Ethiopian News, Current Affairs and Opinion Forum
Tintagu wolloye
Member
Posts: 1341
Joined: 02 Sep 2016, 16:59

ወልደያ ጨርጨር ዞብል—የሀረሩም ሆነ የወሎው....(የስንኝ ቋጠሮ— ትንታጉ ዘወሎ።)

Post by Tintagu wolloye » 23 Dec 2017, 14:14

XXX
ወሎ ከዳር እስከዳር—ከማይጨው እስከ ሀሳይታ፣
ከበላይ አገር ቦረና— እስከ ምድረ ዋግሹም፣ ላስታ።
ለገር፣ለደጉ ደግነት— ደም ለሸተተው የምሱን፣
ያውቅበታል፣ይችልበታል— እንደየ ንያው መጀባቱን።

"እየየህ፣እየሚናህ" ይልሀል—"ከእንግዲህ ይለያል ጉዱ"፣
በጠልሻ ነው ወሎ እንግዲህ— ከከጀልክ ጠብ ምን ተግዱ!!
ወዩ ወዮልህ ከእንግዲህ— ራያ ዱላውን ጣለ፣
ተነጋገረ በእየ ሴራው— ዘወልድን ጠርቶ ተማማለ!!
የሰረቅኸውን ጭነህ— ላታልፍ በደጁ ዳግም፣
የዋጥከውን ጭምር ሊያስተፋህ— ይኸው ተነሳብህ ሁሉም።

የጁም የጅህን ሊሰጥ— ከደቦት እስከ ቦከክሳ፣
ጃርሳና ቃሊም ደክቶ— እስከ መርሳና ኡርጌሳ።
የንያህን ሊሰጥህ— እንደነጀስከው ላትቀር፣
በል እንደገባህ ወዩ ውጣው— የጁ አይለቅህም ሳያስተምር።

"ሲላ ምን ይላል ይህ ክርት— ሲተውት ፈሩኝ ባይ ዛርጢ፣
ሲችሉት የማይቻል ሙት— ማራሪ ውላጅ!ሉጢ!"
ብሎሀል አሉ አምባሰል— ወዩ አያ’ርገኝ አንተን ፣
አላድብ ብለህ ነካክተህ— ያመጣኸውን ከቻልክ ተጫን!!

ላስታም ከጨጨሆ በር— እስከ እንጃፋት ተጠራርቶ፣
ተከዜ ወርዶ ተማምሏል— "ትግሬ ነው" ማለትህ ተሰምቶ።
ያገው ልጅ በዚህ መሪ ወርዶ— በዚያ ያለውም ጥራሪ፣
"አልበለጥም ከእንግዲህ— ለሌባና ለማራሪ"።
ብሎሀል ወዩ ወዮልህ— የስርቆት በርህ ተዘጋ፣
ለክፉ ወሎ ሚከፍለው— እስከወለዱ ነው አሉ ዋጋ።

ወሎ " ጋሜው ጎርፍ ነው— ማን ሊያግደው ነው" ን ከጨፈረ ፣
"እየጎመደ ጠላቱን— ሰጠው ላሞራ!" መች ቀረ!!

"ያንን ልጋጋም፣
አስጥሰው አጋም!!— ይላል አሉ "ዘራፌው ና"!
ወሎ ገር ነውን ብትሰማ— አይድረስብህ ሲጠና!

ቦረን ቦረንቱማን ገድሎ—ከሜጫ ቱለማ ደም ተቃብቶ፣
ከኢሉና ሂመኖ ልጆች—ከቃሉ መዋል የት ተሰምቶ!!
ወልደያ ጨርጨር ዞብል—የሀረሩም ሆነ የወሎው፣
እዚህ ገደልከው እዚያ— አብ ሲነካ ወልድ አይነት ነው፣

የቴወድሮስን አፅም— በከርሷ ይዛ ወሎ፣
ጎንደር በግፍ ጣር ስትናጥ— ከቶ ዝም አይልም ችሎ።

የመቻቻል ሰገነት— ያገው አማራው የትግሬው፣
የአፋሩና የኦሮሞው— ያርጎባው ምድር ስትሆነው።
ወሎ ማንም መረኔ— ሰርቆ ማምለጫ አይደለችም፣
"በቃ ወያኔ" ብላለች— ለህዝብ ጠላት አልመችም።

" አሻቅበህ በለው ሰማዩን በእምቧይ—
ቀንህ ካልደረሰ ትሞታለህ ወይ—
ይላል አሉ መላው ወሎ— ጀግኖቹን ለእድምት ሲጠራ፣
አለቀቀህም ወሎ ወዩ— አምርሯል ያ ገር ቡርቧራ።

ተማሪው "ማን ይፈራል ሞት!!" — ወልድያ ላይ ከዘመረ፣
እንደወለጋ፣ሀሮማያ— እንደ ጎንደሩ አመረረ፣
የወዩን ጉሮሮ ሊዘጋ— የዘረፋን በር ቀረቀረ ።

እንግዲህ ጨጨሆን ቢያልፍ — የስርቆት እቃ ተጭኖ፣
ወልደያ ሽንቁሩ ጎራ — ይቀራል ዶግ አመድ ሆኖ።
የደብረሲናን ዋሻ— አልፎ የመጣ ስኳር ቢኖር፣
ቀልጦ ይቀራል እንጂ— አላና ሆርማትንም አይሻገር።

Tintagu wolloye
Member
Posts: 1341
Joined: 02 Sep 2016, 16:59

Re: ወልደያ ጨርጨር ዞብል—የሀረሩም ሆነ የወሎው....(የስንኝ ቋጠሮ— ትንታጉ ዘወሎ።)

Post by Tintagu wolloye » 24 Dec 2017, 03:36

This is true!!

ቦረን ቦረንቱማን ገድሎ—ከሜጫ ቱለማ ደም ተቃብቶ፣
ከኢሉና ሂመኖ ልጆች—ከቃሉ መዋል የት ተሰምቶ!!
ወልደያ ጨርጨር ዞብል—የሀረሩም ሆነ የወሎው፣
እዚህ ገደልከው እዚያ— አብ ሲነካ ወልድ አይነት ነው፣

የቴወድሮስን አፅም— በከርሷ ይዛ ወሎ፣
ጎንደር በግፍ ጣር ስትናጥ— ከቶ ዝም አይልም ችሎ።

Tintagu wolloye
Member
Posts: 1341
Joined: 02 Sep 2016, 16:59

Re: ወልደያ ጨርጨር ዞብል—የሀረሩም ሆነ የወሎው....(የስንኝ ቋጠሮ— ትንታጉ ዘወሎ።)

Post by Tintagu wolloye » 26 Dec 2017, 18:13

ወሎ " ጋሜው ጎርፍ ነው— ማን ሊያግደው ነው" ን ከጨፈረ ፣
"እየጎመደ ጠላቱን— ሰጠው ላሞራ!" መች ቀረ!!

Post Reply