Ethiopian News, Current Affairs and Opinion Forum
Tintagu wolloye
Member
Posts: 1341
Joined: 02 Sep 2016, 16:59

ያራዳ ልጆች ወግ።ወዩ እስረኛ ፈታ ?!!/ትንታጉ ዘወሎ።

Post by Tintagu wolloye » 03 Jan 2018, 15:31

XXX
“ሰበር ዜና!! ሰበር ዜና!!”

“ደሞ ምን ተገኘ?”

“የፖለቲካ እስረኞች ሊፈቱ ነው!!”

“የትኞቹ?አሉ እንዴ ??”

“ተባለ!!”

“ሲክዱ የኖሩትን አመኑ? ግን በጤናቸው ነው?!”

“ህወሓት ትንሽ ወጭ በዛበት መሰለኝ !አለ አይደል፣ክስረት ነገር ”

“የገንዘብ ወይስ የፖለቲካ?”

“የሁለቱም ሚስቶ ሳይሆን ይቀራል?”

“እንዴት?”

“ሰው ግብር እምቢ ሲል ፣ሰላም ባስ ሲቃጠል፣ የውጭ ምንዛሬው ሰማይ ሲወጣ፣በዚያ ላይ ጧት ማታ አገርቤትም ውጭም ‘ዳውን ዳውን ወያኔ' ነው።አሜሪካውም አውሮፓውም ዋለቱን በእጥፉ አስሮበታል አሉ ።”

“እኔ እምልህ ኩልሽ እና እንጉልፋቶ እስኪሆኑ የተቀጠቀጡት ሰወች ቢፈቱስ ሰው ይሆናሉ?ወይስ አላግባብ ለታሰሩበት፣ለተገረፉ ለተኮላሹበት የአካልና የሞራል ካሳ የከፈላቸዋል?”

“ካሳ?!!ትቀልዳለህ?ወች በስቶበታል ስልህ!!ዋናው ዳግም አስቤዛ አለመጠየቃቸው ነው፣ህወሃትን። ከዚህ በፊት መቶ ሺህ ወጣት አስሮ አይደገምም አስብላለሁ በሚል ያወጣው ወጭ ትልቅ የባጀት ቀዳዳ ፈጥሮበታል አሉ።”

“ወደፊት ዳውን ዳውን የሚለውን እንዴት ሊያደርገው ነው፣”

“ሰብስቦ ከመቀለብ ብሎ የጥይት ቀለብ ያደርገው ይሆናላ!”

“አሀ!!!ለዚህ ነው የኢህአድግን መግለጫ በዛቻ የደመደሙት። ይቅርታ ብለው መለሰው ወዮላችሁ በማለት??ለዚህ ነው ወታደሩ በየከተማው ሰልፍ ያሳይ የሚሉት?ጡንቻ ለማሳየት?ለማስፈራራት? ወታደራዊ አገዛዝን ታልን ብለው ሌላ ወታደራዊ አገዛዝ ለመፍጠር?”

“ፈራህ እንዴ ?አልገባኝም!ዳውን ዳውን ለማለት አስበሃል እንዴ?”

“ፈርቶ መዳን፣ሸሽቶ መትረፍ በሌለበት የት ልደርስ እፈራለሁ!!!!ዳውን ዳውን ወያኔ !! ዲሞክራሲያዊ ስርዓት የሚጣልበት ሽግግር አሁኑኑ!! ይለያል ዘንድሮ!!”

"በል! ቄሮ ፋኖ ሰላማዊ ሰልፍ ጠርቷል።አገዛዙ እንደልማዱ ጦር መስበቁ፣ሁሉን በግድ ልፈጽም ማለቱ አይቀርምና ለሰላማዊ ሰልፉ ቆጥበው!አንላቀቅም!!!”
Last edited by Tintagu wolloye on 10 Feb 2018, 16:00, edited 1 time in total.

Tintagu wolloye
Member
Posts: 1341
Joined: 02 Sep 2016, 16:59

Re: ያራዳ ልጆች ወግ።ወዩ እስረኛ ፈታ ?!!/ትንታጉ ዘወሎ።

Post by Tintagu wolloye » 05 Jan 2018, 19:08

ለንባብዎ አመሰግናለሁ።ለሌላው ሸር ማድረግወን በኮፒ ራይት ስም አልቃወምም።ለገንቢ ትችትወ አመሰግናለሁ። ከውጭ ድርጅት በተገኘ የዋይ ፋይ ኮኔክሽን በጥድፊያ የሚፃፍ በመሆኑ ባግባቡ ባይገባወ ይገባኛል።

Post Reply