፀጥታ ኃይሎች የሚወሰድ አላስፈላጊ የኃይል እርምጃ እንዲቆምና ሰላማዊ ሰልፍ የማድረግ መብት እንዲከበር የሰብአዊ መብቶች ጉባኤ (ሰመጉ) የጠየቀ ሲሆን የመብት ጥሰቶችን በማጣራት ሥራ ላይ የተሰማሩ ባለሙያዎቹም በመንግስት እየታሰሩበት መሆኑን አስታውቋል፡፡ ተቋሙ ቀደም ሲል በኦሮሚያ ክልል የተወሰኑ ወረዳዎች የደረሱ የመብት ጥቃቶችን አጣርቶ ማቅረቡን በመጥቀስ፤ አሁንም በአማራ ክልል በጎንደርና ባህር ዳር ከተሞች ጨምሮ ተቃውሞና ግጭት በተፈጠረባቸው የክልሉ ከተሞች የበርካታ ሰው ህይወት ማለፉን ባገኘው መረጃ አንዳረጋገጠ መቁሞ መንግሥት የኃይል እርምጃ ከመጠቀም እንዲቆጠብ አሳስቧል፡፡ሰላማዊ ተቃውሞዎችን ወደ ግጭት እየቀየረ ያለው በመንግስት የፀጥታ ኃይሎች የሚወሰድ ከመጠን ያለፈ የኃይል እርምጃ መሆኑን የጠቀሰው ሰመጉ፤ በአንዳንድ አካባቢዎች ኃይማኖትና ብሄርን አላማ ያደረገ ግጭት ለመፍጠር የሚደረጉ ሙከራዎች መኖራቸውን ጠቁሞ ሁሉም ሃይሎች ከድርጊታቸው እንዲታቀቡ አስጠንቅቋል፡፡ መንግስት፤ የፀጥታ ኃይሎችን ከመጠን ያለፈ የኃይል እርምጃ አስቁሞ ህዝብን በይፋ ይቅርታ እንዲጠይቅ፣ የተፈፀመው የሰብአዊ መብት ጥሰት በገለልተኛ ወገን እንዲጣራና አጥፊዎች በህግ እንዲጠየቁ እንዲሁም ህይወታቸው ላለፈ ዜጎች ቤተሰብና በግጭቱ ለተጎዱ ካሳ እንዲከፈል፣ ከህግ አግባብ ውጪ የታሰሩ እንዲፈቱ ሰመጉ
ኢህአዴግ “እታደሳለሁ” ማለቱን ተቃዋሚዎች አጣጣሉት
“መንግሥት የሀገሪቱን መሰረታዊ ችግር አልተገነዘበም” የሰሞኑ የኢህአዴግ ስራ አስፈፃሚ መግለጫ፤ የወቅቱን የሀገሪቱን ችግሮች በአግባቡ የፈተሸና ለውጥ ሊያመጣ የሚችል አለመሆኑን የገለፁት ተቃዋሚዎች፤ በሀገሪቱ በተከሰቱት ችግሮች ዙሪያ ያስቀመጧቸውን የመፍትሄ ሃሳቦች ከግምት ውስጥ ያስገባ የሰጠ አይደለም ብለዋል፡፡ መንግስት የአገሪቱን መሰረታዊ ችግር ባለመገንዘቡ፣ አሁንም መፍትሄ ለማምጣት ቁርጠኛ አለመሆኑን ከተሰጠው መግለጫ መረዳታቸውን ተቃዋሚ ፓርቲዎች አስታውቀዋል፡፡ በሀገሪቱ በተለይ በኦሮሚያና በአማራ ክልሎች ለተፈጠሩት ችግሮች መፍትሄው ውይይትና ብሄራዊ እርቅ ማካሄድ ብቻ እንደሆነ ሲወተውቱ መቆየታቸውን የጠቆሙት ተቃዋሚ ፓርቲዎቹ፤ መንግስት የመፍትሄ ሃሳቦቹን አለመቀበሉን እንዳልተቀበላቸው ከመግለጫው አረጋግጠናል ብለዋል፡፡ “ኢህአዴግ እታደሳለሁ ማለቱ ጊዜውን ያልጠበቀ ነው፤ ከዚህ በኋላ ቢታደስም ለውጥ አያመጣም” ሲሉ ፓርቲዎቹ የተሃድሶ ፕሮግራሙን ነቅፈውታል። የኢዴፓ ፕሬዚዳንት ዶ/ር ጫኔ ከበደ፤ በሀገሪቱ ለተፈጠሩ ተቃውሞና ግጭቶች የብሄራዊ መግባባትና እርቅ ማካሄድ መፍትሄ እንደሆነ ፓርቲያቸው በተደጋጋሚ ሲያሳስብ እንደነበር አስታውሰው፤ መንግስት እንደተለመደው ማሳሰቢያዎቹን ችላ ማለት ውጤቱ የከፋ ነው ብለዋል፡፡ ኢዴፓ፤ የግጭት መንስኤዎች እንዲጠኑ፣ የኃይል እርምጃ እንዲቆም በተደጋጋሚ መጠየቁን የጠቀሱት ዶ/ር ጫኔ፤ መንግስት የመፍትሄ ሃሳቦቹን ያልተቀበለው አሁንም በጉልበት
ዛሬ አዲስ ኮሌጅ 520 ተማሪዎችን ያስመርቃል
አዲስ ኮሌጅ በዲግሪ ለ5 ዓመት በቲኢቪቲ ለ3 ዓመት ያስለጠናቸውን 520 ተማሪዎች ዛሬ በአምባሳደር ቴአትር ያስመርቃል፡፡በቲኢቪቲ ፕሮግራም በአይቲ በአካውንቲንግ፣ በሰርቬይ፣ በድራፍቲንግ፣ በኮንስትራክሽንና በኤሌክትሪካል ኢንስታሌሽን ያሰለጠናቸውን ተማሪዎች የሚያስመርቅ ሲሆን በዲግሪ ፕሮግራም ደግሞ በአርኪተክቸርና በኮንስትራክሽን ቴክኖሎጂና በማኔጅመንት ያሠለጠናቸው ናቸው፡፡የቴክኖሎጂ ሽግግሩን ለማረጋገጥ በ2009 ዓ.ም የቴክኖሎጂና የቢዝነስ ኢንኩቤሽን ማዕከል በማደራጀት በሁለተኛ ዲግሪ ፕሮግራም በሮድ ኤንድ ትራንስፖርትና በኮንስትራክሽን ቴክኖሎጂና ማኔጅመንት ለመጀመር ለመንግሥት ጥያቄ አቅርቦ በመጠባበቅ ላይ መሆኑ ታውቋል፡፡
እስራኤል ዜጎቿ ተቃውሞ ካለባቸው አካባቢዎች እንዲርቁ አስጠነቀቀች
የሆላንዱ ኩባንያ በባህር ዳር ተቃውሞ የ11.1 ሚ. ዶላር የአበባ እርሻ ተቃጠለብኝ አለ የእስራኤል የውጭ ጉዳይ ሚኒስቴር ዜጎቹ ተቃውሞ ወደተስፋፋባቸው የአማራና የኦሮምያ ክልል አካባቢዎች እንዳይጓዙና ህዝብ ከተሰበሰበባቸውና ተቃውሞ ከተቀሰቀሰባቸው አካባቢዎች እንዲርቁ ከትናንት በስቲያ ባወጣው መግለጫ አስጠነቀቀ፡፡ተቃውሞ ወደተቀሰቀሰባቸው የአማራና የኦሮምያ ክልል አካባቢዎች መሄድ ለአደጋ ያጋልጣል ያለው ሚኒስቴሩ፤ ከዚህ በተጨማሪም ኢትዮጵያ ከኤርትራ፣ ከሱዳን፣ ከደቡብ ሱዳንና ከኬንያ ጋር በምትዋሰንባቸው የድንበር አካባቢዎች በ10 ኪሎ ሜትሮች ርቀት ውስጥ መገኘት እጅግ አደገኛ ነው ሲል ለዜጎቹ ማስጠንቀቂያ ሰጥቷል፡፡በተያያዘ ዜናም፣ ባለፈው ሰኞ በባህር ዳር በተቀሰቀሰው ተቃውሞ በርካታ ቁጥር ያላቸው ተቃዋሚዎች የአበባ እርሻ ኢንቨስትመንቱን በእሳት በማጋየት፤ ሙሉ ለሙሉ እንዳወደሙት “ኢስሜራልዳ ፋርምስ” የተባለው የሆላንድ ኩባንያ በድረገጹ ባወጣው መግለጫ አስታውቋል፡፡11.1 ሚሊዮን ዶላር ያወጣሁበት የአበባ እርሻ ኢንቨስትመንት በእሳት ወድሞብኛል ያለው ኩባንያው፣ ሌሎች በአካባቢው የሚገኙና ንብረትነታቸው የእስራኤል፣ ጣሊያን፣ ህንድና ቤልጂየም ኩባንያዎች የሆኑ ዘጠኝ ያህል የአበባ እርሻዎችም በተቃዋሚዎች ጥቃት ደርሶባቸዋል ብሏል፡፡ የኩባንያው ረዳት ስራ አስኪያጅ ሬምኮ ቤርካምፕ ለአልጀዚራ በሰጡት መግለጫ፣ ኩባንያው የተቃጠለውን እርሻ እንደገና አቋቁሞ፣
አቤል ተስፋዬ 2 የዓለም የክብረ-ወሰኖችን አስመዘገበ
በርካታ ታላላቅ ዓለማቀፍ የሙዚቃ ሽልማቶችን በማስገባት ስኬታማ የሙዚቃ ጉዞውን የቀጠለው ትውልደ ኢትዮጵያዊው ድምጻዊ አቤል ተስፋዬ፤ በ2017 የዓለም የክብረወሰን መዝገብ በሁለት ክብረ ወሰኖች መመዘግቡን ተቋሙ ባወጣው መግለጫ አስታውቋል፡፡ዘ ዊክንድ በሚል ቅጽል ስሙ የሚታወቀው የ26 አመቱ ድምጻዊ፤ “ቢዩቲ ቢሃይንድ ዘ ማድነስ” በሚለው የሙዚቃ አልበሙ ባለፈው የፈረንጆች አመት በ“ስፖቲፋይ” ድረገጽ ተጠቃሚዎች በብዛት በመታየቱና ሙዚቃዎቹ በቢልቦርድ የሙዚቃ ሰንጠረዥ ለረጅም ተከታታይ ሳምንታት በምርጥ አስር ዝርዝር ውስጥ በመቆየታቸው፣ በአለም የክብረ ወሰን መዝገብ ላይ በሁለት ክብረ ወሰኖች ስሙን ማስፈሩ ተገልጧል፡፡“ቢዩቲ ቢሃይንድ ዘ ማድነስ” የተሰኘው የአቤል የሙዚቃ አልበም ከታህሳስ 2014 እስከ ታህሳስ 2015 ባለው አንድ አመት ጊዜ ውስጥ በ60 ሚሊዮን የ“ስፖቲፋይ” ተጠቃሚዎች በመታየት ክብረ ወሰን ማስመዝገቡን የጠቆመው ተቋሙ፣ የድምጻዊው ዘፈኖች ከመጋቢት 2015 እስከ ጥር 2016 ባሉት ጊዚያት፣ ለ45 ተከታታይ ሳምንታት በቢልቦርድ የሙዚቃ ሰንጠረዥ ምርጥ አስር ደረጃ ውስጥ ተካትተው መቆየታቸውን ገልጧል፡፡
ትላንት በጎጃም ከተሞች የተቃውሞ ሰልፍ ተደረገ
በጎንደር ለ2ኛ ጊዜ ከቤት ያለመውጣት አድማ እየተካሄደ ነው ተቃውሞውን ለማስቆም እርምጃ እወስዳለሁ”- የክልሉ መንግስት ትላንት በባህር ዳር አንዳንድ የንግድ ተቋማት ታሸጉ ትናንት በተለያዩ የጎጃም ከተማዎች የተቃውሞ ሠልፍ የተደረገ ሲሆን በጎንደርና አካባቢው ባሉ ከተሞች ባለፈው ረቡዕ ለ2ኛ ጊዜ የተጀመረው የቤት ውስጥ መቀመጥ አድማ እንደቀጠለ ነው ተብሏል። በምዕራብ ጎጃም ዳሞት ወረዳ ቡሬ ከተማ ላይ በትናንትናው ዕለት ህዝቡ የአደባባይ ተቃውሞ ማድረጉን የጠቆሙት የመኢአድ ዋና ፀሐፊ አቶ አዳነ ጥላሁን፤ በተቃዋሚዎችና በፀጥታ ሃይሎች መካከል ግጭት መፈጠሩንና የተኩስ ድምፅም ሲሰማ እንደነበር ለአዲስ አድማስ ተናግረዋል፡፡ በቡሬ በተካሄደው ተቃውሞና ግጭት በሰዎች ህይወት ላይ ጉዳት ስለመድረሱ ማተሚያ ቤት እስከገባንበት ሠዓት ድረስ ማረጋገጥ አልተቻለም፡፡በሰሜን ጎንደርና በጎጃም ባህርዳርና ፍኖተ ሰላም ከተሞች ሰሞኑን አድማዎችና የአደባባይ ተቃውሞዎች የተደረጉ ሲሆን በጎንደር ከተማና በተለያዩ ወረዳዎች ለሁለተኛ ጊዜ ከቤት ያለመውጣት አድማ እየተካሄደ ነው፡፡ የክልሉ መንግስት፤ ከዚህ በላይ እንደማይታገስ ጠቁሞ፣ ተቃውሞውን ለማስቆም እርምጃ እወስዳለሁ ብሏል። በባህር ዳር ከተማ ደግሞ ከእሁድ ነሐሴ 14 እስከ ማክሰኞ ነሐሴ 16 የቆየ
ሰማያዊ ፓርቲ ህዝባዊ ውይይት እንዲደረግ ጥሪ አቀረበ
ፓርቲው በአስቸኳይ ጠቅላላ ጉባኤ ጠርቷል ሰማያዊ ፓርቲ በወቅቱ የሀገሪቱ ችግር ላይ መንግሥት፣ ተቃዋሚዎች፣ ምሁራን፣ የሀገር ሽማግሌዎች፣ የሀይማኖት አባቶችና ተፅዕኖ ፈጣሪ አካላት በጋራ ህዝባዊ ውይይት እንዲያደርጉ ጥሪ አቀረበ፡፡ በሌላ በኩል በፓርቲ የውስጥ ችግር ሲናጥ የቆየው ሰማያዊ፤ የፓርቲውን ችግር ለመፍታት የሚያስችል አስቸኳይ ጠቅላላ ጉባኤ ለመስከረም 14 ቀን 2009 ዓ.ም መጥራቱን አስታውቋል፡፡ ጠቅላላ ጉባኤውን የጠራው ከፓርቲው ስራ አስፈፃሚ ባገኘው ይሁንታ መሰረት፣ የፓርቲው የኦዲት ምርመራ ኮሚሽን መሆኑን የሰማያዊ ም/ፕሬዚዳንት አቶ ነገሰ ተፋረደኝ ለአዲስ አድማስ አስረድተዋል፡፡ በጠቅላላ ጉባኤው የኦዲትና ኢንስፔክሽን እንዲሁም ብሄራዊ ም/ቤቱ ሪፖርት የሚያቀርቡ ሲሆን ከሪፖርቱ በመነሳት ውይይቶች እንደሚደረጉ ያስረዱት የኦዲትና ኢንስፔክሽን ተጠሪ አቶ አበራ፤ የፓርቲው የወደፊት አቅጣጫ በጉባኤው የሚወሰን ይሆናል ብለዋል፡፡ የአመራር ምርጫ ይካሄድ እንደሆነ የተጠየቁት አቶ አበራ ገብሩ፤ ምርጫ ይካሄድ አይካሄድ የሚለው በጠቅላላ ጉባኤው እንደሚወሰን ተናግረዋል፡፡ የፓርቲው ሊቀመንበር ኢ/ር ይልቃል ጌትነት፣በአሁኑ ወቅት የሚገኙት በአሜሪካ ሲሆን ለጉባኤው ይመጣሉ ተብሎ እንደሚጠበቅ የጠቆሙት አቶ አበራ፤ ሆኖም እሳቸው ቢገኙም ባይገኙም ጠቅላላ ጉባኤው መደረጉ አይቀርም ብለዋል፡፡
አትሌት ፈይሳ ሌሊሳ ሜዳልያው ፀደቀለት
በኢንተርኔት ከ3 ሚሊዮን ብር በላይ ተሰባስቦለታል መንግስት የፖለቲካ አቋሙን እንደሚያከብርለት ገልጾ ነበር አትሌት ፈይሳ ሌሊሳ በሪዮ ኦሎምፒክ የማራቶን ውድድር ላይ ያሳየው የተቃውሞ ምልክት በውድድሩ 2ኛ በመውጣት ያገኘውን የብር ሜዳልያ እንዳያሰርዝበት ተፈርቶ ነበር፡፡ ከትናንት በስቲያ አለማቀፉ የኦሎምፒክ ኮሚቴ ባወጣው መግለጫ፤ አትሌት ፈይሣ በውድድር መጨረሻ ላይ የኦሮሞ ተወላጅ ኢትዮጵያውን ትግል ለመደገፍ እጁን በማጣመር ላሳየው ምልክት እንደማይቀጣ መወሰኑን አስታውቋል፡፡ የኢትዮጵያ መንግስት አትሌቱ ወደ ሀገሩ ቢመለስ የተለየ ችግር እንደማያጋጥመው ያስታወቀ ቢሆንም ወደ አገር ቤት ከመመለስ ይልቅ እዚያው ብራዚል ሪዮ ከተማ መቅረትን መርጧል፡፡ በአሁኑ ወቅትም ከአሜሪካ የሄዱ 3 ትውልደ ኢትዮጵያውያን ጠበቆች የህግ ድጋፍ እያደረጉለት ነው ተብሏል፡፡ ቢቢሲና አልጀዚራን ጨምሮ በርካታ ዓለም አቀፍ ሚዲያዎች አትሌቱ ባሳየው የተቃውሞ ምልክት በኢትዮጵያ በተለይ በኦሮሚያና በአማራ ክልል ያለውን ተቃውሞና ግጭት ለዓለም አጋልጧል የሚሉ ዘገባዎችን ሲያቀርቡ ሰንብተዋል፡፡ ሮይተርስ ያነጋገራቸው የአትሌት ፈይሳ ሌሊሳ ወላጅ እናት፤ ልጃቸው ወደ ኢትዮጵያ መመለስ እንደሌለበትና ባለበት እንዲቆይ እንደሚፈልጉ ገልጸዋል። ባለቤቱ በበኩሏ፤ ፈይሣ ይሄን ማድረጉ ብዙም እንዳላስደነቃትና ወትሮም
“ትርጉም የሌለው እርዳታ” ወይስ “ለትርጉም የምታስቸግር አገር”?
አምናና ዘንድሮ፣ ከፍተኛ እርዳታ ካገኙ ሦስት አገራት አንዷ ኢትዮጵያ ናት። ለረሃቡ 1.4 ቢ ዶላር (30 ቢ. ብር) እርዳታ ተገኝቷል። ግማሹ ከአሜሪካ! (የዩኤን መረጃ)፡፡ 3ቱ ትልልቅ ለጋሾች፣ የአሜሪካ፣ የእንግሊዝና የጀርመን መንግስታት ናቸው። ረሃብ የሚከሰተው፣ የእህል ምርት ምን ያህል ሲቀንስ ነው? በ1966 ዓ.ም፣ የእህል ምርት 13 ሚ. ኩንታል ቀንሶ ነበር። በ77ም እንዲሁ (የዓለም ባንክመረጃ)፡፡ በ2007 ዓ.ም? ረሃብ የተከሰተው፣ የእህል ምርት በ5ሚ ኩንታል ስለቀነሰ ነው። (ስታትስቲክስ ኤጀንሲ)። አዴግ ሰሞኑን ያወጣውን ረዥም መግለጫ ሰምታችኋል? ከመግለጫው ውስጥ ጥቂት ዓረፍተ ነገሮችን በመመልከት፣ የአገራችን ፖለቲካ ምን እንደሚመስል መታዘብ እንችላለን። እንደተለመደው፣ እንደወትሮው፣ ተቃዋሚም፣ ደጋፊም እንደሚያደርገው፣ ለፕሮፓጋንዳ እስከጠቀመ ድረስ፣ ፍሬ እና ገለባውን እያደበላለቁ የመንጎድ ፖለቲካ፣ የአገራችን ባህል ነው፡፡ በኢትዮጵያ ታሪክ ታይቶ የማይታወቅ ኃይለኛ ድርቅ መከሰቱን ይጠቅሳል መግለጫው። ከዚያስ? “ትርጉም ያለው እርዳታ” ባናገኝም፤ የረሃብ አደጋውን በራሳችን አቅም መቋቋም ችለናል ብሏል ኢህአዴግ፡፡ የአገሪቱ ኢኮኖሚ ስለተሻሻለ የረሃብ አደጋው እጅግ የከፋ ጥፋት እንዳላደረሰም ተናግሯል፡፡ እስቲ፣ እውነተኛውን መረጃ … እውነተኛውን ፍሬ ከገለባው ለመለየት እንሞክር፡፡
23 ደቡብ ሱዳናውያን 10 ኢትዮጵያውያንን በመግደል ተከሰሱ
ግድያውን የፈጸሙት ለበቀል ነው ተብሏልባለፈው ሚያዝያ ወር ላይ በጋምቤላ ክልል በሚገኝ የስደተኞች የመጠለያ ጣቢያ የሚሰሩ 10 ኢትዮጵያውያንን በአሰቃቂ ሁኔታ ገድለዋል የተባሉ 23 ደቡብ ሱዳናውያን ስደተኞች ባለፈው ሰኞ በግድያ ወንጀል መከሰሳቸውን ሮይተርስ ዘገበ፡፡በጋምቤላ ጀዊ የስደተኞች የመጠለያ ጣቢያ ውስጥ ሁለት ደቡብ ሱዳናውያን ህጻናት በመኪና አደጋ ለህልፈተ ህይወት መዳረጋቸውን ያስታወሰው ዘገባው፣ እነዚሁ 23 ደቡብ ሱዳናውያንም የህጻናቱን ሞት ለመበቀል በማሰብ፣ በስደተኞች ጣቢያው ውስጥ ተቀጥረው የሚሰሩ 10 የግንባታ ሰራተኞችን በአሰቃቂ ሁኔታ ደብድበው በመግደላቸው ክስ እንደተመሰረተባቸው ጠቁሟል፡፡በተከሳሾቹ የግድያ ሰለባ የሆኑት አስሩ ኢትዮጵያውያን በህጻናቱ ግድያ ላይ እጃቸው እንደሌለበት የክስ መዝገቡ መግለጹን የጠቆመው ዘገባው፤ ግድያው መፈጸሙን ተከትሎ በአካባቢው ብጥብጥ መፈጠሩንና አንዳንድ ደቡብ ሱዳናውያን ስደተኞችም ጥቃት እንደደረሰባቸው አስታውሷል፡፡ በደቡብ ሱዳንያውያኑ ስደተኞች ከተገደሉት 10 ንጹሃን ኢትዮጵያውያን መካከል ሁለቱ ሴቶች መሆናቸውም ተነግሯል፡፡ በጋምቤላ ክልል ከ270 ሺህ በላይ ደቡብ ሱዳናውያን ስደተኞች እንደሚገኙም ዘገባው አስታውሷል፡፡
የአለም አብያተ ክርስቲያናት ም/ቤት ውይይት እንዲደረግ ጠየቀ
የጀርመን የውጭ ጉዳይ ሚ/ር ህገ-መንግስታዊ መብቶች ይከበሩ ብሏል የአለም አብያተ ክርስቲያናት ምክር ቤት ባለፉት ሳምንታት በኦሮሚያና በአማራ ክልሎች ለተቀሰቀሱ ተቃውሞዎችና ውጥረቶች ምክንያት በሆኑ ወቅታዊ ጉዳዮች ዙሪያ ውይይት እንዲያደርጉ ለኢትዮጵያ መንግስት፣ ለጸጥታ ሃይሎችና ለተቃዋሚዎች ጥሪ አቀረበ፡፡በኢትዮጵያ የሚገኙ አብያተ ክርስቲያናት መሪዎች በላኩልኝ መረጃ፣ ተቃውሞውን ተከትሎ በአገሪቱ የተፈጠረው ውጥረት አሁንም አለመርገቡንና በተቃዋሚዎችና በጸጥታ ሃይሎች መካከል የሚከሰቱ ግጭቶች እንደቀጠሉ መሆናቸውን ተገንዝቤያለሁ ብሏል - ምክር ቤቱ ትናንት ባወጣው መግለጫ፡፡ የፀጥታ ሃይሎች ባልታጠቁ ዜጎች ላይ ተመጣጣኝ ያልሆነ ሃይል እንዳይጠቀሙ የጠየቀው ምክር ቤቱ፣ ተቃዋሚዎችም ለግጭቱ መንስኤ በሆኑ ጉዳዮች ዙሪያ ከመንግስት ጋር ግልጽ ውይይት የሚደረግበትን መንገድ መሻት አለባቸው ብሏል፡፡“በተቃውሞዎቹ ለህልፈተ ህይወት በተዳረጉት ዜጎች እንዲሁም በአገሪቱ የተለያዩ አካባቢዎች በተቃዋሚዎች ላይ በተፈጸመው እስርና ድብደባ ማዘናችንን እንገልጻለን” ብለዋል፣ የምክር ቤቱ የአለማቀፍ ጉዳዮች ኮሚሽን ዳይሬክተር ፒተር ፕሮቭ፡፡በጀርመን የውጭ ጉዳይ ሚኒስቴር የሰብዓዊ መብቶች ፖሊሲና እርዳታ ኮሚሽነር ባረቤል ኮፍለር በበኩላቸው ባለፈው ረቡዕ ባወጡት መግለጫ፣ በአገሪቱ የተከሰቱት ግጭቶች በእጅጉ እንደሚያሳስቧቸው ጠቁመው፣ ሁሉም ወገኖች ከቀጣይ ግጭቶች
የድሬዳዋ 10ኛ ዓመት የጎርፍ አደጋ መታሰቢያ ስነ- ስርዓትን አስመልክቶ ከድሬደዋ አስተዳደር የተሰጠ ምላሽ
