የኦብነግ አንጃ ለድርድር አዲስ አበባ ገባ

News, analysis and views in Amharic

የኦብነግ አንጃ ለድርድር አዲስ አበባ ገባ

Postby Beli » 26 Dec 2012, 03:16

(ሪፖርተር) - ከጥቂት ወራት በፊት በኦጋዴን ብሔራዊ ነፃነት ግንባር (ኦብነግ) እና በኢትዮጵያ መንግሥት መካከል ሊካሄድ የታሰበው ድርድር ከተቋረጠ በኋላ አንድ የቡድኑ አንጃ ከመንግሥት ጋር ለመደራደር አዲስ አበባ መግባቱ ታወቀ፡፡ ከውጭ ጉዳይ ሚኒስትር የተገኘው መረጃ እንደሚጠቁመው፣ አብዲኑር አብዱላሂ ፋራህ የሚመራው የኦብነግ አጀንዳ በኢትዮጵያ ሶማሌ ክልል እየተካሄደ ስላለው ልማት ደስተኛ መሆኑን አምኖ፣ በአካባቢው ሰላም ለመፍጠር ከመንግሥት ጋር ለመደራደር ወስኗል፡፡

ባለፈው ጥቅምት ወር በናይሮቢ ሊካሄደ ታስቦ የነበረው ድርድር አንዳንድ የድርጅቱ አመራሮች የኢትዮጵያን ሕገ መንግሥት አንቀበልም በማለታቸው በተነሳው አለመግባባት የተኮላሸ ሲሆን፣ ለድርድሩ መቋረጥ ምክንያት የሆኑት አድሚራል መሐመድ ኡስማን በአሁኑ ወቅት በአስመራ እንደሚገኙ ለማወቅ ተችሏል፡፡ በድርጅቱ ብዙም ሕዝባዊ ተቀባይነት እንደሌላቸው የአንጃው መሪ አብዲኑር መግለጻቸው ታውቋል፡፡

የኦብነግን አንጃ በመወከል አዲስ አበባ የተገኙት አብዲኑር እንደሚሉት፣ በኢትዮጵያ መንግሥት በአሸባሪነት የተፈረጀው ኦብነግ ውስጥ ሕገ መንግሥቱን በመቀበልና ባለመቀበል በተፈጠረ አለመግባባት መከፋፈል ተፈጥሯል፡፡

በጠቅላይ ሚኒስትር መለስ ዜናዊ ድንገተኛ ሕልፈት ምክንያት በኢትዮጵያ የሥልጣን ክፍተት ይፈጠራል የሚል ግምት የነበረው ኦብነግ በመከፋፈሉ፣ በአካባቢው ሰላምና ደኅንነት ለመፍጠር ሕገ መንግሥቱን ተቀብለው ስምምነት ከመፍጠር ውጪ አማራጭ የለም ብለዋል፡፡ በአሁኑ ወቅት የሰላም ስምምነቱ በሚፈረምበት ሁኔታ ላይ ከአንዳንድ የመንግሥት ባለሥልጣናት ጋር እየተነጋገሩ ይገኛሉ፡፡

አሁን አዲስ አበባ ገብተው ከመንግሥት ጋር የሰላም ድርድር ለማድረግ የመጡት አብዲኑር የኦብነግ የምሥራቅ አፍሪካ ወኪል፣ የማዕከላዊ ኮሚቴ ሥራ አስፈጻሚና የድርድሩ ቃል አቀባይና የግንባሩ ምክትል የውጭ ጉዳይ ኃላፊ መሆናቸው ታውቋል፡፡ ‹‹ሕገ መንግሥታዊውን ሥርዓት አንቀበልም ማለታችን ስህተት ነበር፤›› ብለው አሁን ግን ድርድር ማድረጉ አስፈላጊ ነው ሲሉ ተናግረዋል፡፡

ባለፈው ዓመት በኢትዮጵያ መንግሥትና በአንዱ የኦብነግ አንጃ መካከል በአዲስ አበባ የሰላም ስምምነት መፈረሙ የሚታወስ ሲሆን፣ ይህ አሊታህት ተብሎ የሚጠራው አንጃ በኢንጂነር ማኦና በሐሰን አብዲ ካህን ይመራል፡፡

ኦብነግ በኢትዮጵያ መንግሥት አሸባሪ ተብለው ከተሰየሙት ኦነግና ግንቦት ሰባት ከሚሰኙ የአገር ውስጥ ድርጅቶች ተርታ ይመደባል፡፡
Beli
 

 
Post details

Re: የኦብነግ አንጃ ለድርድር አዲስ አበባ ገባ

Postby Gash » 26 Dec 2012, 06:13

kkkkkkkk

This news is very funny.....

Why would WOYANE negotiate with a group (or individuals), who come to Addis all by themselves without any guarantee, and praise their opponents on their signature 'achievement' - the ethnic federalism, and their main propaganda tool - the bogus economic development? I don't see what Woyane can benefit by negotiating with this individuals who are still called 'terrorist' in the media. The only thing WOYANE needs to do is, and that is if they are very kind, to give those individuals amnesty and throw them out of their way.
Some of the WOYANE staged dramas are very stupid that I sometime get embarrassed on behalf of them. I wonder if there are still people left who buy this kind of cheap propaganda.
Gash
Senior Member
 
Posts: 2419
Joined: 31 May 2007, 11:18


Return to Amharic

Who is online

Registered users: banebris2013, Bing [Bot], elias, Google [Bot], Google Adsense [Bot], Google Feedfetcher, Maxi, MSNbot Media, my2cents, Qestenb, Zmeselo