Ethiopian News, Current Affairs and Opinion Forum


qiqiqiqi the new parliament.

Postby Bwendimu » 24 Dec 2017, 20:36


የፖለቲካ ፓርቲዎች በፀረ ሽብርተኝነት አዋጁ ላይ ድርድር ጀመሩ
24 December 2017
ነአምን አሸናፊ
በአገሪቱ የምርጫ ማዕቀፍ ሕጎች፣ ተያያዥ ሕጎችና አዋጆች ላይ ከገዥው ፓርቲ ኢሕአዴግ ጋር ድርድር በማድረግ ላይ የሚገኙት 15 አገር አቀፍ ተቃዋሚ የፖለቲካ ፓርቲዎች፣ በፀረ ሽብርተኝነት አዋጅ ቁጥር 652/2001 ላይ የሚያደርጉትን ድርድር ዓርብ ታኅሳስ 13 ቀን 2010 ዓ.ም. ማካሄድ ጀመሩ፡፡

በድርድሩ ላይ እየተሳተፉ የሚገኙት አገር አቀፍ ተቃዋሚ ፓርቲዎች በፀረ ሽብርተኝነት አዋጁ ላይ ያላቸውን ሐሳብና አስተያየት ባለፈው ሳምንት ለአደራዳሪዎች ጽሕፈት ቤት ያቀረቡ ሲሆን፣ ድርድሩም የሚካሄደው ፓርቲዎቹ ባቀረቡት ሐሳብ ላይ በመነሳት ነው፡፡

በዚህም መሠረት በመካሄድ ላይ ላለው ድርድር ሲባል ኅብረት የፈጠሩት 11 የፖለቲካ ፓርቲዎች ስብሰብ አሁን በሥራ ላይ ያለው የፀረ ሽብርተኝነት አዋጅ ቢሻሻል፣ ቢሰረዝ እንዲሁም ቢጨመር የሚሏቸውን ሐሳቦች አቅርበዋል፡፡

ምንጮች ለሪፖርተር እንደገለጹት የ11 የፖለቲካ ፓርቲዎች ኅብረት እንዲሻሻሉ የጠየቋቸው የአዋጁ አንቀጾች፣ አንቀጽ 5(1)፣ 19(1) ከ3 እስከ 12፣ እንዲሁም አንቀጽ 22 ሲሆኑ፣ እንዲሰረዙ የጠየቋቸው አንቀጾች ደግሞ አንቀጽ 3(6)፣ 5(1) (ሀ)፣ 14፣ 21፣ 23 እና አንቀጽ 25 ናቸው፡፡

‹‹በሽብርተኝነት ተጠርጥሮ የተያዘ ግለሰብ የሚከተሉት ሰብዓዊ መብቶች ይኖሩታል፡፡ ሰብዓዊ ክብሩን በሚነካ ሁኔታ መያዝና ጭካኔ የተሞላበት ምርመራ መደረግ የለበትም፡፡ በቤተሰቡና በጓደኞቹ የመጎብኘት መብት አይከለከልም፡፡ የተያዘበትን ጉዳይ በጽሑፍም ሆነ በቃል ማወቅ አለበት፡፡ ተገዶ ቃል እንዲሰጥ መደረግ የለበትምና የተያዘበት/የታገደበት ጉዳይ በሚገባው ቋንቋ ተተርጉሞ ሊነገረው ይገባል፤›› የሚሉ ድንጋጌዎች ደግሞ እንዲጨመሩ ጠይቀዋል፡፡

የአዋጁ አንቀጾች እንዲሻሻሉ፣ እንዲሰረዙና አዲስ እንዲጨመሩ ያስፈለገበትን ዋና ዋና ምክንያት ደግሞ አዋጁ ሕገ መንግሥቱንና የዓለም አቀፍ ሰብዓዊ መብት ድንጋጌዎችን የሚቃረን በመሆኑ ነው ብለዋል፡፡ በሕገ መንግሥቱ የተደነገጉትን ሰብዓዊ መብቶች በመፃረር ዜጎች በነፃነት የማሰብ፣ የመደራጀት፣ የመሰብሰብና በቡድን ሆኖ ቅሬታ የማቅረብ መብትን የሚገድብ ነውም ብለዋል፡፡ ፖለቲከኞችን፣ ጋዜጠኞችን፣ ዓምደኞችንና የሰብዓዊ መብት ተሟጋቾችን እንቅስቃሴ በእጅጉ ስለሚቆጣጠር ለዴሞክራሲያዊ ሥርዓት ግንባታ የሚደረገውን ተሳትፎ የሚያዳክም መሆኑን ገልጸዋል፡፡ እንዲሁም የፖለቲካ ፓርቲዎችን ሰላማዊና ሕጋዊ ትግል በማዳከም፣ በመድበለ ፓርቲ ሥርዓት ግንባታ ላይ ችግር የፈጠሩ በመሆናቸው ምክንያት መሻሻልና መሰረዝ አለባቸው ያሉዋቸውን አንቀጾች በተመለከተ ሐሳብ ማቅረባቸውን ምንጮች ለሪፖርተር ገልጸዋል፡፡

እስካሁን በተደረጉት ድርድሮች ገዥው ፓርቲና ተቃዋሚዎች የፖለቲካ ፓርቲዎች፣ የፖለቲካ የተቃዋሚ ፓርቲዎች ምዝገባ አዋጅ ቁጥር 572/2003 እና የተሻሻለው የኢትዮጵያ የምርጫ አዋጅ ቁጥር 532/99 ለማሻሻል መስማማታቸው የሚታወስ ሲሆን፣ በፀረ ሽብርተኝነት አዋጁ ላይ የጀመሩትን ድርድር ለመቀጠል ለመጪው ሐሙስ ታኅሳስ 19 ቀን 2010 ዓ.ም. ለመገናኘት በቀጠሮ ተለያይተዋል፡፡



Re: qiqiqiqi the new parliament.

Postby Bwendimu » 24 Dec 2017, 21:15


Since when political parties start making laws or amend laws? We were told the parliament is a responsible body to make any change to existing laws or make new one.



Return to Ethiopian News & Opinion

Who is online

Registered users: Bing [Bot], Google [Bot]