ባለፈው ቅዳሜ ነሐሴ 7 ቀን 2008 ዓ.ም በወጣው የጋዜጣችሁ እትም ላይ ‹‹የድሬዳዋ 10ኛ ዓመት የጎርፍ አደጋ አከባበር ከፍተኛ ቅሬታ አስነሳ›› በሚል ርዕስ በትክክለኛ መረጃ ላይ ሳይመሰረት ለቀረበው ዘገባ እንደሚከተለው ምላሽ ለመስጠት እንወዳለን፡፡ የድሬዳዋ አስተዳደር ከዛሬ 10 ዓመት በፊት ሐምሌ 28 ቀን 1998 ዓ.ም ሌሊት በከተማው ተከስቶ በነበረው የጎርፍ አደጋ የበርካታ ሰዎች ህይወት የቀጠፈና በሺዎች ለሚቆጠሩ ነዋሪዎች መጠለያ ማጣትና ንብረት መውደም ምክንያት የሆነበትን ቀን ከዚህ በፊት በሐይማኖት ተቋማት፣ በበጎ አድራጊ ግለሰቦችና ማህበራት በየዓመቱ ሲከበር መቆየቱ የአደባባይ ሀቅ ነው፡፡ የዘንድሮውም የአደጋውን 10ኛ ዓመት መታሰቢያ አስመልክቶ፤ አስተዳደሩ ለተጎጂዎች ያለውን አጋርነት በልዩ ሁኔታ እንዲታሰብ ለማድረግና የጎርፍ አደጋውን በዘላቂነት ለመፍታት በአስተዳደሩ እየተደረጉ ያሉ ጥረቶችን ህብረተሰቡ እንዲያውቃቸው በማድረግ፣ከአደጋው ስጋት ተላቆ የተረጋጋ ሕይወት እንዲመራ ማድረግን ያለመ ተግባር በመሆኑ፣ ይህን ቅዱስ ዓላማ ከሚደግፉ ድርጅቶች ጋር በመሆን አክብሯል፡፡ በዚሁ የተቀደሰ አላማ መሰረት ነው፤‹‹በጎርፍ የተጎዱ ወገኖቻችን ሁሌም እናስባለን፤ስጋቱንም ለመቀነስ ተግተን እንሰራለን›› በሚል መሪ ቃል በልዩ ልዩ ዝግጅቶች እንዲከበር የተደረገው፡፡ በመታሰቢያ
ፕሬዚዳንት ሙላቱና የመኢአድ አመራሮች በወቅታዊ ችግሮች ዙሪያ ተወያዩ
በ25 ዓመት ውስጥ መሰል ውይይት ሲደረግ ለመጀመሪያ ጊዜ ነው‹‹ፕሬዚዳንቱ ሁሌም በሬ ክፍት ነው ብለውናል›› - ዶ/ር በዛብህ ደምሴፕሬዚዳንት ዶ/ር ሙላቱ ተሾመ፤ በአማራና በኦሮሚያ ክልል በተፈጠሩ ተቃውሞዎችና ግጭቶች እንዲሁም በአዲስ አበባ ቤት በፈረሠባቸው ነዋሪዎች ጉዳይ ዙሪያ የመኢአድ አመራሮችን በቤተመንግስታቸው ጠርተው አነጋገሩ፡፡ የመላ ኢትዮጵያውያን አንድነት ድርጅት (መኢአድ) በቅርቡ ለፕሬዚዳንት ሙላቱ ተሾመ፣ ለጠቅላይ ሚኒስትር ሃይለማርያም ደሣለኝ፣ ለህዝብ ተወካዮችና ለፌዴሬሽን ም/ቤት አፈ-ጉባኤዎች በፃፈው ደብዳቤ፤ በኦሮሚያና በአማራ ክልል በተፈጠሩ ተቃውሞዎችና ግጭቶች እንዲሁም በአዲስ አበባ ቤት በፈረሠባቸው ነዋሪዎች ጉዳይ ዙሪያ መንግስት ችግሩን መርምሮ አስቸኳይ መፍትሄ እንዲያበጅ መጠየቁ ይታወሳል፡፡ ፕሬዚዳንት ዶ/ር ሙላቱ፤ ለፓርቲው ማሳሰቢያዎች ፈጣን ምላሽ በመስጠት ደብዳቤው በደረሳቸው በ4ኛው ቀን ወደ ፓርቲው ፅ/ቤት ስልክ አስደውለው ለውይይት እንደጋብዟቸው የመኢአድ ፕሬዚዳንት ዶ/ር በዛብህ ደምሴ ለአዲስ አድማስ አስታውቀዋል፡፡ በተያዘላቸው ቀጠሮ መሠረትም የፓርቲው ፕሬዚዳንት ዶ/ር በዛብህ ደምሴና ተ/ም/ፕሬዚዳንት አቶ አሠፋ ሃብተወልድ፣ ከፕሬዚዳንቱ ጋር ለ1 ሰዓት ተኩል የቆየ ውይይት በቤተ መንግስት አድርገዋል፡፡በውይይታቸውም በተለይ በአዲስ አበባ በንፋስ ስልክ ላፍቶ ክ/ከተማ፣ ህገ ወጥ
ያረጀ ቲቪ እና አገር፤ መንግስት እና ‘ሕዝብ’…
• ዘረኝነት፣ … ማብሪያና ማጥፊያ የለውም። ዛሬ ‘ኦን’፣ ነገ ‘ሳይለንት’ ማድረግ አይቻልም።• በዘፈቀደ ማበላሸትና ማፍረስ እንጂ፣ በዘፈቀደ መገንባትና ማስተካከል አይቻልም። ያረጀ ቴሌቪዥን፣ ብዥ ብዥ፣ እያለ ሲያስቸግር ምን እናደርጋለን? ‘ግራና ቀኝ’ ማንገራገጭ፣ መደለቅ! ነቅነቅ ነቅነቅ ሲደረግ፣ ይስተካከል ይሆናል። መቼም፣ ምኞት አይከለከልም። ግን፣ ምኞት ብቻውን፣ አያዘልቅ። ያለ እውቀት፣ ያለ ሞያና ያለ ጥረት፣... ሌጣ ምኞት ብቻውን፣ እያሳሳቀና እያታለለ ገደል ይከታል። ግራ ቀኝ በማንገራገጭና በመነቅነቅ፣ የኤሌክትሮኒክስ መሳሪያዎችን ማስተካከል ቢቻል ኖሮ፣... የተበላሹ ኮምፒዩተሮችና ቴሌቪዥኖች፣ መጋዘን ባላጣበቡ ነበር። ቴሌቪዥን መጠገኛ ቤት ሂዱ፣... ከወለል እስከ ጣሪያ ድረስ ተደራርበው አቧራ የለበሱ የቴሌቪዥን አይነቶችን ታያላችሁ። ማንገራገጭና መነቅነቅ፣ አልፎ አልፎ ብልሽትን ያስተካክል ይሆናል። ግን ብልሽትንም ሊያባብስ ይችላል። ለዘለቄታው፣ የዘፈቀደ ንቅናቄ... መፍትሄ አይሆንም። አሳዛኙ ነገር፣ አገራችን ኢትዮጵያ፣ እንደ ተበላሸ ቲቪ፣ ግራና ቀኝ የሚደልቅና የሚያንገራግጭ እንጂ፣ በእውቀት፣ በሙያና በጥረት፣ ላይ ተማምኖ፤ አሳምሮ የሚጠግንና የሚያስካክል ብልህ፣ ጥበበኛና ጀግና አላገኘችም። አንዱ፣ እንደመጣለት ሲደልቅ፣ ሌላኛው በተራው ለማንገራገጭ እየተነሳሳ፣ በዙር እየተቀባበሉ ያጦዙታል፡፡ በእርግጥ ይሄ፤ የኛን አገር
ኢዴፓ የመንግስት ሚዲያዎችንና የፓርቲዎች የጋራ ም/ቤትን አስጠነቀቀ
የጋራ ም/ቤቱን ሊለቅ እንደሚችል ፓርቲው ገልጿልበኦሮሚያና በአማራ ክልል የተፈጠሩ ተቃውሞና ግጭቶችን አስመልክቶ የሚሰጧቸውን መግለጫዎች የመንግስት ሚዲያዎች አዛብተው ለህዝብ እያቀረቡ ነው ሲል የተቸው ኢዴፓ፤ የፓርቲዎች የጋራ ም/ቤትም ከፓርቲው እውቅና ውጪ አቋሞችን በማንፀባረቅ ደንብ እየጣሰ ነው ብሏል፡፡ ፓርቲው ለአዲስ አድማስ በላከው ደብዳቤ እንዳመለከተው፤ ባለፈው ሳምንት ነሐሴ 6 በሀገሪቱ ወቅታዊ ችግሮች ዙሪያ ለመገናኛ ብዙኃን የሰጠውን መግለጫ ኢዜአ፣ ፋና፣ አዲስ ዘመን ጋዜጣና የአማራ ብሄራዊ ክልል ቴሌቪዥን ይዘቱን አዛብተው በማቅረብ፣ ህዝብ ስለ ፓርቲው ያለው አቋም እንዲናጋ ማድረጋቸውን ጠቁሞ፤ የሚዲያ ተቋማቱ አሰራራቸውን እንዲፈትሹና እንዲያስተካክሉ አሳስቧል፡፡ በእለቱ ኢዴፓ በኦሮሚያና በአማራ ክልል የተፈጠሩ ተቃውሞና ግጭቶች፣ በውይይት ሰላማዊ መፍትሄ ማግኘት አለባቸው የሚል አቋም ማንፀባረቁን የጠቆሙት የፓርቲው የህዝብ ግንኙነት ኃላፊ አቶ ወንድወሰን ተሾመ፤ የተጠቀሱት የመገናኛ ብዙኃን ግን “ፓርቲው ህገ መንግስታዊ ስርአቱን በኃይል ለመናድ የሚደረግ ጥረት ተቀባይነት የለውም” ብሏል በማለት በመግለጫው ላይ ፈፅሞ ያልተጠቀሰ ዘገባ አስተላልፈዋል ሲሉ ወቅሰዋል፡፡ ሰንደቅ አላማን በተመለከተም ኢዴፓ ሰልፈኞቹ የያዙትን ሰንደቅ አላማ እንዳወገዘ ተደርጎ በዘገባዎቹ ቀርቧል ያሉት
በሰሞኑ ተቃውሞና ግጭት 142 ሰዎች መሞታቸውን መኢአድ አስታወቀ
ቅዳሜና እሁድ በኦሮሚያና በአማራ ክልል በተደረገ ህዝባዊ ተቃውሞና ግጭት 142 ሰዎች መገደላቸውን መኢአድ አስታወቀ፡፡“መንግስት በሀገራችን ዜጎች ላይ የሚፈፅመውን ግድያ በአስቸኳይ ያቁም” በሚል ርዕስ ለጋዜጠኞች መግለጫ የሰጠው የመላ ኢትዮጵያውን አንድነት ድርጅት (መኢአድ)፤ በአማራ ክልል አርብ ሐምሌ 29 እና እሁድ ነሐሴ 1 በተደረጉ የተቃውሞ ሰልፎች ላይ 82 ሰዎች መሞታቸውንና 67 ሰዎች መቁሰላቸውን እንዲሁም በኦሮሚያ ክልል ሐምሌ 30 በአንድ ቀን ብቻ ከ60 በላይ ዜጎች መሞታቸውን አስታውቋል፡፡ ባለፈው ሳምንት መጨረሻ በሁለቱ ክልሎች በተፈጠሩ ተቃውሞዎችና ግጭቶች በኦሮሚያ 67 ሰዎች፤ በአማራ ክልል 30 ሰዎች በድምሩ 97 ሰዎች በቀጥታ ከፀጥታ ኃይሎች በተተኮሰ ጥይት ተገድለዋል ሲል አምነስቲ ኢንተርናሽናል ያወጣውን ሪፖርት፤ ቢቢሲ እና አልጀዚራን ጨምሮ የዓለም ዋና ዋና ሚዲያዎች ሲዘግቡ ሰንብተዋል፡፡ መኢአድ በበኩሉ ትላንትና በሰጠው መግለጫ የ142 ሰዎችን ህልፈት ያረጋገጥኩት በየዞኑና ወረዳው ባሉ መዋቅሮቼ ከተሰበሰበና ከተጠናከረ መረጃ መሆኑን ጠቅሶ የሟቾች ቁጥር ከዚህ ቢበልጥ እንጂ የሚያንስ አይደለም ብሏል፡፡ መንግስት ያልተመጣጠነ ሃይል ከመጠቀም እንዲቆጠብና የመከላከያ ሃይል ከግጭት አካባቢዎች እንዲወጣ ፓርቲው ጠይቋል፡፡
ኢትዮጵያ በአልማዝ ወርቅ የድል ጉዞዋን ጀምራለች
ኢትዮጵያዊቷ አትሌት አልማዝ አያና ትናንት በሪዮ ዲ ጄኔሮ ማራካኛ ስታዲዬም በተካሄደው የ31ኛው ኦሎምፒያድ በሴቶች የ10ሺህ ሜትር የዓለምና የኦሎምፒክ ሪኮርዶችን በማስመዝገብ የወርቅ ሜደልያ ተጎናፅፋለች፡፡ አልማዝ በ10 ሺ ሜትር ውድድሩ ተፎካካሪዎቿን በሰፊ ርቀት ቀድማ ስታሸንፍ የተደነቀው የውድድሩ ኮሜንታተር “በጣም ጎበዝ” ሲል አድንቋታል፡፡ አዲስ የዓለምና የኦሎምፒክ ሪከርድ ሆኖ የተመዘገበው ሰዓት 29 ደቂቃዎች ከ17.45 ሰከንዶች ነው፡፡37 የተለያዩ የአለማችን አገራት አትሌቶች በተሳተፉበት በዚህ ውድድር፣ ብዙ ዙር ሲቀራት ቀድማ የወጣችው አልማዝ አያና፣ ተፎካካሪዎቿን እስከ መጨረሻው ድረስ በሰፊ ርቀት በመምራት የወርቅ ሜዳልያውን አጥልቃለች፡፡ ከአራት ቀናት በኋላ በ5 ሺ ሜትር ማጣሪያ ቋሚ ተሰላፊ ስትሆን ስኬታማ ሆና አስቀድሞ እንደተሰጣት ግምት የወርቅ ሜዳሊያ ማግኘት ከቻለች በ2008 በቤጂንግ ኦሎምፒክ ጥሩነሽ ዲባባና ቀነኒሳ በቀለ እንዲሁም በ1980 በሞስኮ ኦሎምፒክ ምሩፅ ይፍጠር ድርብ የወርቅ ሜዳሊያ በማስመዝገብ የሰሩትን ታሪክ ትጋራለች፡፡ዘንድሮ በ5ሺህ ሜትር የዓመቱን ፈጣን ሰዓት ያስመዘገበችው አልማዝ፣ በ2015 በርቀቱ የአለም ሻምፒዮን ለመሆን በቅታለች፡፡ በ10 ሺህ ሜትር የዓለም ሻምፒዮኗ ኬንያዊቷ አትሌት ቪቪያን ቺሮይት፣ በውድድሩ ሁለተኛ በመውጣት
ተቃዋሚ ፓርቲዎች የእርቀ ሰላም ጥሪ አቀረቡ
መድረክ የሽግግር መንግስት እንዲቋቋም ጠይቋልመንግስት በዜጎች ላይ የኃይል እርምጃ ከመውሰድ እንዲቆጠብ አሳሰቡሰሞኑን በኦሮሚያና በአማራ ክልል የተደረጉ የህዝብ ተቃውሞዎችን ተከትሎ በተከሰተ ግጭት በርካቶች ህይወታቸውን እንዳጡ የገለፁት ዋና ዋና ተቃዋሚ ፓርቲዎች፤ ሁኔታው በዚህ ከቀጠለ ሀገሪቱ ልትበታተን ትችላለች የሚል ስጋት እንዳላቸው ጠቁመው፣ በአስቸኳይ ሁሉንም ወገን ያካተተ የእርቀ ሰላም ጉባኤ እንዲደረግ ጠይቀዋል፡፡ መኢአድ፤ ኢዴፓና መድረክ ሰሞኑን ባወጡት የአቋም መግለጫ፤ መንግስት ለህዝብ ተቃውሞ የኃይል አፀፋ በመውሰዱ፤ ሰዎች ለህልፈት መዳረጋቸው በእጅጉ እንዳሳዘናቸው የገለፁ ሲሆን መንግስት በዜጎች ላይ የኃይል እርምጃ ከመውሰድ እንዲቆጠብ አሳስበዋል፡፡ በአንዳንድ የሀገሪቱ ክፍሎች የሚካሄዱት የተቃውሞ እንቅስቃሴዎች አቅጣጫቸውን እየሳቱ፣ በህዝቡ አብሮ የመኖርና የመቻቻል እሴቶች ላይ እንቅፋት እየሆኑ ነው ያለው ኢዴፓ፤ ሁኔታው በሀገሪቱ ህልውና ላይ የተጋረጠ አደጋ በመሆኑ በእጅጉ ያሳስበኛል ብሏል፡፡ ፓርቲው አክሎም፤ ከነዚህ ተቃውሞዎችና ግጭቶች ጋር በተያያዘ ለእስር የተዳረጉ ዜጎች፤ ሰብአዊ መብታቸው እንዲጠበቅ፤ አላግባብ የታሰሩም በአስቸኳይ እንዲፈቱ ጠይቋል፡፡ መኢአድና መድረክም ተመሳሳይ አቋም ያንፀባረቁ ሲሆን መንግስት የሚወስዳቸውን የኃይል እርምጃዎች አቁሞ፣ ለተጎጂ ቤተሰቦች ካሳ እንዲከፍልና በሀገር ውስጥም
የመንግስት የውጭ እዳ እየከበደ ነው
የኢትዮጵያ መንግስት፣ በግማሽ ዓመት 670 ሚ.ዶላር ለእዳ ክፍያ አውጥቷልየውጭ እዳ በፍጥነት እየተከማቸበት የመጣው የኢትዮጵያ መንግስት፣ በ2006 ዓ.ም የብድር እዳ ከነወለዱ 570 ሚ. ዶላር መክፈሉ የሚታወስ ሲሆን፣ ዘንድሮ ክፍያው በእጥፍ ጨምሮበታል። ዘንድሮ እስከ መጋቢት ድረስ፣ 670 ሚ.ዶላር እንደከፈለ ከገንዘብ ሚኒስቴር የተገኘ መረጃ ገልጿል።ከአራት አመት በፊት፣ የመንግስት ጠቅላላ የውጭ እዳ ወደ 9 ቢሊዮን ገደማ እንደነበረ የገንዘብ ሚኒስቴር ጠቅሶ፣ ዘንድሮ እስከ መጋቢት ወር ድረስ፣ የእዳው ክምችት 20.6 ቢሊዮን ዶላር መድረሱን አስታውቋል።በተለይ፣ በባቡር መስመር ግንባታ፣ በቴሌኮም እና ለአመታት በተጓተቱት የስኳር ፕሮጀክቶች ሳቢያ በፍጥነት እየተከማቸ ከመጣው ብድር ጋር፣ ለእዳና ለወለድ ክፍያ የሚውለው የውጭ ምንዛሬም እየከበደ እንደመጣ የሚኒስቴሩ ሪፖርት ያሳያል።በ2004 እና በ2005 ዓ.ም፣ ለእዳና ለወለድ ክፍያ የሚውለው የውጭ ምንዛሬ ግማሽ ቢሊዮን ገደማ ነበር። አምና የክፍያው ሸክም ወደ አንድ ቢሊዮን ዶላር ተጠግቷል (980 ሚ.ዶላር)።የወለድ ክፍያው ለብቻው ሲታይም እንዲሁ፣ ከአመት አመት እየጨመረ መጥቷል። ከአራት አመት በፊት፣ 100 ሚሊዮን ዶላር የነበረው የወለድ ክፍያ፣ አምና ከ250 ሚሊዮን ዶላር በላይ ሆኗል።
የድሬደዋ 10ኛ ዓመት የጎርፍ አደጋ አከባበር ከፍተኛ ቅሬታ አስነሳ
የዛሬ 10 ዓመት ሐምሌ 28 ቀን 1998 ዓ.ም በድሬዳዋ ከተማ በተከሰተው የጎርፍ አደጋ የደረሰውን ጉዳት ለማስታወስ የተዘጋጀው በዓል የጉዳቱን ሰለባዎች የዘነጋነው በሚል የተተቸ ሲሆን በአደጋው ተጎጂዎች ዘንድም ከፍተኛ ቅሬታ አስነስቷል፡፡ከ500 በላይ ሰዎች የሞቱበትና 10 ሺ የሚደርሱ ነዋሪዎች ከቤት ንብረታቸው የተፈናቀሉበት አስከፊ የጎርፍ አደጋ የተከሰተበትን 10ኛ ዓመት አስመልክቶ ሰሞኑን በከተማዋ 13 ሚ. ብር ወጪ የተደረገበት በዓል ተዘጋጅቶ ነበር፡፡ ታዋቂ የኪነጥበብ ባለሙያዎችና የመንግስት ባለስልጣናት የተጋበዙበት ይሄው በዓል፤ ለሶስት ቀናት የዘለቀ ሲሆን አርቲስቶችን በባለ 5 ኮከብ ሆቴል ሰብስቦ በማስጨፈር መከበሩ አሳዝኖናል ብለዋል ተጎጂዎች፡፡ በጎርፍ አደጋው ሁለት ልጆቹንና ባለቤቱን ማጣቱን የገለፀልን አንድ የአደጋው ሰለባ፤ በወቅቱ በቤቱ ውስጥ ባለመኖሩና በጥበቃ ሥራው ላይ አዳሪ ተረኛ ስለነበር ከአደጋው መትረፉን ገልፆ አሁን ያለሁበትን ዓይነት ህይወት ከመኖር በጎርፍ አደጋው ከሚስቴና ልጆቼ ጋር ብሞት ይሻለኝ ነበር ሲል አማሯል፡፡ ‹‹ሚስቴንና ሁለት ልጆቼን በድንገተኛ አደጋ በአንድ ቀን ማጣቴ ያደረሰብኝ ሐዘንና የህሊና ጉዳት ቀላል አልነበረም፡፡ ከአደጋው በኋላ ወደ ህሊናዬ ለመመለስና ራሴን ለማረጋጋት አመታት
የመንገድ ትራንስፖርት ባለስልጣን ያባረራቸው ሰራተኞች ወደ ስራ ሊመለሱ ነው
የአዲስ አበበ መንገድ ትራንስፖርት ባለስልጣን፤ አዲስ በሰራው መዋቅር መስፈርቱን አታሟሉም በሚል ያበረራቸው 600 ሰራተኞች በአንድ ሳምንት ውስጥ ድልድል ሰርቶ ወደ ስራ እንደሚመለሱ ተገለፀ፡፡ ትላንት ከቀትር በፊት ሳር ቤት በሚገኘው የአዲስ አበባ መንገዶች ባለስልጣን የመሰብሰቢያ አዳራሽ በተደረገው ስብሰባ፤ የመንገድ ትራንስፖርት ባለስልጣን ዋና ስራ አስፈፃሚ አቶ ያብባል አዲስ፤ የሰራተኛውን አቤቱታ ካደመጡ በኋላ የሰራተኛው ጥያቄ አግባብ መሆኑን አምነው፣ ከ58 ሰራተኞች በስተቀር ሌሎቹ ድልድል ተሰርቶ ወደ ስራቸው ይመለሳሉ ማለታቸውን ምንጮች ገለፁ፡፡ 58ቱ ሰራተኞች በስራቸው ላይ በነበሩበት ወቅት ባሳዩት የስነ ምግባር ግድፈትና ተደጋጋሚ ስህተት በህግ እንደሚጠየቁና ከጥፋት ነፃ መሆናቸውን ካረጋገጡ ወደ ስራቸው እንደሚመለሱም ባለስልጣን መስሪያ ቤቱ አስታውቋል፡፡ ከባለፈው ሰኞ ጀምሮ ንብረት አስረክባችሁ ውጡ የተባሉ ከ600 በላይ የባለስልጣን መ/ቤቱ ሰራተኞች፤ አፍሪካ ህብረት ጎን የሚገኘውን አዲሱን የባለስልጣኑን መስሪያ ቤት በተቃውሞ አጨናንቀውት ሰንብተዋል፡፡ ሰራተኞቹ ከዋና ስራ አስፈፃሚው ጋር “የመዋቅር አሰራሩ ግልፅነት የጎደለው፣ መስፈርት ያልወጣለት፣ በዘመድ አዝማድ የተሰራና የመስሪያ ቤቱን ሰራተኞች የረጅም ጊዜ ውለታ መና ያስቀረ ነው” በማለት ተቃውሞአቸውን
ትናንት በጎንደር በተከሰተ ግጭት የሰው ህይወት አለፈ
በጎንደር በፖሊስ ቁጥጥር ስር የዋሉትን የወልቃይት ኮሚቴ አባላት የፍርድ ጉዳይ ለመከታተል ትናንት ፍ/ቤት አካባቢ ተሰብስበው በነበሩ ነዋሪዎችና የፀጥታ ኃይሎች መካከል በተፈጠረ ግጭት የሰዎች ህይወት መጥፋቱን ምንጮች ለአዲስ አድማስ ገልፀዋል፡፡ የወልቃይት ኮሚቴ አባላትን የፍርድ ቤት ውሎ ለመከታተል ጎንደር ፒያሣ አካባቢ በሚገኘው ፍ/ቤት በጠዋቱ በሺዎች የሚቆጠሩ የከተማዋ ነዋሪዎች ተሰብስበው የነበረ ሲሆን ፍ/ቤቱ የተጠርጣሪዎቹን ጉዳይ ለነሐሴ 4 ቀን 2008 ዓ.ም ተለዋጭ ቀጠሮ መስጠቱ እንደተሰማ ግርግር መፈጠሩን ምንጮች አስረድተዋል፡፡ ፖሊስ በአስለቃሽ ጭስ ተቃውሞ የሚያሰሙትን ነዋሪዎች ለመበተን ሙከራ ማድረጉን የጠቆሙት ምንጮች፤ ከቆይታ በኋላ በከተማዋ የተለያዩ አካባቢዎች የመሳሪያ ተኩስ መሰማቱንና ተኩሱ በየአቅጣጫው እስከ አመሻሹ ድረስ መዝለቁን ተናግረዋል፡፡ የከተማዋ ዋና ዋና መንገዶች በድንጋይ መዘጋጋታቸውንና ወጣቶች በቡድን እየሆኑ ተቃውሞ ሲያሰሙ መዋላቸውንና ከቀኑ 5 ሰዓት ጀምሮ በከተማዋ የትራንስፖርት አገልግሎት ሙሉ ለሙሉ መቋረጡን ምንጮች አስረድተዋል፡፡ በጉዳዩ ላይ የከተማዋን ከንቲባ ለማነጋገር ያደረግነው ጥረት የሞባይል ስልካቸው ዝግ በመሆኑ ሳይሳካልን ቀርቷል፡፡ በግጭቱ የሰዎች ህይወት ማለፉን ምንጮች ቢጠቁሙም ከፖሊስ ለማረጋገጥ አልቻልንም፡፡ ባለፈው እሁድ በከተማዋ
በአገሪቱ ያለው ወቅታዊ የፖለቲካ ችግር አሳሳቢ ደረጃ ላይ መድረሱ ተገለፀ
በሀገሪቱ ያለው ወቅታዊ የፖለቲካ ችግር አሳሳቢ ደረጃ ላይ መድረሱንና በችግሮቹ ላይ አስቸኳይ ውይይት ማድረግ እንደሚገባ ታዋቂ ፖለቲከኞች፣ የሃይማኖት አባቶችና የሀገር ሽማግሌዎች አሳሰቡ፡፡ በተለያዩ አካባቢዎች እየተቀሰቀሱ ያሉ ተቃውሞዎችና ግጭቶችን አስመልክቶ አስተያየታቸውን የሰጡንት አቶ ልደቱ አያሌውና ዶ/ር ነጋሶ ጊዳዳ፤ በሀገሪቱ የተፈጠረው ፖለቲካዊ ችግር ሀገሪቱን ሊበታትን የሚችል አደጋ መሆኑን አስጠንቅቀው፣ ገዥውን ፓርቲ ጨምሮ ሁሉም ባለድርሻዎች ለውይይት በጠረጴዛ ዙሪያ መቀመጥ አለባቸው ብለዋል፡፡ “ኢህአዴግ የሚመራው መንግስት፤ አሁን የተፈጠረውን ችግር ብቻውን ሊፈታው አይችልም” ያሉት ዶ/ር ነጋሶ፤ አሁን የሚደረጉ ሰላማዊ ሰልፎች ወዳልሆነ አቅጣጫ ሄደው የሀገሪቱን ህልውና ከመፈታተናቸው በፊት ሁሉም አካላት ሊያስቡበት ይገባል ብለዋል፡፡ አንጋፋው ፖለቲከኛ አቶ ልደቱ አያሌው በበኩላቸው፤ አሁን ያለው ስርአት የለውጥ እርምጃዎችን ካልወሰደ፤ ሀገሪቱን ለከፋ የመበታተን አደጋ ሊያጋልጣት እንደሚችል አሳስበዋል፡፡ በወቅታዊ የፖለቲካ ችግሮችና ግጭቶች ዙሪያ ያነጋገርናቸው የክርስትና እና የእስልምና ሃይማኖት አባቶች በበኩላቸው፤ መንግስትና ህዝብ በተፈጠሩት ችግሮች ላይ የጋራ ውይይት ሊደርጉ ይገባል ብለዋል፡፡
በባህርዳርና በኦሮሚያ ለተጠሩ ሰልፎች፣ ኦፌኮና ሰማያዊ ፓርቲ ድጋፋቸውን ገለፁ
በኦሮሚያ ከተሞችና በባህርዳር፤ ዛሬና ነገ ሰላማዊ ሰልፍ ለማካሄድ በማህበራዊ ድረ ገፆች ጥሪዎች የተሰራጩ ሲሆን፣ ኦፌኮ ሰልፉን እንደሚደግፍ አስታውቋል፡፡ ሰማያዊ ፓርቲ በበኩሉ፤ በባህርዳር ሰላማዊ ሰልፍ ለማካሄድ ፈቃድ አግኝቻለሁ ብሏል፡፡ ባለፈው እሁድ በጎንደር ከተማ ሰፊ የተቃውሞ ሰልፍ መካሄዱን ተከትሎ በማህበራዊ ድረ ገፅ፤ በኦሮሚያ ከተሞች “በመንግስት የተወሰዱ የሀይል እርምጃዎችን እናወግዛለን” የሚል የሰላማዊ ሰልፍ ጥሪ ተሰራጭቷል፡፡የኦሮሞ ፌደራሊስት ኮንግረስ (ኦፌኮ)፤ ለሰላማዊ ሰልፉ ድጋፍ በመስጠት ተሳታፊ እንደሚሆን የፓርቲው ም/ፕሬዚዳንቱ አቶ ሙላቱ ገመቹ ተናግረዋል፡፡ ግድያና እስራት እንዲቆም፣ ወታደሮች እንዲወጡና የታሰሩ ፖለቲከኞች እንዲለቀቁ፣ እንዲሁም ለሟች ቤተሰቦች ካሳ እንዲከፈል ይጠየቃል ብለዋል - አቶ ሙላቱ፡፡ የፓርቲያችን ፍላጎት፣ በክልሉ ያለው ችግር በሰላም እንዲፈታ ነው ያሉት አቶ ሙላቱ፤ መንግስት በቁርጠኛ አቋም በሩን ለውይይት ክፍት እንዲያደርግ አጥብቀን እንጠይቃለን ብለዋል፡፡ በክልሉ ተቃውሞና ግጭቱ ከተቀሰቀሰ ወዲህ፣ ፓርቲው ከየአካባቢው መረጃዎችን እያጣራ ሲገልፅ መቆየቱን አቶ ሙላቱ ጠቅሰው፣ ከ300 በላይ ሰዎች መሞታቸውን በተሟላ መረጃ አረጋግጠናል ብለዋል። ነገር ግን የሟቾች ቁጥር ከዚህ በላይ እጥፍ ሊሆን እንደሚችል ይገመታል ያሉት አቶ
የአቶ ሀብታሙ የውጪ የህክምና ፈቃድ ለመስከረም ተቀጠረ
ቤተሰቡ ዳግመኛ ጥያቄውን አናነሳም ብሏል ወደ ውጭ ሃገር ሄደው ለመታከም የጉዞ እግድ እንዲነሣላቸው ለጠቅላይ ፍ/ቤቱን ያመለከቱት ፖለቲከኛው አቶ ሃብታሙ አያሌው፤ የጠየቁትን ፈቃድ ያላገኙ ሲሆን ፍርድ ቤቱ ጉዳያቸውን ለቀጣዩ አመት መስከረም 25 ቀን 2009 ዓ.ም ቀጥሮታል። የአቶ ሀብታሙ ቤተሰብ፤ ከእንግዲህ የጉዞ እገዳ እንዲነሳላቸው ለመጠየቅ ወደ ፍ/ቤት እንደማያመሩ ተናግረዋል፡፡ ጉዳያቸውን የሚመለከተው የጠቅላይ ፍ/ቤት ትናንት የመጨረሻ ውሳኔ ያሣልፋል ተብሎ ሲጠበቅ የነበረ ቢሆንም ከካዲስኮ ሆስፒታል ሃኪሞች የቀረበው የህክምና ማስረጃ፣ የጤና ጥበቃ ሚኒስቴር አስተያየት እንዲሰጥበትና ህክምናው ሃገር ውስጥ እንደማይሠጥ እንዲያረጋግጥ በመግለፅ ፍ/ቤቱ ተለዋጭ ቀጠሮ ሰጥቷል፡፡ካዲስኮ ሆስፒታል በሰጠው የሃኪሞች ቦርድ ውሳኔ ላይ ማብራሪያ እንዲሰጥ ፍ/ቤቱ ትዕዛዝ አስተላልፏል፡፡ አቶ ሃብታሙ በአሁን ወቅት በአልጋ ላይ ሆነው በማደንዘዣ ብቻ ህመማቸውን እያስታገሱ እንደሚገኙ የገለፁት የቤተሰቡ ተወካይና የአቶ ሀብታሙ የቅርብ ወዳጅ አቶ ዳንኤል ሺበሺ፤ ከዚህ ቀጠሮ በኋላ ቤተሰቡ ፍ/ቤት የጉዞ እገዳውን እንዲያነሳለት ላለመጠየቅ ከውሳኔ ላይ ደርሷል፤ ብለዋል፡፡ አቶ ሀብታሙ አያሌው የአንድነት ለፍትህና ለዲሞክራሲ ፓርቲ የህዝብ ግንኙነት ኃላፊ የነበሩ ሲሆን በተከሰሱበት የሽብር
በአወዳይ ግጭት ስድስት ሰዎች ሞተዋል፤ የከተማዋ ኑሮ ተናግቷል
- 26 ሰዎች ቆስለዋል፤ የከተማዋ ስራ ቆሟል- የነዋሪዎች ዋና መተዳደሪያ የጫት ንግድ ተቋርጦ፤ ወደ ሃረር አቅራቢያ ሸሽቷል- ሽማግሌዎችና የሃይማኖት አባቶች ገበያውን ለማስመለስ እየጣሩ ነው በጫት ንግድ ማዕከልነቷ በምትታወቀው አወዳይ ከተማ፣ ባለፈው እሁድ በተቀሰቀሰው ረብሻ ስድስት ሰዎች መሞታቸውንና 26 ሰዎች መቁሰላቸውን የገለፁ ምንጮች፤ የአገሪቱ ዋነኛ የጫት ንግድ መቋረጡ የከተማዋን ኑሮ እንዳናጋ ተናግረዋል፡፡መንገድ ላይ ጎማዎች በማቃጠል ተቃውሞ ሲያካሂዱ በነበሩ ወጣቶችና በፖሊስ መካከል ግጭት መፈጠሩን ነዋሪዎች የገለፁ ሲሆን፤ በግጭቱ የደረሰውን ጉዳት በተመለከተ ፖሊስ ማብራሪያ ከመስጠት ተቆጥቧል፡፡ በከተማዋ የነዋሪዎች እለታዊ ስራና የንግድ እንቅስቃሴ ክፉኛ መጎዳቱን፣ የከተማዋ በርካታ ነጋዴዎች እንዲሁም የኢንዱስትሪና የንግድ ቢሮ ኃላፊ ገልፀዋል፡፡ ከቡና በመቀጠል ከፍተኛ የውጭ ምንዛሬ በሚያስገኘው የጫት ንግድ በዋና መነሃርያነት የምትጠቀሰው አወዳይ ከተማ ትልቅ ድርሻ በመያዟ፣ 12 የባንኮች ቅርንጫፎች ተከፍተዋል፡፡ በከተማዋ ይካሄድ የነበረው የንግድ እንቅስቃሴ ሰሞኑን በመቋረጡ፣ ባንኮችን ጨምሮ፣ ጫት አምራቾችና ላኪዎች፣ የጭነት አገልግሎት ሰጪዎችና አብዛኞቹ የከተማዋ ስራዎች፣ ኪሳራና ችግር ደርሶባቸዋል። ከምስራቅ ሃረርጌ ወረዳዎች የሚመረተውን ጫት እየሰበሰበ፤ ለአገር ውስጥና ለውጭ
የኢትዮ-ኬንያ የኤሌክትሪክ ሃይል ማስተላለፊያ ግንባታ ተጀመረ
ኢትዮጵያ ለኬንያ የኤሌክትሪክ ሃይል ለመሸጥ የያዘቺው እቅድ ዋነኛ አካል የሆነውና 1.2 ቢሊዮን ዶላር ወጪ የሚደረግበት የኤሌክትሪክ ሃይል ማስተላለፊያ መስመር ግንባታ በዚህ ሳምንት መጀመሩን ስታንዳርድ ሚዲያ ዘገበ፡፡1 ሺህ 45 ኪሎ ሜትር ርዝመት ያለውንና 2 ሺህ ሜጋ ዋት የኤሌክትሪክ ሃይል የማስተላለፍ አቅም እንዳለው የተነገረለትን የዚህን የማስተላለፊያ መስመር ግንባታ የሚያከናውነው ቻይና ኤሌክትሪክ ፓዎር ኢኩፒመንት ቴክኖሎጂ የተባለው ኩባንያ እንደሆነ የጠቆመው ዘገባው፣ ግንባታው በታህሳስ ወር 2018 ይጠናቀቃል ተብሎ እንደሚጠበቅ ገልጿል፡፡ኬንያ ከኢትዮጵያ 400 ሜጋ ዋት የኤሌክትሪክ ሃይል ለመግዛት ስምምነት መፈጸሟን የዘገበው ሱዳን ትሪቢዩን በበኩሉ፣ በቀጣይም የምትገዛውን የኤሌክትሪክ ሃይል መጠን በብዙ እጥፍ ለማሳደግ ማሰቧን አስነብቧል፡፡በሁለቱ አገራት መካከል የሚዘረጋው ይህ የኤሌክትሪክ ሃይል ማስተላለፊያ መስመር፣ በ2018 ዓ.ም ለ870 ሺህ አወዎራዎች የኤሌክትሪክ ሃይል አቅርቦት ያሟላል ተብሎ እንደሚጠበቅ የአፍሪካ ልማት ባንክ ማስታወቁንም ዘገባው ጠቁሟል፡፡በተያያዘ ዜናም ግልገል ጊቤ ሶስት የኤሌክትሪክ ሃይል ማመንጫ ግድብ፣ 800 ሜጋ ዋት ሃይል ማመንጨት መጀመሩን የኢትዮጵያ ኤሌክትሪክ ሃይል ዋና ስራ አስፈጻሚ ኢንጂነር አዜብ አስናቀ ተናግረዋል፡፡ የግልገል ጊቤ ሶስት
ዲማ ልዩ የዓይን ህክምና ማዕከል ስራ ጀመረ
በአዲስ አበባ ዩኒቨርሲቲ የአይን ህክምና መምህሮች የተቋቋመው “ዲማ” የአይን ህክምና ክሊኒክ፤ሙሉ በሙሉ ስራ መጀመሩን አስታወቀ፡፡ ክሊኒኩ ከሌላው የአይን ህክምና በተለየ በአይን ቆብና በእንባ መፍሰስ ህክምና ላይ ትኩረት አድርጎ እንደሚሰራና በአገሪቱ ሁለቱ ህክምናዎች ላይ ስፔሻላይዝድ ያደረጉ ሁለት ኢትዮጵያዊያን ዶክተሮች ብቻ እንዳሉ የክሊኒኩ መስራች አባል ዶ/ር መሰረት እጅጉ ሰሞኑን ለጋዜጠኞች በሰጡት መግለጫ አስታውቀዋል፡፡ በአሁኑ ወቀት የእንባ መፍሰስ፣ የአይን ቆብና የአይን ቆብ አካባቢዎችን በማከም ትኩረት ያደረገው ክሊኒኩ፣ ሌሎችንም የአይን ህክምናዎች እግረ መንገዱን እንደሚሰጥና በተለያዩ አደጋዎች አይናቸውን ያጡ ሰዎች፣ በቀዶ ጥገና አርቴፊሻል አይኖችን እንደሚተክሉ ዶ/ር መሰረት ተናግረዋል፡፡
ዩኒቲ ዩኒቨርሲቲ ለ33ኛ ጊዜ ተማሪዎቹን አስመረቀ
ዩኒቲ ዩኒቨርሲቲ በተለያዩ የትምህርት ዘርፎች ያሰለጠናቸውን 798 ተማሪዎች የዛሬ ሳምንት በሚሊኒየም አዳራሽ አስመርቋል፡፡ በአገሪቱ ለመጀመሪያ ጊዜ የማዕድን ምህንድስና ተማሪዎችን ማስመረቁም በእለቱ ተገልፆል፡፡ ዩኒቨርሲቲው በማስተርስ ኦፍ አድምኒስትሬሽን፣ በመጀመሪያ ዲግሪ ደግሞ በዴቨሎፕመንት ኢኮኖሚክስ፣ በቢዝነስ ኢኮኖሚክስ፣ በአካውንቲንግና ፋይናንስ፣ በማኔጅመንት ኢንፎርሜሽን ሳይንስ፣ በኮምፒዩተር ሳይንስ፣ በአርክቴክቸር ኤንድ አርባን ፕላኒንግ፣ በሶሲዮሎጂና በሶሻል አንትሮፖሎጂ፣በክሊኒካል ነርሲንግና በሌሎችም ዘርፎች ያሰለጠናቸውን ተማሪዎች የሚድሮክ ሊቀመንበር ዶ/ር ሼህ መሀመድ አሊ አላሙዲንና የሚድሮክ ቴክኖሎጂ ግሩፕ ቺፍ ኤክስኪዩቲቭ ኦፊሰርና የዩኒቲ ዩኒቨርሲቲ ፕሬዚዳንት ዶ/ር አረጋ ይርዳው በተገኙበት አስመርቋል፡፡ ዩኒቨርስቲው በተለያዩ የትምህርት ዘርፎች የላቀ ውጤት ላመጡ ተማሪዎች ሽልማት ሰጥቷል፡፡ በሌላ በኩል፤በየአመቱ ከማህበረሰቡ ውስጥ በአርአያነት የሚመረጡ ግለሰቦችንም ይሸልማል፡፡ ዘንድሮም የቱሪዝም አባት ተብለው የሚጠሩት አቶ ሀብተስላሴ ታፈሰ፣ የማስታወቂያ ባለሙያው የትውልዱ አምባሳደር አቶ ውብሸት ወርቃለማሁና በዩኒቲ ዩኒቨርሲቲ በተባባሪ ፕሮፌሰርነት ማዕረግ፣ የዩኒቨርሲቲው አርክቴክቸርና ኸርባን ዴቨሎፕመንት መምህር ዶ/ር ፈረደ በፍቃዱ የሊቀመንበሩን ዋንጫና የወርቅ ሜዳሊያ ከሼህ መሀመድ አሊ አላሙዲ እጅ ተቀብለዋል፡፡ በተመሳሳይ ዩኒቲ ዩኒቨርስቲ በደሴ ልዩ ካምፓስ በተለያዩ የትምህርት ዘርፎች ያሰለጠናቸውን ከመቶ
ዜድቲኢ ለሶስተኛ ጊዜ በጉለሌ ከተማ ዛፍ ተከላ አካሄደ
ዓለምአቀፉ የቴሌኮምና የኔትወርክ ኩባንያ ዜድቲኢ፤ ዘንድሮ ለሶስተኛ ጊዜ በጉለሌ ክ/ከተማ ከ2 ሺ በላይ ዛፎችን ተከለ፡፡ በዛፍ ተከላው ላይ በኢትዮጵያ የቻይና የንግድና ኢኮኖሚ አማካሪ ወ/ሮ ሊዮ ዩን እና የዜድቲኢ ኢትዮጵያ ምክትል ዳይሬክተር ሚስተር ሊ ጉዋንግ ዮንግን ጨምሮ ከ200 በላይ የኩባንያው የውጭና የአገር ውስጥ ሰራተኞች ተሳትፈዋል፡፡ ‹‹Green Action Tree Planting›› በሚል መሪ ቃል በተካሄደው በዚህ የዛፍ ተከላ ላይ ምክትል ዳሬክተሩ ባደረጉት ንግግር፤ ዜድቲኢ ባለፉት 16 ዓመታት በቴሌኮም ማስፋፋት፣ በኔትወርክ ዝርጋታና በተለያዩ ማህበራዊና በጎ አድራጎት ስራዎች በመሳተፍ፣ የኢትዮጵያ መንግስት አጋር መሆኑን ጠቅሰው ባለፉት ሶስት አመታት የኢትዮጵያን የአረንጓዴ ልማት ስትራቴጂ ለመደገፍ የዘንድሮን ጨምሮ ከስድስት ሺህ በላይ ዛፎችን መትከሉን ገልፀዋል፡፡ የቻይና ብሄራዊ ቀን በየአመቱ ማርች 12 እንደሚከበር ጠቁመው፣ የቻይና ህዝብ ተፈጥሮን ለመጠበቅ ዛፍ እንደሚተክል የተናገሩት ምክትል ዳሬክተሩ፤ይህ አይነት ተግባር በኢትዮጵያም ሊበረታታ እንደሚገባው ተናግረዋል፡፡ የዛሬው የዛፍ ተከላ ቀን ለቻይናም ሆነ ለኢትዮጵያ ትርጉም ያለው ነው ያሉት አማካሪዋ፤ኢትዮጵያ በጣም ቆንጆ አገር እንደመሆኗ ውበቷንና ተፈጥሮዋን በመጠበቅ ይበልጥ እንድትዋብ፣ ዛፍ
የጤፍ ዱቄትን ከጀሶና ሰጋቱራ ጋር ቀላቅለው እንጀራ የሚጋግሩ በየአካባቢው እየተያዙ ነው
- ትላንት በልደታ ክ/ከተማ 5 ተጠርጣሪዎች ተይዘዋል- ወንጀሉ ላለፉት 5 ዓመታት በከተማዋ በድብቅ ሲፈፀም ቆይቷል- እንጀራው 30 በመቶ ጤፍ፣ 70 በመቶ ጀሶና ሰጋቱራ ተቀላቅሎ ይጋገራል- ሀኪሞች፤ ጀሶና ሰጋቱራ በጉበትና ኩላሊት ላይ ከፍተኛ ጉዳት ያደርሳል አሉ- በሁሉም ክፍለ ከተሞች ድርጊቱ እንደሚፈፀም ለማወቅ ተችሏል በአዲስ አበባ ከተማ የተለያዩ ክፍለ ከተሞች ጥቂት የጤፍ ዱቄትን ከጀሶ፣ ከሰጋቱራና ከደረቀ እንጀራ ዱቄት ጋር በመቀላቀል እየጋገሩ፣ ለገበያ የሚያቀርቡ ሰዎች ከየአካባቢው በቁጥጥር ሥር እየዋሉ ነው፡፡ እስከ አሁን በአቃቂ ቃሊቲ፣ በልደታ፣ በንፋስ ስልክ ላፍቶና በኮልፌ ቀራንዮ ክፍለ ከተሞች እንዲሁም በሰበታ ከተማ ውስጥ በተመሳሳይ ድርጊት ላይ የተሰማሩ ህገወጦች መያዛቸው ታውቋል፡፡ በትላንትናው ዕለት በልደታ ክ/ከተማ በተመሳሳይ ድርጊት ላይ የተሰማሩ 5 ተጠርጣሪዎችን ፖሊስ በቁጥጥር ስር አውሏል፡፡ ህገወጦቹ 30 በመቶ የጤፍ ዱቄት፣ ቀሪውን 70 በመቶ ደግሞ ጀሶ፣ ሰጋቱራና የደረቅ እንጀራ ዱቄት በመቀላቀል እየጋገሩ ለሆቴሎች፣ ለሱፐር ማርኬቶች፣ ለሱቆችና ለምግብ ቤቶች በስፋት ሲያከፋፍሉ ቆይተዋል፡፡ ድርጊቱ በከተማዋ በሁሉም ክፍለ ከተሞች እየተፈፀመ እንደሚገኝና የተፈጨውን ሰጋቱራና የጀሶ ዱቄት
በመጪው ቅዳሜ የ39 ሺ ቤቶች እጣ ይወጣል
የቤት እድለኞች፤ ከ14 ሺ - 95 ሺ ብር ቅድመ ክፍያ ይጠበቅባቸዋልእጣው የሚወጣው በ97 ዓ.ም ለተመዘገቡ ነውየ10/90 ሁሉም ተመዝጋቢዎች፣የቤት ባለ ዕድል ይሆናሉከ6 ወር በላይ ቁጠባ ያቋረጠ፣ እጣ ውስጥ አይገባም20 በመቶ ቅድመ ክፍያና የቤቶቹ ዋጋ ዝርዝር የዛሬ ሳምንት ቅዳሜ 39ሺህ ቤቶች ዕጣ ከሚወጣባቸው ቤቶች መካከል ግማሾቹ በ10/90 ለተመዘገቡ ነዋሪዎች የተገነቡ ቤቶች ሲሆኑ፤ ሌሎቹ ቤቶች በ1997 ዓ.ም ተመዝግበው ሲጠባበቁ ለነበሩ ነዋሪዎች የተመደቡ ናቸው፡፡ ለ10/90 የተመዘገቡ ሁለት ሺ ነዋሪዎች የቁጠባ ሂሳብ መክፈል በማቋረጣቸው እጣ ውስጥ አይገቡም ተብሏል፡፡ ቁጠባ ያላቋረጡ 19 ሺ ተመዝጋቢዎች ግን ሁሉም፣ ቤት ያገኛሉ - ለሁሉም የሚበቃ ቤት ተገንብቷል፡፡ ከ850 ሺ የሚበልጠው አብዛኛው ቤት ፈላጊ ግን የ97 ዓ.ም ነባር ተመዝጋቢዎች ናቸው፡፡ ለእነዚህ ወደ ሃያ ሺ ገደማ ቤቶች ቀርበዋል፡፡ ግን ሁሉም ነባር ተመዝጋቢ እጣ ውስጥ አይገባም፡፡ ቢያንስ ለ29 ወራት የቁጠባ ሂሳብ የከፈሉ ተመዝጋቢዎች ናቸው እጣ ውስጥ የሚገቡት ተብሏል፡፡ ለስቱዲዮ 4,379 ብር፣ ለባለ አንድ መኝታ 7,946 ብር፣ ለባለ ሁለት መኝታ 16ሺ269 ብር እንዲሁም ለባለ
መንግስት ቤት ለፈረሰባቸው ተለዋጭ ቤት መስጠት አለበት – የህግ ባለሙያዎች
“በወረዳ አመራሮች የሚሰሩ ስህተቶች መንግስትን ከፍተኛ ዋጋ እያስከፈለው ነው” መንግስት ‹‹ህገ ወጥ›› ያላቸውን ቤቶች ያፈረሠበት መንገድ በአለማቀፍ የሠብአዊ መብቶች ድንጋጌና በህግ ተቀባይነት እንደሌለው የገለጹ የህግ ባለሙያዎች፤ድርጊቱ የህግ ተጠያቂነትን ሊያስከትል እንደሚችል ተናገሩ፡፡ ቤታቸው ለፈረሰባቸው ዜጎች፣መንግስት ተለዋጭ ቤት መስጠት አለበትም ብለዋል - የህግ ባለሙያዎቹ፡፡ ዓለማቀፍ የሲቪልና የፖለቲካ መብቶች ስምምነት፤ማንኛውም ሰው ደህንነቱ እንዲጠበቅና መኖሪያ ቤቱ እንዲከበር በፅኑ ይደነግጋል ያሉት አለማቀፍ የህግ ባለሙያው ዶ/ር ያዕቆብ ወ/ማርያም፤በተለያዩ የሠብዓዊ መብት ስምምነቶች፣ የመኖሪያ ቤት ጉዳይ በዋናነት ጥበቃ የሚደረግለት መሆኑን ይገልጻሉ፡፡ ‹‹ሠዎች ህገ-ወጥ ቤት ቢሠሩ እንኳን ቤቶቹ ሲሠሩ በዝምታ የታለፉ እንደመሆናቸው በድጋሚ አይፈርሱም›› ያሉት ዶ/ር ያዕቆብ፤ ‹‹በተለያዩ ሃገራት በህገ ወጥ መንገድ ቤት የሠሩ ሰዎች ካሳ ከፍለው ቤቱ ህጋዊ ይሆንላቸዋል” ሲሉ የሌሎች አገራትን ተመክሮ ጠቅሰዋል፡፡ በቅርቡ የአዲስ አበባ አስተዳደር ያፈረሳቸው ቤቶች አፈራረስም የኢትዮጵያንም ሆነ ዓለማቀፍ የሠብዓዊ መብት ድንጋጌዎችን የጣሰና ዜጎችን ያለ አግባብ ለእንግልት የዳረገ ነው የሚሉት የህግ ባለሙያው፤ ‹‹የከተማ አስተዳደሩ የግድ ማፍረስ አለብኝ ካለም በቅድሚያ ቤት ሊያዘጋጅላቸው ወይም ቤት
በኦሮሚያ የተለያዩ አካባቢዎች ተቃውሞና ግጭት አገርሽቷል
- “አውዳሚ የሆኑ ኃይሎች የፈጠሩት እንጂ የህዝብ ተቃውሞ አይደለም”- “የተደራጀ ጥያቄ ስላልቀረበ በጎንደር ሠላማዊ ሰልፍ አይኖርም” የክልሉ መንግስት በኦሮሚያ ክልል የተለያዩ ዞኖችና ወረዳዎች ባለፉት ሁለት ሳምንታት ተቃውሞ አገርሽቶ፣ አለመረጋጋቶችና ግጭቶች አይለው መሰንበታቸው የተጠቆመ ሲሆን መንግስት የማረጋጋት ስራዎች እየተሠሩ መሆኑን አስታውቋል፡፡ በክልሉ አርሲ ዞን ዶዶላ፣ አሣሣ፣ በቆናጂ ከተሞች፣ በምዕራብ ሃረርጌ እንዲሁም በምዕራብ ሸዋ አካባቢ ነዋሪዎች ካለፈው ሠኞ ጀምሮ ወደ የከተሞቹ የሚያስገቡ መንገዶችን በድንጋይ በመዘጋጋት ተቃውሞአቸውን ሲገልፁ እንደነበር ምንጮች ጠቁመዋል፡፡ ከአርሲ ወደ ባሌ የሚሄደው ዋናው መንገድም እስከ ትናንት በስቲያ ድረስ ተዘግቶ እንደነበር ምንጮች ለአዲስ አድማስ የጠቆሙ ሲሆን በተቃውሞው ላይ የክልሉን መንግስት የሚያወግዙ መፈክሮች መስተጋባታቸው ታውቋል፡፡ የፀጥታ ሐይሎች ተቃውሞውን ለማብረድ በአብዛኛው የአስለቃሽ ጭስ ሲጠቀሙ እንደነበር የገለፁት ነዋሪነታቸው በአርሲ ዶዶላ የሆነ ምንጮች፤ በፀጥታ ሃይሎችና በተቃዋሚዎች መካከል የከፋ ግጭት አለመከሰቱን ጠቁመዋል፡፡ከሠሞኑ በተጠቀሱት አካባቢዎች ችግሮችን መፈጠራቸውን ያረጋገጡት የመንግስት ኮሚኒኬሽን የህዝብ ግንኙነት ሃላፊ አቶ መሃመድ ሰዒድ፤ “በየአካባቢዎቹ ተደራጅተው አውዳሚ የሆነ እንቅስቃሴ የሚያደርጉ ሃይሎች የፈጠሩት ችግር እንጂ የህዝብ
750 ታክሲዎች አገልግሎት መስጠት ሊጀምሩ ነው
በኪ.ሜ የሚያስከፍሉ ናቸው ተብሏል በአዲስ አበባ በኪሎ ሜትር የሚያስከፍሉ 750 ታክሲዎች በአንድ ወር ጊዜ ውስጥ አገልግሎት መስጠት እንደሚጀምሩ ተገለጸ፡፡ መንግስት በትናንሽ ታክሲዎች አገልግሎት ላይ የተሠማሩ ባለንብረቶች፣ ዘመናዊ ተሽከርካሪ ከቀረጥ ነጻ እንዲያስገቡ ያወጣውን መመሪያ ተከትሎ፣ከ800 በላይ የሆኑ ግለሠቦች በጋራ በመደራጀት፣የተሽከርካሪዎቹን ግዢ ከቻይናው ሊፋን ሞተርስ ጋር መፈጸማቸውን ተወካዮቹ ለአዲስ አድማስ አስታውቀዋል፡፡ እያንዳንዳቸው 4 ተሣፋሪዎችን የመጫን አቅም ያላቸው ሊፋን 530 የተሠኙ 750 ተሽከርካሪዎች ተገዝተው ወደ ሃገር ውስጥ በመግባት ላይ መሆናቸውን የገለፁት ተወካዮቹ፤ በአንድ ወር ጊዜ ውስጥ በመላዋ አዲስ አበባ መንግስት በሚያወጣውና በሚቆጣጠረው ታሪፍ አገልግሎት መስጠት እንደሚጀምሩ ጠቁመዋል፡፡ አገልግሎቱን ለመስጠት የሚያስችል በዘመናዊ ማዕከል የተደራጀና የእያንዳንዱን ተሽከርካሪ የጉዞ ደህንነት የሚያረጋግጥ አክሲዮን ማህበር መቋቋሙን የገለፁት ተወካዮቹ፤ተሽከርካሪዎቹ ኢንሹራንስ የተገባላቸው በመሆኑ ለተሣፋሪዎች ዋስትና ይሰጣሉ ብለዋል፡፡ ተሽከርካሪዎቹ ዘመኑ የደረሰበትን የታክሲ አገልግሎት እንዲሠጡ ተደርገው የተዘጋጁ መሆኑን ያስረዱት ተወካዮቹ፤መንግስት በሚያወጣው ታሪፍ በኪሎ ሜትር ከማስከፈላቸውም በላይ ጂፒ ኤስ የተገጠመላቸው በመሆኑ በተሽከርካሪዎቹ አገልግሎት ላይ ቁጥጥር ለማድረግ ያስችላል ብለዋል፡፡ የታክሲ አገልግሎት የሚፈልግ ተጠቃሚ፣ አገልግሎቱ
መሰቦ ሲሚንቶ ደንበኞቹን ሸለመ
የደንበኞች ቀንን ለ3ኛ ጊዜ ያከበረው መሰቦ ሲሚንቶ ፋብሪካ፤የገበያ ድርሻዬን አሳድገውልኛል ፣አጋርም ሆነውኛል ያላቸውን ደንበኞቹን ባለፈው ቅዳሜ ሐምሌ 16 ቀን፣ በባህር ዳር ከተማ ሸለመ፡፡ የሲሚንቶ ምርቶቹን በማጓጓዝና ምርቶቹን በመጠቀም ሁነኛ ደንበኞቼ ናቸው ያላቸውን በርካታ ድርጅቶች ፋብሪካው በተለያዩ ደረጃዎች የሸለመ ሲሆን በትራንስፖርት ዘርፍ የላቀ ተሸላሚ በመሆን ትራንስ ኢትዮጵያ ተጠቃሽ ነው፡፡ ምርቶቹን በማስፋፋት ደግሞ ጉና ትሬዲንግ ተሸልሟል፡፡ ምርቶቹን በመጠቀም የላቀ ሽልማት ከተሰጣቸው መካከል የአዲስ አበባ ቤቶች ግንባታ ፅ/ቤትና የህዳሴውን ግድብ የሚገነባው ሳሊኒ ኮንስትራክሽን በግንባር ቀደምትነት ይጠቀሳሉ፡፡ የፋብሪካው ስራ አስኪያጅ አቶ ክብረአብ ተወልደ፤ፋብሪካው ዋነኛ ችግሩ ምርቶቹን በራሱ ትራንስፖርት ማጓጓዝ አለመቻሉ መሆኑን ጠቅሰው፣ በቀጣይ በራሱ ትራንስፖርት ለማጓጓዝ 200 ተሽከርካሪዎችን በ877 ሚሊዬን ብር መግዛቱን ተናግረዋል፡፡ እስካሁን ፋብሪካው ምርቶቹን የሚያሰራጨው ከግል ትራንስፖርት ሰጪዎች ጋር ውለታ በመግባት እንደነበርም ሥራ አስኪያጁ አውስተዋል፡፡ መሰቦ ሲሚንቶ፤ ግልገል ጊቤ 1, 2 እና 3 እንዲሁም ታላቁ ህዳሴ ግድብን ጨምሮ ለመንግስት የተለያዩ ቤቶች ግንባታ ፕሮጀክቶች ምርቶቹን እያቀረበ ሲሆን በሀገሪቱ የገበያ ድርሻውም ወደ 24 በመቶ
2 ኢትዮጵያውያን ስደተኞች በግብጽ ራሳቸውን አቃጠሉ
ላቀረብነው የጥገኝነት ጥያቄ ተገቢ ምላሽ አልተሰጠንም በሚል በግብጽ ከሚገኘው የተባበሩት መንግስታት ድርጅት የስደተኞች ከፍተኛ ኮሚሽን ቢሮ ፊት ለፊት ባለፈው ማክሰኞ ተቃውሞ ካሰሙ ኢትዮጵያውያን ስደተኞች መካከል ሁለቱ ራሳቸውን በእሳት ማቃጠላቸውን ‹‹ዴይሊ ኒውስ ኢጂፕት›› ዘገበ፡፡የጥገኝነት ጥያቄ አቅርበው ምላሹን ሲጠባበቁ የቆዩ የኦሮሞ ተወላጆች እንደሆኑ የተነገረላቸው ሁለቱ ኢትዮጵያውያን ስደተኞች፤ 6ኛው ኦክቶበር ሲቲ በሚባለው አካባቢ ከሚገኘው የኮሚሽኑ ቢሮ ፊት ለፊት ራሳቸውን በእሳት አቃጥለዋል ያለው ዘገባው፣ ኢትዮጵያውያኑ ድርጊቱን የፈጸሙት በግብጽ የሚገኙ የኦሮሞ ተወላጆች የጥገኝነት መብታቸው እንዲከበር ካደረጉት ተቃውሞ ጋር በተያያዘ ነው መባሉን ገልጧል፡፡የተባበሩት መንግስታት ድርጅት የስደተኞች ከፍተኛ ኮሚሽን ረቡዕ ዕለት ባወጣው መግለጫ፤ በተቃውሞው ወቅት ለህልፈተ ህይወት በተዳረገቺው አንዲት የኦሮሞ ተወላጅ ሞት የተሰማውን ሃዘን እንደገለጸ የጠቆመው ዘገባው፤ ይሄም ሆኖ ግን ኮሚሽኑ ሟቿ የሁለት ልጆች እናት መሆኗን ከመጥቀስ ውጭ ለህልፈተ ህይወት የተዳረገቺው ራሷን አቃጥላ ስለመሆኑ በግልጽ ያለው ነገር እንደሌለ ገልጧል፡፡“በግብጽ የሚገኙ ጥገኝነት ጠያቂዎች ቁጥር ከፍተኛ ከመሆኑ ጋር በተያያዘ፣ የአቀባበል ስርዓቱ ረጅም ጊዜን የሚወስድ መሆኑ፤ በጥገኝነት ጠያቂ ስደተኞች ላይ
የኢትዮጵያ ፖስታ አገልግሎት ድርጅት፤ በህንጻዎች ተንበሸበሸ
• ከ60 ሚ.ብር በላይ በሆነ ወጪ ያስገነባቸውን 4 ህንጻዎች ተረክቧል• የአዲስ አበባን ጨምሮ በ4 ከተሞች ተጨማሪ ህንፃዎች እያስገነባ ነው የኢትዮጵያ ፖስታ አገልግሎት ድርጅት የአገልግሎት መስጪያ ጣቢያዎችን ደረጃ ለማሳደግ ባስቀመጠው መርሐ ግብር መሰረት፤ በተለያዩ የሀገሪቱ ክፍሎች ህንፃዎችን በማስገንባት ላይ ሲሆን በአራት ከተሞች ከ60 ሚ. ብር በላይ በሆነ ወጪ ያስገነባቸውን ህንፃዎች መረከቡን አስታውቋል፡፡ በአርባ ምንጭ ባለ ሁለት ወለል፤ በወልቂጤ፣ በነቀምትና በወሊሶ ከተሞች ባለ ሦስት ወለል ህንፃዎች ነው፤የፖስታ አገልግሎት ድርጅት ያስገነባው፡፡ በተጨማሪም በአዲስ አበባ በቱሪስት ሆቴል አካባቢ ባለ አራት ወለል፤ በሽሬ ባለ ሦስት ወለል፣ በደብረ ታቦር ባለ ሦስት ወለል፣ በወልዲያ ባለ ሦስት ወለል ህንፃ በአጠቃላይ በ45 ሚ. ብር የ4 ሕንፃዎች ግንባታ በማካሄድ ላይ የሚገኝ ሲሆን ግንባታዎቹ በመጪው ዓመት ይጠናቀቃሉ ተብሎ ይጠበቃል፡፡ በተመሳሳይ፤በአዳማ ባለ ሰባት ወለል፣ በአሰላ ባለ አምስት ወለል፣ በጂግጂጋ ባለ አራት ወለል ህንጻዎችን ለማስገንባትም በዝግጅት ላይ መሆኑን ያስታወቀው ድርጅቱ፤በቀጣይም በአዲግራት፣ በዝዋይ፣ በአላማጣና በአሰበ ተፈሪ ከተማዎች የሕንፃ ግንባታ ለማካሄድ ማቀዱን ጠቁሟል፡፡ ርክክብ የተፈጸመባቸውም
ለ9 ቀናት የረሃብ አድማ ላይ የነበሩ የሽብር ተከሳሽ ፖለቲከኞች መመገብ ጀምረዋል
በማረሚያ ቤት አያያዝ ተበድለናል ያሉት የሽብር ተካሳሾቹ የአሮሞ ፌደራሊስት ኮንግረንስ አመራሮችና የሠማያዊ ፓርቲ አባላት ላለፉት 9 ቀናት የረሃብ አድማ ያደረጉ ሲሆን ከማረሚያ ቤቱ ሃላፊዎች ጋር ከተነጋገሩ በኋላ ትናንት መመገብ መጀመራቸውን የረሃብ አድማ ካደረጉት አንዱ የሆኑት የሰማያዊ ፓርቲ የህዝብ ግንኙነት ሃላፊ አቶ ዮናታን ተስፋዬ ለፍ/ቤት አስረድተዋል፡፡መንግስት በኦሮሚያ ከተቀሠቀሰው ግጭትና ተቃውሞ ጋር በተያያዘ በሽብር ወንጀል ጠርጥሬያቸዋለሁ ሲል ክስ ያቀረበባቸውና በቂሊንቶ ማረሚያ ቤት የሚገኙት የአፌኮ ተ/ም/ሊቀ መንበር አቶ በቀለ ገርባን ጨምሮ የፓርቲ አመራሮች፡- አቶ ገርሣ አያኖ፣ አቶ ደጀኔ ጠፋ እና አቶ አዲሱ ቡላላ እንዲሁም የሰማያዊ ፓርቲ አመራርና አባላት አቶ ዮናታን ተስፋዬ፣ በሌላ ጉዳይ በሽብር የታሰሩት አቶ ብርሃኑ ተ/ያሬድ፣ አቶ ፍቅረ ማርያም አስማማውና ማስረሻ ሰጠኝ በረሃብ አድማ ላይ መሠንበታቸው ታውቋል፡፡ተከሳሶቹ “በማረሚያ ቤቱ ከሌሎች እስረኞች ተለይተን በጨለማ ክፍል ውስጥ መታሠር የለብንም፤ በቤተሰብም እንዳንጠየቅ ተደርገናል” በሚል የረሀቡን አድማ ላለፉት ማድረጋቸውን የአቶ ዮናታን ተስፋዬ ጠበቃ አቶ ሽብሩ በለጠ ለአዲስ አድማስ አስረድተዋል፡፡ የረሃብ አድማውን ካደረጉት መካከል ትናንት ፍ/ቤት
ከንቲባውን ጨምሮ የከተማዋ ባለስልጣናት በቆሻሻው ጉዳይ በስብሰባ ተወጥረዋል
የአዲስ አበባ ከተማ ከንቲባ አቶ ድሪባ ኩማን ጨምሮ ዋና ዋና የከተማዋ ባለስልጣናት፤ በተለያዩ አካባቢዎች ከሳምንት ባላይ ሳይነሱ ለቆዩት የደረቅ ቆሻሻ ክምችቶች መፍትሄ ለማግኘት በስብሰባ ተወጥረው መሰንበታቸው ተገለፀ፡፡ በጉዳዩ ላይ የአስተዳደሩን ማብራሪያ ለማግኘት ወደ ከንቲባው ቢሮ በተደጋጋሚ ስልክ ብንደውልም፤ “ኃላፊዎቹ ከቢሮ ውጪ በኦሮሚያ ክልል በስብሰባ ላይ ናቸው” በሚል ሙከራችን ሳይሳካ ቀርቷል፡፡በኦሮሚያ ክልል ሰንደፋ ከተማ አካባቢ በአንድ ቢሊዮን ብር ወጪ የተገነባው የደረቅ ቆሻሻ ማጠራቀሚያ ውስጥ የአዲስ አበባ ቆሻሻ እንዳይጣል በአካባቢው አርሶአደሮች መከልከሉን ተከትሎ ከሐምሌ 7 ቀን 2008 ዓ.ም ጀምሮ የከተማዋን ቆሻሻ ወደ ስፍራው ወስዶ መጣል አልተቻለም። ይሄን ተከትሎ በከተማዋ የተለያዩ አካባቢዎች (ዋና ዋና ጎዳናዎችና አደባባዮችን ጨምሮ) የቆሻሻ ክምር ተቆልሎ ሰንብቷል፡፡ በሳምንቱ አጋማሽ ላይ የከተማዋ አስተዳደር ከኦሮሚያ ክልል ባለስልጣናት ጋር ሲያደርግ የነበረው ውይይትና ድርድር ሳይሳካ መቅረቱ የተገለፀ ቢሆንም ባለስልጣናቱ ትላንት ድረስ በዚሁ ጉዳይ በስብሰባ ላይ እንደነበሩ ከንቲባው ፀሃፊ ለማወቅ ተችሏል፡፡ ከሳምንት በላይ በየአካባቢው ተጠራቅሞ የቆየው የደረቅ ቆሻሻ፤ ነዋሪውን ለከፍተኛ የጤና ችግር እየዳረገው መሆኑን
የአተት ወረርሽኝ በቀጣዮቹ ሳምንታት ይባባሳል ተባለ
- በከተማዋ 80 ሆቴሎችና 12 የጤና ተቋማት ታሸጉ- 10 ሺ ኪሎ ምግብና 1200 ኪሎ ሥጋ ተወገደ በአዲስ አበባ ሰኔ 2 ቀን 2008 ዓ.ም መከሰቱ በይፋ በተገለፀው የአተት በሽታ የሚያዙ ነዋሪዎች ቁጥር እየጨመረ መምጣቱ የተገለፀ ሲሆን በሽታው በወረርሽኝ መልክ ሊከሰት እንደሚችልና በቀጣዮቹ ሳምንታት እንደሚባባስ የዩኤን የረድኤት ማስተባበሪያ አስታወቀ፡፡ በሽታው ከጎርፍ መከሰት ጋር ተያይዞ የሚስፋፋ መሆኑን የጠቆመው መረጃው፤ በመጪው ነሀሴ ወር ሊባባስ እንደሚችል አስታውቋል፡፡ በሌላ በኩል በከተማዋ ለህብረተሰቡ ንፅህና የጎደለው አገልግሎት ሲሰጡ ተገኝተዋል የተባሉ ከ80 በላይ ሆቴሎችና ምግብ ቤቶችን ማሸጉን የአዲስ አበባ ከተማ አስተዳደር የምግብ፣ መድሃኒትና ጤና ክብካቤ ቁጥጥር ባለስልጣን ገልጿል፡፡ሰሞኑን በመዲናዋ የተለያዩ አካባቢዎች በሚገኙ ሆቴሎችና ምግብ ቤቶች ላይ ድንገተኛ ፍተሻና ቁጥጥር ሲያካሄድ መሰንበቱን የጠቆመው ባለሥልጣን መ/ቤቱ፤ የመመገቢያና የማብሰያ ዕቃዎቻቸው ንፅህና በአግባቡ ያልተያዘ፣ በቆሻሻ አወጋገድ ሥርዓታቸው ላይ ጉድለት የተገኘባቸውና ንፅህናውን የጠበቀ የምግብና መጠጥ አገልግሎት አልሰጡም ያላቸውን ከ80 በላይ ምግብ ቤቶች፤ ሆቴሎችና መጠጥ ቤቶች ማሸጉን አስታውቋል። በፍተሻው ወቅት የተገኙና ከአተት በሽታ ጋር ተያይዞ
ተቃዋሚዎች፤ የሀገሪቱ ወቅታዊ ችግሮች አሳሳቢ ሆነዋል አሉ
· ኢዴፓ የብሄራዊ እርቅ መድረክ እንዲፈጠር ጠየቀ የአገሪቱን ወቅታዊ ችግሮች በመጥቀስ መንግስት አፋጣኝ መፍትሄ ማበጀት እንዳለበት የገለፁት ተቃዋሚ ፓርቲዎች፤ ችግሮቹ አሳሳቢ ደረጃ ላይ ደርሰዋል ሲሉ አስጠነቀቁ የመላ ኢትዮጵያውያን አንድነት ድርጅት (መኢአድ) ለጠቅላይ ሚኒስትር ኃይለማርያም ደሳለኝና ለፕሬዚዳንት ዶ/ር ሙላቱ ተሾመ በፃፈው ደብዳቤ፤ የሀገሪቱን ወቅታዊ ሁኔታ በጥልቀት መገምገሙን ጠቅሶ፤ መንግስት በመላ ሀገሪቱ ሰላምና ዲሞክራሲ በማስፈን፣ ለህዝቡ የተረጋጋ ህይወት ማስፈን አልቻለም ብሏል፡፡ በኦሮሚያ የተፈጠረው ግጭትና ተቃውሞ፣ በሰው ህይወትና ንብረት ላይ ላደረሰው ጥፋት እስካሁን ዘላቂ መፍትሄ አለመቀመጡን የጠቀሰው ፓርቲው፤ በአማራ ክልልም በወልቃይት የአማራ ማንነት ጥያቄ መነሻነት የተፈጠረው ግጭት በተመሳሳይ መልኩ ለሰው ህይወት መጥፋትና ለብረት መውደም ምክንያት መሆኑ ተገቢ አይደለም ብሏል፡፡ በአዲስ አበባ የተለያዩ ክ/ከተሞች ህገ ወጥ እየተባሉ ቤቶች በመፍረሳቸው፣ ዜጎች ያለ መጠለያ መቅረታቸውን ያወገዘው መኢአድ፤ ለእነዚህ ወቅታዊ ችግሮች መንግስት አፋጣኝ መፍትሄ እንዲፈልግ ጠይቋል፡፡ ፓርቲው ከጠቅላይ ሚኒስትሩና ከፕሬዚዳንቱ በተጨማሪም ለህዝብ ተወካዮች ም/ቤትና ለፌደሬሽን ም/ቤት አፈጉባኤዎችም ደብዳቤውን እንደላከ ገልጿል፡፡ ፓርቲው እነዚህን በመሳሰሉ ወቅታዊ ችግሮች ላይ ለጠቅላይ
ዶሮ የወባ በሽታ መከላከያ ሆናለች
የኢትዮጵያና የስዊድን ሳይንቲስቶች ለወባ በሽታ አማጭ ትንኝ መከላከያ ያገኙት የምርምር ውጤት አነጋጋሪ ሆኗል፡፡ በህይወት ያለች ዶሮ መኝታ አጠገብ ማስቀመጥ የወባ ትንኝን ድርሽ እንዳይል ያደርጋል ብለዋል፤ ተመራማሪዎቹ፡፡ ከዶሮና ከወፎች የሚወጣው የተፈጥሮ ሽታ ለወባ ትንኝ ጠላቷ ነው ያሉት ተመራማሪዎቹ በየዓመቱ በአፍሪካ ወደ ግማሽ ሚሊዮን ህዝብ ለሚገድለው የወባ በሽታ ፍቱን መፍትሄ ይሆናል ብለዋል፡፡ ቢቢሲ ተመራማሪዎቹን ተጠቅሶ እንደዘገበው፤ በምዕራብ ኦትዮጵያ ወባማ አካባቢ ፍቃደኛ በሆኑ ግለሰቦች መኖሪያ ቤት መኝታ አጠገብ፣ ዶሮ በማስቀመጥ ያደረጉት ሙከራ የተሳካ ነበር ብሏል፡፡ የወባ ትንኝ የሚያባርረው የዶሮ ወይም የወፍ ጠረን መሆኑን ደርሰንበታል ያሉት ተመራማሪዎቹ የምርምር ውጤቱን በሰፊው ለመሞከር በሂደት ላይ መሆናቸውን አስታውቀዋል፡፡ የምርም ቡድኑ አባልና የአዲስ አበባ ዩኒቨርሲቲ ተመራማሪ የሆኑት አቶ ሀብቴ ተክኤ፤ ከዶሮዎች የሚወጣውን ጠረን በመውሰድ የመከላከያ መንገድ ለማበጀት እየተሞከረ ነው ብለዋል፡፡ ዶሮዎች በብዛት ባሉበት አካባቢ የወባ ትንኝ መጠን እንደሚቀንስ ማስተዋላቸውን ተከትሎ የምርምር ስራቸውን በጥልቀት ማከናወን መቀጠላቸውን ተመራማሪዎቹ ለቢቢሲ ገልፀዋል፡፡
የታላቁ የቲያትር ባለሙያ አባተ መኩሪያ፣ የቀብር ሥነ ስርዓት ተፈፀመ
የኢትዮጵያ የቴያትር አባት እየተባለ የሚጠራውና በተወለደ በ72 አመቱ ከትናንት በስቲያ ከዚህ አለም በሞት የተለየው፣ የአንጋፋው የቲያትር አዘጋጅ የአባተ መኩሪያ የቀብር ስነ ስርዓት ትናንት በቅድስት ሥላሴ ካቴድራል ተፈፀመ፡፡ በዘመናዊ የኢትዮጵያ ቴአትር ፈር ቀዳጅነቱ የሚታወቀው አባተ መኩሪያ፤ ከጥቂት ወራት በፊት በጠና ታምሞ አገር ውስጥ የቀዶ ጥገና ህክምና ቢደረግለትም፣ ጤናው ሊመለስ ባለመቻሉ ለተሻለ ህክምና ወደ ግብጽ ሄዶ ነበር፡፡ ከወር በፊት ህክምናውን ተከታትሎ ወደ አገሩ የተመለሰው አባተ መኩሪያ፣ በቅርቡ በገጠመው የፕሮስቴት እጢ፣ አዲስ ህይወት ሆስፒታል ገብቶ ህክምና ቢደረግለትም ህይወቱን ማትረፍ ባለመቻሉ ከትናንት በስቲያ ሐምሌ 13 ቀን 2008 ዓ.ም ምሽት ላይ ህይወቱ አልፏል፡፡ ህዳር 10 ቀን 1936 ዓ.ም በአዲስ አበባ አቧሬ ተብሎ የሚጠራው ሰፈር አካባቢ የተወለደው ፀሃፌ-ተውኔት፣ የፊልም ዳይሬክተርና የቴአትር አዘጋጅ የነበረው አባተ መኩሪያ፤ በአዲስ አበባ ዩኒቨርሲቲ የቴአትር ጥበባት ትምህርት ክፍል ለአምስት ዓመታት በመምህርነት ያገለገለ ሲሆን፣ በብሄራዊ ቲያትር በአርት ዳይሬክተርነት፣ በአዲስ አበባ ባህል ማዕከል በዋና ሥራ አስኪያጅነትና በኢትዮጵያ ቴሌቪዥን በመዝናኛ ክፍል፣ በከፍተኛ አዘጋጅነት ሰርቷል፡፡ ሀሁ
“በአቃቂ 15 ሺህ ቤቶች ይፈርሳሉ”
በንፋስ ስልክ ላፍቶ ክ/ከተማ ቤታቸው የፈረሰባቸው ተፈናቃዮች፣ “ሜዳ ላይ ወድቀናል” ሲሉ እያማረሩ ሲሆን በአቃቂ ቃሊቲ ክ/ከተማ ከረቡዕ ጀምሮ “ህገ ወጥ” የተባሉ ቤቶች እየፈረሱ ነው፡፡ በላፍቶ ከሚፈርሱ 20 ሺህ ቤቶች በተጨማሪ በአቃቂ 15 ሺህ ቤቶች እንደሚፈርሱም ምንጮች ለአዲስ አድማስ ገልፀዋል፡፡ በህገወጥ የመሬት ወረራ የተሰሩ ናቸው በሚል በንፋስ ስልክ በሺዎች የሚቆጠሩ ቤቶች እየፈረሱ እንደሆነ መዘገባችን የሚታወስ ሲሆን፣ በርካታች ተፈናቃዮች እዚያው የፈራረሰ ሰፈር ውስጥ፣ የፕላስቲክና ቆርቆሮ ዳሶችን በመስራት ለመኖር መገደዳቸውን ይናገራሉ፡፡ ሰሞኑን በአቃቂ ቃሊቲ በተጀመረው የማፍረስ ዘመቻ 15 ሺ መኖሪያ ቤቶች እንደሚፈርሱ ምንጮች ለአዲስ አድማስ የጠቆሙ ሲሆን፤ ቤቶቹ እንደ ንፋስ ስልክ ላፍቶዎቹ በግሬደር ሳይሆን በአፍራሽ ግብረሃይል እንዲፈርሱ መደረጉንም ተናግረዋል፡፡ ትናንት ከጋዜጠኞች ለቀረቡላቸው ጥያቄዎች ማብራሪያ የሰጡት የመንግስት ኮሚኒኬሽን ጉዳዮች ፅ/ቤት ሚኒስትር አቶ ጌታቸው ረዳ፤ በህገወጥ ወረራ የተመሠረቱ ሠፈራዎችን የማፍረስ ስራ ይቀጥላል ብለዋል፡፡ መንግስት እስከ 1997 በህገ ወጥ እንቅስቃሴ የተሠሩ ቤቶችን ተቀብሎ ማጽደቁን የጠቀሱት ሚኒስትሩ፤ “ይሄን አጋጣሚ በመጠቀም አንዳንድ ባለሃብቶች በርካታ ሰው አሰማርተው ሰፈራ ካቋቋሙ
በጎንደሩ ግጭት የበርካቶች ህይወት አልፏል ተባለ
ባለፈው ማክሰኞ በጎንደር ከተማ በነዋሪዎችና በፀጥታ ኃይሎች መካከል በተፈጠረ ግጭት የበርካቶች ህይወት ማለፉ የተገለፀ ሲሆን መንግስት በበኩሉ፤ በግጭቱ የ3 ፖሊሶችና 2 ነዋሪዎች መገደላቸውን አስታውቋል፡፡ የሟቾችን ቁጥር በተመለከተ በተለያዩ (የሚዲያዎች የተገለፁ መረጃዎች ይለያያሉ፡፡ አልጀዚራ የአይን እማኞችን ጠቅሶ 10 ሰዎች መሞታቸውን ሲዘግብ፤ ሌሎች ሚዲያዎች የሟቾች ቁጥር እስከ 20 ሊደርስ እንደሚችል ዘግበዋል፡፡ማክሰኞ ዕለት 6 የወልቃይት ማንነት ጉዳይ ኮሚቴ አባላትን ፖሊስ በቁጥጥር ስር ለማዋል ሙከራ ማድረጉን ተከትሎ ግጭቱ መቀስቀሱ የተገለፀ ሲሆን ፖሊስ 4ቱን በቁጥጥር ስር ማዋሉንና 2ቱ እስካሁን እንዳልተያዙ አስታውቋል፡፡ በተለይ አንደኛውን ተጠርጣሪ ኮሎኔል ደመቀ ዘውዱን ፖሊስ ለመያዝ ሙከራ ባደረገበት ወቅት በተከፈተ ተኩስ የነዋሪዎችና የፖሊስ አባላት ህይወት ጠፍቷል ተብሏል፡፡ ትናንት ለሃገር ውስጥ ጋዜጠኞች መግለጫ የሠጡት የመንግስት ኮሚኒኬሽን ጉዳዮች ፅ/ቤት ሃላፊ ሚኒስትር አቶ ጌታቸው ረዳ፤ ‹‹ከተጠርጣሪዎቹ መካከል ፖሊስ ሁለቱን ለመያዝ ጥረት ሲያደርግ ቦንብ በመወርወር፣ አውቶማቲክ መሣሪያዎችን ተጠቅመው በፖሊስ አባላት ላይ ተኩስ በመክፈት በርካታ የፌደራል ፖሊስ አባላትን ገድለዋል›› ብለዋል፡፡ማክሰኞ እለት የተፈጠረውን ግጭት ተከትሎ ረቡዕ እለት በርካታ
ቤታቸው የፈረሰባቸው፣“የመንግስት ያለህ!” እያሉ ነው
በቅርቡ በነፋስ ስልክ ላፍቶ ክፍለ ከተማ ወረዳ 1 ልዩ ስሙ ‹ማንጎ› በተባለው አካባቢ ቤታቸው የፈረሰባቸው ግለሰቦች “መውደቂያ፣ መድረሻአጥተናል፤ ጫካ ውስጥ ከአውሬ ጋር እየተጋፋን ለመኖር ተገድደናል” ሲሉ እያማረሩ ይገኛሉ፡፡ እስካሁን የት ናችሁ ብሎ ያነጋገራቸውየመንግስት አካል እንደሌለና አስታዋሽ አጥተው እንደተጣሉ እኚሁ ተፈናቃዮች ለአዲስ አድማስ ተናግረዋል፡፡ ከነልጆቻቸው በክረምትዝናብና ጭቃ ሜዳ ላይ ወድቀው እየተሰቃዩ መሆኑን በምሬት የሚያስረዱት አባወራና እማወራዎቹ፤መንግስት የኤርትራ ስደተኞችን እንኳንካምፕ አዘጋጅቶ እየተቀበለ መሆኑን ጠቁመው ለዜጎቹ መፍትሄ እንዲሰጣቸው ተማጽነዋል፡፡ ቤታቸው ፈርሶ በማንጎ ጫካ ከተጠለሉነዋሪዎች ሶስቱ ስለቀድሞ አሰፋፈራቸውና አሁን ስላሉበት አስከፊ ሁኔታ እንደሚከተለው ገልጸዋል፡፡ “የመንግስት ያለህ!” እያሉም ነው፡፡ “የሚደርስልን አካል ካለ ይድረስልን!”(አዛውንቱ ሃጂ አብደላ ሁሴን ቤታቸው ከፈረሰባቸው አንዱ ናቸው፡፡ እርጅና የተጫናቸው ሃጂ አብደላ እንባቸውን እያፈሰሱ ያሉበትን ሁኔታ ተናግረዋል፡፡)“---ይፈርሳል ተብለው ቀደም ሲል ተነግሯቸው ሲከራከሩ የነበሩት ቀርሳ ኮንቶማና ኤርቶ ሞጆ የሚባል አካባቢ ያሉ ነዋሪዎች እንጂ እኛ የማንጎ አካባቢ ነዋሪዎች ይፈርሳል ተብለን አናውቅም፡፡ የነሱን ነበር እየሠማን የነበረው፡፡ እነሱ አመት ከመንፈቅ በዚህ ጉዳይ ሲከራከሩ ነበር፤ ነገር ግን ቤታችን
ኢየሩሳሌም የህፃናትና ማህበረሰብ ልማት ድርጅት የመልካም ተሞክሮ ቀን አከበረ
ኢየሩሳሌም የህፃናትና ማህበረሰብ ልማት ድርጅት፤ የማህበረሰብ ምስረታ ተቋማት የመልካም ተሞክሮ ቀን በዓል አከበረ፡፡ ድርጅቱ ሰሞኑን በቢሾፍቱ ከተማ ውስጥ በሚገኘውና የጄክዶ አፖርቹኒቲ ፎር ቼንጅ እየተባለ በሚጠራው የስልጠና ማዕከሉ ውስጥ ባከበረው በዚሁ የመልካም ተሞክሮ ቀን ክብረ በዓል ላይ የማህበረሰብ ምስርት ተቋማቱ ተወካዮች ተገኝተው ከድርጅቱ ጋር በማከናወን ላይ ስለሚገኙት የልማት ስራዎች ገለፃ አድርገዋል፡፡ “የማህበረሰብ ምስርት ተቋማት አጋርነት ለዘላቂ ልማት” በሚል መሪ ቃል በተከናወነው በዚህ የመልካም ተሞክሮ ቀን በዓል ላይ ተሞክሮአቸውን ለማካፈል ከተገኙት የማህበረሰብ ምስርት ተቋማት መካከል ዕድሮች፣ ማህበራትና የልማት ድርጅቶች ይገኙበታል፡፡ የእየሩሳሌም የህፃናትና ማህበረሰብ ልማት ድርጅት ዋና ሥራ አስፈፃሚ አቶ ሙሉጌታ ገብሩ በዚህ ወቅት እንደተናገሩት፤ ድርጅቱ በተለያዩ የአገሪቱ ክልሎች ውስጥ ከሚገኙ ከ140 በላይ የማህበረሰብ ምስርት ተቋማት ጋር በአጋርነት የሚሰራ ሲሆን በተለያዩ የልማት መስኮች በሺዎች የሚቆጠሩ ተጋላጭ የህብረተሰብ ክፍሎችን ተጠቃሚ ያደረጉ ስኬታማ ስራዎችን አከናውኗል ብለዋል፡፡
“መመሪያችን፡- ቅንጦትን ሁሉም ሰው እንዲገዛው ማድረግ ነው”
• ሆቴሎች የሰለጠነ ባለሙያ ከሚሰራረቁ በጥምረት ቢሰሩ የበለጠ ያድጋሉ• ዋጋው የቱሪስቶችንና የከተማዋን ነዋሪ አቅም ያገናዘበ ነው ዓርማው ዘውድ ነው - ስሙም ሞናርክ፡፡ ትርጉሙ “እንግዶች ስትመጡ የንጉሥ መስተንግዶ ይደረግላችኋል” ማለት ነው ይላሉ፤የሆቴሉ የማርኬቲንግ ዳይሬክተር አቶ ያየህይራድ የምወደው፡፡ ንጉሥ ፈልጎና ጠይቆ የሚያጣው ነገር እንደሌለ ሁሉ እናንተም ተደስታችሁ እንድትሄዱና በሌላ ጊዜ ሌላ ሰው ይዛችሁ እንድትመጡ የጠየቃችሁትና የፈለጋችሁት ሁሉ ይሟላላችኋል፤ ሲሉም ያብራራሉ - የማርኬቲንግ ዳይሬክተሩ፡፡ እንግዶች ወደ ሆቴሉ ሲገቡ በስተቀኝ የመዋናኛ ስፍራ ያለው ሲሆን አስደሳችና መንፈስ የሚያድስ ግቢም አለው፡፡ በስተግራ ባር ሬስቶራንትና ካፌ ያገኛሉ፡፡ እውስጥ ካለው ጋር ሁለት ባርና ሁለት ሬስቶራንት ማለት ነው፡፡ ደጅ ባለው ሬስቶራንት እንግዶች እያዩ የሚሰናዳው ፒዛና ባርቢኪው ተወዳጅ ነው፡፡ ባርቢኪው የሆቴሉ ተመራጭ ምግብ እንደሆነ አቶ ያየህ ይራድ ይናገራሉ፡፡ ሐሙስና አርብ ላይቭ የሙዚቃ ዝግጅት ያቀርባል፡፡ ሆቴሉ 74 የመኝታ ክፍሎችና 3 የመሰብሰቢያ አዳራሾች አሉት፡፡ 350 ክፍሎች የሚኖሩት የሆቴል ማስፋፊያ በሁለት ዓመት ውስጥ እንደሚጠናቀቅም ተነግሯል። ሆቴሉ በተለያዩ ዘርፎች የተሰማሩ ኢትዮጵያውያን ባለሀብቶች ንብረት ነው፡፡
ጥርስን ያለ ድሪልና ያለማደንዘዣ አፅድቶ የሚሞላ መሳሪያ አገራችን ገባ
የአርጀንቲናው አሊሚኔተር ግሩፕ የቬንዳኖቫ ምርት የሆነውና ላለፉት አራት ዓመታት በአርጀንቲና ጥቅም ላይ የዋለውን ጥርስን ያለ መቦርቦሪያ ድሪልና ያለ ማደንዘዣ አፅድቶ የሚሞላው መሳሪያ ሰሞኑን አገራችን ገባ፡፡ በዓለም ጤና ድርጅት እውቅና የተሰጠውና በጤና ጥበቃ ሚኒስቴር አገር ውስጥ ጥቅም ላይ እንዲውል ፈቃድ የተሰጠው ይሄው መሳሪያ ከተፈጥሮአዊ እፅዋት በሚሰራ ጄል ያለ ማደንዘዣና ያለ ድሪል ጥርስን በማፅዳት የሚሞላ ሲሆን አንድ ሰው በ10 ደቂቃ ውስጥ ጥርሱ ፀድቶና ተሞልቶ ወደቤቱ እንዲሄድ የሚያደርግ ነው ተብሏል፡፡ የአምራች ድርጅቱ ዋና ስራ አስኪያጅ ሚስተር ጆርጅ ሌይንና የኢትዮጵያ ወኪሉ ሚረር ‹ትሬዲንግና ሰርቪስ› ዋና ስራ አስኪያጅ አቶ ተስፋየየ ወንድሙ ባለፈው ሳምንት መጀመሪያ በሂልተን ሆቴል በሰጡት መግለጫ፤ መጀመሪያ ምርቱ በጥርስ ህመም የሚሰቃዩ ህፃናትን ታሳቢ አድርጎ የተሰራ እንደነበርና በአሁኑ ሰዓት አዋቂዎችም በስፋት እየተጠቀሙበት መሆኑን ተናግረዋል፡፡በሁለቱ ኩባንያዎች መካከል በዕለቱ የ50 ሚ. ዶላር ስምምነት የተደረገ ሲሆን መሳሪያውን በዋና በወኪልነት ሚረር ትሬዲንግና ሰርቪስ እንደሚያከፋፍልና ከአርጀንቲና የሀኪሞች ቡድን እንደሚመጣና ለኢትዮጵያዊያን የጥርስ ሀኪሞች ስለመሳሪያው አጠቃቀም ስልጠና እንደሚሰጥ ታውቋል፡፡ አንዱ መሳሪያ
ኢትዮ ሴራሚክስ 5ኛውን ትልቅና ዘመናዊ ሾውሩም በቦሌ ከፈተ
ላለፉት 20 ዓመታት ከተለያዩ የዓለም አገራት የባኞ ቤት የህንፃ ማጠናቀቂያ (Finishing) የሳውና የጃኩዚና መሰል የሴራሚክ ምርቶችን በማስመጣት ለአገር ውስጥ ገበያ ሲያቀርብ የቆየው ኢትዮ ሴራሚክስ፤ አምስተኛውን ትልቅና ዘመናዊ የሴራሚክስ መሸጫ ማዕከል ቦሌ ኖቪስ ሱፐር ማርኬት ፊት ለፊት አዲስ በገነባው ህንፃ ላይ ከፈተ፡፡ ከትላንት በስቲያ በይፋ ስራ የጀመረው ይሄው መደብር፤ ከሌሎቹ መደብሮች በተለየ የተደራጀና እቃዎች ተገጣጥመው ዲስፕሌይ የተደረጉበት ሲሆን ማንኛውም ደንበኛ እቃዎቹን ሲገዛ ምን እንደሚመስሉና ምን ቅርፅ እንደሚኖራቸው በማየት የሚገዛውን ለመወሰን እንዲችል የሚረዱ መሆናቸው በእለቱ ተገልጿል፡፡ከዱባይ፣ ስፔይን፣ ጣሊያን፣ ፈረንሳይ ጀርመንና ከቻይና የመጡ የሴራሚክስ እቃዎች እንደየመጡበት አገርና ሁኔታ ተለይተው የተቀመጡ ሲሆን በአገራችን የቤት ውስጥ ዲዛይነር ህንፃው ላይ ተሰርተው ተቀምጠዋል፡፡ በ1ኛና 2ኛ ፎቅ ላይ በአይነት በአይነት የተደረደሩ የተለያዩ አገራት የሴራሚክስ ውጤቶች የቀረቡ ሲሆን 3ኛ እና 4ኛ ፎቅ ላይ ደረጃቸውን የጠበቁ ሶፋዎች፣ አልጋዎች፣ የቢሮና የመመገቢያ ወንበርና ጠረጴዛዎች፣ ቁም ሳጥኖች ይገኙበታል “ይህ የሽያጭ ማዕከሉ አደረጃጀት አንድ ሰው ቤት ሰርቶ ሲያጠናቅቅ ቤቱን ለመጨረስና ሁሉንም እቃ በአንድ ቦታ
ዜድቲኢ የዘረጋውን የኤሌክትሪክ መስመር ፕሮጀክት አስረክበ
ዜድቲኢ ኢትዮጵያ በመላው አገሪቱ የዘረጋውን የኦፕቲካል ግራውንድ ዋየር (OPGW) ፕሮጀክት አጠናቅቆ ባለፈው ሳምንት አጋማሽ ላይ በሸራተን አዲስ በተደረገ ስነስርዓት ለኢትዮጵያ ኤሌክትሪክ ሀይል አስረከበ፡፡ በ37 ሚሊዮን ዶላር በመላ አገሪቱ የዘረጋው ይሄው ኦፕቲካል ግራውንድ ፓወር በ17 ተኩል ወራት የተጠናቀቀ ሲሆን 1260 ካ.ሜትር መሸፈኑም በርክክብ ሥነ-ስርዓቱ ላይ ተገልጿል፡፡ የፕሮጀክቱን መጠናቀቅ አስመልክቶ በሸራተን አዲስ ሆቴል በተዘጋጀው በዚህ ሥነ ስርዓት ላይ የኢትዮጵያ ኤሌክትሪክ ሀይል ዋና ዳይሬክተር ኢንጂነር አዜብ አስናቀ ከዜድቲኢ የምስራቅ አፍሪካ ተወካይ ሚስተር ሊ ጉዋንግ ዮንግ በተረከቡበት ወቅት ባደረጉት ንግግር፤ ዜድቲኢ ስራውን ከተረከበበት ሰዓት አንስቶ በትጋት በመስራት በታቀደው ሰዓት ማስረከባቸውን ተቁመው ፕሮጀክቱን ያለምንም ችግር ማጠናቀቃቸው ስራውን የበለጠ ስኬታማ አድርጎታል ብለዋል፡፡ የምስራቅ አፍሪካ ተወካይ ሚስተር ሊ ጉዋንግ ዮንግ በበኩላቸው ዜድቲኢ ባለፉት 16 ዓመታት የኢትዮጵያ የመንግስት አጋር ሆኖ በትልልቅ የቴሌኮም ፕሮጀክቶች ላይ ሲሳተፍ መቆየቱን ገልፀው ይህ የኤሌክትሪክ መስመር ዝርጋታ የአገሪቱን የሀይል አቅርቦት አስተማማኝነት እንደሚያሳድገው ተናግረዋል፡፡በዕለቱ የፕሮጀክቱ ስራተኞችና አስተባባሪዎች ባቀረቡት አጭር ዘጋቢ ፊልሞና ፎቶ ኤሌክትሪክ ሳይቋረጥ 132
የትምህርት ሚኒስትሩ የፈተና ወረቀት አልተሰረቀም አሉ
ከሰኞ ሐምሌ 4 ቀን የሚጀመረው የ12ኛ ክፍል ብሄራዊ ፈተና ተሰረቀ በሚል በተለያዩ የማህበራዊ ድረ-ገፆች የተሰራጨው ወሬ ሃሰተኛ መሆኑን የት/ት ሚኒስትሩ አቶ ሽፈራው ሽጉጤ አስታወቁ፡፡ 26 የፈተና ወረቀቶች ተሰርቀው መውጣታቸውን አንዳንድ ድረ ገፆች ያስታወቁ ሲሆን በማህበራዊ ሚዲያዎችም የእንግሊዝኛ ፈተና መሰረቁን የሚያመላክት መረጃዎች ተሰራጭተዋል፡፡ በጉዳዩ ላይ አዲስ አድማስ ያነጋገራቸው የትምህርት ሚኒስትር አቶ ሽፈራው ሽጉጤ፣ ፈተናው ተሰርቋል የተባለው “ውሸት ነው፤ የራሳቸውን የውሸት የፈተና ወረቀት አዘጋጅተው ነው ወሬውን ያሰራጩት” ብለዋል፡፡ ቀደም ሲል ፈተናው ግንቦት 22 ቀን እንዲካሄድ ታስቦ በነበረበት ወቅት የፈተና ወረቀቶች ስለመሰረቃቸው በተለያዩ ድረ ገፆችና ማህበራዊ ሚዲያዎች ሲገለፅ እንደነበረ የሚታወስ ነው፡፡ መንግት መረጃውን እያስተባበለ ቆይቶ፣ በፈተናው መስጫ እለት ነው በድንገተኛ መግለጫ ፈተናው እንዲቋረጥ የወሰነው፡፡
የክብር ዶክትሬት ክብሩን እያጣ ነው ተባለ
አዲስ አበባ ዩኒቨርስቲ ዛሬ ለተመረጡ ግለሰቦች የክብር ዶክትሬት ይሰጣል በሀገሪቱ ያሉ ዩኒቨርስቲዎች ከቅርብ ጊዜ ወዲህ በየዓመቱ ለሁለትና ሶስት ሰዎች የክብር ዶክትሬት መስጠትን እንደ ልማድ መያዛቸው ከክብር ዶክትሬት መሰረታዊ አላማዎች ጋር የሚፃረርና ክብሩን የሚያራክስ ነው ሲሉ የዩኒቨርሲቲ ምሁራን ገለፁ፡፡ የክብር ዶክትሬት የሚሰጥባቸው መስፈርቶች በመርፌ ቀዳዳ ግመል እንደ ማሽሎክ ያህል ናቸው ያሉት ምሁራኑ፤ በአሁን ወቅት አዳዲስ ዩኒቨርሲቲዎች ጭምር ፉክክር በሚመስል መልኩ ዶክትሬቱን የሚሰጡበት አካሄድ በአስቸኳይ ሊታረም እንደሚገባው አሳስበዋል፡፡ የክብር ዶክትሬቱ የተሰጠባቸው ግለሰቦችም ለስም መጠሪያነት መጠቀማቸው ተገቢ አይደለም ያሉት ምሁራኑ፤ መገናኛ ብዙኃን የክብር ዶክትሬት የተሰጠውን ግለሰብ፤ “የክብር ዶክተር” እያሉ መጥራታቸውም አግባብ ባለመሆኑ ማረም ይኖርባቸል ብለዋል፡፡ የቋንቋና ስነ ፅሁፍ ምሁሩ ዶ/ር በድሉ ዋቅጅራ፤ ከሀገሪቱ ዩኒቨርሲቲዎች ለተለያዩ ግለሰቦች የክብር ዶክትሬት የሚሰጥበት ሁኔታ፤ ከማዕረጉ መሰረታዊ አላማ ጋር የተቃረነ መሆኑን አለማቀፍ ልምዶችን በማጣቀስ አስረድተዋል፡፡ በአሁን ወቅት በትምህርት በቅተዋል ተብለው ዶክትሬት ዲግሪ የሚሰጣቸው ምሁራን ምን ያህል ችግር ፈቺ ምርምር ሰርተዋል የሚለው ራሱ ጥያቄ ውስጥ እንደገባ የጠቆሙት ዶ/ር በድሉ፤
የተቃዋሚ አመራሩ አቶ አብርሃ ደስታ ከእስር ተፈቱ
በሽብር ወንጀል ተጠርጥረው በእስር ላይ የነበሩት የአረና ትግራይ ለዲሞክራሲና ሉአላዊነት ፓርቲ አመራር አቶ አብርሃም ደስታ ትናንት ከእስር ተለቀቁ፡፡ አቶ አብርሃ ደስታ ከሁለት አመት በፊት ሐምሌ 1 ቀን 2006 ዓ.ም ከሰማያዊና ከአንድነት ፓርቲ አመራሮቹ አቶ ሃብታሙ አያሌው፣ የሺዋስ አሰፋና ዳንኤል ሺበሺ ጋር በሽብር ተጠርጥረው በእስር ላይ ለሁለት አመት የቆዩ ሲሆን ከቀረበባቸው ክስ በከፍተኛው ፍ/ቤት በነፃ የተሰናበቱ ቢሆንም አቃቤ ህግ ለጠቅላይ ፍ/ቤት ባቀረበው ይግባኝ መሰረት ጉዳያቸው መቋጫ አለማግኘቱ ይታወሳል፡፡በአቶ አብርሃና ሌሎች የፖለቲካ አመራሮች ላይ የቀረበው የሽብር ክስ፤ በኢትዮጵያ መንግሥት አሸባሪ ተብለው ከተፈረጁ ድርጅቶች ጋር ግንኙነት በመፍጠርና አባል በመሆን በማንኛውም የሽብር ድርጊት ተሳታፊ መሆን የሚል ሲሆን ጉዳዩን ሲከታተል የነበረው የከፍተኛው ፍ/ቤት 19ኛ ወ/ችሎት፤ መከላከል ሳያስፈልጋቸው በነፃ እንዲሰናበቱና ከእስር እንዲለቀቁ ማዘዙ ይታወሳል፡፡ይሁን እንጂ አቶ አብርሃ በነበረባቸው የዲሲፒሊን ቅጣት ምክንያት በእስር ላይ ቆይተው በትናንትናው እለት ከቂሊንጦ ማረሚያ ቤት ተለቀዋል፡፡
“ከ4 ሚሊዮን አምፖሎች ውስጥ 15 ሚሊዮኑ ለተጠቃሚ ደርሷል”
አዝናኝ እና አሳዛኝ የመንግስት ሪፖርቶች - በአዲስ መፅሀፍስኳር፣ ኮንዶሚኒዬም፣ ወርቅ፣ ኤሌክትሪክ፣ አውቶቡስ … ባለፈው ዓመት፣ የስኳር ምርትን 22 ሚሊዮን ኩንታል ለማድረስ ታቅዶ አልነበር? ለዚህም፤ ከ200ሺ ሄክታር በላይ አዲስ የእርሻ መሬት ተዘጋጅቶ፣ የስኳር አገዳ ይለማል ተብሎ ነበር - በትራንስፎርሜሽን እቅድ፡፡ ግን አልተሳካም፡፡ የለማው ተጨማሪ መሬት፣ 35ሺ ሄክታር ነው፡፡ ከእቅዱ ጋር ሲነፃፀር፣ 15 በመቶ ብቻ ነው፡፡ ከእቅዱ ውስጥ፣ ሩብ ያህሉን እንኳ ማሳካት አልቻለም፡፡ ነገር ግን፣ ይህንን ውድቀት እንደ ስኬት አስመስዬ ማቅረብ ብፈልግስ? በአምስት አመታት ውስጥኮ፣ በድሮው 30ሺ ሄክታር ላይ 35ሺ ሄክታር ተጨምሯል፡፡ ስለዚህ፣ የ115% እድገት ተመዝግቧል ማለት ይቻላል፡፡በእርግጥ፣ በቅርቡ የታተመው አመታዊ የመንግስት ሪፖርት ላይ “215%” ተብሎ ተጽፏል፡፡ ግን ይሄ አይገርምም፡፡ ለምን ብትሉ፤ “ገና ምኑን አያችሁና!” እላችኋለሁ፡፡ ገና ብዙ ስህተቶችን ታያላችሁ፡፡ ለምን? አገሩን ካጥለቀለቁት ብዙ አይነት እጥረቶች መካከል፣ “የቁጥር እውቀት እጥረት” (የሂሳብ እጥረት) አንዱ ነዋ፡፡ የመጀመሪያው ስህተት፣ ቁጥሩን ማሳሳት ነው (115% መሆን የነበረበት 215% ብሎ መፃፍ)፡፡ ሁለተኛው ስህተት፣ በ200ሺ ሄክታር (በ700%) ለማሳደግ ታቅዶ
በመሃል ከተማ የሚገነቡ ህንፃዎች ከ20 ፎቅ በላይ ይሆናሉ
አዲስ አበባ 300 ሽንት ቤቶች ያስፈልጋታል ተባለ ለአዲስ አበባ ከተማ ምክር ቤት ቀርቦ ይፀድቃል ተብሎ የሚጠበቀውና ዝግጅቱ 4 ዓመታትን ፈጅቷል የተባለው የአዲስ አበባ ከተማ መሪ ፕላን በ10 ዓመት ውስጥ በከተማዋ 300 ሽንት ቤቶች እንዲገነቡ፤ ወንዞችን ይበክላሉ የተባሉ ፋብሪካዎች ከመዲናይቱ እንዲወጡ አቅጣጫ አስቀምጧል፡፡ በአሁን ወቅት በአዲስ አበባ 1 መፀዳጃ ቤት ለ50 ሺህ ነዋሪዎች እያገለገለ ሲሆን ከ90 በመቶ በላይ በከተማዋ ያሉ ፋብሪካዎች ፍሳሻቸውን ሳያጣሩ ወደ ወንዞች ይለቃሉ ተብሏል፡፡ የከተማዋ ከ70 በመቶ በላይ ፍሳሽ ወደ ወንዝና መንገዶች እንደሚለቀቁ የጠቆመው የፕላኑ ጥናት፤ አብዛኞቹ መንገዶችም ወደ ውሃ መውረጃነት ተቀይረዋል ተብሏል፡፡ በአሁን ወቅት 17 የህዝብ ሽንት ቤቶች በመዲናዋ ቢኖሩም የተሟላ ዘመናዊ አገልግሎት አልሰጡም ያለው መሪ ፕላኑ በ10 ዓመት ጊዜ ውስጥ ቁጥሩ አሁን ካለበት 3.3 ሚሊዮን ወደ 5 ሚሊዮን ከፍ ለሚለው የመዲናዋ ነዋሪ 300 ሽንት ቤቶች በዋና ዋና የህዝብ መተላፊያዎች መገንባት እንዳለባቸው ያመላክታል፡፡ የሚገነቡት ሽንት ቤቶች ባለሁለት ፎቅ ህንፃ ሲሆኑ በሁለተኛው ወለል ላይ ሬስቶራንት ይኖራቸዋል ይላል -
ጅማ ዩኒቨርሲቲ በሁለተኛ ዲግሪ፤ 136 ተማሪዎችን ነገ ያስመርቃል
ጅማ ዩኒቨርሲቲ ከኤቢኤች ሰርቪስ ጋር በመተባበር በሁለት የድህረ ምረቃ ፕሮግራሞች ያስተማራቸውን 136 ተማሪዎች ነገ በሸራተን አዲስ ያስመርቃል፡፡በማስተርስ ኦፍ ቢዝነስ አድሚኒስትሬሽንና በማስተርስ ኦፍ ፐብሊክ ኸልዝ የሚመረቁት እነዚሁ የድህረ ምርቃ ተማሪዎች፤ ላለፉት ሁለት ዓመታት በአዲስ አበባ ኤቢኤች ካምፓስ ትምህርታቸውን ሲከታተሉ የቆዩ ናቸው፡፡ ዩኒቨርሲቲው የረጅም ዓመታት ሙያዊ እውቀትና ልምድ ያላቸውን መምህራን በመመደብ ተማሪዎቹን በማስተማር ላይ እንደሚገኝ የገለፁት የዩኒቨርሲቲው ፕሬዚዳንት ፕሮፌሰር ፍቅሬ ለሜሳ፤ አሁንም አዳዲስ ፕሮግራሞችን በመክፈት የመንግስትና የግል ዘርፉን አጋርነት ወደ ላቀ ደረጃ ለማድረስ እንደሚሰራ ገልፀዋል፡፡ የኤቢኤች ሰርቪስ ዋና ሥራ አስፈፃሚ ዶ/ር ማርቆስ ፈለቀ በበኩላቸው፤ የጅማ ዩኒቨርሲቲን ወደ አዲስ አበባ መምጣት ተከትሎ የድህረ ምረቃ ተማሪዎች ፍላጎት ከጊዜ ወደ ጊዜ እየጨመረ መሄዱን ጠቁመው፤ በቀጣዩ በሁለት የድህረ ምርቃ ፕሮግራሞ በፐብሊክ ሪሌሽንና ኮርፖሬት ኮሚዩኒኬሽን እንዲሁም በኸልዝ ሞኒተሪንግና ኢቫሉዬሽን አዳዲስ ተማሪዎን እንደሚቀበል ተናግረዋል፡፡ ዩኒቨርሲቲው በነገው ዕለት ከሚያስመርቃቸው የድህረ ምረቃ ተማሪዎች መካከል 42ቱ ሴቶች ሲሆኑ ባለፈው ዓመት ለመጀመሪያ ጊዜ 97 ተማሪዎችን በሁለተኛ ዲግሪ አስተምሮ ማስመረቁ አይዘነጋም፡፡
20 ሺ ቤቶች በሚፈርሱበት ክ/ከተማ የሰዎች ህይወት አልፏል
በግጭቱ ተሳትፈዋል የተባሉ ከ200 በላይ ሰዎች ታስረዋልነዋሪዎች መውደቂያ አጥተናል ሲሉ እያማረሩ ነውበላፍቶ ክ/ከተማ ቀርሳ ከንቱማና ማንጎ ሰፈር በተባሉ አካባቢዎች ህገ ወጥ ናቸው የተባሉ ቤቶች ከትላንት በስቲያ ጀምሮ በአፍራሽ ግብረ ኃይል እየፈረሱ ሲሆን በአጠቃላይ 20 ሺ ገደማ ቤቶች ሊፈርሱ እንደሚችሉ ተገልጿል፡፡ ባለፈው ረቡዕ በደንብ ማስከበርና በክ/ከተማው ነዋሪዎች መካከል በተፈጠረ ግጭት የአንድ የወረዳ ሥራ አስፈፃሚና የሁለት ፖሊስ ኃላፊዎች ህይወት ያለፈ ሲሆን በርካቶች መቁሰላቸው ታውቋል፡፡ ሟቾቹ የላፍቶ ክፍለ ከተማ ወረዳ ሥራ አስፈፃሚ አቶ ታሪኩ ፍቅሬ፣ የለቡ የወንጀል መከላከል ኃላፊ ረዳት ኢንስፔክተር ተስፋዬ ባህሩ፣ እንዲሁም የለቡ ፖሊስ ጣቢያ ወንጀል ምርመራ ክፍል ኃላፊ ም/ኢንስፔክተር ሚካኤል ሽፈራው ናቸው ተብሏል፡፡ ግጭቱ በተከሰተበት በዚያው እለት ከሰዓት በኋላ የፀጥታ ኃይሎች በአካባቢው በመሰማራት በግጭቱ ላይ ተሳትፈዋል በሚል የተጠረጠሩ ከ200 በላይ ነዋሪዎችን በቁጥጥር ስር እያዋሉ፣ በመኪና በመጫን ወደ ፖሊስ ጣቢያዎች ሲያጓግዙ እንደነበር የአይን እማኞች ለአዲስ አድማስ ገልፀዋል፡፡ ቤታቸው ከፈረሰባቸው ነዋሪዎች መካከል አንዱ የሆኑት ግለሰብ፤ በቀን ሥራ እንደሚተዳደሩ ገልፀው፤ በ1998 ዓ.ም 150
የአቶ ሀብታሙ አያሌው ከሀገር የመውጣት ጥያቄ በፍ/ቤት ተቀባይነት አላገኘም
አምነስቲና ተቃዋሚ ፓርቲዎች እግዱ እንዲነሳ መንግስትን ጠይቀዋል በውጭ ሀገር ሄደው ለመታከም በህግ የተጣለባቸው ከሀገር የመውጣት እገዳ እንዲነሳላቸው በጠበቃቸው አማካይነት ትናንት ለጠቅላይ ፍ/ቤት ያመለከቱት የቀድሞው የአንድነት አመራር አባል አቶ ሀብታሙ አያሌው፤ “በቂ ምክንያት አላቀረቡም” በሚል ፍ/ቤቱ ጥያቄያቸውን አልተቀበለም፡፡ ፍ/ቤቱ ትናንት ከሰዓት በኋላ የቀረበለትን ጥያቄ ከተመለከተ በኋላ “ዛሬውኑ እግዱን ለማንሳት የቀረበው ምክንያት በቂ አይደለም፤ ታማሚው ህክምናቸውን ሀገር ውስጥ እንደማያገኙና ህይወታቸው አስጊ ደረጃ ላይ መድረሱን ከሆስፒታሎች ማስረጃ ከቀረበ ወዲያውኑ እግዱ እንዲነሳ ይደረጋል” የሚል ምላሽ እንደሰጣቸው የአቶ ሀብታሙ ጠበቃ አቶ አመሃ መኮንን ለአዲስ አድማስ አስረድተዋል፡፡ በሽብር ክስ ይግባኝ የተጠየቀባቸው ጉዳይ በመጪው ማክሰኞ ሰኔ 28 ቀን 2008 ዓ.ም በቀጠሮ መሰረት የሚታይ ሲሆን ፍ/ቤት የመጨረሻ ውሳኔ እንደሚሰጥና ምናልባት የአቶ ሀብታሙ ጉዳይ እልባት ሊያገኝ እንደሚችል ጠበቃው ተናግረዋል፡፡ የሃብታሙን የህክምና ጉዳይ የሚከታተሉት የቅርብ ወዳጃቸው አቶ ዳንኤል ሺበሺ ለአዲስ አድማስ እንደተናገሩት፤ አቶ ሀብታሙ ስር በሰደደ ከፍተኛ የኪንታሮት ህመም እየተሰቃዩ ሲሆን በሀገር ውስጥ እስካሁን በ4 ሆስፒታሎች ለመታከም ያደረጉት ተደጋጋሚ ሙከራ
ዶ/ር መረራ ጉዲና አዲስ አበባ ዩኒቨርስቲን ከሰሱ
የፕሮፌሰርነት ደረጃዬን ያለአግባብ ከልክሎኛል ብለዋል300 ሺ ብር የሚጠጋ የገንዘብ ክስም አቅርበዋል አዲስ አበባ ዩኒቨርስቲ የፕሮፌሰርነት የደረጃ እድገቴን ያለ አግባብ ከልክሎኛል ያሉት ዶ/ር መረራ ጉዲና፤ ከዩንቨርስቲው ማግኘት የሚገባኝን የአገልግሎትና ልዩ ልዩ ክፍያዎችም ነፍጎኛል ሲሉ ክስ አቀረቡ፡፡ለፌደራል መጀመሪያ ደረጃ ፍርድ ቤት፣ መናገሻ ምድብ ሥራ ክርክር ችሎት የቀረበው የዶክተር መረራ የክስ ማመልከቻ፤ በዩንቨርስቲው ውስጥ ከግማሽ በላይ ዕድሜዬን ያገለገልኩና ብርቱ፣ ብቁና ተጠያቂ ዜጐችን ሳፈራ የቆየሁ ሲሆን ለፕሮፌሰርነት ደረጃና የሙያ እድገት ብቁ የሚያደርገኝን መስፈርቶች ሁሉ ያሟላሁ ቢሆንም፣ የፕሮፌሰርነት ደረጃውና እድገቱ በ3 ወር ጊዜ ወስጥ ሊፈቀድልኝ ወይም ሊሰጠኝ ሲገባ፣ ያለ ሕግ አግባብ መብቴን ተነፍጌአለሁ ይላል፡፡ ዩኒቨርሲው ያለ ህግ የነጠቀኝን መብቴን እንዲሰጠኝና የፕሮፌሰርነት ማዕረጉ እንዲፈቀድልኝ፣ እንዲሁም በዩንቨርስቲው ውስጥ ለረዥም ዓመት የሰራሁበት የአገልግሎት ክፍያም 282 ሺ 960 ብር እንዲከፈለኝ እጠይቃለሁ ብለዋል - ለፍ/ቤት ባቀረቡት ክስ፡፡
የደሞዝ፣ የኪራይ እና “የጥቃቅን ተቋማት”፣ የግብር ማሻሻያ ለፓርላማ ቀርቧል
ጥቃቅንና አነስተኛ ተቋማት፣ ግብር ተቀንሶላቸዋል ከኪራይ ገቢ ውስጥ፣ ግማሹ ከግብር ነፃ ይሆናል ተብሏል የተቀጣሪ ሰራተኞች የግብር ማሻሻያም ለፓርላማ ቀርቧል የስድስት መቶ ብር ደሞዝተኛ፣ ከ40 ብር በላይ ነበር ግብር የሚከፍለው፡፡ በአዲሱ ማሻሻያ አዋጅ፣ የግብር ክፍያው ይቀርለታል፡፡ የጡረታ መዋጮ ከተቀነሰ በኋላ አንድ ሺ ብር የሚያገኝ ደሞዝተኛ ደግሞ፤ 62 ብር የግብር ቅናሽ ያገኛል፡፡በተመሳሳይ ስሌት የሶስት ሺ ብር ደሞዝተኛ 208 ብር የግብር ቅናሽ ይኖረዋል፡፡ (ሰንጠረዥ ይመልከቱ)የቤት ኪራይ ገቢ ላይ የተደረገው ለውጥ ሁለት አይነት ነው፡፡ በ1750 ብር ቤት ያከራየ ሰው፣ በድሮው አሰራር፣ ሃያ በመቶ የጥገና ወጪ ታስቦለት 1400 ብር ገቢ እንዳገኘ ነበር የሚቆጠረው፡፡ ከዚያ ልክ እንደ ወር ደሞዝተኛ ግብር ይከፍላል 160 ብር ገደማ፡፡ አዲስ በተሻሻለው አዋጅ ግን፣ ከ1750 ኪራዩ ውስጥ ሀምሳ በመቶው ወይም ግማሹ ለጥገና እንደሚያወጣ ይታሰብበታል፡፡ እናም 875 ብር ገቢ እንዳገኘ ደሞዝተኛ ይቆጠራል፡፡ ከዚህም ውስጥ 28 ብር ግብር ይከፍላል፡፡ ለምን ቢባል፣ ቤት አከራይ እንደ ደሞዝተኛ፣ በአዲስ የግብር ማስከፈያ ስሌት ቅናሽ ተደርጎለታል፡፡ ትልቁ ለውጥ ግን
የአዲስ አበባ መስተዳድር ለታክሲ እጥረት መፍትሄ አገኘ – 300 ብስክሌቶችን ገዛ
የአንድ ብስክሌት ዋጋ - 35 ሺ ብር! የአዲስ አበባ ነዋሪዎች፣ በታክሲ እጥረት መንገላታታቸውና መማረራቸውን እንርሳው - ሁሉንም ችለውና ተሸክመው ኑሯቸውን ይገፋሉ እንበል፡፡ ግን፣ ከአገሪቱ ኢኮኖሚ ውስጥ ሩብ ያህሉን የምታመነጭ ከተማ፣ በትራንስፖርት እጥረት ስትጨናነቅ ጉዳቱ ቀላል ይሆናል?የከተማዋ ትራንስፖርት ባለስልጣናት፣ “ነዋሪዎችን ከታክሲ ተፅእኖ ነፃ ለማውጣት ነው አላማችን” ብለው ሲናገሩ፤ ምን ለማለት ፈልገው እንደሆነ ግራ ያገባል፡፡ ከትራንስፖርት እጥረት ነጻ የማውጣት አላማ ሳይሆን “ከታክሲ ነፃ የማውጣት” አላማ መያዝ ምን ማለት ነው? ጉዳዩ፣ ቀልድና ጨዋታ እንዳልሆነ በቅጡ ባይገባቸው ይሆናል፡፡ ነዋሪዎች በተለያዩ እውነተኛ የኑሮ ችግሮች በቤት እጦት፣ በትራንስፖርት እጥረት፣ በኑሮ ፈተናዎች ተወጥረዋል፡፡ ባለስልጣናት ደግሞ በመግለጫና በፕሮፓጋንዳ፣ ሁሉንም ችግሮች ብን አድርገው ማጥፋት የሚችሉ ይመስላቸዋል፡፡ የምናብ ዓለም ይፈጥራሉ፡፡ ህገ ወጥ ቤቶችን የማፍረስ ዘመቻዎች ላይ እየተፈጠሩ ያሉ ችግሮችን ተመልከቱ፡፡ በአንድ ክፍለ ከተማ ብቻ 20 ሺህ ቤቶችን ለማፍረስ ነው የታቀደው፡፡ በሌሎች ክፍለ ከተማዎችም እንዲሁ፡፡ ቤቶችን ማፍረስ ከመቶ በላይ ሰዎችን እንደሚያፈናቅልና ህይወታቸውን እንደሚያናጋ ለመገንዘብ ይከብዳል? አብዛኞቹ ከአካባቢው ገበሬ ትንንሽ መሬት በመግዛት፣
ዓለም አቀፉ ክራውን ፕላዛ ሆቴል በመጪው ዓመት ይጠናቀቃል
ፀሜክስ ሆቴሎችና ቢዝነስ ማኅበር በዓለም ታዋቂ ከሆነው ኢንተርኮንትኔንታል ሆቴል ግሩፕ ጋር ለ15 ዓመት ባደረገው የአስተዳደር ሽርክና መሰረት፣ክራውን ፕላዛ ሆቴልና ሬስቶራንት በአዲስ አበባ እየገነባ ነው፡፡ ልደታ አካባቢ በፀማይ ግሎባል ቢዝነስ ኢንተርፕራይዝ ማኔጂንግ ዳይሬክተርና ባለቤት በአቶ ረዘነ አያሌው እየተገነባ ያለው ባለ 5 ኮከቡ ክራውን ፕላዛ ሆቴልና ሬስቶራንት 212 ክፍሎች ሲኖሩት ሁለቱ ከፍተኛ ደረጃ ያላቸው ፕሬዚደንሻል ሱትስ እንደሆኑ ታውቋል፡፡ ይህን ሆቴል ልዩ የሚያደርገው ለግንባታ የሚውለው 37 ሚሊዮን ዶላር የዓለም ባንክ አካል ከሆነው ዓለም አቀፍ የፋይናንስ ኮርፖሬሽን (አይኤፍሲ) በብድር የተገኘ ሲሆን እስካሁን በ18.6 ሚ. ዶላር ብድር ግንባታው እየተፋጠነ መሆኑ ተገልጿል፡፡ ሌላው ልዩ ነገር ሆቴሉ ዓለም አቀፍ የጥራት ደረጃውን የጠበቀ እንዲሆን ግንባታውን በ18 ወራት ለማጠናቀቅ የኢጣሊያው ኩባንያ “ሳፖርቲ ፕሮጀክት ማኔጅመንት ሰርቪስ” የዛሬ ሳምንት በተደረገ የሆቴሉ ክፍል ማሳያ ሞዴል ምረቃ ላይ የፕሮጀክት አስተዳደሩን ተረክቧል፡፡ በሆቴል ክፍሉ ምረቃና በፕሮጀክት አስተዳደሩ ርክክብ ላይ በክብር እንግድነት የተገኙት የአዲስ አበባ ከተማ አስተዳደር ም/ከንቲባ አቶ አባተ ስጦታው፣ ከተማችን የአፍሪካ መዲና፣ የበርካታ
3 ሰዓሊያን ሀበሻ ቢራን አስጠነቀቁ
ጥያቄያችን በ10 ቀን ውስጥ ካልተፈፀመ ወደ ክስ እናመራለን ብለዋል በብራና እና በጂባ ላይ 4 ሺህ ስዕሎችን ስለው ለማቅረብ ከሀበሻ ቢራ ጋር የ6.6 ሚሊዮን ብር ውል መዋዋላቸውን የገለፁት ሶስት ሰአሊያን፤ በውሉ መሰረት ክፍያ አልተፈፀመልንም፤ ከውል ውጪም ስራውን እንዳንሰራ ተደርገናል በማለት ኩባንያው በ10 ቀን ውስጥ ለጥያቄያቸው ምላሽ የማይሰጣቸው ከሆነ ወደ ፍ/ቤት እንደሚያመሩ አስታውቀዋል፡፡ በህግ አማካሪና ጠበቃቸው አቶ ጳውሎስ ተሰማ በኩል ተፅፎ ለሀበሻ ቢራ አክሲዮን ማህበር በተላከው የማስጠንቀቂያ ደብዳቤ፡- ሰዓሊ በልአንተ ብርሃኑ፣ ሰዓሊ አብዱል ቃድር መሃመድና ሰዓሊ መሃሪ ተሾመ በሽርክና ማህበራቸው በኩል በጥር 2008 ዓ.ም 2000 የብራና ላይ እና 2000 የጂባ ላይ ስዕሎችን ስለው እንዲያቀርቡ መስማማታቸውን፣ የአንዱ ስዕል ዋጋ 1500 ብር፤ ጠቅላላ ዋጋው 6 ሚሊዮን 6 መቶ ሺህ ብር መሆኑን ያስረዳል፡፡ ሀበሻ ቢራ በውሉ መሰረት 5 በመቶ ቅድመ ክፍያ 330ሺህ ብር የከፈለ መሆኑንና 200 ስዕሎችን መረከቡን፤ ነገር ግን ለቀጣይ ስዕሎች መስሪያ 10 በመቶ ተጨማሪ ክፍያ ሲጠየቅ አዲስ የስራ ዋጋ በማቅረብ ክፍያውን ለመፈፀም ፍቃደኛ
“ፊቴ ተመልሶ እንዲመጣ እፈልጋለሁ”
ባለፈው ፋሲካ አካባቢ ደወለልኝ፡፡ ሀዋሳ ነው ያለሁት አለኝ፡፡ እኛ ጋ የሚሰራ አንድ ጓደኛ አለው፡፡ እሱ ጋ መጥቶ እንዳረፈ በኋላ ነውየሰማሁት፡፡ እኔም የምኖረው እዚያው የምሰራበት ሆቴል ክፍል ተሰጥቶኝ ነው፡፡ የምኖረው ሀዋሳ ነኝ ያለው ለካ እዛ መጥቶ ነው፡፡ ለአንድሳምንት ያህል የምሰራበት ሆቴል መጥቶ ምግብ በልቶ አይቶኝ ይሄድ እንደነበር ቆይቼ ሰምቻለሁ፡፡ እኔ ግን አይቼው አላውቅም፡፡ አንድ ቀን“አንቺ አምሮብሻል፤ እኔ ግን እየተሰቃየሁ ነው” አለኝ፡፡ እኔ ታዲያ ምን አጠፋሁ አልኩት፡፡ “በይ ለማንኛውም 500 ብር አበድሪኝ” አለኝ፡፡• አልጋ የለም ተብዬ እየተመላለስኩ ነው የምታከመው• ለሰርጀሪ ከ60-80 ሺህ ብር ተጠይቄያለሁ• በደረሰብኝ ጥቃት ህዝብና መንግሥት ይፋረደኝአሲዱን የደፋብሽ ማነው?ጥቃቱን ያደረሰብኝ ሰለሞን በላይ የተባለ የቀድሞ ጓደኛዬ (ፍቅረኛዬ) ነው፡፡ ትናንትና (ሰኔ 17) አንድ ወር ሞላኝ፡፡ እንዲሁ እንደተቃጠልኩና እንደተንገበገብኩ አለሁ፡፡ በምን ምክንያት ነው ጥቃቱን ያደረሰብሽ?ለሶስት ዓመታት ያህል በፍቅር አብረን አሳልፈናል፡፡ ጊዜው እየረዘመ ሲሄድ አብረን መሆናችን ካልቀረ ለምን አንጋባምና ተጠቃልለን አንቀመጥም አልኩት፤ ምላሽ የለም፡፡ በተደጋጋሚ ይህንኑ ጥያቄ አነሳሁ፡፡ እሱ ደግሞ “በጓደኝነታችን እንቀጥል እንጂ ላገባሽ
የፌስቡክ የጥላቻ መልዕክቶች ላይ የተደረገ ጥናት ምን ይላል?
ኦክስፎርድ ዩኒቨርሲቲ ፌ ስቡክ የሰመረላቸው የመንግስት ባ ለስልጣናትና ተ ቋማት ጥ ቂት ናቸው ብሏል ኦክስፎርድ ዩኒቨርሲቲ ከአዲስ አበባ ዩኒቨርሲቲ ጋር በመተባበር በኢትዮጵያውያን የፌስቡክ ማህበራዊ ድረገጽ ተጠቃሚዎች ላይ ባደረገው የናሙና ጥናት፣ ኢትዮጵያውያን በፌስቡክ በኩል የሚያስተላልፏቸው የጥላቻ መልዕክቶችና አስተያየቶች መጠን፣ ከተጠቃሚዎች ብዛት አንጻር እጅግ አነስተኛ ሆኖ እንዳገኘው አስታወቀ፡፡ዩኒቨርሲቲው የኢትዮጵያውያንን የፌስቡክ አጠቃቀም በተመለከተ ለሁለት አመት ያህል ያከናወነውና ሰሞኑን ይፋ ያደረገው “መቻቻል” የተሰኘ ርዕስ ያለው ይህ ጥናት፤ በናሙናነት ከተወሰዱት የፌስቡክ ተጠቃሚዎች አስተያየቶች መካከል ብሄርን፣ ዜግነትን፣ ሃይማኖትን ወይም ጾታን መሰረት በማድረግ ግለሰቦችን ወይም ቡድኖችን የሚያገልሉ የጥላቻ መልዕክት ያዘሉት 0.7 በመቶ ያህሉ ብቻ እንደሆኑ ገልጿል፡፡በ2007 ዓ.ም ከየካቲት እስከ ሃምሌ በነበሩት ወራት ኢትዮጵያውያን የፌስቡክ ተጠቃሚዎች ከሰጧቸው አስተያየቶችና መልዕክቶች ውስጥ 13 ሺህ ያህሉን በናሙናነት ወስዶ የተነተነው ጥናቱ፣ አደገኛ ወይም ጠብ አጫሪ ተብለው ከተመደቡት የፌስቡክ አስተያየቶችና መልዕክቶች መካከል 21.8 በመቶ የሚሆኑት የፖለቲካ ልዩነቶችን መሰረት ያደረጉ እንደሆኑና ሃይማኖትና ብሄር 10 በመቶ እና 14 በመቶ ያህል ድርሻ እንዳላቸውም ገልጧል፡፡በጥናቱ የጥላቻ አስተያየቶችንና
የአዲስ አበባ ኑሮ ከአለማችን ከተሞች ጋር ሲነፃፀር!
ከብራዚልና ከሜክሲኮ ዋና ከተሞች፣ ከካልታና ከኢዝላማባድ … ከሃጋሪና ከፖላንድ እንዲሁም ከዩክሬንና ከማሌዥያ ዋና ከተሞች ይልቅ፣ የአዲስ አበባ የኑሮ ውድነት ይከፋል፡፡ ከካናዳ ኦታዋ እና ጊታሞና ሞንትሪያል፤ ከጀርመን ሊፕዚግ እና ኑርንበርግ ከተሞች ጋር ሊነፃፀርም፣ የኑሮ ውድነት በአዲስ አበባ ይከብዳል፡፡ ሜርሰር የተባለው አለማቀፍ የጥናት ተቋም ከትናንት በስቲያ ይፋ ባደረገው አመታዊው የዓለማችን ከተሞች የኑሮ ውድነት ደረጃ፣ መዲናችን አዲስ አበባ 143ኛ ደረጃን መያዟን አስታወቀ፡፡ተቋሙ ለ22ኛ ጊዜ በ209 የዓለማችን አገራት ላይ ባደረገው የዳሰሳ ጥናት ላይ ተመስርቶ ይፋ ያደረገው የዘንድሮ ሪፖርት እንደሚለው፣ በአለማችን ከሚገኙ ከተሞች ለመኖር ከፍተኛ ወጪን በመጠየቅ ቀዳሚውን ስፍራ የያዘቺው ሆንግ ኮንግ ስትሆን የአንጎላ መዲና ሉዋንዳና የስዊዘርላንዷ ዙሪክ ሁለተኛና ሶስተኛ ደረጃን ይዘዋል፡፡ዝቅተኛ ወጪን የሚጠይቁ የዓለማችን ከተሞች ተብለው የተዘረዘሩት ደግሞ የናሚቢያዋ ዊንድሆክ፣ የደቡብ አፍሪካዋ ኬፕታውንና የካይሬጊስታኗ ቢሽኬክ ሲሆኑ በአፍሪካ አህጉር ከሚገኙ ከተሞች የአንጎላ ዋና ከተማ ሉዋንዳ ከፍተኛ የኑሮ ውድነት ያለባት ከተማ ናት ያለው ሪፖርቱ፤ የኮንጎዋ ኪንሻሳና የቻድ ርዕሰ ከተማ ጃሜና ሁለተኛና ሶስተኛ ደረጃን መያዛቸውን አብራርቷል፡፡ተቋሙ የከተሞችን
በኦሮሚያና በአማራ ክልል በግጭቶች የደረሱ ጉዳቶች በድጋሚ እንዲጣሩ ተቃዋሚ ፓርቲዎች ጠየቁ
ከ”330 በላይ ሰዎች ስለመሞታቸው መረጃ አለኝ” - መድረክየኢሰመኮን ሪፖርት አንቀበለውም ብለዋል የኢትዮጵያ ሰብአዊ መብት ኮሚሽን፤ በኦሮሚያና በአማራ ክልል የተከሰቱ ተቃውሞና ግጭቶችን ተከትሎ የደረሱ ጉዳቶችን በተመለከተ ያቀረበውን ሪፖርት እንደማይቀበሉት መድረክና ሰማያዊ ፓርቲ አስታወቁ፡፡ ከማንም የማይወግን ነፃ ገለልተኛ አካል ተቋቁሞ የጠፋው ህይወትና የደረሱት ጉዳቶቹ በድጋሚ እንዲጣሩም ጠይቀዋል፡፡ መድረክ በኦሮሚያ ክልል በተፈጠረው ተቃውሞና ግጭት ከ330 በላይ ዜጎች ስለመሞታቸው መረጃ እንዳለው ጠቁሞ የኮሚሽኑ ሪፖርት የሟቾችን ቁጥር በግማሽ ያሳነሰ ነው ብሏል፡፡ በኦሮሚያ ክልል የ292 ሟቾች ስምና ሙሉ መረጃ እንዳለው የገለፀው መድረክ፤ 41 ያህል ማንነታቸው ያልተለዩትን ጨምሮ የሟቾቹ ቁጥር ከ330 በላይ ነው ብሏል፡፡ አለማቀፍ የሰብዓዊ መብት ተቋማት ከ400 በላይ ሰዎች መገደላቸውንና የፀጥታ ኃይሉም ከመጠን በላይ ኃይል መጠቀሙን የሚገልፅ ሪፖርት ማውጣታቸውን የጠቀሱት ሰማያዊና መድረክ፤ የኢትዮጵያ ሰብአዊ መብት ኮሚሽን የሟቾች ቁጥር 173 ብቻ ናቸው ማለቱ ተቀባይነት የለውም ብለዋል፡፡ “በተቃውሞ ወቅት በመንግስት የተወሰደው እርምጃ “አስፈላጊና ተመጣጣኝ ነው” ማለቱም የፀጥታ ኃይሉንና መንግስትን ከተጠያቂነት ነፃ ለማድረግ የተወጠነ ነው” ብለዋል፤ ፓርቲዎቹ ትናንት
ኤርትራውያን በመንግሥታቸው ጉዳይ ለሁለት ተከፍለዋል
“የፕሬዚዳንት ኢሳያስ ለፍርድ የመቅረብ እድል በ UN እጅ ላይ ነው” የኢትዮጵያ ሰብአዊ መብት ኮሚሽን፤ በኦሮሚያና በአማራ ክልል የተከሰቱ ተቃውሞና ግጭቶችን ተከትሎ የደረሱ ጉዳቶችን በተመለከተ ያቀረበውን ሪፖርት እንደማይቀበሉት መድረክና ሰማያዊ ፓርቲ አስታወቁ፡፡ ከማንም የማይወግን ነፃ ገለልተኛ አካል ተቋቁሞ የጠፋው ህይወትና የደረሱት ጉዳቶቹ በድጋሚ እንዲጣሩም ጠይቀዋል፡፡ መድረክ በኦሮሚያ ክልል በተፈጠረው ተቃውሞና ግጭት ከ330 በላይ ዜጎች ስለመሞታቸው መረጃ እንዳለው ጠቁሞ የኮሚሽኑ ሪፖርት የሟቾችን ቁጥር በግማሽ ያሳነሰ ነው ብሏል፡፡ በኦሮሚያ ክልል የ292 ሟቾች ስምና ሙሉ መረጃ እንዳለው የገለፀው መድረክ፤ 41 ያህል ማንነታቸው ያልተለዩትን ጨምሮ የሟቾቹ ቁጥር ከ330 በላይ ነው ብሏል፡፡ አለማቀፍ የሰብዓዊ መብት ተቋማት ከ400 በላይ ሰዎች መገደላቸውንና የፀጥታ ኃይሉም ከመጠን በላይ ኃይል መጠቀሙን የሚገልፅ ሪፖርት ማውጣታቸውን የጠቀሱት ሰማያዊና መድረክ፤ የኢትዮጵያ ሰብአዊ መብት ኮሚሽን የሟቾች ቁጥር 173 ብቻ ናቸው ማለቱ ተቀባይነት የለውም ብለዋል፡፡ “በተቃውሞ ወቅት በመንግስት የተወሰደው እርምጃ “አስፈላጊና ተመጣጣኝ ነው” ማለቱም የፀጥታ ኃይሉንና መንግስትን ከተጠያቂነት ነፃ ለማድረግ የተወጠነ ነው” ብለዋል፤ ፓርቲዎቹ ትናንት በጋራ
የቀድሞው የአንድነት ፓርቲ አመራሮች አዲስ ፓርቲ መሰረቱ
የቀድሞ የአንድነት ለፍትህና ለዲሞክራሲ ፓርቲ አመራሮች፤ “ነፃነት ለአንድነትና ለፍትህ (ነፃነት) የተሰኘ አዲስ ፓርቲ መሰረቱ፡፡ የአዲሱ ፓርቲ መስራች ጠቅላላ ጉባኤ ከረጅም የምስረታ ሂደት በኋላ ግንቦት 27 ቀን 2008 ዓ.ም በሆቴል ዲ.አፍሪክ የተካሄደ ሲሆን በእለቱም የፓርቲው የተለያዩ መተዳደሪያ ሰነዶች በጉባኤው ከፀደቁ በኋላ የቀድሞ የአንድነት አመራር አባል ዶ/ር ንጋት አስፋው ሊቀመንበር ሆነው መመረጣቸውን በፓርቲው የመስራች አስተባባሪ ኮሚቴው ፀሐፊ፣ አቶ ደምሴ መንግስቱ ለአዲስ አድማስ ገልፀዋል፡፡ ፓርቲውን በማቋቋም ሂደቱ ከሰሞኑ ህይወታቸው ያለፈው አቶ ብሩ ብርመጅ እና አቶ ተመስገን ዘውዴ ጉልህ ድርሻ የነበራቸው ሲሆን በእነ አቶ ብሩ የሚመራው ቡድን በሌላ በኩል ሌላ ፓርቲ እየመሰረተ ከነበረው የእነ አቶ ሽመልስ ሃብቴ ቡድን ጋር በመቀላቀል “ነፃነት” የተሰኘው ፓርቲ እንደተመሰረተ አቶ ደምሴ አብራርተዋል፡፡ አዲሱ ፓርቲ የደቡብ፣ የኦሮሚያ፣ የአማራ፣ የቤኒሻንጉል ጉሙዝ ክልሎችና የአዲስ አበባ ከተማ ውክልና ያላቸው አባላት እንዳሉት ለማወቅ ተችሏል፡፡ በፓርቲው ምስረታ የተሳተፉት ሁሉም አባላት በአንድነት ለፍትህና ለዲሞክራሲ ፓርቲ ውስጥ በከፍተኛ አመራር ደረጃ የነበሩ ግለሰቦች መሆናቸውን የጠቆሙት አቶ ደምሴ፤ 2ሺህ
የኢትዮጵያ መንግስት የሶማሊላንድ ጋዜጠኞችን ማሰሩ ተዘገበ
የቴሌቪዥን ጣቢያ ስርጭት እንዲቋረጥ አድርጓል ተብሏልየኢትዮጵያ መንግስት ባለፈው ሰኞ ዋጃሌ በተባለቺው የኢትዮ-ሶማሊላንድ የድንበር ከተማ አምስት የሶማሊላንድ ጋዜጠኞችን በቁጥጥር ስር አውሎ ማሰሩንና አራቱ ከቆይታ በኋላ ሲለቀቁ አንደኛው አሁንም በእስር ላይ እንደሚገኝ ዳስላን ሬዲዮ ከትናንት በስቲያ ዘገበ፡፡የኢትዮጵያ መንግስት ጋዜጠኞቹን ከማሰር ባለፈ፣ ሆርን ኬብል የተባለው የቴሌቪዥን ጣቢያ በቅርቡ ያስተላለፈው ዘገባ ተገቢ አይደለም በሚል ታይኮም ለተባለው የሳተላይት ተቋም ባቀረበው ቅሬታ፤ጣቢያው በአካባቢው ያሰራጭ የነበረው ፕሮግራም እንዲቋረጥ ማድረጉንም ሶማሊላንድ ኢንፎርመር ዘግቧል፡፡ጋዜጠኞቹ በዋጃሌ ከተማ በተዘጋጀ ሃሰተኛ ጋዜጣዊ መግለጫ ላይ እንዲገኙ ከተጋበዙ በኋላ በመንግስት ልዩ ሃይል ፖሊሶች በቁጥጥር ስር መዋላቸውንና ወደ ጂግጂጋ ከተማ ተወስደው እንደታሰሩ የጠቆመው ዘገባው፣ አራቱ ሲፈቱ ሆርን ኬብል ቲቪ የተባለው የሶማሊላንድ የሳተላይት ቴሌቪዥን ጣቢያ ባልደረባ፣ጋዜጠኛ ሙክታር ኑር ግን አሁንም በኢትዮጵያ መንግስት ቁጥጥር ስር እንደሚገኝ አመልክቷል፡፡ የኢትዮጵያ መንግስት ጋዜጠኞችን ያሰረበት ምክንያት ግልጽ አይደለም ያለው ዘገባው፤ሶማሊላንድና ኢትዮጵያ ጋዜጠኞችን በማሰር ረገድ ተባብረው ሲሰሩ እንደነበርና ከዚህ ቀደም በተመሳሳይ ሁኔታ የታሰሩ የአገሪቱ ጋዜጠኞች በሃርጌሳ በፍርድ ሂደት ላይ መሆናቸውን ጠቁሞ ሌሎች
ሼህ መሐመድ አሊ አላሙዲ ለመቄዶንያ ሁለተኛ አምቡላንስ ሰጡ
ሞሓ የለስላሳ መጠጦች ፋብሪካ፣ ለመቄዶንያ የአረጋውያንና የአዕምሮ ሕሙማን መርጃ ማዕከል አንድ ሚሊዮን ብር ግምት ያለው ሁለተኛ አምቡላንስ በዕርዳታ ሰጠ፡፡ ርክክቡ የተከናወነው መንግሥት ለመቄዶንያ በነፃ በሰጠውና አያት ኮንዶሚኒየም አጠገብ በሚገኘው 30ሺ ካ.ሜ ቦታ ላይ ሲሆን በስፍራው 5 ብሎክ ቤቶች ተሰርተው ኮተቤ የነበሩ 350 ተረጂዎች ገብተውበታል፡፡ በአያት ኮንዶሚኒየም አጠገብ የሚሰራው የመቄዶንያ አረጋውያንና የአዕምሮ ሕሙማን መርጃ ማዕከል፤ ከ300 ሚሊዮን ብር በላይ የሚፈጅ ስለሆነ፣ የኮንስትራክሽን ድርጅቶች ኤክስካቫተር፣ ሎደር፣ ሚክሰር፣ ሲኖትራክ፣ የመሳሰሉትን ለተወሰነ ሰዓት ወይም ለአንድ ቀን ይዘው በመምጣት በሕዝብ ድጋፍ የሚሰራው ማዕከል ግንባታ አካል እንዲሆኑ መቄዶንያ ጠይቋል፡፡“አገር በቀሉ መቄዶንያ እስካሁን እየተንቀሳቀሰ ያለውና አዲሱ ማዕከልም የሚሰራው በኢትዮጵያውያን በጎ አድራጎት ስለሆነ ለማዕከሉ ግንባታ ገረጋንቲ፣ የምግብ ማብሰያ እንጨት (የቤት ፍራሽ) ብሎኬት፣ አሸዋ፣ ጠጠር፣ ሚስማር፣ ቆርቆሮ የመሳሰሉትና የሙያ እገዛም በጣም ስለሚያስፈልገን፣ ኢትዮጵያውያን ወገኖቻችን ወደ ማዕከሉ መጥተው በመጎብኘትና የጎደለውን በማሟላት፣በማዕከሉ ግንባታ አሻራቸውን እንዲያሳርፉ እንጠይቃለን” ብሏል፡፡ “ይበል ኢንዱስትሪያል፤ለመቶ ሰዎች በነፃ በብረት ተገጣጣሚ ቤት እየሰራ ነው፡፡ ቤቱን፣ በ3 ወር ሰርተው እንደሚያስረክቡን
“ለክረምቱ ግብርና በቂ ዝግጅት አልተደረገም” አለማቀፍ ተቋማት
“ከ7 ወር በኋላ ከድርቅና ተረጂነት ዜጎች ይላቀቃሉ” መንግስት የበልግና የክረምቱ ዝናብ በአግባቡ ጥቅም ላይ የሚውል ከሆነ በድርቅ የተጎዱ ዜጎች በመጪው ጥር 2009 ዓ.ም ሙሉ ለሙሉ ከተረጂነት ይላቀቃሉ የተባለ ሲሆን በግብርና ላይ የሚሰሩ አለማቀፍ ተቋማት በበኩላቸው፤ መንግስት ለግብርናው በቂ ዝግጅት አላደረጉም ብለዋል፡፡ በሀገሪቱ የክረምቱ ዝናብ በሚፈለገው መጠን እየዘነበ መሆኑን የጠቀሰው በአፍሪካ ግብርና ላይ ትኩረቱን ያደረገው የአርካ አረንጓዴ አብዮት ጥምረት የተሰኘው ተቋም፤ መንግስት እርዳታ በማቅረብ ላይ ብቻ በመጠመዱ የዘር አቅርቦቱን ቸል ብሎታል ብሏል፡፡ የዘር አቅርቦቱ እጥረት እያጋጠመው ነው ያለው ተቋሙ፤ ይህም የድርቁን ችግር ሊያራዝመው ይችላል ብሏል፡፡ የብሄራዊ አደጋ መከላከል ኮሚሽን ኮሚሽነር በበኩሉ፤ ከ7 ወር በኋላ ሀገሪቱ ሙሉ ለሙሉ ከድርቅ ተረጂነት ትላቀቃለች ተብሎ እንደሚጠበቅና የድርቁን ወቅታዊ ችግርና የተረጅዎችን ሁኔታ የሚያጠና ቡድን ወደየአካባቢዎቹ መላኩን ጠቁመዋል፡፡ “እስካሁን የድርቅ ተረጂዎች ቁጥር ከ10.2 ሚሊዮን አልዘለለም” ያሉት ኮሚሽነር ምትኩ ካሣ፤ የበልጉ ዝናብ ምን ያህል ተረጅዎችን ከተረጅነት አላቀቀ የሚለውን ቡድኑ ካጠና በኋላ የተረጂዎች ቁጥር አሁን ካለበት ሊቀንስ ይችላል ብለዋል፡፡
የኢትዮጵያና የኤርትራ መንግስታት “ብዙ ገድለናል” እያሉ ነው
“የኢሳያስን መንግስት ማስወገድ ያስፈልጋል”የቀድሞ የአየር ሃይል አዛዥ ሜ.ጀ አበበየኢትዮጵያ መንግስት• በከባድ ውጊያ፣ ከፍተኛ ኪሳራ አድርሻለሁ• ትንኮሳ እንዳይፈጽም ትምህርት ሰጥተነዋል• ካለረፈ ግን፣ በተመጣጣኝ እርምጃ እንቀጣዋለንየኤርትራ መንግስት• ሁለት መቶ ወታደሮችን ገድያለሁ፤ አቁስያለሁ• የአሜሪካ መንግስት ፣ እጁ አለበት፤ ጥቃት አነሳስቶብኛል• የኢትዮጵያ ጦር ወደ ድንበር በብዛት ተሰማርቶብኛልየኢትዮጵያ መንግስት በፆረና ግንባር ከባድ ውጊያ ተካሂዶ እንደነበር ገልፆ፣ ትንኮሳ በፈፀመው የኤርትራ ጦር ላይ ከፍተኛ የህይወት ኪሳራ አድርሻለሁ፤ እርምጃውም ለሻዕቢያ መንግስት አስተማሪ ነው ብሏል፡፡ የኤርትራ መንግስት በበኩሉ ባልታወቀ ምክንያት የኢትዮጵያ ጦር በብዛት ወደ ድንበር እንደተሰማራና የአሜሪካ እጅ እንዳለበት የተናገረ ሲሆን፤ 200 ወታደሮችን ገድያለሁ ብሏል፡፡ በኤርትራ መንግስት ላይ አስተማሪ እርምጃ መስደናል ያሉት የኢትዮጵያ መንግስት የኮሚኒኬሽን ሚኒስትር ጌታቸው ረዳ፤ “ሌላ ትንኮሳ ያደርጋል ብለን አንጠብቅም፤፡፡ በድንበር አካባቢ ሌላ ግጭት የሚፈጠር ከሆነ ግን፣ የግጭቱ ብቸኛ ተጠያቂ የሚሆነው የኤርትራ መንግስት ነው” ብለዋል፡፡ መንግስት፣ ትንኮሳዎችን ለማስታገስና ለመቅጣት ተመጣጣኝ እርምጃ መውሰዱን ይቀጥላል ያሉት አቶ ጌታቸው፤ የኢያሳያስን መንግስት የማውረድ ኃላፊነት ግን ኢትዮጵያን ብቻ ሳይሆን የአለማቀፉ ህብረተሰብም
“በኦሮሚያ ግጭትና ተቃውሞ ከ400 በላይ ሰዎች ሞተዋል” ሂውማን ራይትስ ዎች
የ314 ሟቾች ስም ዝርዝር ይፋ ተደርጓል በቅርቡ በኦሮሚያ ክልል ተከስቶ በነበረው ተቃውሞና ግጭት ከ400 በላይ ሰዎች መገደላቸውን የገለፀው ሂውማን ራይትስ ዎች፤ ከ300 በላይ የሚሆኑ የሟቾችን ስም ዝርዝር ይፋ አድርጓል፡፡ የኢትዮጵያ ሰብአዊ መብት ኮሚሽን ባለፈው ሳምንት ለህዝብ ተወካዮች ም/ቤት ባቀረበው የምርመራ ሪፖርቱ፤ 28 የፀጥታ ኃይሎችና የመንግስት ሹማምንትን ጨምሮ 173 ሰዎች በግጭቱ መሞታቸውን መግለፁ የሚታወስ ሲሆን፤ የፀጥታ ኃይሎች አስፈላጊና ተመጣጣኝ እርምጃ ነው የወሰዱት ማለቱ አይዘነጋም፡፡ መቀመጫውን በአሜሪካ ያደረገው ሂውማን ራይትስ ዎች በበኩሉ፤ የመንግስት የፀጥታ ኃይሎች በሰላማዊ ተቃዋሚዎች ላይ ከመጠን በላይ የኃይል እርምጃ ወስደዋል ብሏል ከትናንት በስቲያ ባወጣው ሪፖርት፡፡ በግጭቱ በሺዎች የሚቆጠሩ ዜጎች መቁሰላቸውን፣ በ10ሺዎች የሚገመቱ ለእስር መዳረጋቸውንና በመቶዎች የሚቆጠሩ የደረሱበት አልታወቀም ብሏል፡፡ አብዛኞቹ በግጭቱ የተገደሉት ከ18 ዓመት በታች የሆኑ ታዳጊዎች መሆናቸውን የጠቆመው ሪፖርቱ፤ ተማሪዎች፣ መምህራን፣ ሙዚቀኞች፣ የተቃዋሚ ፓርቲ አመራርና አባላት እንዲሁም የጤና ባለሙያዎችና ከፀጥታ ኃይሎች የሚሸሹ ተማሪዎችን ያስጠለሉ ግለሰቦች ለእስር መዳረጋቸውን አመልክቷል፡፡ የተቋሙ የምርመራ ቡድን ሪፖርቱን ለማጠናቀር ከ17 የኦሮሚያ ዞኖች 125 ሰዎችን
መንግሥት በቴሌኮም ማጭበርበር ከ1 ቢሊዮን ብር በላይ ከስሯል
- 720 ሲም ካርዶችን መጠቀም የሚችል መሳሪያ ተይዟል- በዘጠኝ ወራት ብቻ 165 የሳይበር ጥቃቶች ደርሰዋል በአራት የአገሪቱ ከተሞች በተፈፀሙ የቴሌኮም ማጭበርበር ወንጀሎች መንግስት ከአንድ ቢሊዮን ብር በላይ ኪሳራ እንደደረሰበት ተገለፀ፡፡ በጅግጅጋ፣ በአዲስ አበባ፣ በሃረርና ድሬደዋ 400 የማጭበርበር ወንጀል ሲፈፀምባቸው የነበሩ መሳሪያዎች የተያዙ ሲሆን አንዳንዶቹ 8፣ አንዳንዶቹ ደግሞ እስከ 720 ሲም ካርዶችን የሚጠቀሙ እንደሆኑ ተገልጿል፡፡ የኢንፎርሜሽን መረብ ደህንነት ኤጀንሲ ዋና ዳይሬክተር ሜጀር ጀነራል ተክለብርሃን ወልደ አረጋዊ ከትናንት በስቲያ ለህዝብ ተወካዮች ምክር ቤት የዘጠኝ ወራት ዕቅድ አፈፃፀም ሪፖርት ባቀረቡበት ወቅት እንደገለፁት፤ የቴሌኮም ማጭበርበር ወንጀል በአገሪቱ የቴሌኮም ዘርፍ የአገልግሎት ተደራሽነት ላይ አሉታዊ ተፅዕኖ እየፈጠረ ሲሆን መንግስትንም ለከፍተኛ ኪሳራ ዳርጐታል፡፡ ባለፉት ዘጠኝ ወራት በጅግጅጋ፣ አዲስ አበባ፣ ሐረርና ድሬደዋ ከተሞች በተካሄደ አሰሳ፣ 400 የቴሌኮም ማጭበርበር ወንጀል ሲፈፀምባቸው የነበሩ መሳሪያዎች የተያዙ ሲሆን መሳሪያዎቹ ከ8 እስከ 720 ሲም ካርዶችን የመጠቀም አቅም ያላቸው እንደሆኑ ተገልጿል፡፡ 46 ተጠርጣሪዎች በቁጥጥር ስር መዋላቸውን የጠቆመው ሪፖርቱ፤ በመንግስት ላይ ከአንድ ቢሊዮን ብር በላይ
“የስንብት ቀለማት” ለንባብ ሊበቃ ነው
- በኢትዮጵያ የስነ-ጽሁፍ ታሪክ ረጅሙ ልብወለድ ነው በአንጋፋው ደራሲ አዳም ረታ የተጻፈውና ዘጠነኛ ስራው የሆነው “የስንብት ቀለማት” የተሰኘ የረጅም ልቦለድ መጽሃፍ በቅርቡ ለንባብ እንደሚበቃ ደራሲው ለአዲስ አድማስ መግለጫ አስታወቀ፡፡ደራሲ አዳም ረታ ከሁለት አስርት አመታት በላይ ሲያስተዋውቀው የነበረውን ‘ሕጽናዊነት’ የተባለ ልዩ የአጻጸፍ ስልት በስፋትና በጥልቀት ያሳየበት “የስንብት ቀለማት”፣ በቅርጹም ሆነ በይዘቱ የተለየ እንደሚሆን የተነገረ ሲሆን ደራሲው ከዚህ ቀደም ባሳተማቸው መጽሃፍት ውስጥ የሚጠቀማቸው ምስሎች፣ ቻርቶች፣ ግራፊክ ዲዛይኖችና ሰንጠረዦች በአዲሱ መጽሀፍም መካተታቸውንና ባለ ሙሉቀለም የግርጌ ስታወሻዎችና ሌሎች አዳዲስ ይዘቶች እንዳሉት ታውቋል፡፡በመጨረሻ ገፆቹ የአንጋፋውን የአዲስ አበባ ዩኒቨርሲቲ የስነጽሁፍ መምህር ረዳት ፕሮፌሰር ቴዎድሮስ ገብሬ ዳሰሳ “ድሕረ ቃል” በሚል ርዕስ ያካተተው መፅሀፉ ፤ በ960 ገጾች በኢትዮጵያ የሥነ ፅሁፍ ታሪክ ረዥሙ ልብወለድ ለመሆን በቅቷል፡፡ 8 አቢይ ምዕራፎችና 46 ንኡስ ምዕራፎች ያሉት ልብ ወለዱ፤ ዋጋው 350 ብር እንደሆነ ታውቋል፡፡
ሲኒማና ቲያትር ቤቶች በተመልካች ድርቅ ተመተዋል
“ቃና” 8 ስቱዲዮዎች ገንብቷልበአጭር ጊዜ ውስጥ ከፍተኛ ተቀባይነትን ያገኘው “የቃና ቴሌቪዥን” ሥርጭትን ተከትሎ ሲኒማ ቤቶችና ቲያትር ቤቶች በተመልካች ድርቅ መመታታቸውን የኪነጥበብ ባለሙያዎች ለአዲስ አድማስ ተናገሩ፡፡ ባለፉት ሦስት ወራት የፊልምና ቲያትር ተመልካቾች ከግማሽ በላይ መቀነሳቸው ባለሙያዎቹን እንዳስደነገጣቸው ገልፀዋል፡፡ የቲያትር አዘጋጆችና ባለቤቶች እንደተናገሩት፤ በሣምንቱ የእረፍት ቀናት ከሚታዩ ቲያትሮች በስተቀር በስራ ቀናት ምሽት ላይ የሚቀርቡ ቲያትሮች ተመልካች አጥተዋል፡፡ በማዘጋጃ ቤት “እንግዳ” እንዲሁም በብሔራዊ ቲያትር “የፍቅር ማዕበል” የተሰኙ ቲያትሮችን የሚያሳየው አርቲስት ማንያዘዋል እንደሻው፤ ባለፉት ሶስት ወራት የቲያትር ተመልካቾች ከ30 በመቶ በላይ መቀነሳቸውን ገልጿል፡፡ ቀደም ሲል በማዘጋጀ ቤት እየታየ ያለውን ቲያትር እስከ 300 ሰዎች ይመለከቱት እንደነበረ የጠቆመው አርቲስቱ፤ በአሁን ወቅት የተመልካቹ ቁጥር በመቶ እንደቀነሰ ተናግሯል፡፡ “ቃና” ቴሌቪዥን ከመጣ ወዲህ የተመልካቹ ቁጥሩ መቀነሱ የጣቢያው ተፅዕኖ የፈጠረው ነው ብሎ እንደሚያምን የገለፀው ማንያዘዋል፤ በዚህ ሁኔታ የሚቀጥል ከሆነ ቲያትር ቤቶች ባዶአቸውን ሊቀሩ ይችላሉ ብሏል፡፡ ስሙ እንዲገለጽ ያልፈለገ ሌላ የቲያትር ባለሙያ በበኩሉ፤ የተመልካች ቁጥሩ መቀነሱ ኢንዱስትሪውን በእጅጉ እየጐዳው በመምጣቱ፣ በቲያትር
በአዲስ አበባ የአተት ወረርሽኝ ሥጋት ተባብሷል
• በበሽታው የሚያዙ ሰዎች ቁጥር እየጨመረ ነው• 14 የማከሚያ ጣቢያዎች ተቋቁመዋል የኢትዮጵያ መንግስት በፆረና ግንባር ከባድ ውጊያ ተካሂዶ እንደነበር ገልፆ፣ ትንኮሳ በፈፀመው የኤርትራ ጦር ላይ ከፍተኛ የህይወት ኪሳራ አድርሻለሁ፤ እርምጃውም ለሻዕቢያ መንግስት አስተማሪ ነው ብሏል፡፡ የኤርትራ መንግስት በበኩሉ ባልታወቀ ምክንያት የኢትዮጵያ ጦር በብዛት ወደ ድንበር እንደተሰማራና የአሜሪካ እጅ እንዳለበት የተናገረ ሲሆን፤ 200 ወታደሮችን ገድያለሁ ብሏል፡፡ በኤርትራ መንግስት ላይ አስተማሪ እርምጃ መስደናል ያሉት የኢትዮጵያ መንግስት የኮሚኒኬሽን ሚኒስትር ጌታቸው ረዳ፤ “ሌላ ትንኮሳ ያደርጋል ብለን አንጠብቅም፤፡፡ በድንበር አካባቢ ሌላ ግጭት የሚፈጠር ከሆነ ግን፣ የግጭቱ ብቸኛ ተጠያቂ የሚሆነው የኤርትራ መንግስት ነው” ብለዋል፡፡ መንግስት፣ ትንኮሳዎችን ለማስታገስና ለመቅጣት ተመጣጣኝ እርምጃ መውሰዱን ይቀጥላል ያሉት አቶ ጌታቸው፤ የኢያሳያስን መንግስት የማውረድ ኃላፊነት ግን ኢትዮጵያን ብቻ ሳይሆን የአለማቀፉ ህብረተሰብም የሚመለከት ቢሆንም፣ በዋናነት የኤርትራ ህዝብ ጉዳይ ነው ብለዋል - ሚኒስትሩ ገልፀዋል፡፡ “ተመጣጣኝ እርምጃ” የሚባለው ሃሳብ እንደማያዛልቅ የተናገሩት የቀድሞ የአየር ኃይል አዛሽ ሜ/ጀነራል አበበ ተ/ሃይማኖት በበኩላቸው፤ ተመጣጣኝ እርምጃ ማለት እነሱ 200 ከገደሉ፣
ሃያሲ አብደላ እዝራ ሰኞ በዋቢ ሸበሌ ሆቴል ይዘከራል
ባለፈው ቅዳሜ ድንገት ባደረበት ህመም ከዚህ ዓለም በሞት የተለየውን አንጋፋውን የሥነ ፅሁፍ ሃያሲ አብደላ እዝራን የሚዘክር የኪነ ጥበብ ምሽት ከነገ ወዲያ ሰኞ ከቀኑ 11 ሰዓት ጀምሮ በዋቢ ሸበሌ ሆቴል ይካሄዳል፡፡ በ“ዝክረ አብደላ” የኪነ ጥበብ ምሽት፣ ሃያሲ አብደላእዝራ ለአማርኛ ስነ ፅሁፍ ያበረከተው አስተዋፅኦ የሚዳስስ ሲሆን “አብደላና ሂስ”፣ “አብደላና ህይወቱ” በመሳሰሉት ርዕሰ ጉዳዮች ዙሪያ የሥነ ፅሁፍ ባለሙያዎች አስተያየት ይሰጣሉ፡፡የቅርብ ወዳጆቹም ስለ አብደላ የሚያወቁትን ይመሰክራሉ፤ አብደላን የሚያወድሱ፣ ስራውንናሰብዕናውን የሚያወሱ ግጥሞችና ወጎችም ለታዳሚያን ይቀርባሉ ተብሏል፡፡ይህን የ“ዝክረ - አብደላ” የኪነ ጥበብ ምሽት አዲስ አድማስ ጋዜጣ ያዘጋጀው ሲሆን፣ በምሽቱ አንጋፋና ወጣት ፀሐፍትና ገጣሚያን ስራዎቻቸውን ያቀርባሉ። ከእነዚህም መካከል ነቢይ መኮንን፣ ዶ/ር በድሉ ዋቅጅራ፣ አለማየሁ ገላጋይ፣ ደረጀ በላይነህ፣ ኤፍሬም ስዩም፣ ደምሰው መርሻ፣ ምስራቅ ተረፈ እና ሌሎችም ይገኙበታል፡፡
የመምህራን ደሞዝ በእጥፍ ይጨምራል ተብሎ ይጠበቃል
5 ቢሊዮን ብር ተመድቧል የመምህራንን ደሞዝ ለማሻሻል በመንግስት የተመደበው የ5 ቢሊዮን ብር በጀት፣ የመምህራኑን ደሞዝ በእጥፍ ሊያሳድግ የሚችል ከፍተኛ ጭማሪ ነው፡፡ ለአስተማሪዎች “ትርጉም ያለው የደሞዝ ጭማሪ ይደረጋል” በማለት መንግስት በደፈናው መግለጫ ቢሰጥም፤ እስካሁን ዝርዝር መረጃ አላቀረበም፡፡ ጭማሪውም በዝርዝር ተሰልቶ ለትምህርት ተቋማት ገና አልተደላደለም፡፡ የዛሬ ሁለት ዓመት፣ ለመንግስት ሰራተኞች ደሞዝ ለመጨመር ውሳኔ ተላልፎ፣ ልዩ በጀት ተመድቦ እንደነበር የሚታወስ ሲሆን፣ ዘንድሮም በተመሳሳይ ሁኔታ ለመምህራን የደሞዝ ማሻሻያ፣ የ5 ቢ. ብር ልዩ በጀት ተመድቧል፡፡ ያኔ ለሁሉም የመንግስት ሰራተኞች፣ ለደሞዝ ማሻሻያ ተብሎ የተመደበው ልዩ በጀት 7 ቢ ብር እንደነበር የሚታወስ ሲሆን፣ በአማካይ የሰላሳ በመቶ የደሞዝ ጭማሪ ለማድረግ ውሏል፡፡ ከዚህ ጋር ሲነፃፀር ዘንድሮ ለመምህራን ብቻ የተመደበው የደሞዝ ጭማሪ በጀት 5 ቢሊዮን ብር መሆኑ ጭማሪው ከፍተኛ እንደሚሆን ያሳያል፡፡ የአገሪቱ የመምህራን ብዛት ሩብ ሚሊዮን እንደሚሆን የሚገመት ሲሆን፣ የወር ደሞዝ ጭማሪው በአማካይ 2500 ብር ገደማ ነው፡፡ ይህም የመምህራንን ደሞዝ በእጥፍ ለማሳደግ ያስችላል፡፡
ባለፉት 25 ዓመታት ከ1ሺህ በላይ የህትመት ውጤቶች ከገበያ ውጪ ሆነዋል
ባለፉት 25 አመታት ከ1ሺህ በላይ የሚሆኑ ጋዜጦችና መጽሔቶች ከህትመት ውጪ የሆኑ ሲሆን በአሁን ወቅት የቀሩት በጣት የሚቆጠሩ ናቸው ተብሏል፡፡ ከ1993 ዓ.ም ወዲህ በአጠቃላይ 1400 ያህል የፕሬስ ድርጅቶች የምዝገባ ሠርተፍኬት መውሰዳቸውን የጠቆሙት የኢትዮጵያ ብሮድካስት ባለስልጣን የኮሙኒኬሽን ዳይሬክተር አቶ ወርቅነህ ጣፋ፤ በአሁን ወቅት ግን በህትመት ላይ ያሉት ጥቂት ናቸው ብለዋል፡፡ወደ ህትመት ከገቡት ውስጥ ከ2ሺህ በላይ የሚሆኑት ለመረጃ ተደራሽ ባለመሆን፣ በአከፋፋዮች ተፅዕኖ፣ በፋይናንስ አቅምና ኢ-ፍትሐዊ በሆነ የማስታወቂያ ክፍፍል ምክንያት ህትመታቸው መቋረጡን ለአዲስ አድማስ ያስረዱት አቶ ወርቅነህ የብሔር ብሔረሰቦች መብትን፣ የሃይማኖት እኩልነትንና በአጠቃላይ ህገመንግስቱን የሚፃረሩ ተግባራት ላይ ተሠማርተው የተገኙ በጣት የሚቆጠሩ የህትመት ውጤቶችም በህግ እርምጃ ተወስዶባቸዋል ብለዋል፡፡ “አንዱ የግንቦት 20 ፍሬ የህትመት ኢንዱስትሪው እንደ አሸን የፈላበት ሂደት ነው” ያሉት አቶ ወርቅነህ፤ አብዛኞቹ የህትመት ውጤቶች በራሣቸው ችግር ከገበያ የወጡ ናቸው ብለዋል፡፡ በሌላ በኩል ሀገር ውስጥ ሆነው በሣተላይት አማካኝነት የሚሠራጭ ቴሌቪዥን ጣቢያ ፍቃድ ለመስጠት ባለስልጣኑ ያወጣውን የውድድር ማስታወቂያ ተከትሎ እስካሁን 27 ድርጅቶች ፍላጐት አሳይተዋል ተብሏል፡፡ ባለስልጣኑ
ህዳሴ ግድብ፤ በ5 ዓመት ወጪውን ሊመልስ ይችላል
• “በአመት 1 ቢ.ዶላር የውጭ ምንዛሬ ያስገኛል”• ግድቡ የአፄ ኃይለስላሴ ህልም ነበረ - ታይም መጽሔትህዳሴ ግድብ ከአመት በኋላ ኤሌክትሪክ ማመንጨት እንደሚጀምር የዘገበው ታይም መጽሔት፣ ግንባታው፣ ከ4 ቢሊዮን ዶላር በላይ የሚፈጅ ቢሆንም፣ በየዓመቱ 1. ቢ ዶላር ገቢ ሊያስገኝ እንደሚችል ገለፀ፡፡ የአገሪቱ የኤሌክትሪክ አቅርቦት፣ የህዳሴ ግድብ ሲጨመርበት፣ አራት እጥፍ እንደሚሆን መጽሔቱ ጠቅሶ፤ የአገር ውስጥን የኤሌክትሪክ እጥረት ያቃልላል፤ ከሱዳንና ከግብጽ ማሰራጫ መስመሮች ጋር ሲገናኝም፣ በየዓመቱ 1 ቢ.ዶላር የውጭ ምንዛሬ እንደሚያስገኝ የኤምአይቲ ጥናት ያሳያል ብሏል፡፡አፄ ኃይለስላሴ፣ ግድቡን የመገንባት ህልም እንደነበራቸውና የዛሬ ሃምሳ ዓመት ግንባታውን ለማካሄድ ወስነው እንደነበር አስታውሷል - መጽሔቱ፡፡ የገንዘብ እጥረት፤ የፖለቲካ አለመረጋጋት፣ ከባድ የድርቅ አደጋ፣ የደርግ መፈንቅለ መንግስት…ሌሎችም በርካታ ችግሮች ተደራርበው፣ የግድቡ ዕቅድ ለግማሽ ምዕተዓመት ዘግይቷል፡፡በ2003 ዓ.ም በጠ/ሚ መለስ ዜናዊ ይፋ የተደረገው የግድብ ግንባታ፣ አሁን እንደተጋመሰና በግዙፍነቱ በአፍሪካ ቀዳሚ እንደሆነ መጽሔቱ ጠቅሶ፤ በግድቡ የሚፈጠረው ሃይቅ የወንዙን ውሃ ሙሉ ለሙሉ የማጠራቀም አቅም አለው ብሏል። በሚቀጥለው አመት ኤሌክትሪክ ማመንጨት እንደሚጀምርም መጽሔቱ በሰሞኑ እትሙ ገልጿል።
“በኦሮሚያ በተከሰቱ ግጭቶች 173 ነዋሪዎችና 14 ፖሊሶች ሞተዋል”
የኢትዮጵያ የሰብአዊ መብት ኮሚሽን በኦሮሚያ ተከስቶ በነበረው ተቃውሞና ግጭት 173 ሰዎች መሞታቸውንna 14 የፀጥታ ኃይሎች መገደላቸውን ገልፆ የመንግስት ፀጥታ አካላት የወሰዱት እርምጃ ተመጣጣኝ ነበር ብሏል፡፡ ሪፖርቱን ትናንት ለህዝብ ተወካዮች ም/ቤት ያቀረቡት የኮሚሽኑ ኮሚሽነር ዶ/ር አዲሱ ገ/እግዚአብሔር፤ በተለይ ግጭቱ ጠንካራ በነበረባቸው ምዕራብና ደቡብ ምዕራብ ኦሮሚያና ምዕራብ አርሲ ዞኖች ሠፊ ምርመራ መካሄዱን ጠቅሰዋል፡፡ ተቃውሞና ግጭቱ ከተቀሰቀሰበት ከህዳር 2 ቀን 2008 ዓ.ም ጀምሮ የደረሱ ጉዳቶችን መመርመሩን የገለፀው ኮሚሽኑ፤ ወደ ክልሉ የተለያዩ ወረዳዎች 23 ባለሙያዎችን የያዘ 9 የምርመራ ቡድን ተንቀሳቅሶ በአካል ምልከታ፣ በቃለ መጠይቅ፣ በቡድን ውይይት፣ የተለያዩ ሰነዶችን በመፈተሽ ማስረጃ ተሰባስቧል ተብሏል፡፡ የግጭቱና ተቃውሞው መነሻም የመልካም አስተዳደር እጦት፣ የሰብአዊ መብት ጥሰት፣ ስራ አጥነት፣ የፍትህ እጦት መሆናቸው የተጠቀሱ ሲሆን የመንግስት ፖሊሲዎችና አፈፃፀሞች ላይ ክፍተት መኖሩም ለተቃውሞው ምክንያት እንደሆነ ተጠቅሷል፡፡ ፖሊሶችና የህግ አካላት አላግባብ ድብደባን የሚፈፅሙ ሲሆን ፍትህን በሙስናና በጥቅማጥቅም እንደሚለውጡም በሪፖርቱ ተጠቅሷል፡፡ በደጀንነት የተፈረጀው ኦነግና ህጋዊ እውቅና ያላቸው ተቃዋሚ ፓርቲዎች ግጭቱን በማባባስ ከፍተኛ ሚና ነበራቸው
ጠቅላላ የፌደራል በጀት 275 ቢሊዮን ብር፣ ለፌደራል ባጀት 175 ቢሊዮን ብር፣ ለክልሎች 100 ቢ. ብር
በግንባታ ስራ ላይ መሰማራት ሳያዋጣ አይቀርም፡፡ ከፌደራል በጀት ውስጥ 75 ቢ. ብር ለግንባታ የተመደበ ነው፡፡ በትልቅ በጀት ቀዳሚነቱን የያዘው፣ የመንገድ ግንባታና ጥገና ነው - 46 ቢ. ብር፡፡ 38 ቢ. ብር የተመደበላቸው ዩኒቨርስቲዎች፣ ሁለተኛ ደረጀ ላይ ተቀምጠዋል - በገንዘብ ብክነትና በዝርክርክነት ግን አንደኛ ሆነዋል፡፡ 26 ቢ. ብር - መጠባበቂያ እህል ለማከማቸት ይውላል ተብሏል፡፡ 14 ቢ. ብር ለእዳ ክፍያ (10 ቢ. ብሩ ለወለድ ክፍያ ነው)11 ቢ. ብር ለመከላከያ፣ 2.3 ቢ. ብር ለፌደራል ፖሊስ፣ 1.2 ቢ. ብር ለብሔራዊና ለመረጃ ደህንነት የእርሻ በጀት 8.6 ቢ ብር ቢሆንም፣ እንደ ድሮው ለምርት እድገት ሳይሆን፣ በአብዛኛው ለችግረኞች ድጐማ ተመድቧል፡፡ 8.8 ቢ. ብር ለውሃ የተመደበ ነው፡፡ ግን በሃብት ብክነቱም ቀላል አይደለም፡፡ ከአስር ዓመት በፊት ይጠናቀቃሉ የተባሉ፣ ግድቦች ዘንድሮም ብዙ መቶ ሚሊዮን ብር ተመድቦላቸዋል ለጤና አገልግሎት የሚውለው ገንዘብ 8.2 ቢሊዮን ይሆናል፡፡ ከዚህ ውስጥ 6 ቢ. ብር በውጭ አገር እርዳታ የሚሸፈን ነው - በአብዛኛውም በአሜሪካ መንግስት እርዳታ፡፡ በሚቀጥሉት ሁለት ሳምንታት
በኢትዮጵያ በቀን 10 ሰዎች በመኪና አደጋ ይሞታሉ
• በመንጃ ፈቃድ አሰጣጡ ላይ ማስተካከያ ሊደረግ ነው• በጠቅላይ ሚኒስትሩ ቢሮ የሚቀመጥና የመንጃ ፈቃዶችን በማዕከላዊነት የሚመዘግብ ሰርቨር ሥራ ጀምሯል• ከፍተኛ የትራፊክ አደጋ እየደረሰ ያለው በዘመናዊና አዳዲስ መኪኖች ነው በኢትዮጵያ በከፍተኛ ቁጥር በጨመረው የትራፊክ አደጋ፤ በቀን 10 ሰዎች ህይወታቸውን እንደሚያጡና 31 ሰዎች ደግሞ ለአካል ጉዳት እንደሚዳረጉ ተገለፀ፡፡የትራንስፖርት ባለስልጣን በመንገድ ትራፊክ ደኅንነት ዙሪያ ለብዙኃን መገናኛ ባለሙያዎች አዘጋጅቶት በነበረው ስልጠና ላይ የባለስልጣን መ/ቤቱ የግንዛቤ ትምህርት ዝግጅት ቡድን መሪ አቶ ድል አድርጋቸው ለማ እንደተናገሩት፣ በአገሪቱ በየጊዜው እየጨመረ በሄደው የትራፊክ አደጋ ቁጥር፣ ባለፈው ዓመት ብቻ 3ሺ847 ሰዎች ህይወታቸውን አጥተዋል። 5ሺ918 ሰዎች ላይ ከባድ የአካል ጉዳት የደረሰ ሲሆን፤ 6ሺ508 ሰዎች ደግሞ ቀላል የአካል ጉዳት ደርሶባቸዋል። በዚሁ ዓመት ከ668 ሚሊዮን ብር በላይ ንብረት መውደሙንም አቶ ድል አድርጋቸው ተናግረው፤ በቀን በአማካይ 10 ሰዎች ከትራፊክ አደጋ ጋር በተያያዘ ህይወታቸውን እንደሚያጡና 31 ለአካል ጉዳት እንደሚዳረጉ አቶ ድል አድርጋቸው ገልፀዋል፡፡ ከፍተኛ የትራፊክ አደጋ እያደረሱ ያሉት ከ5-10 ዓመት ብቻ ያገለገሉ አዳዲስ መኪናዎች
የላሊበላ ቤተ ሩፋኤል እና ቤተ ገብርኤል ቤተ መቅደሶች በ15 ሚ. ብር ወጪ ተጠገኑ
በዩኔስኮ የዓለም አስደናቂ ቅርሶች ከተመዘገቡትና የላሊበላ ውቅር አብያተ ክርስቲያናት አካል የኾኑት የቤተ ሩፋኤልና ቤተ ገብርኤል አብያተ መቅደሶች፤ በረጅም ጊዜ አገልግሎትና በተፈጥሮ በደረሰባቸው የመሠንጠቅና የማፍሰስ ጉዳት የተነሣ በከፍተኛ አደጋ ውስጥ የነበሩ ሲኾን፤ በ15 ሚሊዮን ብር ወጪ ውጤታማ ጥገና እንደተደረገላቸው ተገለጸ፡፡ከዩኔስኮ፣ ከዓለም ቅርስ ፈንድ(World Monument Fund) እና ከአሜሪካ መንግሥት(American Ambassador’s Fund) በተገኘው የገንዘብ ድጋፍ የተካሔደውን የጥገና ፕሮጀክት በሓላፊነት ያሠራው በባህልና ቱሪዝም ሚኒስቴር የቅርስ ጥናትና ጥበቃ ባለሥልጣን ነው፤ የኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያርክ ጠቅላይ ጽ/ቤት የቅርስ ጥበቃ መምሪያም፤ ከፕሮጀክቱ ጥናት እስከ ፍጻሜው ድረስ ጥብቅ ክትትልና ቁጥጥር በማድረግ በባለቤትነት መሳተፏ ታውቋል፡፡አምስት ዓመት በወሰደው የፕሮጀክቱ ጥናት መሠረት፣ ኦልሚ ኦሊንዶ የተባለ አገር በቀል ደረጃ አንድ ኮንትራክተር የአብያተ መቅደሶቹን ጥገና ባለፉት ዘጠኝ ወራት ሲያካሔድ የቆየ ሲኾን፤ የፌደራል ሳይንቲፊክ ኮሚቴ ያስተባበራቸው ኢትዮጵያውያን አርክቴክቸሮችና ጂኦሎጂስቶች ከታዋቂ የእንግሊዝና የጣሊያን ባለሞያዎች ጋር መሳተፋቸው ተጠቅሷል፡፡የውቅር አብያተ ክርስቲያናቱን አካባቢ የኅብረተሰብ ክፍሎች ያቀፈ ኮሚቴም ለፕሮጀክቱ መሳካት የበኩላቸውን ድርሻ እንደተወጡና፤ የደብሩ አስተዳደርና ማኅበረ
የፌስቱላ ተጠቂዎች ቁጥር እየጨመረ ነው
በየዓመቱ ከ3500 በላይ አዳዲስ የፌስቱላ ተጠቂ እናቶች ይኖራሉ ዕድሜዋ ገና በአስራዎቹ አጋማሽ ላይ ነው፡፡ ልጅነቱን በቅጡ አጣጥማ ሳትጨርስ ገና በለጋ ዕድሜዋ የገጠማት ችግር ከእሷም አልፎ ለቤተሰቦቿ ዱብዕዳ ሆኖባቸዋል። ተወልዳ ካደገችበት የሰሜን ጐንደር ዞን፣ ጃን አሞራ ወረዳ ውስጥ በሚገኝ ትንሽ መንደር ብዙም ባልራቀ ት/ቤት ውስጥ ትምህርቷን እየተከታተለች 6ኛ ክፍል ላይ ደርሳለች፡፡ ትምህርቷን ተምራ ዶክተር የመሆን ህልሟን እውን ለማድረግ በምትታትርበት የለጋነት ዕድሜዋ፣ ተስፋዋን የሚያጨልም፣ ነገዋን የሚያደበዝዝ ችግር ገጠማት፡፡ ገና በ15 ዓመት ዕድሜዋ እስከ አሁን ድረስም ስሙን ለመጥራት አብዝታ በምትፈራው ሰው ተደፈረች። ወቅቱ ትምህርት ቤቶች ለእረፍት የተዘጉበት ነበርና የመደፈር መራራ እውነት በእሷና በደፋሪዋ ብቻ ተወስኖ እንዲቀር አደረጉት፡፡ በዕድሜ እጅግ በሚበልጣት ሰው የተፈፀመባት የአስገድዶ መድፈር ተግባር የፈጠረባትን የአካልና የሥነልቡና ህመም ብቻዋን ቤቷ አስታማ ተነሳች፡፡ የክረምቱ ወራት አልቆ ት/ቤቶች ሲከፈቱ የደበዘዘ ተስፋዋን ይዛ ወደትምህርት ቤቷ ገባች፡፡ ታዳጊዋ የስድስተኛ ክፍል ተማሪ የነበረች ብትሆንም በሰውነቷ ላይ የሚታዩትን ተፈጥሮአዊ ለውጦች የምታስተውልበት ምንም ዓይነት ዕውቀት አልነበራትም፡፡ የአመቱ አጋማሽ ላይ
እዝራ አብደላ – የጥበብ አድማስ !!!
ሰው በሀገር ይወለዳል ይባላል። ግን ደግሞ ሀገርን የሚወልዱ ሰዎች አሉ። አብደላ እዝራ ጥበብና ፍቅር የተቃቀፉበት ሀገር በውስጡ ተሸክሟል።አብሮም ኖሯል። የምናውቀው በተባ ብዕሩ፣በሰላ ሂሱ፣ስለ ጥበብ ሲል ሁሉንም በሚተው ኪናዊ ፍቅሩ ነው። የአንጋፋ ደራስያንን ሥራ ፈትኗል፤የረገበውን የሀገር ጥበብ ቆንጠጥ አድርጎ በከፍታ አጉልቶ ለማሳየት። ጠቢባን የሚያደንቁ ውብ ዓረፍተ ነገሮችን ዘክሯል። እምቡጥ አበቦቹን ወጣት ደራሲያንን በሚሳሳ እጁ ኮትኩቷል። ቸርነቱ በጥበብም በቁስም ነው። አብደላ እዝራ ጭው ባለ በረሃ ውስጥ ዕድሜውን ሙሉ ለጥበብ ንጽህና እንደ ምንጭ የፈሰሰ ጅረት ነበር! በፈረሰው ቅጥር ----- የቆመ የጥበብ ዘብ!! ********* አንጋፋው የጥበብ ሃያሲና የአዲስ አድማስ ጸሐፊ እዝራ አብደላ፣ ቅዳሜ ግንቦት 28 ቀን 2008 ከዚህ ዓለም በሞት ተለይቶናል። የቀብር ሥርዓቱ እሁድ ተፈጽሟል። ለቤተሰቡ፣ለወዳጆቹ፣ለአድናቂዎቹና ለጥበብ አፍቃሪያን መጽናናትን እንመኛለን።
በሽብር የተከሰሱ ፖለቲከኞችና ጋዜጠኞች እንዲፈቱ ተጠየቀ
“መንግስት የፀረ - ሽብር አዋጁን ተቃውሞን ለማፈን እየተጠቀመበት ነው” በሽብርተኝነት ተጠርጥረውና ተፈርዶባቸው በእስር ላይ የሚገኙ የተቃዋሚ ፓርቲ አመራሮች፣ ጋዜጠኞች፣ ጦማሪያንና የሰብአዊ መብት ተሟጋቾችን የኢትዮጵያ መንግስት በአስቸኳይ እንዲፈታ የኢትዮጵያ መንግስትን የጠየቁት ዓለም አቀፍ የሰብአዊ መብት ተሟጋች ተቋማት፤ መንግስት የፀረ ሽብር አዋጁን ተቃውሞዎችን ለማፈን እየተጠቀመበት ነው ብለዋል፡፡ አምነስቲ ኢንተርናሽናልን ጨምሮ 9 የሰብአዊ መብት ተሟጋች ድርጅቶች አባል የሆኑበት ማህበር ትናንት ባወጣው መግለጫ፤ የኢትዮጵያ መንግስት የፀረ ሽብር አዋጁን ጋዜጠኞችን፣ ፖለቲከኞችንና የሰብአዊ መብት ተሟጋቾችን ለማሳደጃነት እየተጠቀመ ነው ብሏል፡፡ በተለይ በኦሮሚያ ክልል የተፈጠረውን ግጭትና ተቃውሞ ተከትሎ ያለአግባብ በፀረ ሽብር ህጉ ተከሰዋል ሲል ከጠቀሳቸው መካከል የ “ነገረ ኢትዮጵያ” ጋዜጣ አዘጋጅ ጋዜጠኛ ጌታቸው ሽፈራው፣ የኦፌክ ም/ሊቀመንበር አቶ በቀለ ገርባ፣ የሰማያዊ ፓርቲ የቀድሞ የህዝብ ግንኙነት ሃላፊ አቶ ዮናታን ተስፋዬ ይገኙበታል፡፡ የሰብአዊ መብት ተሟጋቾች ማህበሩን ጨምሮ የተባበሩት መንግስታት፣ የአውሮፓ ፓርላማ፣ የአሜሪካ መንግስትና ሌሎች ሀገራት የኢትዮጵያ መንግስት የፀረ ሽብር ህጉን ያለ አግባብ እንዳይጠቀም ተደጋጋሚ ጥሪ ቢያቀርቡም እስካሁን ተቀባይነት አላገኙም ብሏል -
እነ አቶ በቀለ ገርባ ባዶ እግራቸውን፣ ባልተለመደ አለባበስ ፍ/ቤት ቀረቡ
• የክስ መቃወሚያቸውን በጽሑፍ አቅርበዋል በኦሮሚያ ከተፈጠረው ተቃውሞ ጋር በተገናኘ በሽብር ወንጀል የተከሰሱት የኦፌኮ ተ/ም/ሊቀመንበር አቶ በቀለ ገርባን ጨምሮ በርካታ ተከሳሾች ባልተለመደ አለባበስ ፍ/ቤት የቀረቡ ሲሆን በአቃቤ ህግ ለቀረበባቸው ክስ መቃወሚያቸውን በጽሑፍ አቅርበዋል፡፡ ትናንት ጠዋት የፌደራል ከፍተኛ ፍ/ቤት 19ኛ ወ/ችሎት መቃወሚያቸውን ይዘው ከቀረቡት 22 ተከሳሾች መካከል አቶ በቀለን ጨምሮ ግማሽ ያህሉ፣ በቁምጣ፣ በካኒቴራና ባዶ እግራቸውን የተገኙ ሲሆን፤ ይህን ያደረጉት ሃሙስ እለት በማረሚያ ቤት በተደረገባቸው ፍተሻ፣ ለችሎት ሊለብሱ ያዘጋጁት ልብስ ስለተወሰደባቸው መሆኑን ለፍ/ቤቱ ተናግረዋል፡፡ በማረሚያ ቤቱ በደል እየተፈፀመባቸው መሆኑን ለፍ/ቤት ያመለከቱት አቶ በቀለ ገርባ፤ ከትናንት በስቲያ ጀምሮ ፍ/ቤት እስኪቀርቡ ምግብ አለመመገባቸውን ጠቁመው ማረሚያ ቤት እንዲቀየርላቸው ጠይቀዋል፡፡ የተከሣሾቹን አቤቱታ ያዳመጠው ፍ/ቤቱ ማረሚያ ቤቱ የራሱ ደንብና ስነ ስርአት ሊኖረው እንደሚችል ጠቅሶ፤ ተከሳሾች የተለየ ትኩረት የሚስብ አለባበስ መልበስ እንደሌለባቸው፤ በአንፃሩም ማረሚያ ቤቱ “ይሄን ልበሱ፤ ያንን አትልበሱ” ማለት አልነበረበትም ብሏል፡፡ማረሚያ ቤቱ ይቀየርልን ለሚለው የተከሳሾቹ ጥያቄ፤ ፍ/ቤቱ ከቃሊቲ ማረሚያ ቤት በላይ የትም መሄድ እንደማይቻል ጠቅሶ በደል
አቶ አንዳርጋቸው ጽጌ ጠበቃ እንዲያቆሙ መንግስት መፍቀዱን እንግሊዝ አስታወቀች
ሰሞኑን ኢትዮጵያን የጎበኙት የእንግሊዝ የውጭ ጉዳይ ሚኒስትር ፊሊፕ ሃሞንድ፣ በሽብር ወንጀል ተከስሰው ሞት የተፈረደባቸውና በእስር ላይ የሚገኙት አቶ አንዳርጋቸው ጽጌ፤ የህግ ድጋፍ የሚያደርግላቸው ጠበቃ ማቆም ይችላሉ የሚል ማረጋገጫ ከኢትዮጵያ መንግስት እንዳገኙ ተገለጸ፡፡ሪፕራይቭ የተባለው የሰብዓዊ መብቶች ተሟጋች ተቋም በበኩሉ፣ የውጭ ጉዳይ ሚኒስትሩ አቶ አንዳርጋቸው ከእስር ተፈትተው ከቤተሰቦቻቸው ጋር እንዲገናኙ የኢትዮጵያን መንግስት አልጠየቁም በሚል ትችት ሰንዝሮባቸዋል፡፡ባለፈው ረቡዕ ኢትዮጵያን የጎበኙት ፊሊፕ ሃሞንድ፤ የአቶ አንዳርጋቸውን ጉዳይ በጉብኝታቸው ዋና አጀንዳ እንዳደረጉት የጠቆመው የእንግሊዝ የውጭ ጉዳይ ሚኒስቴር መግለጫ፣ ከጠቅላይ ሚኒስትር ሃይለማርያም ደሳለኝና ከውጭ ጉዳይ ሚኒስትር ዶ/ር ቴዎድሮስ አድሃኖም ጋር በአቶ አንዳርጋቸው ጉዳይ ዙሪያ መምከራቸውንና አቶ አንዳርጋቸው ጠበቃ ማቆም እንደሚችሉ ማረጋገጫ እንደተሰጣቸውም ገልጧል፡፡ፊሊፕ ሃሞንድ ምንም እንኳን አቶ አንዳርጋቸውን የእንግሊዝ ቆንስላ እንዲጎበኛቸው መፈቀዱና ወደ ፌደራል እስር ቤት እንዲዛወሩ መደረጋቸው አንድ እርምጃ ቢሆንም፣ ሌሎች ቀጣይ እርምጃዎች መወሰድ አለባቸው ሲሉ ለጠቅላይ ሚኒስትር ሃይለ ማርያም መግለጻቸውንና፣ የህግ አማካሪ እንዲኖራቸው መፈቀዱን ተናግረዋል፡፡እንግሊዝ በሌሎች አገራት የፍትህ ስርዓት ጣልቃ እንደማትገባ የገለጹት ፍሊፕ ሃሞንድ፤ የአገሪቱ
የግብጽ የውጭ ጉዳይ ሚ/ር፤ የግድቡን ህልውና መካድ አያዋጣንም አሉ
የግብጽ የውጭ ጉዳይ ሚኒስትር ሳሜን ሹክሪ፤ “የታላቁ የኢትዮጵያ ህዳሴ ግድብ እውን ሆኗል፣ ህልውናውን ለመካድ መሞከር ራስን መሸንገል ነው፤ በተጨባጭ የምናየውን ግድብ ህልውና ለመካድ መሞከር አያዋጣንም” ማለታቸውን አሃራም የተባለው የአገሪቱ ድረገጽ ዘገበ፡፡ሚኒስትሩ ባለፈው ማክሰኞ አል-ሃያት በተባለው የአገሪቱ የቴሌቪዥን ጣቢያ ባደረጉት ንግግር፣ አገሪቱ የግድቡን ጉዳይ በተመለከተ የምታደርገው እንቅስቃሴ በጥርጣሬ፣ ባለመተማመንና በተጋነኑ አደጋዎች ላይ የተመሰረተ አለመሆኑን ጠቁመው፣ ይሄም ሆኖ ግን ከግድቡ ጋር በተያያዘ ለአገሪቱ አስጊ የሆኑ አደጋዎች መኖራቸውን አስታውቀዋል፡፡መንግስታቸው እነዚህ አደጋዎች በአገሪቱ ላይ ምንም አይነት ጉዳት የማያደርሱበትን መላ ለመፍጠር የሚያስችል ስምምነት ለመፈጸም ከኢትዮጵያና ከሱዳን ጋር ውይይት እያደረገ እንደሚገኝ ሚኒስትሩ ቢናገሩም፣ የአደጋዎቹን ባህሪና ምንነት በተመለከተ ግን ግልጽ ማብራሪያ አለመስጠታቸውን ዘገባው ጠቁሟል፡፡